ವಯಸ್ಸಾಯ್ತಾ ? ಕುಡಿಯೋದೆ ನನ್‌ ವೀಕ್‌ನೆಸ್ಸು ಅನ್ನೋದನ್ನು ಬಿಟ್ಬಿಡಿ, ಇಲ್ದಿದ್ರೆ ಜೀವಕ್ಕೇ ತೊಂದ್ರೆ !

ಅಲ್ಕೋಹಾಲ್ ದೇಹವನ್ನು ಡಿ ಹೈಡ್ರೇಟ್‌ (Dehydrate) ಮಾಡಬಹುದು 
ವಯಸ್ಸಾದಂತೆ ದೇಹದಲ್ಲಿ ನೀರಿನಂಶ ಕಡಿಮೆ ಇರುತ್ತದೆ. ಅಷ್ಟೇ ಅಲ್ಲ ವಯಸ್ಸಾದ ಹಾಗೆಯೇ ಬಾಯಾರಿಕೆ ಆಗೋದು ಸಹ ಕಡಿಮೆ. ಹೀಗಾಗಿ ಹಿರಿಯರು ಹೆಚ್ಚು ಅಲ್ಕೋಹಾಲ್ ಸೇವನೆ ಮಾಡೋದರಿಂದ ದೇಹ ನಿರ್ಜಲೀಕರಣಗೊಳ್ಳುವ ಸಾಧ್ಯತೆ ಹೆಚ್ಚಾ. ಆಲ್ಕೋಹಾಲ್ ಕುಡಿಯುವುದರಿಂದ ನಿಮ್ಮ ದೇಹದಿಂದ ಹೆಚ್ಚಿನ ನೀರನ್ನು ಹೊರತೆಗೆಯಬಹುದು ಮತ್ತು ನಿರ್ಜಲೀಕರಣದ ಸಾಧ್ಯತೆಗಳನ್ನು ಇನ್ನಷ್ಟು ಹೆಚ್ಚಿಸಬಹುದು.

ಚರ್ಮವನ್ನು ಡ್ರೈ (Dry skin) ಮಾಡುತ್ತದೆ 
ವಯಸ್ಸಾದಂತೆ ಚರ್ಮವು ತೆಳ್ಳಗಾಗುತ್ತದೆ ಮತ್ತು ಒಣಗುತ್ತದೆ. ಇದು ಆಂತರಿಕ ವೃದ್ಧಾಪ್ಯ ಎಂದು ಕರೆಯಲ್ಪಡುವ ನೈಸರ್ಗಿಕ ಪ್ರಕ್ರಿಯೆಯಾಗಿದೆ, ಇದನ್ನು ಯಾರೂ ಸಹ ನಿಯಂತ್ರಿಸಲು ಸಾಧ್ಯವಿಲ್ಲ. ಹೀಗಿರುವಾಗ ಅಲ್ಕೋಹಾಲ್ ಸೇವನೆ ಮಾಡೋದರಿಂದ ಅದು ನಿಮ್ಮನ್ನು ಇನ್ನಷ್ಟು ನಿರ್ಜಲೀಕರಣಗೊಳಿಸುತ್ತದೆ. ನಿಮ್ಮ ಚರ್ಮವನ್ನು ಸಹ ಒಣಗಿಸುತ್ತದೆ. ಅಲ್ಕೋಹಾಲ್ ಕಡಿಮೆ ಕುಡಿಯುವ ಮೂಲಕ ಅಥವಾ ಕುಡಿಯದಿರುವ ಮೂಲಕ ನೀವು ಅದನ್ನು ನಿಧಾನಗೊಳಿಸಬಹುದು.

