Food Trend of 2023: ಇವುಗಳೇ ನೋಡಿ ಈ ವರ್ಷ ಹೆಚ್ಚು ಟ್ರೆಂಡ್‌ನಲ್ಲಿದ್ದ ಆಹಾರ

ನಾವು ವರ್ಷದ ಅಂತ್ಯಕ್ಕೆ (Year end) ಕಾಲಿಡುತ್ತಿದ್ದೇವೆ. ಈ ವರ್ಷ ಇಷ್ಟು ಬೇಗ ಹೇಗೆ ಕಳೆದುಹೋಯಿತು ಎಂದು ಯಾರಿಗೂ ತಿಳಿದಿಲ್ಲ. ಪ್ರತಿ ವರ್ಷದಂತೆ, ಈ ವರ್ಷ ಬಹಳಷ್ಟು ಬದಲಾಗಿದೆ ಮತ್ತು ನಮಗೆ ಅನೇಕ ಸಿಹಿ ನೆನಪುಗಳನ್ನು ನೀಡಿದೆ. ಪ್ರತಿ ವರ್ಷವೂ ಹುಳಿ-ಸಿಹಿ ನೆನಪುಗಳೊಂದಿಗೆ ಕೊನೆಗೊಳ್ಳುತ್ತದೆ, ಅವುಗಳಲ್ಲಿ ಕೆಲವು ಆಹಾರ ಟ್ರೆಂಡ್ ಗಳು ಸೇರಿಕೊಳ್ಳುತ್ತವೆ. ಅಂತಹ ಟ್ರೆಂಡ್ ನಲ್ಲಿದ್ದ ಆಹಾರ ಪದಾರ್ಥಗಳ ಬಗ್ಗೆ ತಿಳಿಯೋಣ. 
 

ಪ್ರತಿ ವರ್ಷದಂತೆ, ಈ ವರ್ಷವೂ, ನಾವು ನಿಮಗಾಗಿ ಆಹಾರಗಳಿಗೆ ಸಂಬಂಧಿಸಿದ ಕೆಲವು ಇಂಟ್ರೆಸ್ಟೀಂಗ್ ವಿಷಯಗಳ ಬಗ್ಗೆ ಮಾಹಿತಿ ನೀಡುತ್ತೇವೆ. ಇಂದು ನಾವು ವರ್ಷದ ಟಾಪ್ 10 ಆಹಾರ ಟ್ರೆಂಡ್ ಗಳ ಬಗ್ಗೆ ನಿಮಗೆ ಹೇಳಲಿದ್ದೇವೆ, ಅವುಗಳಲ್ಲಿ ಕೆಲವು ನೀವು ಸಹ ಟ್ರೈ ಮಾಡಿರಬಹುದು. ನೀವು ಇನ್ನೂ ಅದನ್ನು ಮಾಡದಿದ್ದರೆ, ಖಂಡಿತವಾಗಿಯೂ ಒಮ್ಮೆ ತಿನ್ನಿ. ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ (trendibg food) ಆದ ಕೆಲವು ಆಹಾರಗಳ ಬಗ್ಗೆ ತಿಳಿಯೋಣ. 
 

ಸಸ್ಯ ಆಧಾರಿತ ಮೊಟ್ಟೆ  (Plant based egg)
ಇದು ಸ್ವಲ್ಪ ವಿಚಿತ್ರ ಅನಿಸಬಹುದು, ಆದರೆ ಈ ವರ್ಷ ಸಸ್ಯ ಆಧಾರಿತ ಮಾಂಸ ಮತ್ತು ಮೊಟ್ಟೆಗಳ ಸಾಕಷ್ಟು ಟ್ರೆಂಡ್ ಕಂಡುಬಂದಿದೆ ಎಂಬುದು ನಿಜ. ಹೆಚ್ಚು ಗೂಗಲ್ ಸರ್ಚ್ (Google Search) ಮಾಡಿದ ಆಹಾರಗಳ ಲಿಸ್ಟ್ ನಲ್ಲೂ ಇವು ಸೇರಿವೆ. ಇದನ್ನು ಹೆಸರು ಬೇಳೆಯಿಂದ ತಯಾರಿಸಲಾಗುತ್ತದೆ, ಇದರಲ್ಲಿ ಪ್ರೋಟೀನ್ ಹೇರಳವಾಗಿ ಕಂಡುಬರುತ್ತದೆ.  ಆದರೆ ಇದು ಮೊಟ್ಟೆಯಂತೆಯೇ ರುಚಿಸುತ್ತದೆ ಎಂಬುದು ನಿಜ. ಈ ಸಸ್ಯಾಹಾರಿ ಮೊಟ್ಟೆಗಳು ಕೋಳಿ ಮೊಟ್ಟೆಗಳಿಗಿಂತ ಆರೋಗ್ಯಕರ ಎಂದು ನಂಬಲಾಗಿದೆ.

