ಸಣ್ಣ ಶಬ್ಧವಾದರೂ ಎಚ್ಚರವಾಗುತ್ತಾ, ನಿಮ್ಮ ನಿದ್ರೆಗೆ ನಿದ್ರೆಯೇ ಆಗಬಹುದು ಅಡ್ಡಿ!?

ನೀವು ಸಣ್ಣ ಶಬ್ದವಾದರೂ ಎದ್ದೇಳುತ್ತೀರಾ? ಹಾಗಿದ್ದರೆ, ನಿಮಗೆ ಮಧುಮೇಹದಂತಹ ರೋಗಗಳ ಅಪಾಯ ಹೆಚ್ಚಾಗಿರುತ್ತೆ. ಈ ಸಮಸ್ಯೆ ಬಾರದೆ ಇರಲು ನೀವು ಸಮಯಕ್ಕೆ ಸರಿಯಾಗಿ ಉತ್ತಮ ನಿದ್ರೆಯ ಕ್ರಮಗಳನ್ನು ತೆಗೆದುಕೊಳ್ಳುವುದು ಪ್ರಯೋಜನಕಾರಿ.

ನಿಮಗೆ ನಿದ್ರೆಯ ಅಗತ್ಯವಿಲ್ಲದಿರಬಹುದು, ಆದರೆ ನಿಮ್ಮ ದೇಹ ಮತ್ತು ಮೆದುಳಿಗೆ ಇದು ತುಂಬಾ ಬೇಕು. ಆದ್ದರಿಂದ, ತಜ್ಞರು ಪ್ರತಿದಿನ 7-8 ಗಂಟೆಗಳ ಕಾಲ ಮಲಗಲು ಶಿಫಾರಸು ಮಾಡುತ್ತಾರೆ. ಆದರೆ ಕೆಲವು ಜನರಿಗೆ ನಿದ್ರೆಯ ಸಮಸ್ಯೆಗಳಿವೆ (sleeping problem), ಇದು ಅವರ ನಿದ್ರೆಯ ಗುರಿಗಳನ್ನು ಪೂರೈಸುವುದನ್ನು ತಡೆಯುತ್ತದೆ. ನಿದ್ರಾಹೀನತೆ, ಸ್ಲೀಪ್ ಅಪ್ನಿಯಾ, ರಾತ್ರಿಯಲ್ಲಿ ಪದೇ ಪದೇ ಮೂತ್ರ ವಿಸರ್ಜನೆ, ಗೊರಕೆ, ಸ್ಲೀಪ್ ವಾಕಿಂಗ್ ಇತ್ಯಾದಿಗಳು ಇದರಲ್ಲಿ ಸೇರಿವೆ. ಆದರೆ ಅರ್ಧ ನಿದ್ರೆಯೇ ನಿದ್ರೆಗೆ ಅಡ್ಡಿಯಾಗಿದೆ ಎಂದು ನಿಮಗೆ ತಿಳಿದಿದೆಯೇ?

ಸ್ಲೀಪ್ ಫೌಂಡೇಶನ್ ಪ್ರಕಾರ, ಲೈಟ್ ಸ್ಲೀಪರ್ ಗಳು ನಿದ್ರೆಯಲ್ಲಿ ಎಷ್ಟೇ ಆಳವಾಗಿದ್ದರೂ ಸ್ವಲ್ಪ ಶಬ್ದವಾದರೂ ಎಚ್ಚರಗೊಳ್ಳುವ ಜನರು. ಅಂತಹ ಜನರಲ್ಲಿ ಕಿರಿಕಿರಿ ಹೆಚ್ಚು. ಇದು ಅವರ ಒಟ್ಟಾರೆ ಆರೋಗ್ಯದ ಮೇಲೆ ಪರಿಣಾಮ (health effects) ಬೀರುತ್ತೆ. ಸರಿಯಾಗಿ ನಿದ್ರೆ ಮಾಡದೇ ಇದ್ದರೆ ಸಂಭವನೀಯ ರೋಗಗಳ ಅಪಾಯ ಹೆಚ್ಚುತ್ತೆ. ಮತ್ತು ಸಾಕಷ್ಟು ನಿದ್ರೆ ಪಡೆಯುವ ಮಾರ್ಗಗಳನ್ನು ನಾವು ನಿಮಗೆ ಹೇಳುತ್ತಿದ್ದೇವೆ, ಇದು ನಿಮಗೆ ಆರೋಗ್ಯವಾಗಿರಲು ಸಹಾಯ ಮಾಡುತ್ತದೆ.