ದೇಹದ ಪ್ರಮುಖ ಅಂಗಗಳನ್ನು ದುರ್ಬಲಗೊಳಿಸಬಹುದು
ಅಲ್ಕೋಹಾಲ್ ಕೆಲವು ಪ್ರಮುಖ ಅಂಗಗಳು ಕೆಲಸ ಮಾಡುವ ವಿಧಾನದ ಮೇಲೆ ಪರಿಣಾಮ ಬೀರಬಹುದು. ಮತ್ತು ಅವುಗಳನ್ನು ವೇಗವಾಗಿ ವಯಸ್ಸಾಗುವಂತೆ ಮಾಡಬಹುದು. ಅಧಿಕ ಕುಡಿಯುವವರು ಸಿರೋಸಿಸ್ (ಯಕೃತ್ತಿಗೆ ಶಾಶ್ವತ ಹಾನಿ) ಹೊಂದುವ ಸಾಧ್ಯತೆ ಹೆಚ್ಚು. ಮದ್ಯಪಾನವು ಸಹ ಕೊಬ್ಬಿನ ಯಕೃತ್ತಿನ (Liver) ಕಾಯಿಲೆಯಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು. ಇದು ನಿಮ್ಮ ಮೂತ್ರಪಿಂಡಗಳ ಆರೋಗ್ಯವನ್ನು ಹಾಳು ಮಾಡಬಹುದು.

ಮೆದುಳನ್ನು (Brain) ನಿಧಾನಗೊಳಿಸಬಹುದು
ಅಲ್ಕೋಹಾಲ್ ನೇರವಾಗಿ ತಲೆಗೆ ಅಥವಾ ಮೆದುಳಿನ ಮೇಲೆ ಪರಿಣಾಮ ಬೀರುತ್ತದೆ. ದೀರ್ಘಕಾಲದ ವರೆಗೆ ಅತಿಯಾದ ಮದ್ಯಪಾನವು ಮೆದುಳಿನ ಜೀವಕೋಶಗಳನ್ನು ಕುಗ್ಗಿಸಬಹುದು. ಮಾತ್ರವಲ್ಲ ಅಲ್ಕೋಹಾ ಹೆಚ್ಚಿನ ಪ್ರಮಾಣದಲ್ಲಿ ಸೇವನೆ ಮಾಡುವುದರಿಂದ ಬುದ್ಧಿಮಾಂದ್ಯತೆಗೆ ಕಾರಣವಾಗಬಹುದು.  

ರೋಗ ನಿರೋಧಕ (Immunity) ವ್ಯವಸ್ಥೆಯನ್ನು ದುರ್ಬಲಗೊಳಿಸಬಹುದು
ಕ್ಷಯ ಅಥವಾ ನ್ಯುಮೋನಿಯಾದಂತಹ ಮಾರಣಾಂತಿಕ ಕಾಯಿಲೆಗಳ ವಿರುದ್ಧ ದೇಹವು ಹೋರಾಡುವ ವಿಧಾನದ ಮೇಲೆ ಆಲ್ಕೋಹಾಲ್ ಪರಿಣಾಮ ಬೀರಬಹುದು. ವಯಸ್ಸಾದವರಿಗೆ ಇದು ವಿಶೇಷವಾಗಿ ಗಂಭೀರವಾಗಬಹುದು. ಆರೋಗ್ಯಕರ ದೇಹದ ಅಂಗಾಂಶಗಳ ಮೇಲೆ ದಾಳಿ ಮಾಡುವ ಮೂಲಕ, ರೋಗ ನಿರೋಧಕ ವ್ಯವಸ್ಥೆಯ ಮೇಲೆ ಹಾನಿಯನ್ನುಂಟು ಮಾಡುತ್ತದೆ. 

ಹೃದಯದ (Heart) ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು
ದೇಹ ಕೆಂಪು ವೈನ್ ಪಾಲಿಫಿನಾಲ್ ಗಳು ಎಂದು ಕರೆಯಲ್ಪಡುವ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದೆ. ಇದು  ಕೊಲೆಸ್ಟ್ರಾಲ್ ಮಟ್ಟಕ್ಕೆ ಸಹಾಯ ಮಾಡುತ್ತದೆ ಮತ್ತು ರಕ್ತನಾಳಗಳನ್ನು ರಕ್ಷಿಸುತ್ತದೆ. ಹೀಗಾಗಿ ಅಲ್ಕೋಹಾಲ್ ಸೇವನೆ  ಅತಿಯಾದರೆ ಇದು ಅಸಹಜ ಹೃದಯ ಬಡಿತ ಮತ್ತು ಅಧಿಕ ರಕ್ತದೊತ್ತಡಕ್ಕೆ ಕಾರಣವಾಗಬಹುದು. 