ಸೀಗಡಿ ಸಲಾಡ್ ನೊಂದಿಗೆ ಮೊಸರು ಅನ್ನ (Curd rice and Prawns salad)
ಮೊಸರನ್ನ ಭಾರತದ ನಾಲ್ಕು ದಕ್ಷಿಣದ ರಾಜ್ಯಗಳಾದ ತಮಿಳುನಾಡು, ಆಂಧ್ರಪ್ರದೇಶ, ಕೇರಳ ಮತ್ತು ಕರ್ನಾಟಕದಲ್ಲಿ ಸಾಕಷ್ಟು ಜನಪ್ರಿಯ, ಆದರೆ ಇದನ್ನು ಕ್ರಮೇಣ ದೇಶಾದ್ಯಂತ ತಿನ್ನಲು ಪ್ರಾರಂಭಿಸಿದ್ದಾರೆ. ನೀವು ಮೊಸರನ್ನ ಮತ್ತು ಸಿಗಡಿ ಸಲಾಡ್ ತಿಂದಿದ್ದೀರಾ? ಇಲ್ಲದಿದ್ದರೆ, ಖಂಡಿತವಾಗಿಯೂ ಒಮ್ಮೆ ಟ್ರೈ ಮಾಡಿ ನೋಡಿ.

ಮೆಣಸಿನ ಉಪ್ಪಿನಕಾಯಿ (Chilli Pickle)
ಪ್ರತಿಯೊಂದು ಪ್ರದೇಶದಲ್ಲಿ ವಿವಿಧ ರೀತಿಯ ಉಪ್ಪಿನಕಾಯಿಗಳನ್ನು ತಯಾರಿಸಲಾಗುತ್ತದೆ ಮತ್ತು ತಿನ್ನಲಾಗುತ್ತದೆ. ಮಾವಿನ ಉಪ್ಪಿನಕಾಯಿ ಹೆಚ್ಚು ಇಷ್ಟವಾಗಿದ್ದರೂ, ಈ ವರ್ಷ ಮೆಣಸಿನಕಾಯಿ ಉಪ್ಪಿನಕಾಯಿ ಟ್ರೆಂಡ್ ನಲ್ಲಿತ್ತು. ಜನರು ಅದನ್ನು ಹೇಗೆ ತಯಾರಿಸಬೇಕೆಂದು ಕಲಿತರು. ಹಸಿರು ಮೆಣಸಿನಕಾಯಿ ಉಪ್ಪಿನಕಾಯಿಗಳನ್ನು ತುಂಬಾನೆ ಇಷ್ಟಪಟ್ಟು ತಿಂತಿದ್ದಾರೆ ಜನ. 

