ಅತಿಯಾದ ಅರಿಶಿನ ಸೇವನೆಯಿಂದ ಅಪಾಯಗಳು ತಪ್ಪಿದ್ದಲ್ಲ!

ಅರಿಶಿನದಿಂದ ನಮಗೆ ಆಗೋ ಲಾಭಗಳ ಬಗ್ಗೆ ಗೊತ್ತೇ ಇದೆ. ಯಾಕಂದ್ರೆ ಅರಿಶಿನದಲ್ಲಿ ಔಷಧೀಯ ಗುಣಗಳಿವೆ. ಇದನ್ನ ಗಾಯಗಳಿಗೆ ಹಚ್ಚಿದ್ರೆ ಬೇಗ ವಾಸಿಯಾಗುತ್ತೆ. ಹಾಗೇ ಇದು ನಮ್ಮ ರೋಗನಿರೋಧಕ ಶಕ್ತಿಯನ್ನ ಹೆಚ್ಚಿಸುತ್ತೆ. ಹಾಗೇ ಹಲವು ಆರೋಗ್ಯ ಸಮಸ್ಯೆಗಳಿಂದ ನಮ್ಮನ್ನ ದೂರವಿಡುತ್ತೆ. ಆದ್ರೆ ಕೆಲವು ಸಮಸ್ಯೆಗಳಿರೋರು ಅರಿಶಿನ ತಿನ್ನಬಾರದು. ಹಾಗೇ ಅರಿಶಿನ ಹೆಚ್ಚಾಗಿ ತಿಂದ್ರೆ ನಾವು ಹಲವು ಸಮಸ್ಯೆಗಳಿಗೆ ತುತ್ತಾಗಬೇಕಾಗುತ್ತೆ.

ಅರಿಶಿನವನ್ನ ಅಡುಗೆಗೆ ಮಾತ್ರ ಅಲ್ಲ ಮದುವೆ, ಶುಭಕಾರ್ಯಗಳಿಗೂ ಉಪಯೋಗಿಸ್ತಾರೆ. ಅಷ್ಟೇ ಅಲ್ಲ ಅರಿಶಿನವನ್ನ ಪವಿತ್ರವಾಗಿಯೂ ಭಾವಿಸ್ತಾರೆ. ಅರಿಶಿನವನ್ನ ಆರೋಗ್ಯಕ್ಕೆ ಮಾತ್ರ ಅಲ್ಲ ಸೌಂದರ್ಯಕ್ಕೂ ಉಪಯೋಗಿಸಬಹುದು. ಅರಿಶಿನ ಸೇವಿಸೋದ್ರಿಂದ ನಮ್ಮ ಶರೀರಕ್ಕೆ ಹಲವು ರೋಗಗಳ ವಿರುದ್ಧ ಹೋರಾಡೋ ಸಾಮರ್ಥ್ಯ ಸಿಗುತ್ತೆ. ಇದು ಶರೀರದ ಉರಿಯನ್ನ ಕಡಿಮೆ ಮಾಡಲು ಸಹಾಯ ಮಾಡುತ್ತೆ. ಅರಿಶಿನದಲ್ಲಿ ಉರಿಯೂತ ನಿವಾರಕ, ಉತ್ಕರ್ಷಣ ನಿರೋಧಕ, ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿವೆ. ಪ್ರತಿದಿನ ಅರಿಶಿನ ಸೇವಿಸೋದ್ರಿಂದ ನಮಗೆ ಹಲವು ಲಾಭಗಳಿವೆ. ನಮಗೆಲ್ಲರಿಗೂ ಅರಿಶಿನದ ಲಾಭಗಳ ಬಗ್ಗೆ ಸ್ವಲ್ಪಮಟ್ಟಿಗೆ ಗೊತ್ತಿರುತ್ತೆ. ಆದ್ರೆ ಹಲವರಿಗೆ ಗೊತ್ತಿಲ್ಲದ ವಿಷಯ ಏನಂದ್ರೆ ಅರಿಶಿನ ಕೂಡ ಹಾನಿ ಮಾಡುತ್ತೆ. ಹೌದು ಅರಿಶಿನ ಕೂಡ ನಮ್ಮನ್ನ ಕೆಲವು ರೋಗಗಳಿಗೆ ತುತ್ತಾಗುವಂತೆ ಮಾಡುತ್ತೆ. ಅವು ಯಾವುವು ಅಂತ ಈಗ ತಿಳಿದುಕೊಳ್ಳೋಣ ಬನ್ನಿ.

ಅರಿಶಿನದಿಂದ ಆಗುವ ನಷ್ಟಗಳಿವು

ನಿಮಗೆ ಗೊತ್ತಾ? ಅರಿಶಿನವನ್ನ ಮಿತಿಮೀರಿ ಸೇವಿಸೋದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಒಂದು ವೇಳೆ ಅರಿಶಿನವನ್ನ ಹೆಚ್ಚಾಗಿ ಸೇವಿಸಿದ್ರೆ ಹೊಟ್ಟೆ ಉಬ್ಬರ ಸಮಸ್ಯೆ ಬರುತ್ತೆ. ಇದರಿಂದ ಗ್ಯಾಸ್, ಅಪಾನವಾಯು, ಆಸಿಡಿಟಿ ಹೀಗೆ ಜೀರ್ಣಕ್ರಿಯೆ ಸಮಸ್ಯೆಗಳು ಬರುತ್ತವೆ. ಹಾಗೇ ಭೇದಿ ಸಮಸ್ಯೆ ಕೂಡ ಬರುತ್ತೆ. ಅದಕ್ಕೇ ಅರಿಶಿನವನ್ನ ಹೆಚ್ಚಾಗಿ ಸೇವಿಸೋದನ್ನ ಬಿಡಿ.