ಹ್ಯಾಂಗೋವರ್ ಹೆಚ್ಚು ಕಾಲ ಉಳಿಯುತ್ತೆ
ವಯಸ್ಸಾದಾಗ ಹೆಚ್ಚು ಕುಡಿಯುವುದರಿಂದ ನಮ್ಮ ದೇಹವು ವರ್ಷಗಳು ಕಳೆದಂತೆ ಕೊಬ್ಬನ್ನು ಪಡೆಯುತ್ತದೆ ಮತ್ತು ಸ್ನಾಯುಗಳು ಆರೋಗ್ಯವನ್ನು ಕಳೆದುಕೊಳ್ಳುತ್ತದೆ. ವಯಸ್ಸಾದಂತೆ ಅಲ್ಕೋಹಾಲ್‌ (Alcohol) ಹ್ಯಾಂಗೋವರ್  ಹೆಚ್ಚು ಕಾಲ ಉಳಿಯುವಂತೆ ಮಾಡಬಹುದು. ಇದು ಹಲವು ಆರೋಗ್ಯ ಸಮಸ್ಯೆಗೆ ಕಾರಣವಾ

ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆ ಹೆಚ್ಚು ಮಾಡುತ್ತದೆ
ಅಲ್ಕೋಹಾಲ್ ನೀವು ವಯಸ್ಸಾದಂ (Oldage)ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆಯನ್ನು ಹೆಚ್ಚು ಮಾಡಬಹುದು, ಇದು ಸಾಮಾನ್ಯ ವೈದ್ಯಕೀಯ ಸಮಸ್ಯೆಗಳನ್ನು ಇನ್ನಷ್ಟು ಹದಗೆಡಿಸಬಹುದು. ಆಸ್ಟಿಯೊಪೊರೋಸಿಸ್, ಮಧುಮೇಹ, ಅಧಿಕ ರಕ್ತದೊತ್ತಡ, ಪಾರ್ಶ್ವವಾಯು, ಹುಣ್ಣುಗಳು, ಸ್ಮರಣೆ ನಷ್ಟ ಮತ್ತು ಕೆಲವು ಮನಸ್ಥಿತಿಯ ಅಸ್ವಸ್ಥತೆಗಳಂತಹ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. 

ಮೆಡಿಸಿನ್‌ನ (Medicine) ಕಾರ್ಯವಿಧಾನವನ್ನು ಬದಲಿಸುತ್ತೆ 
ವಯಸ್ಸಾದಂತೆ, ದೇಹದಲ್ಲಿ ಹೆಚ್ಚು ಕಾಲ ಅಲ್ಕೋಹಾಲ್ ಉಳಿಯುತ್ತದೆ. ಆದ್ದರಿಂದ ನೀವು ಔಷಧಿ ತೆಗೆದುಕೊಂಡಾಗಲೂ ಅದು ದೇಹದಲ್ಲೇ ಇರುವ ಸಾಧ್ಯತೆ ಹೆಚ್ಚು. ಅಲ್ಲದೆ ಅಲ್ಕೋಹಾಲ್ ಸೇ ಮೆಡಿಸಿನ್ ಕೆಲಸ ಮಾಡುವ ವಿಧಾನದ ಮೇಲೆ ಪರಿಣಾಮ ಬೀರಬಹುದು. ಇದು ಗಂಭೀರ ಅಡ್ಡ ಪರಿಣಾಮಗಳಿಗೂ ಕಾರಣವಾಗಬಹುದು.

