ರಾತ್ರಿ ಲೇಟಾಗಿ ಮಲಗೋ ಅಭ್ಯಾಸವೇ? ತೂಕ ಹೆಚ್ಚಲು ಇದೂ ಒಂದು ಕಾರಣ

ಇತ್ತೀಚಿಗೆ ಕೆಲವರು ತಡರಾತ್ರಿಯವರೆಗೆ ಮೂವಿ ನೊಡ್ತಾ ಅಥವಾ ಟಿವಿ ಕಾರ್ಯಕ್ರಮಗಳನ್ನು ನೋಡುತ್ತಲೇ ಇರುತ್ತಾರೆ. ಇದರ ಪರಿಣಾಮವೆಂದರೆ ತಡರಾತ್ರಿಯ ನಿದ್ರೆ. ಆದರೆ ತಡವಾಗಿ ನಿದ್ರೆ ಮಾಡೋದರಿಂದ ಎಷ್ಟೊಂದು ಸಮಸ್ಯೆ ಇದೆ ಗೊತ್ತಾ?  

ನೀವು ಸಹ ವಾರ ಪೂರ್ತಿ ಕೆಲಸದ ಬಳಿಕ ವೀಕೆಂಡ್ ಗಳಲ್ಲಿ ತಡರಾತ್ರಿವರೆಗೆ (late night sleep) ಸಿನಿಮಾ, ವಿಡಿಯೋ ನೋಡಿಕೊಂಡು ಇರುತ್ತೀರಾ? ಜೊತೆಗೆ ರಾತ್ರಿಯಲ್ಲಿ ನಿದ್ರೆಯ ಕೊರತೆಯನ್ನು ಹಗಲಿನಲ್ಲಿ ಮಲಗುವ ಮೂಲಕ ಸಮತೋಲನಗೊಳಿಸಲು ನೀವು ಯತ್ನಿಸುತ್ತಿದ್ದರೆ, ಅದು ಖಂಡಿತಾ ಸಾಧ್ಯವಿಲ್ಲ. ಇದರಿಂದ ಹಲವು ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದೆ. 

ಸಾಮಾನ್ಯವಾಗಿ, ತಡರಾತ್ರಿ ಕೆಲಸ ಮಾಡುವ ಜನರು ದೊಡ್ಡ ತಪ್ಪು ಕಲ್ಪನೆಯನ್ನು ಹೊಂದಿರುತ್ತಾರೆ. ಅದೇನೆಂದರೆ, ರಾತ್ರಿಯಲ್ಲಿ ಉಂಟಾದ ನಿದ್ರೆಯ ಕೊರತೆಯನ್ನು ಹಗಲಿನಲ್ಲಿ ಮಲಗುವ ಮೂಲಕ ಸಮತೋಲನಗೊಳಿಸಬಹುದು ಎಂದು. ಮನಸ್ಸು ಮತ್ತು ದೇಹಕ್ಕೆ ಹಗಲಿನಲ್ಲಿ ಉಂಟಾಗುವ ಒತ್ತಡ ಮತ್ತು ಹಾನಿಯನ್ನು ರಾತ್ರಿ ನಿದ್ರೆ ಗುಣಪಡಿಸುತ್ತದೆ. ಹಗಲಿನಲ್ಲಿ ರಾತ್ರಿಯ ನಿದ್ರೆಯನ್ನು ಪೂರ್ಣಗೊಳಿಸಿದ ನಂತರ ದೇಹವನ್ನು ಸರಿಯಾಗಿ ಸರಿಪಡಿಸಲು ಸಾಧ್ಯವಾಗುವುದಿಲ್ಲ. ಹಗಲಿನ ನಿದ್ರೆ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಆಹ್ವಾನಿಸುತ್ತದೆ. ಇದರಿಂದ ಖಂಡಿತಾ ಆರಾಮ ಸಿಗೋದಿಲ್ಲ ಬದಲು, ಆತಂಕ, ಕಿರಿಕಿರಿ, ಕೋಪ, ಒತ್ತಡದಂತಹ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ದೀರ್ಘಕಾಲ ಮಲಗುವುದು ಇಡೀ ದಿನಚರಿಯನ್ನು ತೊಂದರೆಗೊಳಿಸುತ್ತದೆ. ರಾತ್ರಿ ತಡವಾಗಿ ಮಲಗುವುದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ (health issues) ಕಾರಣವಾಗಬಹುದು. ಅವುಗಳ ಬಗ್ಗೆ ತಿಳಿಯೋಣ. 

