ಚಳಿಗಾಲದ ಚಹಾ ಪ್ರಿಯರಿಗೆ ಎಚ್ಚರಿಕೆ: ಪದೇ ಪದೇ ಕುದಿಸಿದರೆ ಆಪತ್ತು!

ನಮ್ಮ ಭಾರತೀಯರಿಗೆ ಚಹಾ ಅಂದ್ರೆ ಪ್ರಾಣ. ಬೆಳಿಗ್ಗೆ, ಮಧ್ಯಾಹ್ನ, ಸಂಜೆ ಚಹಾ ಇದ್ದೇ ಇರಬೇಕು. ಆದರೆ ಎಲ್ಲರೂ ಚಹಾ ಮಾಡೋ ರೀತಿ ಒಂಥೇ ಆಗಿರುವುದಿಲ್ಲ. ಕೆಲವರು ನೀರು, ಚಹಾ ಪುಡಿ ಹಾಕಿ ಕುದಿಸ್ತಾರೆ, ಮತ್ತೆ ಹಾಲು ಹಾಕಿ ಕುದಿಸ್ತಾರೆ. ಚಹಾ ಕುಡಿದರೆ ರೋಗನಿರೋಧಕ ಶಕ್ತಿ ಹೆಚ್ಚುತ್ತೆ, ತೂಕ ಇಳಿಯುತ್ತೆ, ಸಕ್ಕರೆ ಕಂಟ್ರೋಲ್ ಆಗುತ್ತೆ ಅಂತೆಲ್ಲಾ ಹೇಳುತ್ತಾರೆ. ಆದರೆ ಈ ಕೆಫೀನ್ ಇರೋ ಚಹಾವನ್ನ ಮತ್ತೆ ಮತ್ತೆ ಕುದಿಸಿ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂಬುದು ಕೂಡ ಅಷ್ಟೇ ಸತ್ಯವಾಗಿದೆ.. ಇದರಿಂದ ಅಡ್ಡ ಪರಿಣಾಮಗಳೂ ಬೀರುತ್ತವೆ..

ಹಾಲಿನ ಚಹಾವನ್ನ ಏಕೆ ಜಾಸ್ತಿ ಕುದಿಸಬಾರದು?
ವೈದ್ಯರ ಪ್ರಕಾರ, ಹಾಲಿನ ಚಹಾದಲ್ಲಿ ಟ್ಯಾನಿನ್ಸ್ ಇರುತ್ತೆ. ಇದು ಹಣ್ಣು, ತರಕಾರಿ, ಬೀಜ, ವೈನ್ ಮತ್ತು ಚಹಾದಲ್ಲಿ ಇರೋ ಒಂದು ರೀತಿಯ ಅಂಶ. ಇದು ಪ್ರೋಟೀನ್, ಸೆಲ್ಯುಲೋಸ್, ಪಿಷ್ಟ ಮತ್ತು ಖನಿಜಗಳ ಜೊತೆ ಸೇರಿಕೊಂಡು ಕರಗದ ಪದಾರ್ಥ ಆಗುತ್ತದೆ.

ಚಹಾವನ್ನ 4-5 ನಿಮಿಷಕ್ಕಿಂತ ಜಾಸ್ತಿ ಕುದಿಸಿದರೆ ಈ ಟ್ಯಾನಿನ್ಸ್ ನಮ್ಮ ದೇಹದಲ್ಲಿ ಕಬ್ಬಿಣದ ಅಂಶ ಹೀರಿಕೊಳ್ಳೋದನ್ನ ತಡೆಯುತ್ತದೆ. ಇನ್ನು ಜಾಸ್ತಿ ಕುದಿಸಿದರೆ ಪೋಷಕಾಂಶಗಳು ಕಡಿಮೆ ಆಗುತ್ತವೆ. ದೇಹದಲ್ಲಿ ಆಮ್ಲೀಯತೆ ಜಾಸ್ತಿ ಆಗುತ್ತದೆ. ಇದರಿಂದ ಕ್ಯಾನ್ಸರ್ ಬರೋ ಸಾಧ್ಯತೆ ಇರುತ್ತದೆ.

ಟೀ ಜಾಸ್ತಿ ಕುದಿಸಿದರ ಆಗುವ ಅಡ್ಡಪರಿಣಾಮಗಳು: ಒಮ್ಮೆ ಚಹಾವನ್ನ ಮತ್ತೆ ಮತ್ತೆ ಬಿಸಿ ಮಾಡಿ ಕುದಿಸಿದರೆ ಹಾಲಿನಲ್ಲಿರುವ ಕ್ಯಾಲ್ಸಿಯಂ, ವಿಟಮಿನ್ ಬಿ12 ಮತ್ತು ಸಿ ಕರಗಿ ಹೋಗುತ್ತದೆ. ಹಾಲು ಜಾಸ್ತಿ ಕುದಿಸಿದರೆ ಚಹಾ ಕಹಿ ಆಗುತ್ತದೆ. ಹಾಲಿನಲ್ಲಿರುವ ಪ್ರೋಟೀನ್ಸ್ ರಚನೆ ಬದಲಾಗಿ ಜೀರ್ಣ ಆಗೋದು ಕಷ್ಟ ಆಗುತ್ತದೆ. ಹೊಟ್ಟೆನೋವು, ಆಮ್ಲೀಯತೆ, ಗ್ಯಾಸ್ಟ್ರಿಕ್ ಸಮಸ್ಯೆಗಳು ಶುರುವಾಗುತ್ತವೆ.

ಚಹಾದ ಆಮ್ಲೀಯತೆ ಹೆಚ್ಚಳ: ಒಮ್ಮೆ ಮಾಡಿದ ಚಹಾ ಪದೇ ಪದೆ ಬಿಸಿ ಮಾಡಿದರೆ ಹಾಲಿನ ಚಹಾದ pH ಬದಲಾಗಿ ಆಮ್ಲೀಯತೆ ಹೆಚ್ಚಳ ಆಗುತ್ತದೆ. ಹೆಚ್ಚಿನ ಉಷ್ಣತೆಯಿಂದ ಲ್ಯಾಮೈಡ್ ರಿಯಾಕ್ಷನ್ ಆಗುತ್ತದೆ. ಲ್ಯಾಕ್ಟೋಸ್, ಹಾಲಿನ ಪ್ರೋಟೀನ್ ಜೊತೆ ಸೇರಿ ಅಪಾಯಕಾರಿ ಸಂಯೋಜನೆ ಆಗುತ್ತದೆ.

ಚಹಾವನ್ನು ಹೆಚ್ಚು ಕುದಿಸುವುದರಿಂದ ಅಕ್ರಿಲಾಮೈಡ್ ತರಹದ ಸಂಯುಕ್ತಗಳು ಉತ್ಪತ್ತಿ ಆಗುತ್ತವೆ. ಅಕ್ರಿಲಾಮೈಡ್ ಒಂದು ರೀತಿಯ ಕ್ಯಾನ್ಸರ್ ಕಾರಕ ಅಂಶ. ಹೀಗಾಗಿ, ಒಮ್ಮೆ ಮಾಡಿದ ಚಹಾವನ್ನು ಆಗಿಂದಾಗಲೇ ಕುಡಿದು ಮುಗಿಸಬೇಕು. ರಸ್ತೆ ಬದಿಯಲ್ಲಿ ಚಹಾ ಕುಡಿಯುವವರುಯ ಕೂಡ ಇದನ್ನು ಗಮನಿಸಬೇಕು.