ಬೇಸಿಗೆಯ ದಣಿವು ನಿವಾರಣೆಯೊಂದಿಗೆ ಆರೋಗ್ಯಕ್ಕೆ ಉತ್ತಮ ಈ ಕಬ್ಬಿನ ರಸ

ಬೇಸಿಗೆಯಲ್ಲಿ, ತಣ್ಣನೆಯ ಪಾನೀಯಗಳನ್ನು ಕುಡಿಯಬೇಕೆಂದು ಎಲ್ಲರೂ ಬಯಸುತ್ತಾರೆ. ನಮ್ಮನ್ನು ತಾಜಾವಾಗಿಡಲು, ನಾವು ಹೊರಗೆ ಪಾನೀಯಗಳನ್ನು ಕುಡಿಯುತ್ತೇವೆ. ಆದರೆ ಹೊರಗೆ ಲಭ್ಯವಿರುವ ಎಲ್ಲಾ ಪಾನೀಯಗಳು ನಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಬೇಸಿಗೆಯಲ್ಲಿ ಕಬ್ಬಿನ ರಸಕ್ಕೆ ಸಾಕಷ್ಟು ಬೇಡಿಕೆ ಇದೆ. ಕಬ್ಬಿನ ರಸದಿಂದ ಅನೇಕ ಪ್ರಯೋಜನಗಳಿವೆ.ಇದು ದೇಹಕ್ಕೆ ತಂಪನ್ನು ತರುತ್ತದೆ ಮಾತ್ರವಲ್ಲ, ಇದು ತುಂಬಾ ರುಚಿಕರವೂ ಹೌದು.

ಬೇಸಿಗೆಯ ಬಿಸಿಲಿನಲ್ಲಿ ಕಬ್ಬಿನ ರಸ ಮಕರಂದಕ್ಕಿಂತ ಕಡಿಮೆಯಿಲ್ಲ. ಪ್ರತಿದಿನ ಕಬ್ಬಿನ ರಸವನ್ನು ಸೇವಿಸಿದರೆ ಅದು ಆರೋಗ್ಯಕ್ಕೆ ಅನೇಕ ಪ್ರಯೋಜನಗಳನ್ನು ನೀಡುತ್ತದೆ. ಗರ್ಭಿಣಿಯರಿಗೆ, ಕಾಮಾಲೆಯಂತಹ ಅಪಾಯಕಾರಿ ರೋಗ ಇರುವವರಿಗೆ ಇದು ತುಂಬಾ ಪ್ರಯೋಜನಕಾರಿ. ಅಲ್ಲದೆ, ಬೇಸಿಗೆಯಲ್ಲಿ ನಿರ್ಜಲೀಕರಣವನ್ನು ತಪ್ಪಿಸಲು ಇದು ರಾಮಬಾಣ.

ಜೀರ್ಣಾಂಗ ವ್ಯವಸ್ಥೆಗೆ ಬಲ
ಕಬ್ಬಿನ ರಸವನ್ನು ಪ್ರತಿದಿನ ಕುಡಿಯುವುದರಿಂದ ಜೀರ್ಣಕಾರಿ ಶಕ್ತಿ ಬಲಗೊಳ್ಳುತ್ತದೆ. ಇದರಿಂದಾಗಿ ಆಹಾರ ಜೀರ್ಣಿಸಿಕೊಳ್ಳಲು ಸುಲಭ.

ಕಬ್ಬಿನ ರಸವು ಚಯಾಪಚಯವನ್ನು ಉತ್ತಮಗೊಳಿಸುತ್ತದೆ. ಇದರಿಂದ ತೂಕವನ್ನು ಸುಲಭವಾಗಿ ಕಡಿಮೆ ಮಾಡಬಹುದು. ಕಬ್ಬಿನ ರಸ ದೇಹಕ್ಕೆ ಪ್ರಯೋಜನಕಾರಿ. ಮಾರುಕಟ್ಟೆಯಲ್ಲಿ ಲಭ್ಯವಿರುವ ಇತರೆ ಪಾನೀಯಗಳಿಗಿಂತ ಇದು ಉತ್ತಮವಾಗಿದೆ.

ಮಧುಮೇಹ ರೋಗಿಗಳಿಗೂ ಒಳಿತು
ಸಂಶೋಧನೆಯ ಪ್ರಕಾರ, ಹೆಚ್ಚುವರಿ ಸಕ್ಕರೆ ಮತ್ತು ಉಪ್ಪು ಇಲ್ಲದೆ ತಯಾರಿಸಿದ ಕಬ್ಬಿನ ರಸ ಮಧುಮೇಹಿ ರೋಗಿಗಳೂ ಸೇವಿಸಬಹುದು.

