ನಿಮಗಿದು ತಿಳಿದಿರಲಿ, ಹಲ್ಲುಜ್ಜಲು ಎಷ್ಟು ಟೂತ್‌ಪೇಸ್ಟ್ ಬೇಕು?

ಬಾಯಿ ಆರೈಕೆ, ಸ್ವಚ್ಛತೆ.. ಬರೀ ಬಾಯಿಗಷ್ಟೇ ಅಲ್ಲ, ಇಡೀ ದೇಹಕ್ಕೆ ಒಳ್ಳೆಯದು. ಅದಕ್ಕೇ ದಿನಕ್ಕೆ ಎರಡು ಸಲ, ಬೆಳಿಗ್ಗೆ-ರಾತ್ರಿ ಹಲ್ಲುಜ್ಜಬೇಕು ಅಂತಾರೆ ವೈದ್ಯರು. ದಿನಕ್ಕೆ ಎರಡು ಸಲ ಬ್ರಷ್ ಮಾಡಿದ್ರೆ ಹಲ್ಲು-ಒಸಡುಗಳು ಆರೋಗ್ಯವಾಗಿರುತ್ತವೆ.  ರಾತ್ರಿ ಬಾಯಲ್ಲಿ ಬೆಳೆಯುವ ಬ್ಯಾಕ್ಟೀರಿಯಾ ಕೂಡ ಹೊರಗೆ ಹೋಗುತ್ತೆ. ಕೆಲವರು ಸ್ವಲ್ಪ ಪೇಸ್ಟ್‌ನಲ್ಲೇ ಹಲ್ಲುಜ್ಜಿದ್ರೆ, ಇನ್ನು ಕೆಲವರು ಟೂತ್‌ಪೇಸ್ಟ್ ಜಾಸ್ತಿ ಹಾಕಿಕೊಂಡು ಹಲ್ಲುಜ್ಜುತ್ತಾರೆ. ಜಾಸ್ತಿ ಪೇಸ್ಟ್ ಹಾಕಿದ್ರೆ ಹಲ್ಲು ಚೆನ್ನಾಗಿ ಸ್ವಚ್ಛ ಆಗುತ್ತೆ ಅಂತ ಅಂದುಕೊಳ್ತಾರೆ. ಆದರೆ ಹೀಗೆ ಜಾಸ್ತಿ ಪೇಸ್ಟ್ ಹಾಕಿ ಹಲ್ಲುಜ್ಜಿದ್ರೆ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಜಾಸ್ತಿ ಗೊತ್ತಾ? 

ಎಷ್ಟು ಟೂತ್‌ಪೇಸ್ಟ್ ಹಾಕಿಕೊಳ್ಳಬೇಕು?: ವೈದ್ಯರ ಪ್ರಕಾರ, ಜಾಸ್ತಿ ಟೂತ್‌ಪೇಸ್ಟ್ ಹಾಕಬಾರದು. ಬಟಾಣಿ ಕಾಳಿನಷ್ಟು ಪೇಸ್ಟ್ ಸಾಕು. ಇಷ್ಟು ಪೇಸ್ಟ್‌ನಲ್ಲೇ ಹಲ್ಲು ಸ್ವಚ್ಛ ಆಗುತ್ತೆ.

ಮಕ್ಕಳು ಹಲ್ಲುಜ್ಜುವಾಗಲೂ ಜಾಗ್ರತೆ ಇರಬೇಕು. ಮಕ್ಕಳಿಗೆ ತುಂಬಾ ಕಡಿಮೆ ಪೇಸ್ಟ್ ಹಾಕಬೇಕು. ಯಾವುದೇ ಆಗಲಿ, ಜಾಸ್ತಿ ತೆಗೆದುಕೊಂಡ್ರೆ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದು ಟೂತ್‌ಪೇಸ್ಟ್‌ಗೂ ಅನ್ವಯಿಸುತ್ತದೆ. ಜಾಸ್ತಿ ಪೇಸ್ಟ್ ಹಾಕಿದ್ರೆ ಹಲ್ಲು-ಒಸಡುಗಳ ಆರೋಗ್ಯ ಹಾಳಾಗುತ್ತೆ. 

ಜಾಸ್ತಿ ಟೂತ್‌ಪೇಸ್ಟ್ ಯಾಕೆ ಒಳ್ಳೆಯದಲ್ಲ? 

ಜಾಸ್ತಿ ಟೂತ್‌ಪೇಸ್ಟ್ ಹಾಕಿದ್ರೆ ಹಲ್ಲು ಹಾಳಾಗುತ್ತೆ. ಹಲ್ಲು ಗಟ್ಟಿ ಮಾಡಲು ಬಳಸುವ ಪೇಸ್ಟ್‌ನಲ್ಲಿರುವ ಸೋಡಿಯಂ ಫ್ಲೋರೈಡ್ ಬಾಯಿ ಆರೋಗ್ಯ ಹಾಳು ಮಾಡುತ್ತೆ. ಇದರಿಂದ ಹಲ್ಲಿನಲ್ಲಿ ಗುಂಡಿಗಳು ಬೀಳುತ್ತವೆ. ಮಕ್ಕಳಲ್ಲಿ ಫ್ಲೋರೋಸಿಸ್ ಸಮಸ್ಯೆ ಬರುತ್ತೆ. ಅದಕ್ಕೇ ಕಡಿಮೆ ಪೇಸ್ಟ್ ಬಳಸಿ ಅಂತಾರೆ ವೈದ್ಯರು. 
 

ಮೌತ್ ವಾಶ್ ಯಾವಾಗ ಬಳಸಬೇಕು?: ಅನೇಕರು ಮೌತ್ ವಾಶ್ ಬಳಸ್ತಾರೆ. ಬಾಯಿ ಸಮಸ್ಯೆ ಇದ್ರೆ ವೈದ್ಯರ ಸಲಹೆ ಪಡೆದು ಬಳಸಿ. ಬಾಯಿ ಆರೋಗ್ಯವಾಗಿದ್ರೆ ಹಲ್ಲುಜ್ಜಿದ ಮೇಲೆ ಮೌತ್ ವಾಶ್ ಬಳಸಬಹುದು. ಇದು ಬಾಯಿ ಫ್ರೆಶ್ ಆಗಿ ಇಡುತ್ತೆ. ಬಾಯಿ ವಾಸನೆ ಬರಲ್ಲ. ಹಾನಿಕಾರಕ ಬ್ಯಾಕ್ಟೀರಿಯಾ ತೆಗೆಯಲು ಸಹಾಯ ಮಾಡುತ್ತೆ. ಒಳ್ಳೆಯ ಮೌತ್ ವಾಶ್ ಬಳಸಿ.