ಬಾಳೆಹಣ್ಣು, ಸೇಬು ಸೇರಿ ಈ ಆಹಾರ ಪದಾರ್ಥಗಳನ್ನು ರಾತ್ರಿ ತಿನ್ಬೇಡಿ!

ಆರೋಗ್ಯವಾಗಿರಲು ಉತ್ತಮ ಆಹಾರಗಳನ್ನು ಸೇವಿಸಬೇಕು. ಹಾಗಂತ ಹೊತ್ತಲ್ಲದ ಹೊತ್ತಿನಲ್ಲಿ ಆಹಾರ ಪದಾರ್ಥಗಳನ್ನು ಸೇವಿಸುವುದು ಸರಿಯಲ್ಲ. ಇದು ಆರೋಗ್ಯಕ್ಕೆ ಮಾರಕ. ಅದರಲ್ಲೂ ರಾತ್ರಿ ಹೊತ್ತು ಸೇವಿಸುವ ಆಹಾರದ ಬಗ್ಗೆ ಗಮನ ಹರಿಸಬೇಕು. ರಾತ್ರಿ ಊಟವನ್ನು ಹಗುರವಾಗಿರಿಸಿ ಮತ್ತು ತಡರಾತ್ರಿಯ ಭೋಜನ ಮತ್ತು ಮಲಗುವ ಸಮಯದ ತಿಂಡಿಗಳನ್ನು ತಪ್ಪಿಸಬೇಕು. ರಾತ್ರಿ ತಿನ್ನುವುದನ್ನು ತಪ್ಪಿಸಬೇಕಾದ ಕೆಲವು ಆಹಾರ ಪದಾರ್ಥಗಳು ಮತ್ತು ಏಕೆ ಎಂದು ಕೆಳಗೆ ನೀಡಲಾಗಿದೆ.

ಊಟದ ಸಮಯದಲ್ಲಿ ತಪ್ಪಿಸಬೇಕಾದ ಆಹಾರಗಳು
ಪೌಷ್ಟಿಕವೆಂದು ಪರಿಗಣಿಸಲಾದ ಅನೇಕ ಆಹಾರ ಪದಾರ್ಥಗಳನ್ನು ದಿನದ ತಪ್ಪು ಸಮಯದಲ್ಲಿ ಸೇವಿಸಿದರೆ ವಾಸ್ತವವಾಗಿ ವಿರುದ್ಧ ಪ್ರತಿಕ್ರಿಯೆಯನ್ನು ಹೊಂದಬಹುದು. ಮಲಗುವ ಸಮಯದಲ್ಲಿ ಕೆಲವು ಆಹಾರಗಳನ್ನು ತಿನ್ನುವುದರಿಂದ  ನಿದ್ರೆಗೆ ಕಷ್ಟವಾಗಬಹುದು, ಇನ್ನೂ ಕೆಲವು ರಾತ್ರಿಯಲ್ಲಿ ಎದೆಯುರಿ ತರುತ್ತದೆ. ತಡರಾತ್ರಿ ಭೋಜನ ಮತ್ತು ಮಲಗುವ ಸಮಯದ ತಿಂಡಿ ತಪ್ಪಿಸಿದರೊಳಿತು.

ಕೊಬ್ಬಿನ, ಚೀಸಿ ಮತ್ತು ಹುರಿದ ಆಹಾರಗಳನ್ನು ದಿನದ ಕೊನೆಯಲ್ಲಿ ಸೇವಿಸುವುದರಿಂದ ಅಜೀರ್ಣಕ್ಕೆ ಕಾರಣವಾಗಬಹುದು ಮತ್ತು ಉತ್ತಮ ನಿದ್ರೆಯಿಂದ ತಡೆಹಿಡಿಯಬಹುದು. ಮಲಗುವ ಮೊದಲು ಕೆಲವು ಬಿಯರ್‌ಗಳು ಅಥವಾ ಒಂದೆರಡು ಲೋಟ ವೈನ್ ಕುಡಿಯುವುದು ನಿದ್ರೆಗೆ ಜಾರಲು ಸಹಾಯ ಮಾಡುತ್ತದೆ ಎಂದು ಕೆಲವರು ನಂಬುತ್ತಾರೆ. ಆದರೆ ಇದು ನಿಜವಲ್ಲ.

