IPL ಹರಾಜು: 10 ಆಟಗಾರರ ಮೇಲೆ 8 ಫ್ರಾಂಚೈಸಿಗಳ ಕಣ್ಣು..!
ಬಹುನಿರೀಕ್ಷಿತ 13ನೇ ಆವೃತ್ತಿಯ ಐಪಿಎಲ್ ಆಟಗಾರರ ಹರಾಜಿಗೆ ಕ್ಷಣಗಣನೆ ಆರಂಭವಾಗಿದೆ. ಎಲ್ಲಾ 8 ಫ್ರಾಂಚೈಸಿಗಳು ತಮಗೆ ಬೇಕಾಗಿರುವ ಆಟಗಾರರನ್ನು ಖರೀದಿಸಲು ತುದಿಗಾಲಿನಲ್ಲಿ ನಿಂತಿವೆ. ಡಿಸೆಂಬರ್ 19ರಂದು ಕೋಲ್ಕತಾದಲ್ಲಿ ನಡೆಯಲಿರುವ ಆಟಗಾರರ ಹರಾಜಿನಲ್ಲಿ ಈ ಹತ್ತು ಆಟಗಾರರನ್ನು ತಮ್ಮ ತೆಕ್ಕೆಗೆ ಸೆಳೆಯಲು ಕಸರತ್ತು ನಡೆಸುವ ಸಾಧ್ಯತೆಯಿದೆ. ಆ 10 ಆಟಗಾರರ ಪರಿಚಯವನ್ನು ಸುವರ್ಣ ನ್ಯೂಸ್.ಕಾಂ ನಿಮ್ಮ ಮುಂದಿಡುತ್ತಿದೆ.
ಕ್ರಿಸ್ ಲಿನ್: ಟಿ20 ಕ್ರಿಕೆಟ್ಗೆ ಹೇಳಿ ಮಾಡಿಸಿದ ಆಟಗಾರ. ಸ್ಫೋಟಕ ಆಟಕ್ಕೆ ಹೆಸರುವಾಸಿ. ಅತಿಹೆಚ್ಚು ಮೊತ್ತಕ್ಕೆ ಬಿಕರಿಯಾಗುವ ನಿರೀಕ್ಷೆ.
ಗ್ಲೆನ್ ಮ್ಯಾಕ್ಸ್ವೆಲ್: ಟಿ20 ತಜ್ಞ. ಐಪಿಎಲ್ನಲ್ಲಿ ದೊಡ್ಡ ಹೆಸರು ಮಾಡಿರುವ ಆಟಗಾರ. ಪ್ರತಿ ತಂಡಕ್ಕೂ ಅಗತ್ಯವಿರುವ ಆಲ್ರೌಂಡರ್.
ಎವಿನ್ ಲೆವಿಸ್: ಮರಿ ಕ್ರಿಸ್ ಗೇಲ್ ಎಂದೇ ಹೆಸರುವಾಸಿ. ಸ್ಫೋಟಕ ಆರಂಭ ನೀಡುವುದರಲ್ಲಿ ಎತ್ತಿದ ಕೈ. ದೊಡ್ಡ ಇನ್ನಿಂಗ್ಸ್ ಆಡಬಲ್ಲ ಆಟಗಾರ.
ಜೇಸನ್ ರಾಯ್: ಇಂಗ್ಲೆಂಡ್ ತಂಡದ ಖಾಯಂ ಸದಸ್ಯ. ಐಪಿಎಲ್ ಟೂರ್ನಿಗೆ ಸರಿಹೊಂದುವ ಆಟಗಾರ. ಸ್ಫೋಟಕ ಬ್ಯಾಟ್ಸ್ಮನ್.
ಆ್ಯರೋನ್ ಫಿಂಚ್: ಆಸ್ಪ್ರೇಲಿಯಾದ ಸೀಮಿತ ಓವರ್ ತಂಡದ ನಾಯಕ. ಐಪಿಎಲ್ನಲ್ಲಿ ತಂಡ ಮುನ್ನಡೆಸಿದ ಅನುಭವ. ಅತ್ಯುತ್ತಮ ದಾಂಡಿಗ.
ರೋಹನ್ ಕದಂ: ಸ್ಫೋಟಕ ಆಟವಾಡಿ ಗಮನ ಸೆಳೆದಿರುವ ಕರ್ನಾಟಕದ ಆಟಗಾರ. ಟಿ20 ಮಾದರಿಗೆ ಸೂಕ್ತ ಆಯ್ಕೆ.
ಟಾಮ್ ಬ್ಯಾಂಟನ್: ಇಂಗ್ಲೆಂಡ್ನ ಭವಿಷ್ಯದ ತಾರೆ ಎಂದೇ ಜನಪ್ರಿಯ. ಇಂಗ್ಲೆಂಡ್ ದೇಸಿ ಟಿ20ಯಲ್ಲಿ ಶ್ರೇಷ್ಠ ಆಟ.
ಯಶಸ್ವಿ ಜೈಸ್ವಾಲ್: 17 ವರ್ಷದ ಮುಂಬೈ ಬ್ಯಾಟ್ಸ್ಮನ್. ದೇಸಿ ಕ್ರಿಕೆಟ್ನಲ್ಲಿ ಈಗಾಗಲೇ ಸಂಚಲನವನ್ನುಂಟು ಮಾಡಿದ ಆಟಗಾರ.
ಜೇಮ್ಸ್ ನೀಶಮ್: ಅತ್ಯುತ್ತಮ ಆಲ್ರೌಂಡರ್. ಟಿ20ಯಲ್ಲಿ 140ಕ್ಕೂ ಹೆಚ್ಚಿನ ಸ್ಟ್ರೈಕ್ರೇಟ್. ಉತ್ತಮ ಕ್ಷೇತ್ರರಕ್ಷಕ.
ಪ್ಯಾಟ್ ಕಮಿನ್ಸ್: ವಿಶ್ವದ ನಂ.1 ಟೆಸ್ಟ್ ಬೌಲರ್. ಎಲ್ಲಾ ಮಾದರಿಯಲ್ಲೂ ಪರಿಣಾಮಕಾರಿಯಾಗಬಲ್ಲ ಮಾರಕ ವೇಗಿ. ಈಗಾಗಲೇ ಐಪಿಎಲ್ನಲ್ಲಿ ಆಡಿದ ಅನುಭವವಿದೆ.