ರೆಸಿಪಿ: ಮ್ಯಾರಿ ಗೋಲ್ಡ್ ಬಿಸ್ಕತ್ತಿನಿಂದ ಮಾಡ್ಬಹುದು ಪರ್ಫೆಕ್ಟ್ ಗುಲಾಬ್ ಜಾಮೂನ್!
ಹಬ್ಬಗಳು ಹತ್ತಿರವಾದ ತಕ್ಷಣ, ಜನರು ತಯಾರಿ ಪ್ರಾರಂಭಿಸುತ್ತಾರೆ. ಮನೆಯ ಸ್ವಚ್ಛತೆಯಿಂದ ಹಿಡಿದು ಸ್ವೀಟ್‌ ತಯಾರಿಸುವವರೆಗೆ ಪ್ಲಾನ್‌ ಶುರುವಾಗುತ್ತದೆ. ಈ ಬಾರಿ ಹಬ್ಬಕ್ಕಾಗಿ ಈಸಿ ಜಾಮೂನು ರೆಸಿಪಿ ಇಲ್ಲಿದೆ. ಅದು ಕೇವಲ 10 ರೂಪಾಯಿ ಬಿಸ್ಕತ್ ಪ್ಯಾಕ್‌ನಿಂದ. ಮೇರಿ ಗೋಲ್ಡ್ ಬಿಸ್ಕತ್‌ನೊಂದಿಗೆ ಸಹ ಸಾಫ್ಟ್‌ ಜಾಮೂನು ತಯಾರಿಸಲು ಸಾಧ್ಯ.
ಗುಲಾಬ್ ಜಾಮೂನ್ ಅತ್ಯಂತ ಜನಪ್ರಿಯ ಭಾರತೀಯರ ಫೇವರೇಟ್‌ ಸ್ವೀಟ್‌ಗಳಲ್ಲಿ ಒಂದಾಗಿದೆ.
ಕೇವಲ 10 ರೂಪಾಯಿ ಮೇರಿ ಗೋಲ್ಡ್ ಬಿಸ್ಕತ್‌ನೊಂದಿಗೆ ಜಾಮೂನ್ ತಯಾರಿಸುವ ರೆಸಿಪಿ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು:
1 ಪ್ಯಾಕೆಟ್ ಮಾರಿಗೋಲ್ಡ್ ಬಿಸ್ಕತ್ತು, 1/4 ಕಪ್ ಕಾಯಿ ತುರಿ, 2 ಚಿಟಿಕೆ ಬೇಕಿಂಗ್‌ ಸೋಡಾ, 1-1 / 2 ಕಪ್ ಸಕ್ಕರೆ, 1 ಕಪ್ ನೀರು, 1/2 ಟೀಸ್ಪೂನ್ ಏಲಕ್ಕಿ ಪುಡಿ, ಗುಲಾಬ್ ಜಾಮೂನ್ ಕರಿಯಲು ತುಪ್ಪ/ಎಣ್ಣೆ.
ಮೊದಲನೆಯದಾಗಿ, ಬಾಣಲೆಯಲ್ಲಿ ನೀರು ಮತ್ತು ಸಕ್ಕರೆಯನ್ನು ಸೇರಿಸಿ ಸಿರಪ್ ತಯಾರಿಸಲು ಕುದಿಯಲು ಬಿಡಿ. ಸಕ್ಕರೆಯು ತೆಳುವಾದ ಪಾಕವಾಗುವ ವರೆಗೆ ಕುದಿಸಿ. ಏಲಕ್ಕಿ ಪುಡಿಯನ್ನು ಮಿಕ್ಸ್‌ ಮಾಡಿ ಪಕ್ಕಕ್ಕೆ ಇರಿಸಿ.
ಮಾರಿ ಗೋಲ್ಡ್ ಬಿಸ್ಕತ್ತುಗಳನ್ನು ಮಿಕ್ಸರ್ನಲ್ಲಿ ಹಾಕಿ ಪುಡಿ ಮಾಡಿದ ನಂತರ ಜರಡಿ ಮಾಡಿ.
ಈ ಪುಡಿಯನ್ನು ದೊಡ್ಡ ಪಾತ್ರೆಯಲ್ಲಿ ಸುರಿಯಿರಿ ಮತ್ತು ತೆಂಗಿನ ತುರಿ, ಅಡಿಗೆ ಸೋಡಾ ಮತ್ತು ಸ್ವಲ್ಪ ಹಾಲು ಸೇರಿಸಿ, ಅದನ್ನು ನಿಧಾನವಾಗಿ ಮಿಕ್ಸ್‌ ಮಾಡಿ ಮೃದುವಾದ ಹಿಟ್ಟನ್ನು ತಯಾರಿಸಿ.
ಇದರ ನಂತರ, ನಿಮ್ಮ ಕೈಗೆ ಸ್ವಲ್ಪ ತುಪ್ಪ ಸವರಿ ಕೊಂಡು, ಸಣ್ಣ ಉಂಡೆಗಳನ್ನು ಮಾಡಿ
ತುಪ್ಪ/ಎಣ್ಣೆ ಕಾದ ನಂತರ ಈ ಉಂಡೆಗಳನ್ನು ಚಿನ್ನದ ಬಣ್ಣಕ್ಕೆ ತಿರುಗಿಸುವವರೆಗೆ ಮಧ್ಯಮ ಉರಿಯಲ್ಲಿ ಕರಿದು ಸಿರಪ್‌ನಲ್ಲಿ ಹಾಕಿ.
1 ಗಂಟೆಯಲ್ಲಿ ಗುಲಾಬ್ ಜಾಮೂನ್ ಸಕ್ಕರೆ ಪಾಕವನ್ನು ಸಂಪೂರ್ಣವಾಗಿ ಹೀರಿಕೊಳ್ಳುತ್ತದೆ.
ನಂತರ ಅದನ್ನು ಬಿಸಿ ಮಾಡಿ ಸವಿಯಿರಿ.
