Kissing ಕಾಯಿಲೆಯಿಂದ ಆಸ್ಪತ್ರೆಗೆ ದಾಖಲಾದ ವಿದ್ಯಾರ್ಥಿ! ಏನಿದು ಹೊಸ ಕಾಯಿಲೆ, ಲಕ್ಷಣಗಳೇನು?

ವೈರಸ್ ಕಂಡ್ರೆ ಬೆಚ್ಚಿಬಿಳುವಂತೆ ಮಾಡಿದ್ದೇ ಕೊರೊನಾ ವೈರಸ್. ಅದಕ್ಕೂ ಹಿಂದೆ ವೈರಸ್, ಅವು ತರಬಹುದಾದ ಸೋಂಕಿನ ಬಗ್ಗೆ ಜನರು ಅಷ್ಟೊಂದು ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ ಯಾವಾಗ ಕೊರೊನಾ ವೈರಸ್‌ ಜಗತ್ತನ್ನು ಆವರಿಸಿ ಹಿಂಡಿಹಿಪ್ಪೇ ಮಾಡಿಹಾಕಿತೋ ಆಗಿನಿಂದ ಜನರು ವೈರಸ್ ಅಂದ್ರೆನೇ ಬೆಚ್ಚಿಬಿಳುತ್ತಿದ್ದಾರೆ. ಕೊರೊನಾ ವೈರಸ್‌ನಿಂದ ಇನ್ನೂ ಅನೇಕ ದೇಶಗಳು ಚೇತರಿಸಿಕೊಂಡಿಲ್ಲ. ಹೀಗಿರುವಾಗ ಅದರ ಜೊತೆಗೆ ಮತ್ತೊಂದು ವೈರಸ್ ಜೊತೆಯಾಗಿದೆ. ಅದೇ ಕಿಸ್ಸಿಂಗ್ ಡಿಸೀಜ್(Kissing Disease)!
 

ಹೌದು ಅಮೆರಿಕದಂತಹ ದೇಶಗಳಲ್ಲಿ ಕಿಸ್ಸಿಂಗ್ ಡಿಸೀಜ್ ಎಚ್ಚರಿಕೆ ಗಂಟೆ ನೀಡಿದೆ. ಅಂದರೆ ಕಿಸ್ಸಿಂಗ್ ಕಾಯಿಲೆ ಈಗ ಅಲ್ಲಿ ಅಪಾಯದ ಮಟ್ಟಕ್ಕೇರಿದೆ. ವ್ಯಕ್ತಿಯ ಲಾಲಾರಸದ ಸಂಪರ್ಕ ಅಂದರೆ ಸಾಮಾನ್ಯವಾಗಿ ಕಿಸ್ಸಿಂಗ್ ಮೂಲಕವೇ ಈ ಸಾಂಕ್ರಾಮಿಕ ರೋಗ ಹರಡುತ್ತಿದೆ. ಈಗಾಗಲೇ ಬ್ರಿಟನ್‌ನಲ್ಲಿ ಈ ವೈರಸ್‌ನಿಂದಾಗಿ ಕಾಲೇಜು ವಿದ್ಯಾರ್ಥಿಯೊರ್ವ ಆಸ್ಪತ್ರೆಗೆ ದಾಖಲಾಗಿದ್ದಾನೆ. ಹಾಗಾದರೆ ಏನಿದು ಕಿಸ್ಸಿಂಗ್ ಕಾಯಿಲೆ? ಹೇಗೆ ಹರಡುತ್ತೆ? ಲಕ್ಷಣಗಳೇನು? ಬನ್ನಿ ತಿಳಿಯೋಣ.
 

ಏನಿದು ಕಿಸ್ಸಿಂಗ್ ಕಾಯಿಲೆ?

ಸಾಮಾನ್ಯವಾಗಿ ಎಪ್ಸ್ಟೀನ್-ಬಾರ್ ವೈರಸ್ (EBV) ನಿಂದ ಉಂಟಾಗುತ್ತದೆ. ಇದು ಸೋಂಕಿತ ವ್ಯಕ್ತಿಯ ಬಾಯಿಯಿಂದ ಲಾಲಾರಸದ ನೇರ ಸಂಪರ್ಕದಿಂದ ಅಥವಾ ರಕ್ತದಂತಹ ಇತರ ದೈಹಿಕ ದ್ರವಗಳ ಮೂಲಕ ಹರಡುತ್ತದೆ. ಚುಂಬನ, ಲೈಂಗಿಕ ಸಂಪರ್ಕ ಅಥವಾ ಆಹಾರ ಮತ್ತು ಪಾನೀಯಗಳನ್ನು ಹೊಂದಿರುವ ಯಾರೊಂದಿಗಾದರೂ ಹಂಚಿಕೊಳ್ಳುವ ಮೂಲಕ ಹರಡಬಹುದು. ಒಮ್ಮೆ ಈ ರೋಗವು ಸೋಂಕಿತ ವ್ಯಕ್ತಿಯ ಲಾಲಾರಸದ ಮೂಲಕ ಇನ್ನೊಬ್ಬ ವ್ಯಕ್ತಿಗೆ ಸೋಂಕು ತಗುಲಿತೆಂದರೆ  

ಕಾಯಿಲೆ ಲಕ್ಷಣಗಳೇನು?

