ಚಳಿಗಾಲದಲ್ಲಿ ನಿಮ್ಮ ಈ ಸಿಂಪಲ್ ತಪ್ಪುಗಳು ಹೃದಯಾಘಾತಕ್ಕೆ ಕಾರಣವಾಗಬಹುದು! ಎಚ್ಚರ

ಚಳಿಗಾಲವು ಹೃದಯದ ಆರೋಗ್ಯವನ್ನು ಇತರ ಯಾವುದೇ ಋತುಗಳಿಗಿಂತ ಹೆಚ್ಚು ದುರ್ಬಲಗೊಳಿಸುತ್ತದೆ. ವಾತಾವರಣದ ಉಷ್ಣತೆಯು ತಂಪಾಗಿರುವಾಗ, ನಿಮ್ಮ ದೇಹವೂ ತಣ್ಣಗಾಗುತ್ತದೆ. ನಿಮ್ಮನ್ನು ಬೆಚ್ಚಗಾಗಿಸಲು ನಿಮ್ಮ ಹೃದಯವು ಹೆಚ್ಚು ಕೆಲಸ ಮಾಡಬೇಕು ಮತ್ತು ಹೆಚ್ಚು ರಕ್ತವನ್ನು ಪಂಪ್ ಮಾಡಬೇಕು. 

ನಿಮ್ಮ ಹೃದಯದ ಆರೋಗ್ಯವು ಬಲವಾಗಿದ್ದರೆ, ಶೀತ ವಾತಾವರಣದಲ್ಲಿ ನಿಮ್ಮ ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ನಿಮಗೆ ಯಾವುದೇ ತೊಂದರೆ ಇರುವುದಿಲ್ಲ. ಆದಾಗ್ಯೂ, ದುರ್ಬಲ ಹೃದಯ ಹೊಂದಿರುವ ಜನರು ಅಥವಾ ಹೃದಯ ಸಮಸ್ಯೆ ಹೊಂದಿರುವವರು ಚಳಿಗಾಲದಲ್ಲಿ ಕೆಲ ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ. ಇಂಥವರು ಚಳಿಗಾಲದಲ್ಲಿ ನಿಮ್ಮ ಒಟ್ಟಾರೆ ಆರೋಗ್ಯದ ಜೊತೆಗೆ ನಿಮ್ಮ ಹೃದಯದ ಬಗ್ಗೆ ನೀವು ಹೆಚ್ಚಿನ ಕಾಳಜಿಯನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಏಕೆಂದರೆ ಚಳಿಗಾಲದಲ್ಲಿ, ಹೃದಯ ಬಡಿತ ಹೆಚ್ಚಾಗುತ್ತದೆ ಮತ್ತು ಇದು ವಿಪರೀತ ಸಂದರ್ಭಗಳಲ್ಲಿ ಹೃದಯಾಘಾತಕ್ಕೆ ಕಾರಣವಾಗಬಹುದು.

ಸಾಮಾನ್ಯವಾಗಿ ನಾವು ಅರಿಯದೆ ಮಾಡುವ ಈ ತಪ್ಪುಗಳು ಹೃದಯಾಘಾತಕ್ಕೆ ಕಾರಣವಾಗಬಹುದು. 

