ಫೋನ್‌ನಲ್ಲಿ ಮಾತನಾಡ್ತಾ ನವಜಾತ ಶಿಶುವಿನ ಹೆಬ್ಬೆರಳು ಕತ್ತರಿಸಿದ ನರ್ಸ್‌!

ವೆಲ್ಲೂರಿನ ಸರ್ಕಾರಿ ಆಸ್ಪತ್ರೆಯಲ್ಲಿ ನರ್ಸ್‌ನ ನಿರ್ಲಕ್ಷ್ಯದಿಂದ ನವಜಾತ ಶಿಶುವಿನ ಹೆಬ್ಬೆರಳು ಕತ್ತರಿಸಲ್ಪಟ್ಟಿದೆ ಎಂದು ಪೋಷಕರು ಆರೋಪಿಸಿದ್ದಾರೆ. ಟೇಪ್ ತೆಗೆಯುವಾಗ ಕತ್ತರಿ ಬಳಸಿದ್ದೇ ಘಟನೆಗೆ ಕಾರಣ ಎನ್ನಲಾಗಿದೆ. ಮಗುವನ್ನು ಚೆನ್ನೈನ ಸ್ಟಾನ್ಲಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

Image Credit : Getty

ವೆಲ್ಲೂರು: ಮೊಬೈಲ್‌ನಲ್ಲಿ ಮಗ್ನರಾಗಿದ್ದ ನರ್ಸ್‌ನ ನಿರ್ಲಕ್ಷ್ಯದಿಂದ ನವಜಾತ ಶಿಶುವಿನ ಹೆಬ್ಬೆರಳು ಕತ್ತರಿಸಿದ ಘಟನೆ ತಮಿಳುನಾಡಿನ ವೆಲ್ಲೂರಿನಲ್ಲಿ ನಡೆದಿದೆ. ವೆಲ್ಲೂರು ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ನವಜಾತ ಶಿಶುವಿನ ಹೆಬ್ಬೆರಳು ಆಕಸ್ಮಿಕವಾಗಿ ಕತ್ತರಿಸಲ್ಪಟ್ಟಿದೆ ಎಂದು ವರದಿಯಾಗಿದೆ. ಹಿರಿಯ ನರ್ಸ್‌ ಒಬ್ಬರ ನಿರ್ಲಕ್ಷ್ಯದಿಂದ ಈ ಘಟನೆ ಸಂಭವಿಸಿದೆ ಎಂದು ಮಗುವಿನ ಪೋಷಕರು ಆರೋಪಿಸಿದ್ದಾರೆ.

Image Credit : freepik

ಏಳು ದಿನಗಳ ಗಂಡು ಮಗುವಿನ ಪೋಷಕರು, ಅದುಕ್ಕಂಪರೈನಲ್ಲಿರುವ ವೆಲ್ಲೂರು ಸರ್ಕಾರಿ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ನರ್ಸ್ ನಿರ್ಲಕ್ಷ್ಯದಿಂದಾಗಿ ತಮ್ಮ ಮಗನ ಬಲಗೈ ಹೆಬ್ಬೆರಳನ್ನು ಕಳೆದುಕೊಂಡಿದ್ದಾರೆ. ಮೇ 24 ರಂದು ತಮಿಳುನಾಡಿನ ಮುಲ್ಲಿಪಾಳ್ಯಂನ ನಿವಾಸಿಗಳಾದ ಬಿಮಲ್‌ರಾಜ್ (30) ಮತ್ತು ನಿವೇತಾ (24) ದಂಪತಿಗೆ ಗಂಡು ಮಗು ಜನಿಸಿತು. ಗ್ಲುಕೋಸ್ ಚುಚ್ಚುಮದ್ದನ್ನು ಬದಲಾಯಿಸಲು ಮಗುವಿನ ಕೈಯಿಂದ ಟೇಪ್ ತೆಗೆಯುವಾಗ ಹಿರಿಯ ನರ್ಸ್ ಒಬ್ಬರು ಕತ್ತರಿಯನ್ನು ತಪ್ಪಾಗಿ ಬಳಸಿದ್ದರಿಂದ ಈ ಅಪಘಾತ ಸಂಭವಿಸಿದೆ ಎಂದು ಮಗುವಿನ ಪೋಷಕರು ಆರೋಪಿಸಿದ್ದಾರೆ. ಬ್ಯಾಂಡೇಜ್ ತೆಗೆಯಲು ಅವಳು ತನ್ನ ಕೈಗಳನ್ನು ಬಳಸಬಹುದಿತ್ತು ಎಂದು 29 ವರ್ಷದ ತಂದೆ ಹೇಳಿದ್ದಾರೆ.