ತಜ್ಞರು ಹೇಳುವಂತೆ ಆಲ್ಕೋಹಾಲ್ ನಿದ್ರೆಯನ್ನು ಕಡಿಮೆ ಮಾಡುತ್ತದೆ. ಇದಲ್ಲದೆ, ಆಲ್ಕೋಹಾಲ್ ಸೇವಿಸುವುದರಿಂದ ಆ್ಯಸಿಡ್ ರಿಫ್ಲೆಕ್ಸ್ ಉಂಟಾಗಬಹುದು ಮತ್ತು ಜೋರಾಗಿ ಗೊರಕೆಗೆ ಕಾರಣವಾಗಬಹುದು. ರಾತ್ರಿ ಯಾವ ಆಹಾರಗಳನ್ನು ತಿನ್ನುವುದನ್ನು ತಪ್ಪಿಸಬೇಕು ಮತ್ತು ಏಕೆ ಎಂದು ಕೆಳಗೆ ನೀಡಲಾಗಿದೆ.

ಹೆಚ್ಚಿನ ನೀರಿನ ಅಂಶವಿರುವ ಆಹಾರಗಳು
ಕಲ್ಲಂಗಡಿ ಮತ್ತು ಸೌತೆಕಾಯಿಗಳಂತಹ ಹೆಚ್ಚಿನ ನೀರಿನ ಅಂಶವಿರುವ ಆಹಾರಗಳನ್ನು ತಪ್ಪಿಸಲು ಪ್ರಯತ್ನಿಸಿ. ಮಲಗುವ ಸಮಯದಲ್ಲಿ ಈ ಆಹಾರಗಳನ್ನು ತಿನ್ನುವುದು ಎಂದರೆ ಪೂರ್ಣ ಮೂತ್ರಕೋಶದೊಂದಿಗೆ ಮಲಗುವುದು, ಇದು ಮಧ್ಯರಾತ್ರಿಯಲ್ಲಿ ಮೂತ್ರ ವಿಸರ್ಜನೆ ಹೋಗಲು ಎದ್ದೇಳುವಂತೆ ಮಾಡುತ್ತದೆ. ಇದು  ನಿದ್ರೆಯ ಗುಣಮಟ್ಟದ ಮೇಲೆ ಪರಿಣಾಮ ಬೀರಬಹುದು.

ಮಸಾಲೆಯುಕ್ತ ಆಹಾರಗಳು
ಮಲಗುವ ಮೊದಲು ಮಸಾಲೆಯುಕ್ತ ಆಹಾರಗಳನ್ನು ತಿನ್ನುವುದು ಅಜೀರ್ಣಕ್ಕೆ ಕಾರಣವಾಗಬಹುದು ಮತ್ತು ಎದೆಯುರಿಯನ್ನು ಪ್ರಚೋದಿಸಬಹುದು. ಮಸಾಲೆಯುಕ್ತ ಆಹಾರಗಳಲ್ಲಿ ಕಂಡುಬರುವ ಕ್ಯಾಪ್ಸೈಸಿನ್ ಎಂಬ ಸಂಯುಕ್ತವು  ದೇಹದ ತಾಪಮಾನವನ್ನು ಹೆಚ್ಚಿಸಬಹುದು ಮತ್ತು ನಿದ್ರೆಗೆ ಅಡ್ಡಿಪಡಿಸಬಹುದು.

ಬಾಳೆಹಣ್ಣುಗಳು
ಶಕ್ತಿ ಹೆಚ್ಚಿಸಲು ಮೊದಲು ಬಾಳೆಹಣ್ಣುಗಳನ್ನು ತಿನ್ನಿ. ಆದರೆ ರಾತ್ರಿಯಲ್ಲಿ ತಪ್ಪಿಸಿ. ಪೊಟ್ಯಾಸಿಯಮ್ ಅಧಿಕವಾಗಿರುವ ಬಾಳೆಹಣ್ಣು  ದೇಹದ ರೋಗ ನಿರೋಧಕ ಶಕ್ತಿ ಮತ್ತು ಚರ್ಮದ ಆರೋಗ್ಯಕ್ಕೆ ಒಳ್ಳೆಯದು. ಆದರೆ ರಾತ್ರಿ ಊಟಕ್ಕೆ ಅಥವಾ ಊಟದ ನಂತರ ಹಣ್ಣನ್ನು ತಿನ್ನುವುದರಿಂದ ಲೋಳೆಯ ರಚನೆ ಮತ್ತು ಅಜೀರ್ಣಕ್ಕೆ ಕಾರಣವಾಗಬಹುದು.

ಸೇಬುಗಳು
ಸೇಬುಗಳಲ್ಲಿ ಕಂಡುಬರುವ ಪೆಕ್ಟಿನ್ ಎಂಬ ಒಂದು ರೀತಿಯ ಫೈಬರ್ ರಕ್ತದಲ್ಲಿನ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಆದರೆ ರಾತ್ರಿಯಲ್ಲಿ ಜೀರ್ಣಿಸಿಕೊಳ್ಳಲು ಕಷ್ಟ ಮತ್ತು ಇದು ಆಮ್ಲೀಯತೆಗೆ ಕಾರಣವಾಗಬಹುದು. 

ಕ್ರೂಸಿಫೆರಸ್ ತರಕಾರಿಗಳು
ಬ್ರೊಕೋಲಿ ಮತ್ತು ಹೂಕೋಸಿನಂತಹ ಕ್ರೂಸಿಫೆರಸ್ ತರಕಾರಿಗಳು ವಿಟಮಿನ್‌ಗಳಿಂದ ತುಂಬಿರುತ್ತವೆ, ಆದರೆ ಅವುಗಳಲ್ಲಿ ಹೆಚ್ಚಿನ ಪ್ರಮಾಣದ ಕರಗದ ನಾರು ಇದೆ, ಇದು ಜೀರ್ಣಗೊಳ್ಳಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಮಲಗುವ ಮೊದಲು ಈ ತರಕಾರಿಗಳನ್ನು ತಿನ್ನುವುದು, ಅಂದರೆ ಮಲಗುವಾಗ ಅವುಗಳನ್ನು ಜೀರ್ಣಿಸಿಕೊಳ್ಳಲು ದೇಹವು ಕೆಲಸ ಮಾಡುತ್ತಲೇ ಇರಬಹುದು. ಇದರಿಂದ ಉತ್ತಮ ನಿದ್ರೆಯನ್ನು ಪಡೆಯದಂತೆ ತಡೆಯುತ್ತದೆ.

ನಟ್ಸ್ 
ಬಾದಾಮಿ, ಪಿಸ್ತಾ ಮತ್ತು ವಾಲ್ ನಟ್‌ಗಳಂತಹ ನಟ್ಸ್ ರಕ್ತದೊತ್ತಡವನ್ನು ಸಾಮಾನ್ಯವಾಗಿಡಲು ಸಹಾಯ ಮಾಡುತ್ತದೆ ಮತ್ತು ಹೃದಯದ ಆರೋಗ್ಯವನ್ನು ಉತ್ತೇಜಿಸುತ್ತದೆ. ಆದರೆ ಇವುಗಳಲ್ಲಿ ಕೊಬ್ಬು ಮತ್ತು ಕ್ಯಾಲೋರಿಗಳು ಹೆಚ್ಚಿರುವುದರಿಂದ ಈ ಪೌಷ್ಟಿಕ ಆಹಾರ ಪದಾರ್ಥಗಳನ್ನು ರಾತ್ರಿ ಊಟದ ನಂತರ ತಿಂದರೆ ತೂಕ ಹೆಚ್ಚಾಗಲು ಕಾರಣವಾಗಬಹುದು.

ಡಾರ್ಕ್ ಚಾಕೊಲೇಟ್
ಆಂಟಿಆಕ್ಸಿಡೆಂಟ್ ಗಳು ಹೆಚ್ಚಿರುವ ಡಾರ್ಕ್ ಚಾಕೊಲೇಟ್ ವಯಸ್ಸಾಗುವುದನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ಜೊತೆಗೆ ಹೃದ್ರೋಗಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ಆದರೆ ಇದರಲ್ಲಿ ಕೆಫೀನ್ ಮತ್ತು ಅಮೈನೋ ಆಮ್ಲವೂ ಇರುತ್ತದೆ.  ಮಲಗುವ ಸಮಯ  ಡಾರ್ಕ್ ಚಾಕೊಲೇಟ್ ತಿನ್ನುವುದು  ರಾತ್ರಿಯಲ್ಲಿ ಎಚ್ಚರವಾಗಿರಿಸಬಹುದು.