ಸಾಕಷ್ಟು ಬೆಚ್ಚಗಿನ ಬಟ್ಟೆಗಳನ್ನು ಧರಿಸದಿರುವುದು
ಚಳಿಗಾಲದಲ್ಲಿ ನಿಮ್ಮ ದೇಹವನ್ನು ಬೆಚ್ಚಗಿಡಲು ನೀವು ಎಲ್ಲಾ ಸರಿಯಾದ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ನೀವು ಹಾಗೆ ಮಾಡದಿದ್ದರೆ, ನಿಮ್ಮನ್ನು ಬೆಚ್ಚಗಾಗಿಸಲು ಹೃದಯದ ಮೇಲೆ ಒತ್ತಡ ಹೆಚ್ಚಾಗುತ್ತದೆ. ಬೆಚ್ಚಗಿನ ಬಟ್ಟೆ, ಬೆಚ್ಚಗಿನ ಕ್ಯಾಪ್, ಉಣ್ಣೆಯ ಕೈಗವಸುಗಳು ಮತ್ತು ಬಟ್ಟೆಯ ಪದರಗಳನ್ನು ಧರಿಸಿ ನಿಮ್ಮ ದೇಹದ ಉಷ್ಣತೆಯನ್ನು ಕಾಪಾಡಿಕೊಳ್ಳಲು ನೀವು ಕ್ರಮಗಳನ್ನು ತೆಗೆದುಕೊಂಡರೆ, ಹೃದಯಾಘಾತದ ಅಪಾಯವು ಕಡಿಮೆಯಾಗುತ್ತದೆ. ಬಟ್ಟೆಯ ಪದರಗಳು ದೇಹದ ಶಾಖವನ್ನು ಹಿಡಿದಿಟ್ಟುಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ನಿಮಗೆ ಬೆಚ್ಚಗಾಗಲು ಸಹಾಯ ಮಾಡುತ್ತದೆ.
 

ಕಡಿಮೆ ನೀರು ಕುಡಿಯುವುದು
ತಣ್ಣ ಗಾಳಿಯಿಂದಾಗಿ ನಮಗೆ ಚಳಿಗಾಲದಲ್ಲಿ ನೀರು ಕುಡಿಯಬೇಕೆಂದು ಅನಿಸುವುದಿಲ್ಲ ಮತ್ತು ದೇಹ ಡಿಹೈಡ್ರೇಶನ್‌ಗೆ ಒಳಗಾಗುತ್ತದೆ. ಡಿಹೈಡ್ರೇಶನ್‌ನಿಂದ ಹೃದಯ ಸಮಸ್ಯೆ ಸೇರಿದಂತೆ ಇತರೆ ರೋಗಗಳ ಅಪಾಯ ಹೆಚ್ಚುತ್ತದೆ. ಹಾಗಾಗಿ, ಸಾಕಷ್ಟು ನೀರು ಕುಡಿಯುವುದನ್ನು ಮರೆಯಬೇಡಿ.

ಶ್ರಮದಾಯಕ ಚಟುವಟಿಕೆಗಳಿಂದ ವಿರಾಮ
ಸಕ್ರಿಯವಾಗಿರುವುದು ಒಳ್ಳೆಯದು. ಆದರೆ ಶ್ರಮ ಕೂಡಾ ಅಧಿಕವಾದರೆ ಅದು ನಿಮ್ಮ ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ, ನಿಮ್ಮ ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ ಮತ್ತು ಹೃದಯಾಘಾತದ ಅಪಾಯವನ್ನು ಹೆಚ್ಚಿಸುತ್ತದೆ. ಅತಿಯಾಗಿ ಕೆಲಸ ಮಾಡಬೇಡಿ. ಮಧ್ಯೆ ಮಧ್ಯೆ ವಿರಾಮಗಳನ್ನು ತೆಗೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಿ, ನಿಮ್ಮ ಹೃದಯ ಮತ್ತು ದೇಹವು ಚೇತರಿಸಿಕೊಳ್ಳಲಿ. 
 

ಅತಿಯಾದ ಆಲ್ಕೊಹಾಲ್ ಸೇವನೆ
ಚಳಿಗಾಲದ ತಿಂಗಳುಗಳಲ್ಲಿ ಆಲ್ಕೋಹಾಲ್ ನಿಮಗೆ ಬೆಚ್ಚಗಾಗಲು ಸಹಾಯ ಮಾಡುತ್ತದೆ. ಆದರೆ ಮದ್ಯದ ಮಿತಿ ಮೀರಿದ ಸೇವನೆಯು ಹೃದಯ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ. ತಾಪಮಾನವು ತಂಪಾಗಿರುವಾಗ, ಇದು ಸಂಕುಚಿತ ರಕ್ತನಾಳಗಳಿಗೆ ಕಾರಣವಾಗುತ್ತದೆ. ಇದು ಅತಿಯಾದ ಮದ್ಯಪಾನದೊಂದಿಗೆ ಸೇರಿಕೊಂಡು ಪಾರ್ಶ್ವವಾಯು ಅಥವಾ ಹೃದಯಾಘಾತಕ್ಕೆ ಕಾರಣವಾಗಬಹುದು.