Image Credit : our own

ದಂಪತಿಗೆ ಮೇ 24 ರಂದು ಸಿ-ಸೆಕ್ಷನ್ ಮೂಲಕ ಮಗುವಿಗೆ ಜನ್ಮ ನೀಡಿದರು. ಹೆರಿಗೆಯ ನಂತರ, ಮಗುವನ್ನು ಇನ್ಕ್ಯುಬೇಟರ್‌ನಲ್ಲಿ ಇರಿಸಲಾಯಿತು ಮತ್ತು ಮಗು ದ್ರವವನ್ನು (ಆಮ್ನಿಯೋಟಿಕ್ ದ್ರವ) ನುಂಗಿದೆ ಎಂದು ಅವರು ಹೇಳಿದ್ದರಿಂದ IV ಡ್ರಿಪ್ಸ್ ನೀಡಲಾಯಿತು" ಎಂದು ಅವರು ಘಟನೆಯ ಬಗ್ಗೆ ಕೋಪ ಮತ್ತು ದುಃಖವನ್ನು ವ್ಯಕ್ತಪಡಿಸಿದರು. ವಿಮಲ್‌ರಾಜ್ ಆಟೋ ಚಾಲಕರಾಗಿದ್ದು ಪತ್ನಿ ಗೃಹಿಣಿ ನಿವೇತಾ ವೆಲ್ಲೂರಿನ ಮಂಗ ಮಂಡಿ ಪ್ರದೇಶದ ನಿವಾಸಿಗಳಾಗಿದ್ದಾರೆ. ಮೂಲಗಳ ಪ್ರಕಾರ, ಶುಕ್ರವಾರ ಬೆಳಿಗ್ಗೆ 11 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಮಗುವಿನ ಅಜ್ಜಿ ಜಯಂತಿ ಘಟನೆ ನಡೆದಾಗ ಮಗುವಿನ ಪಕ್ಕದಲ್ಲಿದ್ದರು. ಮಗುವಿನ ಕೈಯಿಂದ ರಕ್ತ ಹರಿಯುತ್ತಿರುವುದನ್ನು ನೋಡಿದ ನರ್ಸ್, ಮಗುವನ್ನು ಐಸಿಯುಗೆ ಕರೆದೊಯ್ದು, ಬೇರೆ ಇಂಜೆಕ್ಷನ್ ನೀಡಬೇಕೆಂದು ಹೇಳಿದರು. ಈ ಘಟನೆಯಲ್ಲಿ ನವಜಾತ ಶಿಶುವಿನ ಹೆಬ್ಬೆರಳು ತೀವ್ರವಾಗಿ ಗಾಯಗೊಂಡಿದೆ.

Image Credit : our own

ಚಿಕಿತ್ಸೆಗಾಗಿ ಸ್ಟಾನ್ಲಿ ಆಸ್ಪತ್ರೆಗೆ ದಾಖಲುಗೊಂಡ ಮಗು

ಮಧ್ಯಾಹ್ನ 2.30 ರ ಸುಮಾರಿಗೆ ನನಗೆ ಕರೆ ಮಾಡಿ ಡೀನ್ ಮತ್ತು ಇತರ ಸಿಬ್ಬಂದಿ ಘಟನೆಯ ಬಗ್ಗೆ ಮಾಹಿತಿ ನೀಡಿದರು. ನಂತರ ಮಗುವನ್ನು ಪ್ಲಾಸ್ಟಿಕ್ ಸರ್ಜರಿಗಾಗಿ ಸ್ಟಾನ್ಲಿ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲು ನಮ್ಮನ್ನು ಹೇಳಿದರು. ಶನಿವಾರ, ಸ್ಟಾನ್ಲಿ ಆಸ್ಪತ್ರೆಯಲ್ಲಿ ಮಗುವಿನ ಹೆಬ್ಬೆರಳಿನ ಕತ್ತರಿಸಿದ ಭಾಗವನ್ನು ಹೊಲಿಯಲಾಗಿದೆ ಮತ್ತು ಮಗು ಈಗ ಸ್ಥಿರವಾಗಿದೆ ಎಂದು ಬಿಮಲ್‌ರಾಜ್ ಹೇಳಿದರು. "ಹೆಬ್ಬೆರಳು ಕತ್ತರಿಸಿದ ತಕ್ಷಣ, ಮಗುವಿಗೆ ಬಹಳಷ್ಟು ರಕ್ತ ಸೋರಿತ್ತು, ಅದನ್ನು ಸಹಿಸಲಾಗಲಿಲ್ಲ, ಮತ್ತು ಚೆನ್ನೈ ಆಸ್ಪತ್ರೆಯಲ್ಲಿ ಪ್ಲಾಸ್ಟರ್ ಅನ್ನು ತೆಗೆದುಹಾಕಿದಾಗ ಮಗು ಬಿಕ್ಕಿ ಬಿಕ್ಕಿ ಅಳುತ್ತಿತ್ತು. ಇದೀಗ ಮಗು ಆದಷ್ಟು ಬೇಗ ಗುಣಮುಖರಾಗಬೇಕೆಂದು ನಾವು ಬಯಸುತ್ತೇವೆ. ಮಗುವಿಗೆ ಸ್ವಲ್ಪ ವಯಸ್ಸಾದಾಗ ಪ್ಲಾಸ್ಟಿಕ್ ಸರ್ಜರಿ ಮಾಡಬಹುದು ಎಂದು ನಾವು ಭಾವಿಸುತ್ತೇವೆ ಎಂದು ಅವರು ಹೇಳಿದರು.

