ಈ ರೀತಿ ನೆನೆಸಿದ ಕೊತ್ತಂಬರಿ ಬೀಜ ತಿಂದರೆ ಅನಾರೋಗ್ಯಕ್ಕೆ ಹೇಳಬಹುದು ಗುಡ್ ಬೈ!

ಬೇಸಿಗೆಯಲ್ಲಿ ಬೆಳಿಗ್ಗೆ 10 ರಿಂದ ಸಂಜೆ 6 ರವರೆಗೆ ಸೂರ್ಯನ ಶಾಖ ವಿಪರೀತವಾಗಿರುತ್ತೆ. ಹಾಗಾಗಿ ಹೊರಗೆ ಹೋಗೋದನ್ನು ತಪ್ಪಿಸಬೇಕು. ದಿನವಿಡೀ ನಿಮ್ಮ ದೇಹಕ್ಕೆ ತಾಜಾತನ ಮತ್ತು ತಂಪನ್ನು ನೀಡುವ ಆಹಾರ, ಪಾನೀಯವನ್ನು ನೀವು ಬೆಳಿಗ್ಗೆ ಕುಡಿದರೆ, ಅದು ಒಳ್ಳೆಯದು. ಆಯುರ್ವೇದದಲ್ಲಿ (Ayurveda )ಪ್ರತಿದಿನ ಸೇವಿಸಬಹುದಾದ ಅನೇಕ ಪಾನೀಯಗಳ ಬಗ್ಗೆ ಹೇಳಲಾಗಿದೆ. ನಿಮ್ಮ ಅಡುಗೆಮನೆಯಲ್ಲಿರುವ ವಸ್ತುಗಳನ್ನು ಬಳಸಿ ಈ ಪಾನೀಯ ತಯಾರಿಸಬಹುದು.

ಬೆಳಿಗ್ಗೆ ಕೊತ್ತಂಬರಿ ನೀರನ್ನು (coriander seed water) ಕಲ್ಲುಸಕ್ಕರೆಯೊಂದಿಗೆ ಕುಡಿದರೆ, ಅದು ದೇಹದಲ್ಲಿ ಉಂಟಾಗುವ ಕಿರಿಕಿರಿಯನ್ನು ಕಡಿಮೆ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಒಂದು ವೇಳೆ ನಿಮಗೆ ಮೂತ್ರವಿಸರ್ಜನೆಯ ಸಮಯದಲ್ಲಿ ಬರ್ನಿಂಗ್ ಸೆನ್ಸೇಶನ್, ಕೈ ಮತ್ತು ಕಾಲುಗಳ ಕಾಲ್ಬೆರಳುಗಳಲ್ಲಿ ಉರಿ, ಆಮ್ಲೀಯತೆ ಸಮಸ್ಯೆಗಳು, ಹೊಟ್ಟೆಯ ಕಿರಿಕಿರಿ ಸಮಸ್ಯೆ ಹೊಂದಿದ್ದರೆ, ಅಂತಹ ಸಂದರ್ಭದಲ್ಲಿ ಕೊತ್ತಂಬರಿ ನೀರು ಸೇವಿಸೋದು ಉತ್ತಮ.

ತುಂಬಾ ಬಾಯಾರಿಕೆಯ ಸಮಸ್ಯೆ ಇದ್ದರೆ, ಅಥವಾ ದೇಹವು ನಿರ್ಜಲೀಕರಣದಿಂದ(dehydration) ಬಳಲುತ್ತಿದ್ದರೆ ಸಹ ಕೊತ್ತಂಬರಿ ನೀರು ಪ್ರಯೋಜನಕಾರಿಯಾಗಿದೆ. ನಿಯಮಿತವಾಗಿ ಕೊತ್ತಂಬರಿ ನೀರು ಸೇವಿಸೋದರಿಂದ ದೇಹಕ್ಕೆ ಏನೆಲ್ಲಾ ಪ್ರಯೋಜನಗಳಿವೆ. ಇದನ್ನು ತಯಾರಿಸೋದು ಹೇಗೆ? ಅನ್ನೋದನ್ನು ತಿಳಿಯೋಣ.

ಈ ಆಯುರ್ವೇದಿಕ್ ತಂಪು ಪಾನೀಯವನ್ನು ತಯಾರಿಸುವುದು ಹೇಗೆ?
1 ಟೀಸ್ಪೂನ್ ಕೊತ್ತಂಬರಿ ಬೀಜಗಳನ್ನು ತೆಗೆದುಕೊಳ್ಳಿ. ನೀವು ಅವುಗಳನ್ನು ಹುರಿಯಬೇಕಾಗಿಲ್ಲ, ಬದಲಿಗೆ ಅವುಗಳನ್ನು ಸ್ವಲ್ಪ ಪುಡಿಮಾಡಬೇಕು. 
ಈಗ ಅದಕ್ಕೆ ಸುಮಾರು 1 ಕಪ್ ನೀರನ್ನು ಸೇರಿಸಿ. 
ರಾತ್ರಿಯಿಡೀ ನೆನೆಸಿಡಿ. 
ಮರುದಿನ ಬೆಳಿಗ್ಗೆ, ಅದನ್ನು ಸ್ವಲ್ಪ ಕಲ್ಲು ಸಕ್ಕರೆಯೊಂದಿಗೆ ಫಿಲ್ಟರ್ ಮಾಡಿ ಮತ್ತು ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.  

ಇದು ಏಕೆ ಪ್ರಯೋಜನಕಾರಿ? 
ಇದು ಎಲ್ಲಾ ಮೂರು ದೋಷಗಳಿಗೆ (ವಾತ, ಪಿತ್ತ ಮತ್ತು ಕಫ) ಒಳ್ಳೆಯದು. ಇದು ಉತ್ತಮ ಆರೋಗ್ಯಕ್ಕೆ ಔಷಧಿಯಂತೆ ಕಾರ್ಯ ನಿರ್ವಹಿಸುತ್ತೆ. ನಾಲಿಗೆಗೆ ರುಚಿ ಎನಿಸದೇ ಹೋದರೂ, ಆರೋಗ್ಯದ ದೃಷ್ಟಿಯಿಂದ ಇದು ತುಂಬಾ ಒಳ್ಳೆಯದು. ಅಲ್ಲದೇ ದೇಹದ ಜೀರ್ಣಕಾರಿ ಗುಣಗಳನ್ನು ಸುಧಾರಿಸುತ್ತದೆ.  
 

ಎಷ್ಟು ಕುಡಿಯಬೇಕು? 
ಈ ಕೊತ್ತಂಬರಿ ನೀರನ್ನು ಖಾಲಿ ಹೊಟ್ಟೆಯಲ್ಲಿ (epmty stomach) 40-50 ಮಿಲಿ ಕುಡಿಯಿರಿ. ಕಲ್ಲು ಸಕ್ಕರೆ ತೆಗೆದುಕೊಳ್ಳುವುದು ಅಥವಾ ತೆಗೆದುಕೊಳ್ಳದಿರುವುದು ನಿಮ್ಮಿಷ್ಟ. ನೀವು ಇದನ್ನು ದಿನಕ್ಕೆ 2-3 ಬಾರಿ ಸೇವಿಸಬಹುದು, ಆದರೆ ಅಂತಹ ಪರಿಸ್ಥಿತಿಯಲ್ಲಿ, ಕೇವಲ 10 ರಿಂದ 30 ಮಿಲಿ ತೆಗೆದುಕೊಳ್ಳಿ. ಇಡೀ ದಿನದ ಡೋಸ್ 50 ಮಿಲಿ ಮೀರಬಾರದು. ನೀವು ಇಂದು ಕೊತ್ತಂಬರಿ ನೀರು ಕುಡಿಯಲು ಪ್ರಾರಂಭಿಸಿದರೆ, ಮುಂದಿನ 6 ರಿಂದ 8 ವಾರಗಳವರೆಗೆ ಇದನ್ನು ಕುಡಿಯಬಹುದು. ಆದರೆ ಇದನ್ನು ಹೆಚ್ಚು ಸಮಯದವರೆಗೆ ಸೇವಿಸಬಾರದು.

ಯಾವುದಕ್ಕೆ ಇದು ಪ್ರಯೋಜನಕಾರಿ? 
ಕೊತ್ತಂಬರಿ ನೀರು ನಿರ್ಜಲೀಕರಣಕ್ಕೆ ತುಂಬಾ ಒಳ್ಳೆಯದು. ಅದೇ ಸಮಯದಲ್ಲಿ, ಕಿರಿಕಿರಿ, ಪಿತ್ತರಸ ಸಮಸ್ಯೆಗಳು, ಅಜೀರ್ಣ ಸಮಸ್ಯೆಗಳು (Digestive Issues), ಹೊಟ್ಟೆ ನೋವಿನ ಸಮಸ್ಯೆಗಳು, ಜ್ವರ, ಹೊಟ್ಟೆ ಹುಳು ಸಮಸ್ಯೆಗಳು, ಗರ್ಭಧಾರಣೆಗೆ ಸಂಬಂಧಿಸಿದ ಅಸ್ವಸ್ಥತೆಗಳು ಇತ್ಯಾದಿಗಳಿಗೆ ಇದು ಪ್ರಯೋಜನಕಾರಿಯಾಗಿದೆ.  
 

ತಜ್ಞರ ಸಲಹೆಯಿಲ್ಲದೆ ಆಹಾರವನ್ನು ಬದಲಾಯಿಸಬೇಡಿ 
ಇಂತಹ ಆಯುರ್ವೇದ ಔಷಧಿಗಳು, ಮೊದಲು ವೈದ್ಯರನ್ನು ಸಂಪರ್ಕಿಸಿ.  ಯಾಕಂದ್ರೆ ಎಲ್ಲರ ದೇಹವು ಒಂದೇ ಆಗಿರುವುದಿಲ್ಲ ಮತ್ತು ಆರೋಗ್ಯ ಪರಿಸ್ಥಿತಿಗಳು ಸಹ ತುಂಬಾ ಭಿನ್ನವಾಗಿವೆ. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಆಹಾರದಲ್ಲಿ ಯಾವುದೇ ಪ್ರಮುಖ ಬದಲಾವಣೆಗಳನ್ನು ಮಾಡುವ ಮೊದಲು ವೈದ್ಯರೊಂದಿಗೆ ಮಾತನಾಡಿ. 

ಕೊತ್ತಂಬರಿ ನೀರು ಕುಡಿಯುವಾಗ ನೀವು ಆರಂಭದಲ್ಲಿ 10 ಮಿಲಿಯಿಂದ ಪ್ರಾರಂಭಿಸಿ ಮತ್ತು ಕ್ರಮೇಣ ಅದರ ಪ್ರಮಾಣವನ್ನು ಹೆಚ್ಚಿಸುತ್ತೀರಿ ಇದರಿಂದ ನಿಮ್ಮ ದೇಹವು ಅದಕ್ಕೆ ಒಗ್ಗಿಕೊಳ್ಳುತ್ತದೆ.  ಇದನ್ನು ಕುಡಿದ ನಂತರ, ಅತಿಸಾರ, ಶೀತ-ಕೆಮ್ಮು, ಹೊಟ್ಟೆ ನೋವು (stomach pain) ಅಥವಾ ಇನ್ನಾವುದೇ ರೀತಿಯ ಸಮಸ್ಯೆ ಕಂಡುಬಂದರೆ, ಅದನ್ನು ತೆಗೆದುಕೊಳ್ಳಬೇಡಿ ಮತ್ತು ವೈದ್ಯರನ್ನು ಸಂಪರ್ಕಿಸಿ.