ತಪ್ಪು ರೀತಿಯ ಆಹಾರ ಸೇವನೆ
ನೀವು ಅನುಸರಿಸುವ ರೀತಿಯ ಆಹಾರವು ನಿಮ್ಮ ಅಂಗಗಳ ಮೇಲೆ ವಿಶೇಷವಾಗಿ ನಿಮ್ಮ ಹೃದಯದ ಮೇಲೆ ಭಾರಿ ಪರಿಣಾಮ ಬೀರುತ್ತದೆ. ಜಂಕ್ ಫುಡ್, ಸಂಸ್ಕರಿತ ಆಹಾರ, ಸೋಡಿಯಂ ಹೆಚ್ಚಿರುವ ಆಹಾರ, ಟ್ರಾನ್ಸ್ ಕೊಬ್ಬು ಮತ್ತು ಕ್ಯಾಲೋರಿ ಇರುವ ಆಹಾರ ಸೇವನೆ ನಿಲ್ಲಿಸಿ. ಹೃದಯ ಸಂಬಂಧಿ ಕಾಯಿಲೆಗಳನ್ನು ತಪ್ಪಿಸಲು ಸಾಕಷ್ಟು ತರಕಾರಿಗಳು ಮತ್ತು ಧಾನ್ಯಗಳಂತಹ ಹೆಚ್ಚು ಹೃದಯ ಸ್ನೇಹಿ ಆಹಾರಗಳನ್ನು ಒಳಗೊಂಡಿರುವ ಸಮತೋಲಿತ ಆಹಾರವು ಬಹಳ ಮುಖ್ಯವಾಗಿದೆ.

ಬಿಸಿಲಿಗೆ ಮೈ ಒಡ್ಡದಿರುವುದು
ನಿಮ್ಮ ಒಟ್ಟಾರೆ ಆರೋಗ್ಯವನ್ನು ಕಾಪಾಡಿಕೊಳ್ಳಲು ವಿಟಮಿನ್ ಡಿ ಅತ್ಯಗತ್ಯ. ಆದರೆ, ಚಳಿಗಾಲದಲ್ಲಿ ನೇರ ಸೂರ್ಯನ ಬೆಳಕು ಸಿಗುವುದು ವಿರಳ. ವಿಟಮಿನ್ ಡಿ ಕೊರತೆಯು ಹೃದ್ರೋಗಗಳೊಂದಿಗೆ ಸಂಬಂಧಿಸಿದೆ. ಏಕೆಂದರೆ ನೀವು ಆಹಾರ ಮತ್ತು ಪೂರಕಗಳ ಮೂಲಕ ಈ ವಿಟಮಿನ್ ಅನ್ನು ಲೋಡ್ ಮಾಡಬೇಕು. ಅದರ ಕೊರತೆಯಾಗದಂತೆ ನೋಡಿಕೊಳ್ಳಲು ಆಗಾಗ ಬಿಸಿಲಿಗೆ ಮೈಯೊಡ್ಡಿ.

ಹೊರಾಂಗಣ ವ್ಯಾಯಾಮಗಳು
ಥಂಡಿಯಲ್ಲಿ ವ್ಯಾಯಾಮ ಮಾಡುವ ತಪ್ಪನ್ನು ಮಾಡಬೇಡಿ. ಏಕೆಂದರೆ ಅದು ನಿಮ್ಮ ಹೃದಯದ ಮೇಲೆ ಹೆಚ್ಚುವರಿ ಒತ್ತಡವನ್ನು ಉಂಟು ಮಾಡಬಹುದು. ಹೊರಾಂಗಣ ವ್ಯಾಯಾಮಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಿ.