ಮಣ್ಣಿನ ಮೇಲೆ ಬರಿಗಾಲಿನಲ್ಲಿ ನಡೆದರೆ ಹತ್ತಾರು ಆರೋಗ್ಯ ಲಾಭ; ಬಿಪಿ, ಹೃದಯ ಸಮಸ್ಯೆ, ಸ್ಥೂಲಕಾಯಕ್ಕೂ ಮದ್ದು!
ನಾವು ನೀವೆಲ್ಲರೂ ಪ್ರತಿನಿತ್ಯ ವಿವಿಧ ಕಾರ್ಯಗಳಿಗಾಗಿ, ವಾಕಿಂಗ್ ಮಾಡುವುದಕ್ಕೆ ಹಾಗೂ ಇತರೆ ಕಾರಣಗಳಿಗೆ ನಡೆಯುವುದು ಮಾಮೂಲಿ. ಆದರೆ ಬರಿಗಾಲಲ್ಲಿ ನಡೆದಿದ್ದೀರಾ? ಅದರಿಂದಾಗುವ ಲಾಭಗಳೇನು ಗೊತ್ತಾ? ಇಲ್ಲಿವೆ ನೋಡಿ..
ನಡಿಗೆ ಆರೋಗ್ಯಕ್ಕೆ ಎಷ್ಟು ಒಳ್ಳೇದು ಅಂತ ಹೇಳಬೇಕಿಲ್ಲ. ಆದರೆ ಮಣ್ಣಲ್ಲಿ ಬರಿಗಾಲಲ್ಲಿ ನಡೆದರೆ ಇನ್ನೂ ಒಳ್ಳೇದು ಅಂತಾರೆ ತಜ್ಞರು.
ಹಾಗೆ ನಡೆದ್ರೆ ಮಣ್ಣಿಗೂ ನಮಗೂ ಒಂದು ಸಂಬಂಧ ಏರ್ಪಡುತ್ತೆ. ಇದು ಶರೀರದ ಮೇಲೆ ಒಳ್ಳೆ ಪರಿಣಾಮ ಬೀರುತ್ತೆ ಅಂತ ಜ್ಯೋತಿಷ್ಯ, ಮನಃಶಾಸ್ತ್ರ ಹೇಳುತ್ತೆ. ಪ್ರತಿದಿನ ಸ್ವಲ್ಪ ಹೊತ್ತು ಬರಿಗಾಲಲ್ಲಿ ಏಕೆ ನಡೆಯಬೇಕು ಅಂತ ಈಗ ತಿಳ್ಕೊಳ್ಳೋಣ.
ಸಾಮಾನ್ಯವಾಗಿ ಬರಿಗಾಲಲ್ಲಿ ನಡೆಯೋದನ್ನ ಜನ ಇಷ್ಟಪಡಲ್ಲ. ಚಪ್ಪಲಿ ಹಾಕ್ಕೊಳ್ಳದೆ ಇದ್ರೆ ಸಭ್ಯ ಅನ್ನಿಸಲ್ಲ ಅಂತಾರೆ. ಮನೇಲೂ ಚಪ್ಪಲಿ ಹಾಕ್ಕೊಂಡೇ ಓಡಾಡೋರು ಇದ್ದಾರೆ. ಆದ್ರೆ ಆರೋಗ್ಯಕ್ಕೆ ಮಣ್ಣಲ್ಲಿ ಬರಿಗಾಲಲ್ಲಿ ನಡೆಯೋದು ಒಳ್ಳೇದು.
ಸ್ನಾಯುಗಳು ಗಟ್ಟಿಯಾಗುತ್ತವೆ: ಚಪ್ಪಲಿ ಹಾಕ್ಕೊಂಡು ನಡೆದಾಗ ಪಾದದ ಸ್ನಾಯುಗಳು ಹೆಚ್ಚು ಕೆಲಸ ಮಾಡಲ್ಲ. ಆದ್ರೆ ಮಣ್ಣಲ್ಲಿ ಬರಿಗಾಲಲ್ಲಿ ನಡೆದ್ರೆ ಪಾದದ ಸ್ನಾಯುಗಳಿಗೂ ಮಣ್ಣಿಗೂ ಸಂಬಂಧ, ಚಲನೆ ಏರ್ಪಡುತ್ತೆ. ಮಣ್ಣಲ್ಲಿ ಪಾದಗಳ ಒತ್ತಡದಿಂದ ಸ್ನಾಯುಗಳು ಗಟ್ಟಿಯಾಗುತ್ತವೆ. ಕಣಕಾಲು, ಪಾದಗಳು ದೃಢವಾಗುತ್ತವೆ. ಇದು ಆರೋಗ್ಯಕ್ಕೆ ಒಳ್ಳೇದು. ಮುಖ್ಯವಾಗಿ, ಪಾದಗಳಲ್ಲಿ ರಕ್ತ ಸಂಚಾರ ಸರಿಯಾಗಿ ಆಗುತ್ತೆ.