ಕಿಸ್ಸಿಂಗ್ ಕಾಯಿಲೆ ಲಿಪ್‌ಲಾಕ್ ಕಿಸ್, ಒಂದೇ ಸ್ಪೂನ್, ಒಂದೇ ಸಿಗರೇಟು ಇಬ್ಬರು ಬಳಸುವುದು ಹೀಗೆ  ವೈರಸ್ ದೇಹವನ್ನು ಪ್ರವೇಶಿಸಿದಾಗ, ಮೊದಲ ಬದಲಾವಣೆಯು ಗಂಟಲಿನಲ್ಲಿ ಕಂಡುಬರುತ್ತದೆ. ಕೆಮ್ಮು, ನೋಯುತ್ತಿರುವ ಗಂಟಲು ಅನುಭವಕ್ಕೆ ಬರುತ್ತದೆ ವ್ಯಕ್ತಿಯ ಗಂಟಲು ನೋಯಿಸಲು ಪ್ರಾರಂಭಿಸುತ್ತದೆ ಮತ್ತು ಅವನಿಗೆ ಗ್ರಂಥಿಗಳ ಜ್ವರ ಬರುತ್ತದೆ. ಜ್ವರ ಬಂದಾಗ ಗಂಟಲಿನ ಗ್ರಂಥಿಗಳು ಊದಿಕೊಳ್ಳುತ್ತವೆ. ಇದರ ನಂತರ ವ್ಯಕ್ತಿಯು ವಾಂತಿ ಮಾಡಲು ಪ್ರಾರಂಭಿಸುತ್ತಾನೆ ಆಗಾಗ್ಗೆ ಮೈ ಬೆವರಲು ಹೆಚ್ಚಾಗುತ್ತದೆ.

ಜ್ವರದ ಅಧಿಕವಾಗುವುದರ ಜೊತೆಗೆ ದೇಹದ ಮೇಲೆ ದದ್ದುಗಳು ಏಳುತ್ತವೆ. ತಲೆ ಮತ್ತು ಮೈಕೈ ನೋವು ಕಾಣಿಸಿಸಕೊಳ್ಳುತ್ತದೆ. ಅಲ್ಲದೆ ಹಸಿವಿನ ಕೊರತೆ, ಯಕೃತ್ತಿನಲ್ಲಿ ನೋವು ಸಹ ಇದರ ಲಕ್ಷಣಗಳಾಗಿವೆ. ಈ ರೋಗವು ಮುಖ್ಯವಾಗಿ ಲಾಲಾರಸದ ಮೂಲಕ ದೇಹವನ್ನು ಪ್ರವೇಶಿಸುವುದರಿಂದ ಇದನ್ನು ಕಿಸ್ಸಿಂಗ್ ಕಾಯಿಲೆ ಎಂದೇ ಹೆಸರಾಗಿದೆ.
 

ಪರಿಣಾಮ ಏನು?

ಕಿಸ್ಸಿಂಗ್ ಕಾಯಿಲೆ ಯಕೃತ್ತಿನ ಮೇಲೆ ಹೆಚ್ಚು ಪರಿಣಾಮ ಬೀರುವುದರಿಂದ ಯಕೃತ್ತಿನ ವೈಫಲ್ಯ ಮತ್ತು ಹೆಪಟೈಟಿಸ್ ಸಹ ಸಂಭವಿಸಬಹುದು. ಅಂತಹ ಸಂದರ್ಭಗಳಲ್ಲಿ ಇತರರಿಂದ ದೂರವಿರಲು ವೈದ್ಯರು ಸಲಹೆ. ಕಿಸ್ಸಿಂಗ್ ಕಾಯಿಲೆ ತಡೆಗಟ್ಟಲು ಮುಖ್ಯವಾಗಿ  ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದರ ಜೊತೆಗೆ  ಇತರ ಮುನ್ನೆಚ್ಚರಿಕೆಗಳನ್ನು ಅನುಸರಿಸುವ ಮೂಲಕ ಈ ರೋಗವನ್ನು ತಡೆಗಟ್ಟಬಹುದಾಗಿದೆ.