ನಿಮ್ಮ ಕುತ್ತಿಗೆ, ಮೊಣಕೈ ಮತ್ತು ಮೊಣಕಾಲುಗಳು ಕಪ್ಪಾಗಿವೆಯೇ? ಹೀಗೆ ಮಾಡಿ ಚಿಟಿಕೆಯಲ್ಲಿ ಕಪ್ಪು ಮಾಯ!

ಕೆಲವರಿಗೆ ಶರೀರ ಪೂರ್ತಿ ಒಂದೇ ಬಣ್ಣ ಇದ್ರೂ ಮೊಣಕೈ, ಮೊಣಕಾಲು ಮಾತ್ರ ಕಪ್ಪಾಗಿರುತ್ತೆ. ಆದ್ರೆ ಆ ಕಪ್ಪು ಕೂಡ ಈಜಿಯಾಗಿ ಹೋಗುತ್ತೆ. ಹೇಗೆ ಅಂತ ನೋಡೋಣ...

ಹಲವರಿಗೆ ಮೊಣಕೈ, ಮೊಣಕಾಲು, ಕುತ್ತಿಗೆ ಕಪ್ಪಾಗಿ ಸೌಂದರ್ಯ ಕಡಿಮೆಯಾಗುತ್ತೆ. ಶರೀರ ಪೂರ್ತಿ ಒಂದು ಬಣ್ಣ ಇದ್ರೆ, ಇವು ಬೇರೆ ಬಣ್ಣದಲ್ಲಿ ಆಗಿರುತ್ತೆ. ನೀವು ಕೂಡ ಇದೇ ಸಮಸ್ಯೆ ಅನುಭವಿಸುತ್ತಿದ್ದರೆ, ಇವುಗಳನ್ನು ಹಚ್ಚಿಕೊಳ್ಳಿ. ಕೆಲವನ್ನು ಹಚ್ಚಿಕೊಂಡ್ರೆ ಕಪ್ಪು ಹೋಗಿ ಚರ್ಮ ಸುಂದರವಾಗಿ ಕಾಣುತ್ತೆ.

ಬೇಕಿಂಗ್ ಸೋಡಾ ಬಳಸಿ

ಪಿಗ್ಮೆಂಟೇಶನ್ ತೆಗೆಯಲು ಬೇಕಿಂಗ್ ಸೋಡಾ ಉಪಯೋಗಿಸಿ. ಇದು ಚೆನ್ನಾಗಿ ಎಕ್ಸ್‌ಫೋಲಿಯೇಟ್ ಮಾಡುತ್ತೆ, ಸತ್ತ ಚರ್ಮ, ಕೊಳೆ ತೆಗೆದು ಚರ್ಮವನ್ನು ಬೆಳ್ಳಗಾಗಿಸುತ್ತೆ. ಬೇಕಿಂಗ್ ಸೋಡಾವನ್ನು ಹಾಲಿಗೆ ಸೇರಿಸಿ ಪೇಸ್ಟ್ ಮಾಡಿ, ಮೊಣಕಾಲು, ಮೊಣಕೈ, ಬೆರಳುಗಳಿಗೆ ಹಚ್ಚಿ. ಸ್ವಲ್ಪ ಹೊತ್ತು ವೃತ್ತಾಕಾರದಲ್ಲಿ ಮಸಾಜ್ ಮಾಡಿ. ಚರ್ಮ ಸ್ವಚ್ಛ ಮಾಡಿದ ನಂತರ ಮಾಯಿಶ್ಚರೈಸರ್ ಅಥವಾ ಕೊಬ್ಬರಿ ಎಣ್ಣೆ ಹಚ್ಚಿ. ವಾರಕ್ಕೆ ಎರಡು ಬಾರಿ ಹೀಗೆ ಮಾಡಿದ್ರೆ ಪಿಗ್ಮೆಂಟೇಶನ್ ಕಡಿಮೆಯಾಗುತ್ತೆ.

