ಮಲಗೋ ಮುನ್ನ ನಿದ್ದೆ ಮಾತ್ರೆ ತಗೊಳ್ತಿದ್ರೆ ತಕ್ಷಣ ನಿಲ್ಲಿಸಿ, ವೈದ್ಯರನ್ನ ಕೇಳದೇ ತಗೊಂಡ್ರೆ ಏನಾಗುತ್ತೆ ಗೊತ್ತಾ?

ಮನುಷ್ಯನಿಗೆ ನಿದ್ದೆ ಬಹಳ ಮುಖ್ಯ. ನಿದ್ದೆ ಕೊರತೆಯಿಂದ ಹಲವು ಸಮಸ್ಯೆಗಳನ್ನ ಎದುರಿಸಬೇಕಾಗಗುತ್ತೆ. ಹಲವು ಕಾರಣಗಳಿಂದ ಅನೇಕ ಜನರು ನಿದ್ರಾಹೀನತೆಯಯಿಂದ ಬಳಲುತ್ತಿದ್ದಾರೆ ಅಂಥವರು ವೈದ್ಯರ ಸಲಹೆ ಪಡೆಯದೇ ನಿದ್ದೆ ಮಾತ್ರೆ ಸೇವನೆ ಮಾಡುತ್ತಿದ್ದಾರೆ. ಇದು ಬಹಳ ಅಪಾಯಕಾರಿಯಾಗಿದೆ.

ಹಲವು ಜನರಿಗೆ ನಿದ್ದೆ ಮಾತ್ರೆ ಸೇವಿಸದೇ ರಾತ್ರಿ ನಿದ್ದೆಯೇ ಬರೋದಿಲ್ಲ ಅದಕ್ಕೆ ಹಲವು ಕಾರಣಗಳಿವೆ. ನೀವು ಸಹ ನಿದ್ದೆ ಮಾತ್ರೆ ಸೇವಿಸಿಯೇ ಮಲಗುತ್ತೀರಾ? ಈಗಲೇ ಜಾಗರೂಕರಾಗಿ ನಿದ್ದೆ ಮಾತ್ರೆ ಸೇವನೆ ತಪ್ಪಿಸಿ, ಇಲ್ಲದಿದ್ದರೆ ನಿಮ್ಮ ಕಿಡ್ನಿ, ಲಿವರ್ ಎರಡೂ ಕಳೆದುಕೊಳ್ಳಬಹುದು.

ಹೌದು, ಇಂಥದ್ದೊಂದು ಆಘಾತಕಾರಿ ಮಾಹಿತಿ ಅಮೇರಿಕನ್ ಸೈಕಿಯಾಟ್ರಿಕ್ ಅಸೋಸಿಯೇಷನ್‌ನ ವರದಿ ಬಹಿರಂಗಪಡಿಸಿದೆ. ಈ ವರದಿಯ ಪ್ರಕಾರ, ವಿಶ್ವದ ಮೂರನೇ ಒಂದು ಭಾಗದಷ್ಟು ವಯಸ್ಕರು ನಿದ್ರಾಹೀನತೆಯ ಸಮಸ್ಯೆಯೊಂದಿಗೆ ಹೋರಾಡುತ್ತಿದ್ದಾರೆ. ಇದರಿಂದಾಗಿ ಹೆಚ್ಚಿನ ಜನರು ನಿದ್ರೆ ಮಾತ್ರೆಗಳನ್ನು ಸೇವನೆ ಮಾಡುತ್ತಿದ್ದಾರೆ. ಈ ಔಷಧಿಗಳು ಅನೇಕ ಅಡ್ಡ ಪರಿಣಾಮಗಳನ್ನು ಹೊಂದಿವೆ. ಹೀಗಾಗಿ ನಿದ್ದೆ ಮಾತ್ರೆಗಳನ್ನ ತೆಗೆದುಕೊಳ್ಳುವ ಮುನ್ನ ವೈದ್ಯರ ಸಲಹೆ ಪಡೆಯಬೇಕು. ಆದರೆ ಬಹುತೇಕರು ವೈದ್ಯರನ್ನು ಕೇಳದೇ ನೇರ ಮೆಡಿಕಲ್ ಗಳಿಂದ ಖರೀದಿಸಿ ನುಂಗುತ್ತಿದ್ದಾರೆ. ಇದರ ಪರಿಣಾಮ ಏನಾಗುತ್ತೆ ಎಂಬುದು ಇಲ್ಲಿ ತಿಳಿಯೋಣ.

ನಿದ್ದೆ ಮಾತ್ರೆ ಎಷ್ಟು ಸುರಕ್ಷಿತ?