ಮಧುಮೇಹ (Diabetes)

ಲೈಟ್ ಸ್ಲೀಪರ್ ಗಳಿಗೆ  (light sleeper) ಮಧುಮೇಹದ ಹೆಚ್ಚಿನ ಅಪಾಯವಿದೆ. ಅಂತಹ ಜನರು ರಾತ್ರಿಯಲ್ಲಿ ಪದೇ ಪದೇ ಎದ್ದೇಳುವುದರಿಂದ ಸಾಕಷ್ಟು ನಿದ್ರೆ ಪಡೆಯಲು ಸಾಧ್ಯವಾಗುವುದಿಲ್ಲ.ಹಾಗಾಗಿ ನಿಮ್ಮ ನಿದ್ರೆ ಗುಣಮಟ್ಟವನ್ನು ಸುಧಾರಿಸೋದು ಉತ್ತಮ.

ಸಿಡಿಸಿ ಪ್ರಕಾರ, ನೀವು ನಿಯಮಿತವಾಗಿ 7 ಗಂಟೆಗಳಿಗಿಂತ ಕಡಿಮೆ ನಿದ್ರೆಯನ್ನು ಪಡೆದರೆ, ನಿಮ್ಮ ಇನ್ಸುಲಿನ್ ಪ್ರತಿರೋಧ ಹೆಚ್ಚಾಗುತ್ತದೆ. ಇದು ಮರುದಿನ ಹೆಚ್ಚಿನ ಹಸಿವಿನೊಂದಿಗೆ ಸಕ್ಕರೆ ಕಡು ಬಯಕೆಯನ್ನು ಹೆಚ್ಚಿಸುತ್ತದೆ, ಇದು ರಕ್ತದಲ್ಲಿನ ಸಕ್ಕರೆಯನ್ನು ಅನಿಯಂತ್ರಿತಗೊಳಿಸುತ್ತದೆ. ಆದ್ದರಿಂದ, ಮಧುಮೇಹ ರೋಗಿಗಳಿಗೆ ಸಾಕಷ್ಟು ನಿದ್ರೆ ಮಾಡಲು ಸೂಚಿಸಲಾಗಿದೆ.

ಅಧಿಕ ರಕ್ತದೊತ್ತಡ (high blood pressure)

ಅಧಿಕ ರಕ್ತದೊತ್ತಡವನ್ನು ಸೈಲೆಂಟ್ ಕಿಲ್ಲರ್ (Silent Killer) ಎಂದು ಕರೆಯಲಾಗುತ್ತದೆ, ಏಕೆಂದರೆ ಅದರ ರೋಗಲಕ್ಷಣಗಳು ಸಾಮಾನ್ಯವಾಗಿ ಕಂಡುಹಿಡಿಯಲು ಸಾಧ್ಯವಿರೋದಿಲ್ಲ. ಮತ್ತು ಭವಿಷ್ಯದಲ್ಲಿ, ಇದು ಹೃದಯಾಘಾತಕ್ಕೂ (Heart Attack) ಕಾರಣವಾಗಬಹುದು. ಸಾಕಷ್ಟು ನಿದ್ರೆ ಪಡೆಯದೇ ಇರೋದು ಒತ್ತಡವನ್ನು ಹೆಚ್ಚಿಸುತ್ತದೆ, ಇದು ಅಧಿಕ ರಕ್ತದೊತ್ತಡದ ಅಪಾಯವನ್ನು ಹಲವಾರು ಪಟ್ಟು ಹೆಚ್ಚಿಸುತ್ತದೆ.