ಆ್ಯಪಲ್ ಸೈಡರ್ ವಿನೆಗರ್ ಬಳಸಿ

ಆ್ಯಪಲ್ ಸೈಡರ್ ವಿನೆಗರ್ ಕೂಡ ಮೊಣಕೈ, ಮೊಣಕಾಲು, ಬೆರಳುಗಳ ಪಿಗ್ಮೆಂಟೇಶನ್ ತೆಗೆಯಲು ಪರಿಣಾಮಕಾರಿ. ಇದು ಚರ್ಮದ ಬಣ್ಣವನ್ನು ಸುಧಾರಿಸುತ್ತೆ. ಸೈಡರ್ ವಿನೆಗರ್, ನೀರು ಮಿಕ್ಸ್ ಮಾಡಿ ಕಪ್ಪಾದ ಚರ್ಮಕ್ಕೆ ಹಚ್ಚಿ. ಒಣಗಿದ ನಂತರ ಸ್ವಚ್ಛ ಮಾಡಿ.

ಮೊಸರು ಪ್ಯಾಕ್ ಹಚ್ಚಿ

ಪಿಗ್ಮೆಂಟೇಶನ್ ತೆಗೆದು ಚರ್ಮ ಬೆಳ್ಳಗಾಗಿಸಲು ಮೊಸರು ಒಳ್ಳೆಯದು. ಇದು ಚರ್ಮಕ್ಕೆ ತೇವಾಂಶ ನೀಡುತ್ತೆ. ಮೊಸರಿಗೆ ಕಡ್ಲೆ ಹಿಟ್ಟು, ಅರಿಶಿನ, ಸ್ವಲ್ಪ ನಿಂಬೆರಸ ಸೇರಿಸಿ. ಇದನ್ನು ಕಪ್ಪಾದ ಚರ್ಮಕ್ಕೆ ಹಚ್ಚಿ. ೨೦ ನಿಮಿಷ ಮಸಾಜ್ ಮಾಡಿ ಸ್ವಚ್ಛಗೊಳಿಸಿ. ವಾರಕ್ಕೆ ಎರಡು-ಮೂರು ಬಾರಿ ಬಳಸಬಹುದು. ಮುಖಕ್ಕೆ ಹಚ್ಚುವಾಗ ನಿಂಬೆರಸ ಬಳಸಬೇಡಿ.

ಜೇನುತುಪ್ಪ ಪ್ಯಾಕ್ ಹಚ್ಚಿ

ಮೊಣಕಾಲು, ಮೊಣಕೈ ಕಪ್ಪು ತೆಗೆಯಲು ಜೇನುತುಪ್ಪಕ್ಕೆ ನಿಂಬೆರಸ, ಸಕ್ಕರೆ ಸೇರಿಸಿ. ಕಪ್ಪಾದ ಚರ್ಮಕ್ಕೆ ಹಚ್ಚಿ ಉಜ್ಜಿ. ಇದು ಸತ್ತ ಚರ್ಮ ತೆಗೆದು ತೇವಾಂಶ ನೀಡಿ ಕಪ್ಪು ಕಡಿಮೆ ಮಾಡುತ್ತೆ.

ಬಟಾಟೆ ರಸ 

ಬಟಾಟೆ ಬ್ಲೀಚಿಂಗ್‌ನಂತೆ ಕೆಲಸ ಮಾಡುತ್ತೆ. ಬಟಾಟೆ ರಸಕ್ಕೆ ನಿಂಬೆ, ಟೊಮೆಟೊ ರಸ ಸೇರಿಸಿ. ಅಲೋವೆರಾ, ಸ್ವಲ್ಪ ಅಕ್ಕಿ ಹಿಟ್ಟು ಸೇರಿಸಿ ಪೇಸ್ಟ್ ಮಾಡಿ ಮೊಣಕಾಲು, ಮೊಣಕೈ, ಬೆರಳುಗಳಿಗೆ ಹಚ್ಚಿ. ೨೦ ನಿಮಿಷ ಬಿಟ್ಟು ನೀರಿನಿಂದ ಮಸಾಜ್ ಮಾಡಿ ಸ್ಪಾಂಜಿನಿಂದ ಒರೆಸಿ. ಮೊದಲ ಬಾರಿ ಬಳಸಿದಾಗಲೇ ಒಳ್ಳೆಯ ಫಲಿತಾಂಶ ಸಿಗುತ್ತೆ.