ಕೊರಿಯನ್ ಆಹಾರಗಳು  (Korean Food)
ಕೆ-ಪಾಪ್ ನ ಭೂತವು ಬಹಳ ಸಮಯದಿಂದ ಭಾರತೀಯ ಪ್ರೇಕ್ಷಕರ ಮೇಲೆ ಸವಾರಿ ಮಾಡುತ್ತಿದೆ. ಈ ಕ್ರೇಜ್ ಹಾಡುಗಳಲ್ಲಿ ಮಾತ್ರವಲ್ಲ, ರಿಯಾಲಿಟಿ ಶೋ, ಚಲನಚಿತ್ರಗಳು, ಫ್ಯಾಷನ್ (Fashion) ಮತ್ತು ಆಹಾರ ಆಯ್ಕೆಗಳಲ್ಲಿಯೂ ಕಂಡುಬಂದಿದೆ. ಈ ಹಿಂದೆ, ಜನರು ಜಪಾನೀಸ್ ಸುಶಿಯನ್ನು ಮಾತ್ರ ತಿನ್ನುತ್ತಿದ್ದರು, ಈಗ ಕೊರಿಯಾದ ಆಹಾರ ಪದಾರ್ಥಗಳು ಭಾರತೀಯ ಮಾರುಕಟ್ಟೆಯಲ್ಲಿ ಹಿಡಿತ ಸಾಧಿಸಿವೆ. ಕೊರಿಯನ್ ಕಿಂಬಾಪ್, ರಾಮೆನ್, ರೈಸ್ ಕೇಕ್, ಕಿಮ್ಚಿ ಇತ್ಯಾದಿಗಳು ಜನರ ನೆಚ್ಚಿನ ಆಹಾರವಾಗಿದೆ.

ಮ್ಯಾಗಿ ಪಕೋಡಾ (Maggi Pakoda)
ಇದು ನಿಮಗೆ ಸ್ವಲ್ಪ ವಿಚಿತ್ರವಾಗಿ ತೋರಬಹುದು, ಆದರೆ ಮ್ಯಾಗಿ ಪಕೋಡಾಗಳ ಟ್ರೆಂಡ್ ಈ ವರ್ಷ ಸಾಕಷ್ಟು ಕಂಡುಬಂದಿದೆ ಎಂಬುದು ನಿಜ. ಇಂಟರ್ನೆಟ್ ನಲ್ಲಿ ಮಾತ್ರವಲ್ಲ, ಮನೆಗಳಲ್ಲಿಯೂ... ಮ್ಯಾಗಿ ಪಕೋಡಾದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ಸಮಯವಿತ್ತು. ಮ್ಯಾಗಿ ಪಕೋಡಾ ತಯಾರಿಸಲು ಕಚ್ಚಾ ಮ್ಯಾಗಿಯನ್ನು ಬಳಸಲಾಗುತ್ತದೆ. ಅನೇಕರು ಬೇಯಿಸಿದ ಮ್ಯಾಗಿಯಿಂದ ರೋಲ್ಸ್, ಬ್ರೆಡ್ ಪಕೋಡಾಗಳನ್ನು ಸಹ ಟ್ರೈ ಮಾಡಿದ್ದಾರೆ, ಅವುಗಳನ್ನು ಚಟ್ನಿ ಅಥವಾ ಚಹಾದೊಂದಿಗೆ ಸರ್ವ್ ಮಾಡಲಾಗುತ್ತೆ. 

ಬೆಂಟೊ ಕೇಕ್ (bento cake)
ಬೆಂಟೊ ಕೇಕ್ ಈ ವರ್ಷ ಸಾಕಷ್ಟು ಟ್ರೆಂಡಿಯಾಗಿತ್ತು. ಇದು ಒಂದು ರೀತಿಯ ಕೊರಿಯನ್ ಕೇಕ್, ಇದು ಕೆಲವು ಸಮಯದಿಂದ ಇಂಟರ್ನೆಟ್‌ನಲ್ಲಿ ಕೋಲಾಹಲವನ್ನು ಸೃಷ್ಟಿಸುತ್ತಿದೆ. ಇದು ಒಬ್ಬ ವ್ಯಕ್ತಿಗೆ ಸಾಕಾಗುವಂತಹ ಪುಟ್ಟ ಕೇಕ್, ಆದ್ದರಿಂದ ಇದನ್ನು ಬೆಂಟೊ ಎಂದು ಕರೆಯಲಾಗುತ್ತದೆ. ಅವುಗಳನ್ನು ಲಂಚ್ ಬಾಕ್ಸ್ ಕೇಕ್ ಎಂದೂ ಕರೆಯಲಾಗುತ್ತದೆ. ಈ ಸಣ್ಣ ಕನಿಷ್ಠ ಕೇಕ್ ಗಳು 2 ರಿಂದ 4 ಇಂಚುಗಳು ಮತ್ತು 300 ರಿಂದ 350 ಗ್ರಾಂ ತೂಕವನ್ನು ಹೊಂದಿರುತ್ತವೆ. ವಿಶೇಷವೆಂದರೆ ನಿಮ್ಮ ಆಯ್ಕೆಗೆ ಅನುಗುಣವಾಗಿ ನೀವು ಈ ಕೇಕ್ ಅನ್ನು ಕಸ್ಟಮೈಸ್ ಮಾಡಬಹುದು. 