ಶಕ್ತಿ ಬೂಸ್ಟರ್
ಕ್ರೀಡೆ ಅಥವಾ ಜಿಮ್ಸಂನೊಂದಿಗೆ ಸಂಬಂಧ ಹೊಂದಿದ್ದರೆ, ತಕ್ಷಣ ಶಕ್ತಿಗಾಗಿ ಕಬ್ಬಿನ ರಸವನ್ನು ಸೇವಿಸಲು ಪ್ರಾರಂಭಿಸಬಹುದು.

ಹೃದ್ರೋಗಕ್ಕೆ ಪರಿಣಾಮಕಾರಿ
ಹೃದಯ ಸಂಬಂಧಿತ ಕಾಯಿಲೆಗಳಲ್ಲಿ ಕಬ್ಬಿನ ರಸ ತುಂಬಾ ಪ್ರಯೋಜನಕಾರಿ. ಕಬ್ಬಿನ ರಸ ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಹೃದಯದ ಕೋಶಗಳಲ್ಲಿ ಕೊಬ್ಬು ಸಂಗ್ರಹವಾಗದಂತೆ ತಡೆಯುತ್ತದೆ. ಇದರಿಂದಾಗಿ ಹೃದ್ರೋಗಗಳು ಬರುವ ಸಾಧ್ಯತೆ ಕಡಿಮೆಯಾಗುತ್ತದೆ.

ನೈಸರ್ಗಿಕ ಕಬ್ಬಿನ ರಸ
ಕಬ್ಬಿನ ರಸವನ್ನು ಕುಡಿಯುವ ಮೂಲಕ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡಬಹುದು. ನೈಸರ್ಗಿಕ ಸಕ್ಕರೆ ಕಬ್ಬಿನ ರಸದಲ್ಲಿದೆ. ಇದಲ್ಲದೆ ಗ್ಲೈಸೆಮಿಕ್ ಆಮ್ಲ ಇದರಲ್ಲಿ ಇರುತ್ತದೆ.

ಮೂಳೆಗಳಿಗೆ ಶಕ್ತಿಯನ್ನು ನೀಡುತ್ತದೆ
ಕಬ್ಬಿನ ರಸದಲ್ಲಿ ಸಾಕಷ್ಟು ಕ್ಯಾಲ್ಸಿಯಂ, ಕಬ್ಬಿಣ ಮತ್ತು ಪೊಟ್ಯಾಷಿಯಮ್ ಇರುತ್ತದೆ. ಮೂಳೆಗಳನ್ನು ಬಲಪಡಿಸಲು ಸಹಾಯ ಮಾಡಲು, ಕಬ್ಬಿನ ರಸವನ್ನು ಪ್ರತಿದಿನ ಕುಡಿಯುವುದರಿಂದ ಕೀಲು ನೋವು ನಿವಾರಣೆಯಾಗುತ್ತದೆ.

ಮೂತ್ರವು ಕಿರಿಕಿರಿ ಉಂಟುಮಾಡುತ್ತಿದ್ದರೆ ....!
ಕಬ್ಬಿನ ರಸವು ಮೂತ್ರ ವಿಸರ್ಜನೆಯ ಸಮಯದಲ್ಲಿ  ಉರಿಯುವ ಮತ್ತು ನೋವನ್ನು ನಿವಾರಿಸುತ್ತದೆ. ಇದಲ್ಲದೆ ಮೂತ್ರಪಿಂಡದ ಕಲ್ಲುಗಳ ನಿವಾರಣೆಗೂ ಕಬ್ಬಿನ ರಸ ತುಂಬಾ ಉಪಯುಕ್ತ.

ಕಬ್ಬಿನಲ್ಲಿ ವಿಟಮಿನ್ ಎ, ಬಿ 1, ಬಿ 2, ಬಿ 3, ಬಿ 5, ಬಿ 6 ಮತ್ತು ವಿಟಮಿನ್ ಸಿ ಇರುತ್ತದೆ. ಇದರಲ್ಲಿ ಕ್ಯಾಲ್ಸಿಯಂ, ಮೆಗ್ನೀಷಿಯಮ್ ಮತ್ತು ಕಬ್ಬಿಣವೂ ಇದೆ. ಕಬ್ಬಿನ ರಸ ತುಂಬಾ ರುಚಿಕರವಾಗಿದೆ ಮತ್ತು ಆರೋಗ್ಯಕರವಾಗಿರುತ್ತದೆ. ಇದರ ಲಾಭವನ್ನು ಹೆಚ್ಚಿಸಲು, ಇದಕ್ಕೆ ಪುದೀನ, ನಿಂಬೆ ರಸ ಮತ್ತು ಶುಂಠಿಯನ್ನು ಕೂಡ ಸೇರಿಸಬಹುದು.