Image Credit : our own

ಘಟನೆಯ ಸುದ್ದಿ ಹೊರಬಿದ್ದ ತಕ್ಷಣ ದೊಡ್ಡ ಗದ್ದಲವೇ ಎದ್ದಿದೆ. ನರ್ಸ್ ಕರ್ತವ್ಯದ ಸಮಯದಲ್ಲಿ ಮೊಬೈಲ್ ಫೋನ್‌ನಲ್ಲಿ ಮಗ್ನರಾಗಿದ್ದರು ಮತ್ತು ಕೆಲಸದ ಮೇಲೆ ಗಮನ ಹರಿಸಿರಲಿಲ್ಲ ಎಂದು ನವಜಾತ ಶಿಶುವಿನ ತಂದೆ ಬಿಮಲ್‌ರಾಜ್ ಆರೋಪಿಸಿದ್ದಾರೆ. ಇದರಿಂದಲೇ ಈ ಅಪಘಾತ ಸಂಭವಿಸಿದೆ. "ಘಟನೆಯ ನಂತರ ಒಂದೂವರೆ ಗಂಟೆಗೂ ಹೆಚ್ಚು ಕಾಲ ನನಗೆ ಮಗುವನ್ನು ನೋಡಲು ಅವಕಾಶ ನೀಡಲಿಲ್ಲ. ಇದು ಘೋರ ನಿರ್ಲಕ್ಷ್ಯ" ಎಂದು ಬಿಮಲ್‌ರಾಜ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Image Credit : Getty

ಮಗುವಿನ ಚಿಕಿತ್ಸೆಯ ನಂತರ ಪೋಷಕರು ವೆಲ್ಲೂರಿಗೆ ಹಿಂತಿರುಗಿದ ನಂತರ, ಘಟನೆಯ ತನಿಖೆಗಾಗಿ ವೈದ್ಯಕೀಯ ತಂಡವನ್ನು ಕಳುಹಿಸಲಾಗುವುದು ಮತ್ತು ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ವೆಲ್ಲೂರು ಕಲೆಕ್ಟರ್ ವಿ.ಆರ್. ಸುಬ್ಬುಲಕ್ಷ್ಮಿ ಟಿಎನ್‌ಐಇ ಜೊತೆ ಮಾತನಾಡುತ್ತಾ ಹೇಳಿದರು. ಈ ಪ್ರಕರಣದಲ್ಲಿ ನರ್ಸ್ ಕತ್ತರಿ ಬದಲಿಗೆ ತನ್ನ ಕೈಯನ್ನು ಬಳಸಬೇಕಾಗಿತ್ತು ಎಂದು ಆಸ್ಪತ್ರೆಯ ಡೀನ್ ತಿಳಿಸಿದ್ದರು ಎಂದು ಅವರು ಹೇಳಿದರು. ಹಲವು ಬಾರಿ ಪ್ರಯತ್ನಿಸಿದರೂ, ಆಸ್ಪತ್ರೆಯ ಡೀನ್ ರೋಹಿಣಿ ದೇವಿ ಅವರನ್ನು ಸಂಪರ್ಕಿಸಲು ಸಾಧ್ಯವಾಗಲಿಲ್ಲ.