ನಿದ್ರೆಯ ಸಮಸ್ಯೆಯಿಂದ ಬಳಲುತ್ತಿರುವ ಜನರಿಗೆ ನಿದ್ದೆ ಮಾತ್ರೆಗಳು ಸಹಾಯಕವಾಗಿವೆ. ಆದರೆ ಇದು ಎಲ್ಲರಿಗೂ ಅಲ್ಲ, ನಿದ್ರಾಹೀನತೆಯ ಗಂಭೀರ ಸಮಸ್ಯೆಗಳನ್ನ ಎದುರಿಸ್ತಿರೋ ವ್ಯಕ್ತಿಗಳಿಗೆ ವೈದ್ಯರು ಈ ಔಷಧಿಗಳನ್ನು ನೀಡುತ್ತಾರೆ. ಸ್ಲೀಪಿಂಗ್ ಮಾತ್ರೆಗಳು ಮೆದುಳಿನಲ್ಲಿರುವ ರಾಸಾಯನಿಕಗಳ ಮೇಲೆ ಪರಿಣಾಮ ಬೀರುತ್ತವೆ. ಆ ರಾಸಾಯನಿಕಗಳನ್ನು ನಿಯಂತ್ರಿಸಲಾಗುತ್ತದೆ ಮತ್ತು ಶಾಂತಗೊಳಿಸಲಾಗುತ್ತದೆ, ನಂತರ ನಿದ್ರೆಯಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಹೆಚ್ಚು ಗಂಭೀರ ಸಮಸ್ಯೆಗಳಿದ್ದಲ್ಲಿ, ವೈದ್ಯರು ನಿಗದಿತ ಪ್ರಮಾಣದಲ್ಲಿ ಶಿಫಾರಸು ಮಾಡಿದರೆ, ಅದು ಸುರಕ್ಷಿತವಾಗಿರಬಹುದು, ಆದರೆ ಸಾಮಾನ್ಯ ಸಮಸ್ಯೆಗಳಲ್ಲಿಯೂ ನಿದ್ದೆ ಮಾತ್ರೆ ತೆಗೆದುಕೊಂಡರೆ, ಅದು ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವುದು ಖಚಿತ ಹೀಗಾಗಿ ವೈದ್ಯರ ಸಲಹೆ ಇಲ್ಲದೆ ತೆಗೆದುಕೊಳ್ಳುವುದನ್ನ ತಪ್ಪಿಸಬೇಕು.

ಅಡ್ಡಪರಿಣಾಮಗಳೇನು?

ಮಲಗುವ ಮಾತ್ರೆಗಳನ್ನು ತೆಗೆದುಕೊಳ್ಳುವುದರಿಂದ ಸಾಮಾನ್ಯ ನಿದ್ರೆ ಬರುವುದಿಲ್ಲ. ಕೆಲವೊಮ್ಮೆ ರಾತ್ರಿ ಹಠಾತ್ತನೆ ಎಚ್ಚರಗೊಳ್ಳುವ ಮೂಲಕ ನೀವು ಗಾಬರಿಯಾಗಬಹುದು. ಇದನ್ನು ಸೇವಿಸುವುದರಿಂದ ನಿದ್ರೆಯ ಸಮಸ್ಯೆಯೂ ಉಂಟಾಗುತ್ತದೆ, ನೈಸರ್ಗಿಕವಾಗಿ ಬರುವ ನಿದ್ದೆ ಮಾಡುವಲ್ಲಿ ಅಸಮತೋಲನ. ಇದು ಕ್ರಮೇಣ ನಿದ್ದೆ ಮಾತ್ರೆ ತೆಗೆದುಕೊಳ್ಳದೆ ನಿದ್ದೆಯೇ ಬರುವುದಿಲ್ಲ ಎಂಬಲ್ಲಿಗೆ ತಲುಪುತ್ತದೆ. 

ನಿದ್ರಾಹೀನತೆ ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ನಿದ್ದೆ ಮಾಡಲು ಈ ಮಾತ್ರೆಗಳನ್ನ ನೀಡಲಾಗುತ್ತೆ ಆದರೆ ಅದಕ್ಕೂ ಮೊದಲು ವೈದ್ಯರ ಸಲಹೆ ಪಡೆಯಬೇಕು, ವೈದ್ಯರನ್ನ ಸಂಪರ್ಕಿಸದೆ ತೆಗೆದುಕೊಂಡರೆ, ಅತಿಯಾದ ನಿದ್ರೆಯ ಸಮಸ್ಯೆ ಉದ್ಭವಿಸಬಹುದು. ದೀರ್ಘಕಾಲ ಮಲಗುವ ಮಾತ್ರೆಗಳನ್ನು ಬಳಸುವುದರಿಂದ ಮೆದುಳಿಗೆ ಹಾನಿಯಾಗುತ್ತದೆ. ಇದು ಕಿರಿಕಿರಿ ಮತ್ತು ಕೋಪದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಮೆಮೊರಿಗೆ ಸಂಬಂಧಿಸಿದ ಸಮಸ್ಯೆಗಳೂ ಇರಬಹುದು.