ಬಿಸಿಲಿನಿಂದ ತತ್ತರಿಸುತ್ತಿರೋ ಭಾರತ… ವಿಷ್ಣು ಪುರಾಣದಲ್ಲಿ ಬರೆದಿದೆ ಭೂಮಿಯ ಅವನತಿಯ ಭವಿಷ್ಯವಾಣಿ

ಇಡೀ ಉತ್ತರ ಭಾರತ ಬಿಸಿಲಿನ ತಾಪಕ್ಕೆ ತತ್ತರಿಸುತ್ತಿದೆ. ಈ ಸುಡುವ ಶಾಖದಿಂದ ಎಲ್ಲರೂ ತೊಂದರೆಗೀಡಾಗಿದ್ದಾರೆ.  ವಿಷ್ಣು ಪುರಾಣದ ಪ್ರಕಾರ, ಹೆಚ್ಚುತ್ತಿರುವ ಸುಡುವ ಶಾಖವು ಹತ್ಯಾಕಾಂಡದ ಸಂಕೇತವಾಗಿದೆ. ಇದಲ್ಲದೆ, ಹೆಚ್ಚುತ್ತಿರುವ ಶಾಖದ ಬಗ್ಗೆ ವಿಷ್ಣು ಪುರಾಣದಲ್ಲಿ ಅನೇಕ ಆಘಾತಕಾರಿ ವಿಷಯಗಳನ್ನು ಬರೆಯಲಾಗಿದೆ.    

ಈ ಜಗತ್ತಿನಲ್ಲಿ ಹಿಂದೆ ಏನಾಗಿದೆಯೋ, ಮುಂದೆ ಏನಾಗಲಿದೆಯೋ ಎಲ್ಲದರ ಮಾಹಿತಿಯನ್ನು, ಪುರಾಣಗಳಲ್ಲಿ ನಾವು ಪಡೆಯುತ್ತೇವೆ. ವಿಷ್ಣು ಪುರಾಣದಲ್ಲಿ, ನಮ್ಮ ಸುತ್ತಲೂ ನಡೆಯುತ್ತಿರುವ ಜೀವನ ಮತ್ತು ಸಾವಿನವರೆಗಿನ ಅಂತಹ ಅನೇಕ ಘಟನೆಗಳ ಬಗ್ಗೆ ನಾವು ಮಾಹಿತಿಯನ್ನು ಪಡೆಯುತ್ತೇವೆ. ಉದಾಹರಣೆಗೆ, ಭವಿಷ್ಯದಲ್ಲಿ ಹಣ ದೇವರಾಗುತ್ತದೆ ಮತ್ತು ಜನರು ದೇವರನ್ನು ತೊರೆದು ಸಂಪತ್ತನ್ನು ಪೂಜಿಸಲು ಪ್ರಾರಂಭಿಸುತ್ತಾರೆ ಎಂದು ವಿಷ್ಣು ಪುರಾಣದಲ್ಲಿ (Vishnu Purana) ಸಂಪತ್ತಿನ ಬಗ್ಗೆ ಬರೆಯಲಾಗಿದೆ. ಈಗ ಜನರು ಅದನ್ನೇ ತಾನೆ ಮಾಡ್ತಿರೋದು. 

ಅಂತೆಯೇ, ವಿಷ್ಣು ಪುರಾಣದಲ್ಲಿ (Vishnu Purana) ಹವಾಮಾನ ಮತ್ತು ಪ್ರಕೃತಿಯ ನಡುವಿನ ಸಂಬಂಧದ ಬಗ್ಗೆಯೂ ಉಲ್ಲೇಖವಿದೆ. ಹೆಚ್ಚುತ್ತಿರುವ ಶಾಖದ ಬಗ್ಗೆ ವಿಷ್ಣು ಪುರಾಣದಲ್ಲಿ ಬರೆದಂತಹ ವಿಷಯಗಳನ್ನು ನೋಡಿದರೆ, ಇದು ನಿಜವೆಂದು ತೋರುತ್ತದೆ. ವಿಷ್ಣು ಪುರಾಣದಲ್ಲಿ ಹೆಚ್ಚುತ್ತಿರುವ ಶಾಖದ ಬಗ್ಗೆ ಏನು ಬರೆಯಲಾಗಿದೆ ಎಂದು ತಿಳಿಯೋಣ.