ನಿದ್ದೆ ಚೆನ್ನಾಗಿ ಬರುತ್ತೆ: ಬರಿಗಾಲಲ್ಲಿ ನಡೆಯೋದ್ರಿಂದ ನಿದ್ದೆ ಸಮಸ್ಯೆಗಳು ಕಡಿಮೆಯಾಗುತ್ತವೆ. ರಾತ್ರಿ ಚೆನ್ನಾಗಿ ನಿದ್ದೆ ಬರುತ್ತೆ. ನಾವು ಚೆನ್ನಾಗಿ ನಿದ್ದೆ ಮಾಡಿದಾಗ ಶರೀರದ ಒಳ ಅಂಗಗಳ ಕೆಲಸ ಸುಧಾರಿಸುತ್ತೆ. ಇದ್ರಿಂದ ಚರ್ಮದ ಸಮಸ್ಯೆಗಳೂ ಕಡಿಮೆಯಾಗುತ್ತವೆ.
ಪ್ರತಿದಿನ ಬರಿಗಾಲಲ್ಲಿ ನಡೆದರೆ ಕಾಲು ನೋವು ಕಡಿಮೆಯಾಗುತ್ತೆ. ನಯವಾದ ಮಣ್ಣಿನಲ್ಲಿ ನಡೆಯೋದು ಒಳ್ಳೇದು. ಒರಟು ಜಾಗಗಳನ್ನ ಆರಿಸಿಕೊಳ್ಳಬೇಡಿ. ಇದು ನೋವು ಹೆಚ್ಚಿಸುತ್ತದೆ.
ರಕ್ತದೊತ್ತಡ ನಿಯಂತ್ರಣ: ಹೆಚ್ಚು ರಕ್ತದೊತ್ತಡ (ಬಿಪಿ) ಇದ್ರೆ, ಅದನ್ನ ನಿಯಂತ್ರಿಸೋಕೆ ಪ್ರತಿದಿನ ಬರಿಗಾಲಲ್ಲಿ ನಡೆಯಬಹುದು. ಇದು ಹೃದಯದ ಆರೋಗ್ಯವನ್ನೂ ಸುಧಾರಿಸುತ್ತೆ. ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತೆ.
ಒಂದು ವೇಳೆ ನೀವು ಹೆಚ್ಚು ತೂಕವನ್ನು ಹೊಂದಿದ್ದರೆ ಬರಿಗಾಲಲ್ಲಿ ನಡೆದಾಗ ಹೆಚ್ಚು ಶಕ್ತಿ ಖರ್ಚಾಗುತ್ತದೆ. ಹೆಚ್ಚು ಕ್ಯಾಲೋರಿಗಳು ಬರ್ನ್ ಆಗುವ ಮೂಲಕ ನಿಮ್ಮ ತೂಕ ಇಳಿಯುವ ಸಾಧ್ಯತೆ ಇದೆ. ಕೆಟ್ಟ ಕೊಬ್ಬು ಕರಗಲು ಶುರುವಾಗುತ್ತದೆ.
ಮಣ್ಣಲ್ಲಿಯೇ ಏಕೆ ನಡೆಯಬೇಕು?
ಪ್ರತಿದಿನ ಒಂದೇ ರೀತಿ ನಡೆದರೆ. ಶರೀರಕ್ಕೆ ಆ ವ್ಯಾಯಾಮಗಳು ಅಭ್ಯಾಸ ಆಗಿಬಿಡುತ್ತವೆ. ಇದರಿಂದ ಹೆಚ್ಚಿನ ಬದಲಾವಣೆ ಇರಲ್ಲ. ಆದರೆ ಮಧ್ಯೆ ಮಧ್ಯೆ ಮಣ್ಣಲ್ಲಿ ಬರಿಗಾಲಲ್ಲಿ ನಡೆಯೋದು, ಹುಲ್ಲಿನ ಮೇಲೆ ಬರಿಗಾಲಲ್ಲಿ ನಡೆಯೋದು, ಹೆಚ್ಚು ಹೊತ್ತು ನಡೆಯೋದು, ಹೆಚ್ಚು ದೂರ ನಡೆಯೋದು ಹೀಗೆ ಮಾಡಿದರೆ ಒಳ್ಳೆ ಲಾಭಗಳಿವೆ.