ಬೆಳಗಾವಿ ಗಡಿಯಲ್ಲಿ ಕನ್ನಡ ಡಿಂಡಿಮ, ನಿಪ್ಪಾಣಿಯಲ್ಲಿ ತಾಲೂಕು ಸಾಹಿತ್ಯ ಸಮ್ಮೇಳನ
ಬೆಳಗಾವಿ (ಡಿ.12): ನಾವ್ ಕರ್ನಾಟಕ ಪ್ರವೆಶ ಮಾಡ್ತಿವಿ ಬೆಳಗಾವಿ ನಮ್ದು ಅನ್ನೊ ಮಹಾ ನಾಯಕರ ಹುಚ್ಚಾಟದ ಹೇಳಿಕೆಗಳ ನಡುವೆ ಗಡಿಯಲ್ಲಿಯೇ ಕನ್ನಡ ಸಾಹಿತ್ಯ ಸಮ್ಮೇಳನ ಆಯೋಜನೆ ಮಾಡುವುದರ ಮೂಲಕ ಗಡಿಯಲ್ಲಿ ಕನ್ನಡದ ಮನಸುಗಳು ಗಟ್ಟಿಯಾಗಿವೆ ಎಂಬ ಸಂದೇಶ ಸಾರಿದ್ದಾರೆ. ಚಿಕ್ಕೋಡಿ ಸಂಸದ ಅಣ್ಣಾಸಾಹೇಬ್ ಜೊಲ್ಲೆ ಹಾಗೂ ಸಚಿವೆ ಶಶಿಕಲಾ ಜೊಲ್ಲೆ ಹಾಗೂ ಖ್ಯಾತ ಹಿರಿಯ ನಟ ನಿರ್ದೇಶಕ ಟಿ ಎಸ್ ನಾಗಾಭರಣ ಭಾಗವಹಿಸಿದ್ದರು. ನಿಪ್ಪಾಣಿಯ ಪ್ರಥಮಾಚಾರ್ಯ ಶಾಂತಿಸಾಗರ ಪ್ರಜ್ಞಾಸಾಗರ ಸಭಾ ಮಂಟಪದಲ್ಲಿ ನಡೆದ ಸಮ್ಮೇಳನದಲ್ಲಿ ಸಹಸ್ರಾರು ಕನ್ನಡದ ಮನಸುಗಳು ಒಗ್ಗೂಡಿದ್ದವು. ಈ ವೇಳೆ ಸಚಿವೆ ಶಶಿಕಲಾ ಜೊಲ್ಲೆ ಹಚ್ಚೇವು ಕನ್ನಡದ ದೀಪ ಹಾಡು ಹಾಡಿ ನೆರೆದ ಕನ್ನಡ ಮನಸುಗಳನ್ನು ಹುರಿದುಂಬಿಸಿದರು.. ನಿಪ್ಪಾಣಿ ತಾಲೂಕಿನ ಭೋಜ ಗ್ರಾಮದಲ್ಲಿ ನಡೆದ ತಾಲೂಕು ಮಟ್ಟದ ಸಾಹಿತ್ಯ ಸಮ್ಮೇಳನದ ಒಂದು ಝಲಕ್‌ ಇಲ್ಲಿದೆ ನೋಡಿ...
)
Followಕನ್ನಡ ಶಲ್ಯ ಹಾಕಿ ನೃತ್ಯ ಮಾಡುತ್ತಿರುವ ಶಾಲಾ ಮಕ್ಕಳು, ಮಂಗಳ ವಾಧ್ಯಗಳೊಂದಿಗೆ ಹೊರಟಿರುವ ಭವ್ಯ ಮರೆವಣಿಗೆ. ಛದ್ಮವೇದಶಾರಿಗಳಾಗಿ ಸಾರೋಟಿನಲ್ಲಿ ಆಸೀನರಾಹಿರುವ ಪುಟಾಣಿ ಮಕ್ಕಳು ಈ ದೃಶ್ಯಗಳು ಕಂಡು ಬಂದಿದ್ದು ಬೆಳಗಾವಿ ಜಿಲ್ಲೆಯ ಗಡಿ ತಾಲೂಕು ನಿಪ್ಪಾಣಿಯ ಭೋಜ ಗ್ರಾಮದಲ್ಲಿ ಪದೇ ಪದೇ ಕನ್ನಡದ ಅಸ್ಮಿತೆಯನ್ನು ಕೆಣಕುವ ಪ್ರಯತ್ನ ಮಾಡುತ್ತಿರುವ ಮಹಾ ನಾಯಕರಿಗೆ ದಿಟ್ಟ ಉತ್ತರ ನೀಡಲು ಈ ಬಾರಿ ತಾಲೂಕು ಮಟ್ಟದ ಸಾಹಿತ್ಯ ಸಮ್ಮೇಳನವನ್ನು ಗಡಿಯ ಭೋಜ ಗ್ರಾಮದಲ್ಲಿ ಆಯೋಜನೆ ಮಾಡಲಾಗಿತ್ತು.
)