ಅರಿಶಿನ ನಮ್ಮ ರಕ್ತವನ್ನ ತೆಳುವಾಗಿಸಲು ಉಪಯೋಗಕ್ಕೆ ಬರುತ್ತೆ. ಆದ್ರೆ ನೀವು ಈಗಾಗಲೇ ರಕ್ತ ತೆಳುವಾಗಿಸೋ ಔಷಧಿಗಳನ್ನ ಸೇವಿಸುತ್ತಿದ್ರೆ ಅರಿಶಿನವನ್ನ ಹೆಚ್ಚಾಗಿ ಸೇವಿಸಬೇಡಿ. ಇದು ತುಂಬಾ ಅಪಾಯಕಾರಿ. ಅರಿಶಿನದಲ್ಲಿ ಬಿಸಿ ಮಾಡೋ ಗುಣ ಇರುತ್ತೆ. ಹಾಗೇ ಕೆಲವರಿಗೆ ಅರಿಶಿನ ಅಲರ್ಜಿ ಇರುತ್ತೆ. ಇದರಿಂದ ಅರಿಶಿನ ಸೇವಿಸಿದ್ರೆ ಚರ್ಮ ಊತ, ದದ್ದುಗಳು, ಕೆಂಪಗಾಗುವುದು ಹೀಗೆ ಸಮಸ್ಯೆಗಳು ಬರುತ್ತವೆ. ಆರೋಗ್ಯ ತಜ್ಞರ ಪ್ರಕಾರ ಅರಿಶಿನವನ್ನ ಹೆಚ್ಚಾಗಿ ಸೇವಿಸಿದ್ರೆ ಮೂತ್ರಪಿಂಡದಲ್ಲಿ ಕಲ್ಲುಗಳು ಉಂಟಾಗುವ ಸಾಧ್ಯತೆ ಇದೆ. ಅಷ್ಟೇ ಅಲ್ಲ ಹೆಚ್ಚು ಅರಿಶಿನ ತಲೆನೋವು ಕೂಡ ಉಂಟುಮಾಡುತ್ತೆ. ಲಿವರ್ ಸಂಬಂಧಿ ಸಮಸ್ಯೆಗಳಿರೋರು ಅರಿಶಿನವನ್ನ ಮಿತಿಮೀರಿ ಸೇವಿಸಬಾರದು. ಯಾಕಂದ್ರೆ ಹೆಚ್ಚು ಅರಿಶಿನ ನಿಮ್ಮ ಸಮಸ್ಯೆಗಳನ್ನ ಇನ್ನಷ್ಟು ಹೆಚ್ಚಿಸುತ್ತೆ.

ಗರ್ಭಿಣಿಯರು ಕೂಡ ಅರಿಶಿನವನ್ನ ಹೆಚ್ಚಾಗಿ ತಿನ್ನಬಾರದು. ಯಾಕಂದ್ರೆ ಅರಿಶಿನ ಗರ್ಭಕೋಶದ ಸ್ನಾಯುಗಳನ್ನ ಉತ್ತೇಜಿಸುತ್ತೆ. ಸಕ್ಕರೆ ಕಾಯಿಲೆ ಇರೋರು ಕೂಡ ಅರಿಶಿನವನ್ನ ಹೆಚ್ಚಾಗಿ ಸೇವಿಸಬಾರದು. ಯಾಕಂದ್ರೆ ಇವರ ರಕ್ತ ತುಂಬಾ ದಪ್ಪವಾಗಿರುತ್ತೆ. ಇದನ್ನ ತೆಳುವಾಗಿಸಲು ಇವರು ಔಷಧಿಗಳನ್ನ ಸೇವಿಸಬೇಕಾಗುತ್ತೆ. ಆದ್ರೆ ಅರಿಶಿನ ರಕ್ತವನ್ನ ತೆಳುವಾಗಿಸುತ್ತೆ. ಅರಿಶಿನದಿಂದ ರಕ್ತ ಇನ್ನಷ್ಟು ತೆಳುವಾಗುತ್ತೆ. ಇದು ಒಳ್ಳೆಯದಲ್ಲ. ಹಾಗಾಗಿ ಮಧುಮೇಹ ಇರೋರು ಅರಿಶಿನವನ್ನ ಹೆಚ್ಚಾಗಿ ತಿನ್ನಬಾರದು.

ಅರಿಶಿನ ತಿನ್ನೋದ್ರಿಂದ ಆಗೋ ಲಾಭಗಳು

ಅರಿಶಿನ ಉರಿಯನ್ನ, ನೋವನ್ನ ಕಡಿಮೆ ಮಾಡುತ್ತೆ. ರೋಗನಿರೋಧಕ ಶಕ್ತಿಯನ್ನ ಹೆಚ್ಚಿಸುತ್ತೆ. ಚರ್ಮವನ್ನ ಆರೋಗ್ಯವಾಗಿಡುತ್ತೆ. ಜೀರ್ಣಕ್ರಿಯೆಯನ್ನ ಸುಧಾರಿಸುತ್ತೆ. ಹೃದಯವನ್ನ ಆರೋಗ್ಯವಾಗಿಡುತ್ತೆ. ಕ್ಯಾನ್ಸರ್ ತಡೆಗಟ್ಟಲು ಸಹಾಯ ಮಾಡುತ್ತೆ.