ಹೃದ್ರೋಗ (heart problem)

ಕಳಪೆ ಅಥವಾ ಅಸಮರ್ಪಕ ನಿದ್ರೆಯು ಹೃದ್ರೋಗ, ಕೊಲೆಸ್ಟ್ರಾಲ್, ರಕ್ತದೊತ್ತಡದ ಅಪಾಯವನ್ನು ಹೆಚ್ಚಿಸುವ ಅಂಶಗಳೊಂದಿಗೆ ಸಂಬಂಧಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಸರಿಯಾಗಿ ನಿದ್ರೆ ಮಾಡದಿದ್ದರೆ, ನಿಮ್ಮ ಹೃದಯವು ಅಪಾಯದಲ್ಲಿರಬಹುದು.

ಕೊಬ್ಬು (fat)

ನಿದ್ರೆಯ ಕೊರತೆಯು ದೇಹದಲ್ಲಿ ಹಾರ್ಮೋನ್ ಅಸಮತೋಲನವನ್ನು ಸೃಷ್ಟಿಸುತ್ತದೆ, ಇದು ಅತಿಯಾಗಿ ತಿನ್ನುವುದು ಮತ್ತು ಸ್ಥೂಲಕಾಯತೆಯನ್ನು ಉತ್ತೇಜಿಸುತ್ತದೆ. ನೀವು ಸಾಕಷ್ಟು ನಿದ್ರೆ ಪಡೆಯದಿದ್ದಾಗ, ಈ ಹಾರ್ಮೋನುಗಳ ಉತ್ಪಾದನೆ ವೇಗವಾಗಿ ಹೆಚ್ಚಾಗಲು ಪ್ರಾರಂಭಿಸುತ್ತದೆ, ಇದು ಹಸಿವನ್ನು ಪ್ರಚೋದಿಸುತ್ತದೆ.

ಈ ರೀತಿಯಾಗಿ ಸಾಕಷ್ಟು ನಿದ್ರೆ ಪಡೆಯಿರಿ

ನಿಮ್ಮ ದಿನಪೂರ್ತಿ ನಿದ್ದೆ ಬರುವಂತೆ ಅನಿಸುತ್ತಿದ್ದರೆ, ನೀವು ಪ್ರತಿದಿನ ಸಾಕಷ್ಟು ನಿದ್ರೆಯನ್ನು ಪಡೆಯದಿರುವ ಸಾಧ್ಯತೆಯಿದೆ. ಅಂತಹ ಪರಿಸ್ಥಿತಿಯಲ್ಲಿ, ಸಾಕಷ್ಟು ನಿದ್ರೆಯು ನಿಮ್ಮನ್ನು ಸಣ್ಣ ಮತ್ತು ಮಾರಣಾಂತಿಕ ಕಾಯಿಲೆಗೆ ಗುರಿಪಡಿಸುತ್ತೆ. ಆದ್ದರಿಂದ, ಪ್ರತಿದಿನ 7-8 ಗಂಟೆಗಳ ನಿದ್ರೆಗಾಗಿ ನೀವು ಕೆಲವು ವಿಷಯಗಳನ್ನು ಅಭ್ಯಾಸದಲ್ಲಿ ಸೇರಿಸುವುದು ಬಹಳ ಮುಖ್ಯ. 

ಪ್ರತಿದಿನ ಒಂದೇ ಸಮಯದಲ್ಲಿ ಮಲಗುವುದು, ಮಲಗುವ 60 ನಿಮಿಷಗಳ ಮೊದಲು ಎಲೆಕ್ಟ್ರಾನಿಕ್ ಸಾಧನವನ್ನು ಚಲಾಯಿಸದಿರುವುದು, ಮಧ್ಯಾಹ್ನ ಮಲಗುವುದನ್ನು ತಪ್ಪಿಸುವುದು, ರಾತ್ರಿಯಲ್ಲಿ ಲಘು ಆಹಾರವನ್ನು ಸೇವಿಸುವುದು ಇದರಲ್ಲಿ ಸೇರಿವೆ. ಇವುಗಳನ್ನು ಪಾಲಿಸಿದರೆ ಯಾವುದೇ ರೀತಿಯ ಸಮಸ್ಯೆ ಉಂಟಾಗೋದಿಲ್ಲ.