ಡಾರ್ಕ್ ಸರ್ಕಲ್ಸ್
ರಾತ್ರಿ ತಡವಾಗಿ ಮಲಗುವುದು ಮತ್ತು ಹಗಲಿನಲ್ಲಿ ಹೆಚ್ಚು ನಿದ್ರಿಸುವುದು ಕಣ್ಣುಗಳ ಸುತ್ತಲೂ ಡಾರ್ಕ್ ಸರ್ಕಲ್ ಗಳಿಗೆ (dark circle) ಕಾರಣವಾಗಬಹುದು. ಇದು ಕಣ್ಣುಗಳ ಮೇಲಿನ ಒತ್ತಡದಿಂದಾಗಿರಬಹುದು. ಹಗಲಿನಲ್ಲಿ ಕಂಪ್ಯೂಟರ್ ಸಿಸ್ಟಮ್ ಮುಂದೆ ಕುಳಿತುಕೊಳ್ಳುವಾಗ ಅಥವಾ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳನ್ನು ನಿರಂತರವಾಗಿ ನೋಡುವಾಗ ಕಣ್ಣುಗಳ ಮೇಲೆ ಹೆಚ್ಚು ಒತ್ತಡ ಉಂಟಾಗುತ್ತದೆ. ಡಾರ್ಕ್ ಸರ್ಕಲ್ ಹೊರತಾಗಿ, ದೀರ್ಘಕಾಲ ಮಲಗುವುದು ಕೂದಲು ಮತ್ತು ಚರ್ಮದ ಸಮಸ್ಯೆಗಳಿಗೆ ಕಾರಣವಾಗಬಹುದು. 

ನಿದ್ರಾಹೀನತೆ (sleeplessnesS)
ದೇಹವು ಸ್ಥಿರ ನಿದ್ರೆಯ ಚಕ್ರವನ್ನು ಹೊಂದಿದೆ. ಇದರ ಪ್ರಕಾರ, ರಾತ್ರಿಯಲ್ಲಿ ಸ್ವಾಭಾವಿಕವಾಗಿ ನಿದ್ರೆ ಬರುತ್ತದೆ. ನಿದ್ರೆಯ ಸಮಯದಲ್ಲಿನ ಬದಲಾವಣೆಗಳು ನಿದ್ರಾಹೀನತೆಗೆ ಕಾರಣವಾಗುತ್ತವೆ. ನೀವು ಸಾಮಾನ್ಯವಾಗಿ ಮಧ್ಯರಾತ್ರಿಯ ನಂತರ ಮಲಗಲು ಹೋದರೆ, ನಿದ್ರೆ ಮಾಡಲು ನಿಮಗೆ ಕಷ್ಟವಾಗಬಹುದು. ಮಲಗಿದ ನಂತರ ನಿದ್ರೆ ಮಾಡಲು ಹಲವಾರು ನಿಮಿಷಗಳು ಮತ್ತು ಕೆಲವೊಮ್ಮೆ ಗಂಟೆಗಳು ತೆಗೆದುಕೊಳ್ಳಬಹುದು. ಈ ಕಾರಣದಿಂದಾಗಿ, ನಿದ್ರೆ ಪೂರ್ಣವಾಗದಿರಬಹುದು. 

ತಲೆನೋವು
ತಡರಾತ್ರಿಯ ನಿದ್ರೆಯು ಮೆದುಳಿನ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ. ಈ ಕಾರಣದಿಂದಾಗಿ, ಮೆದುಳಿನ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರುತ್ತದೆ. ನಿಮ್ಮ ಮೆದುಳಿನ ನಿಯಮಿತ ಕಾರ್ಯನಿರ್ವಹಣೆಗೆ ನೀವು ಅಡ್ಡಿಪಡಿಸಿದರೆ, ಹೆಚ್ಚಿನ ಪರಿಣಾಮಗಳನ್ನು ಎದುರಿಸಬೇಕಾಗಬಹುದು. ಇದು ಮಂಪರು ಮತ್ತು ತಲೆನೋವಿಗೆ (headache) ಕಾರಣವಾಗಬಹುದು. ಜೊತೆಗೆ ಬೆನ್ನುನೋವಿನ ಸಮಸ್ಯೆ ಸಹ ಕಾಣಬಹುದು.