ಉದಾಹರಣೆಗೆ, ನೀವು ಆಸ್ಪಿರಿನ್ ತೆಗೆದುಕೊಂಡಾಗ ಅಲ್ಕೋಹಾಲ್ ಕುಡಿಯುವುದರಿಂದ ನಿಮ್ಮ ಹೊಟ್ಟೆಯ ಸಮಸ್ಯೆಗಳು ಅಥವಾ ಆಂತರಿಕ ರಕ್ತಸ್ರಾವದ ಸಾಧ್ಯತೆಗಳ ಹೆಚ್ಚಿಸಬಹುದು. ಕೆಲವು ನಿದ್ರೆ ಮಾತ್ರೆಗಳು, ನೋವಿನ ಔಷಧಿಗಳು(Pain relief ) ಅಥವಾ ಆಕ್ಸೈಟಿ ಡ್ರಗ್ ಬೆರೆಸುವುದು ಮಾರಣಾಂತಿಕವಾಗಬಹುದು.

ಹಿರಿಯರಿಗೆ ಗಂಭೀರ ಸಮಸ್ಯೆ 
ಮುರಿದ ಮೂಳೆಗಳು (Bone) ಹಿರಿಯರಿಗೆ ಗಂಭೀರ ಆರೋಗ್ಯ ಸಮಸ್ಯೆಯಾಗಿದೆ. ಅತಿಯಾದ ಮದ್ಯಪಾನವು ಅವರನ್ನು ಇನ್ನಷ್ಟು ಅನಾರೋಗ್ಯಕ್ಕೀ ಮಾಡಬಹುದು. ಏಕೆಂದರೆ ಆಲ್ಕೋಹಾಲ್ ನಿಮ್ಮ ಸಮತೋಲನ ಮತ್ತು ಪ್ರಜ್ಞೆಯ ಮೇಲೆ ಪರಿಣಾಮ ಬೀರಬಹುದು.  

ನಿದ್ರಾಹೀನತೆ (Sleepless) ಕಾಡಬಹುದು 
ಮಲಗುವ ಮೊದಲು ವಿಶ್ರಾಂತಿ ಪಡೆಯಲು ಡ್ರಿಂಕ್ಸ್ ಮಾಡುವುದು ಒಳ್ಳೆಯದಲ್ಲ. ವಿಶೇಷವಾಗಿ ವಯಸ್ಸಾದವರು ಇದನ್ನು ಸೇವಿಸಬಾರದು.  ಇದು ನಿಮಗೆ ಉತ್ತಮ ನಿದ್ರೆ ನೀಡುವ ಬದಲು, ಆಲ್ಕೋಹಾಲ್ ನಿದ್ರಾ ಹೀನತೆಗೆ ಕಾರಣವಾಗುತ್ತದೆ. ಇದು ವಿಶೇಷವಾಗಿ ಹಿರಿಯರಿಗೆ ಕಷ್ಟಕರವಾಗಬಹುದು, ಅವರು ಈಗಾಗಲೇ ಆಗಾಗ್ಗೆ ಎಚ್ಚರಗೊಳ್ಳುವ ಅಥವಾ ನಿದ್ರಾಹೀನತೆಯಂತಹ ನಿದ್ರೆಯ ಅಸ್ವಸ್ಥತೆಯನ್ನು ಹೊಂದಿರುವ ಸಾಧ್ಯತೆ ಹೆಚ್ಚು.

ನೀವು ಅಲ್ಕೋಹಾಲ್‌ ಕುಡಿಯಬಹುದು, ಆದರೆ ನಿಮ್ಮ ವಯಸ್ಸಿಗೆ ಇಷ್ಟೊಂದು ಕುಡಿಯುವುದು ಸೂಕ್ತವೇ ಎಂಬುದನ್ನು ನೆನಪಿನಲ್ಲಿಟ್ಟುಕೊಂಡು ಕುಡಿಯುವ ಉತ್ತಮವಾಗಿದೆ. ನೀವು ನಿಯಮಿತವಾಗಿ ಕುಡಿಯಬೇಕು, ಹೆಚ್ಚು ಕುಡಿಯುವುದರಿಂದ ದೇಹಕ್ಕೆ ಹೆಚ್ಚು ಹಾನಿಯಾಗುವುದು. ಆದುದರಿಂದ ಯೋಚನೆ ಮಾಡಿ, ಕುಡಿಯುವುದು ಉತ್ತಮ.