ಗುಲಾಬ್ ಜಾಮೂನ್ ಸ್ವೀಟ್ ಬರ್ಗರ್ (Gulab Jamun Sweet Burger)
ಈ ಬರ್ಗರ್ ಅಂತರ್ಜಾಲದಲ್ಲಿ ಸಾಕಷ್ಟು ವೈರಲ್ ಆಗಿದ್ದು, ಆಲೂಗಡ್ಡೆ ಟಿಕ್ಕಿ ಬದಲಿಗೆ ಗುಲಾಬ್ ಜಾಮೂನ್ ಅನ್ನು ಬರ್ಗರ್ ಗೆ ಬಳಸಲಾಗಿದೆ., ಈ ವರ್ಷ ಸಿಹಿ ಬರ್ಗರ್ ಗಳು ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದವು. ವಿವಿಧ ರೀತಿಯ ಅಡುಗೆಯವರು ಇದನ್ನು ವಿಭಿನ್ನವಾಗಿ ಟ್ರೈ ಮಾಡಿದ್ದಾರೆ. ನೀವು ಇನ್ಸ್ಟಾಗ್ರಾಮ್‌ನಲ್ಲಿ #DessertBurger ಹುಡುಕಿದರೆ, ನಿಮಗಿದು ಸಿಗುತ್ತೆ.   
 

ಮಟರ್ ಕುಲ್ಚಾ (Muter Kulcha)
ನೀವೆಲ್ಲರೂ ದೆಹಲಿಯ ಬೀದಿಗಳಲ್ಲಿ ಕಡಲೆ ಅಥವಾ ಬಿಸಿ ಬಿಳಿ ಬಟಾಣಿಗಳೊಂದಿಗೆ ಕುಲ್ಚೆಯನ್ನು ಆನಂದಿಸಿರಬಹುದು, ಆದರೆ ನೀವು ಹಳೆಯ ದೆಹಲಿಯ ಪ್ರಸಿದ್ಧ ಹಸಿರು ಬಟಾಣಿ ಕುಲ್ಚಾವನ್ನು ಪ್ರಯತ್ನಿಸಿದ್ದೀರಾ? ಇಲ್ಲದಿದ್ದರೆ, ಖಂಡಿತವಾಗಿಯೂ ಒಮ್ಮೆ ಪ್ರಯತ್ನಿಸಿ ಏಕೆಂದರೆ ಇದು 2023 ರ ಟ್ರೆಂಡಿಂಗ್ ಆಹಾರಗಳಲ್ಲಿ ಒಂದಾಗಿದೆ. 

ಕ್ರೀಮಿ ಚಾಕೊಲೇಟ್ ಪಾಸ್ತಾ (Creamy Chocolate Pasta)
ಪಾಸ್ತಾವನ್ನು ಅನೇಕ ರೀತಿಯಲ್ಲಿ ತಯಾರಿಸಲಾಗುತ್ತದೆ. ಪಾಸ್ತಾದಲ್ಲಿ ಬಳಸುವ ಮಸಾಲೆಗಳು ಸಾಕಷ್ಟು ವಿಭಿನ್ನವಾಗಿವೆ. ಈ ವರ್ಷ ಕ್ರೀಮೀ ಚಾಕೊಲೇಟ್ ಪಾಸ್ತಾ ಭಾರಿ ಟ್ರೆಂಡ್ ಆಗಿದೆ. ಕ್ರೀಮಿ ಚಾಕೊಲೇಟ್ ಪಾಸ್ತಾ ರೆಸ್ಟೋರೆಂಟ್ ನ ಮೆನುವಿನ ಪ್ರಮುಖ ಭಾಗವಾಗಿದೆ.