ಆತಂಕ
ನೀವು ಮಧ್ಯರಾತ್ರಿ ನಂತರ ಮಲಗಿದರೆ, ನಿಮ್ಮ ಮನಸ್ಥಿತಿ ಹಗಲಿನಲ್ಲಿ ಹದಗೆಡಬಹುದು. ಮನಸ್ಥಿತಿ ಕೆಟ್ಟದಾಗ ಆತಂಕ ಸಹಜ. ನೀವು ತಡವಾಗಿ ಎಚ್ಚರವಾದಾಗ, ನೀವು ದಿನವಿಡೀ ವಿವಿಧ ಜವಾಬ್ದಾರಿಗಳು ಮತ್ತು ಕಾರ್ಯಗಳ ಬಗ್ಗೆ ಚಿಂತೆ ಮಾಡಲು ಪ್ರಾರಂಭಿಸುತ್ತೀರಿ. ಈ ಕಾರ್ಯಗಳನ್ನು ಹಗಲಿನಲ್ಲಿ ಮಾತ್ರ ಪೂರ್ಣಗೊಳಿಸಬೇಕು. ನೀವು ಅವುಗಳನ್ನು ಸಮಯಕ್ಕೆ ಪೂರ್ಣಗೊಳಿಸಲು ಸಾಧ್ಯವಾಗದಿದ್ದರೆ, ಕೆಲಸದ ಹೊರೆ ಹೆಚ್ಚಾಗುತ್ತದೆ. ಇದರಿಂದ ಸಮಸ್ಯೆಯೇ ಸಮಸ್ಯೆ. 

ಏಕಾಗ್ರತೆಯ ಕೊರತೆ
ರಾತ್ರಿ ತಡವಾಗಿ ಮಲಗುವುದು ನಿಮ್ಮ ಏಕಾಗ್ರತೆಯ (concentration) ಮೇಲೆ ಪರಿಣಾಮ ಬೀರುತ್ತದೆ. ನಿಮಗೆ ಸಾಕಷ್ಟು ನಿದ್ರೆ ಸಿಗದಿದ್ದರೆ, ಹಗಲಿನಲ್ಲಿ ತಲೆತಿರುಗುವಿಕೆ ಉಂಟಾಗುವುದು ತುಂಬಾ ಸಾಮಾನ್ಯ. ನೀವು ಚಾಲನೆ ಮಾಡುವಾಗ, ನೀವು ನಿಮ್ಮ ಏಕಾಗ್ರತೆಯನ್ನು ಕಳೆದುಕೊಳ್ಳಬಹುದು. ಇದು ಅಪಘಾತದ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ಈ ಕಾರಣದಿಂದಾಗಿ, ಕಚೇರಿ ಕೆಲಸವನ್ನು ಮಾಡಲು ಸಹ ತೊಂದರೆಯಾಗಬಹುದು. 

ಅಧಿಕ ತೂಕ
ದೀರ್ಘಕಾಲ ಮಲಗುವುದು ಚಯಾಪಚಯ ಕ್ರಿಯೆಯನ್ನು (Digestive System) ಹಾಳುಮಾಡುತ್ತದೆ. ನೀವು ತಡವಾಗಿ ಮಲಗಿದ್ರೆ, ನಿಮಗೆ ಎಲ್ಲಾ ಸಮಯದಲ್ಲೂ ಹಸಿವಾಗುತ್ತದೆ. ಆದರೆ ಉಪಾಹಾರ ತೆಗೆದುಕೊಳ್ಳಲು ಸಮಯ ಇರೋದಿಲ್ಲ. ರಾತ್ರಿ ತಡವಾಗಿ ಮಲಗುವ ಜನ ಜಂಕ್ ಫುಡ್‌ಗಾಗಿ ಹಂಬಲಿಸುವುದನ್ನು ಸಾಮಾನ್ಯವಾಗಿ ಕಾಣಬಹುದು. ಈ ಕಾರಣದಿಂದಾಗಿ, ಅವರು ದಿನಕ್ಕೆ ಹಲವಾರು ಬಾರಿ ಆಹಾರವನ್ನು ತೆಗೆದುಕೊಳ್ಳುತ್ತಾರೆ. ಕೊನೆಯಲ್ಲಿ, ಇದು ಬೊಜ್ಜಿಗೆ  (weight gain) ಕಾರಣವಾಗುತ್ತದೆ.