ಭೂಮಿ ಮೇಲಿನ ಸ್ವರ್ಗ 'ಮಾಯಾ ಬೇ': ಆದರೆ ಪ್ರವಾಸಿಗರಿಗಿಲ್ಲ ಪ್ರವೇಶ!

ಥಾಯ್ಲೆಂಡ್ ತನ್ನ ಸುಂದರ ಪ್ರವಾಸಿ ತಾಣಗಳಿಗೇ ಫೇಮಸ್. ಇಲ್ಲಿ ಭೇಟಿ ನಿಡುವ ಪ್ರವಾಸಿಗರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇದೆ. ಇಲ್ಲಿ ಪ್ರವಾಸಿಗರನ್ನು ತನ್ನತ್ತ ಸೆಳೆಯುವ ಹಲವಾರು ವೀಚ್ ಗಳಿವೆ. ಇವುಗಳಲ್ಲಿ 'ಮಾಯಾ ಬೇ' ಕೂಡಾ ಒಂದು. ಆದರೆ ಈ ಬೀಚ್ ಗೆ ಪ್ರವೇಶ ಮಾತ್ರ ಇಲ್ಲ. ಕಾರಣವೇನು? ಇಲ್ಲಿದೆ ವಿವರ

'ಮಾಯಾ ಬೇ' ಥಾಯ್ಲೆಂಡ್ ನ ಫೀ ಫೀ ಲೇಹ್ ಎಂಬ ದ್ವೀಪದಲ್ಲಿದೆ. ಇಲ್ಲಿ ದಿನವೊಂದಕ್ಕೆ ಸುಮಾರು 5 ಸಾವಿರ ಮಂದಿ ಪ್ರವಾಸಿಗರು ಆಗಮಿಸುತ್ತಾರೆ. ಈ ಪ್ರವಾಸಿಗರ ಸಂಖ್ಯೆಯೇ ಈ ದ್ವೀಪದ ಸೌಂದರ್ಯ ಎಷ್ಟಿದೆ ಎಂಬುವುದಕ್ಕೆ ಉದಾಹರಣೆ.

ಇಲ್ಲಿಗಾಗಮಿಸುವ ಪ್ರವಾಸಿಗರು ಈ ದ್ವೀಪವನ್ನು ಭೂಮಿ ಮೇಲಿನ ಸ್ವರ್ಗ ಎಂದೇ ವರ್ಣಿಸುತ್ತಾರೆ.

ಭಾರೀ ಸಂಖ್ಯೆಯಲ್ಲಿ ಪ್ರವಾಸಿಗರು ಆಗಮಿಸುವುದರಿಂದ ಇಲ್ಲಿನ ಪರಿಸರಕ್ಕೆ ಹಾನಿಯುಂಟಾಗಿತ್ತು.

ಪರಿಸರ ಹಾನಿ ಗಮನಿಸಿದ ಪ್ರವಾಸೋದ್ಯಮ ಇಲಾಖೆ ತಾತ್ಕಾಲಿಕವಾಗಿ ಸೆಪ್ಟೆಂಬರ್ ನಿಂದ 4 ತಿಂಗಳವರೆಗೆ ಪ್ರವಾಸಿಗರ ಪ್ರವೇಶ ನಿರ್ಬಂಧಿಸಿತ್ತು.

ಆದರೆ ಪ್ರವೇಶ ಮತ್ತೆ ಆರಂಭವಾಗುತ್ತಿದ್ದಂತೆಯೇ 'ಮಾಯಾ ಬೇ'ಗೆ ಆಗಮಿಸುವವರ ಸಂಖ್ಯೆ ಮತ್ತೆ ಹೆಚ್ಚಿದ್ದು, ಪರಿಸರ ಹಾನಿಯೂ ಆರಂಭವಾಯಿತು.

ಯಾವುದೇ ಸುಧಾರಣೆಯಾಗದ ಕಾರಣ ಇಲ್ಲಿನ ಸರ್ಕಾರ ಮುಂದಿನ 2 ವರ್ಷಗಳವರೆಗೆ 'ಮಾಯಾ ಬೇ' ಬೀಚ್ ಗೆ ಪ್ರವಾಸಿಗರ ಪ್ರವೇಶ ನಿಷೇಧಿಸಿದೆ.

ಇನ್ನು 'ಮಾಯಾ ಬೇ' ಬೀಚ್ ಗೆ ತೆರಳಬೇಕಾದರೆ ನೀವು 2021ರವರೆಗೆ ಕಾಯಲೇಬೇಕು.