ಇಡೀ ಉತ್ತರ ಭಾರತವನ್ನು ಆವರಿಸಿದ ಬಿಸಿಗಾಳಿ
ಜೂನ್ ತಿಂಗಳಲ್ಲಿ ಹೆಚ್ಚುತ್ತಿರುವ ಶಾಖದಿಂದಾಗಿ (Heat wave) ಎಲ್ಲರೂ ತೊಂದರೆಗೀಡಾಗಿದ್ದಾರೆ. ಇಡೀ ಉತ್ತರ ಭಾರತ ಬಿಸಿಲಿನ ತಾಪಕ್ಕೆ ತತ್ತರಿಸುತ್ತಿದೆ. ಬಿಸಿಲಿನ ಕೆನ್ನಾಲಿಗೆಯಿಂದಾಗಿ, ಜನರು ತಮ್ಮ ಮನೆಗಳಿಂದ ಹೊರಬರಲು ಹಿಂಜರಿಯುತ್ತಿದ್ದಾರೆ. ಹವಾಮಾನ ಇಲಾಖೆಯ ಪ್ರಕಾರ, ರಾಜಸ್ಥಾನ, ಪಂಜಾಬ್, ಹರಿಯಾಣ, ದೆಹಲಿ, ಮಧ್ಯಪ್ರದೇಶ ಮತ್ತು ಉತ್ತರ ಪ್ರದೇಶದಲ್ಲಿ ಮೇ 29 ರವರೆಗೆ ತೀವ್ರ ಶಾಖದ ಅಲೆ ಮುಂದುವರಿಯುವ ಸಾಧ್ಯತೆಯಿದೆ. ಈ ಎಲ್ಲಾ ಆತಂಕಗಳ ನಡುವೆ, ವಿಷ್ಣು ಪುರಾಣದ ಭವಿಷ್ಯವಾಣಿಗಳು ನಿಜವಾಗುತ್ತಿರುವಂತೆ ತೋರುತ್ತದೆ.

ವಿಷ್ಣು ಪುರಾಣದ ಪ್ರಕಾರ, ದೇವಲೋಕ ಮತ್ತು ಭೂಲೋಕದ ಸಮಯವು ವಿಭಿನ್ನವಾಗಿ ಚಲಿಸುತ್ತದೆ
ವಿಷ್ಣು ಪುರಾಣದ ಪ್ರಕಾರ, ದೇವಲೋಕದಲ್ಲಿ ಸಮಯವು ವಿಭಿನ್ನವಾಗಿ ಚಲಿಸುತ್ತದೆ. ಭೂಮಿಯ ಮೇಲೆ 12 ತಿಂಗಳ ಒಂದು ವರ್ಷವಿದೆ, ಆದರೆ ದೇವಲೋಕದಲ್ಲಿ, ಹಗಲು ಮತ್ತು ರಾತ್ರಿಗಳು 12 ತಿಂಗಳುಗಳಿಗೆ ಸಮ.  ಭೂಮಿ ಮೇಲಿನ ಮುನ್ನೂರ ಅರವತ್ತು ವರ್ಷಗಳು ದೇವತೆಗಳಿಗೆ ಒಂದು ವರ್ಷ. ಹನ್ನೆರಡು ಸಾವಿರ ದೈವಿಕ ವರ್ಷಗಳ ಚಾತುರ್ಯುಗವಿದೆ. ಹೀಗಿರೋವಾಗ, ಭೂಮಿಯ ಮೇಲಿನ ತಿಂಗಳುಗಳಿಗೆ ಅನುಗುಣವಾಗಿ ಹವಾಮಾನದಲ್ಲಿ ಬದಲಾವಣೆಗಳು (weather changes) ಕಂಡುಬರುತ್ತವೆ, ಆದರೆ ದೇವಲೋಕದಲ್ಲಿ, ಈ ಬದಲಾವಣೆಗಳು ಭೂಮಿಗಿಂತ ಶತಮಾನಗಳ ನಂತರ ಸಂಭವಿಸುತ್ತವೆ.

ವಿಪರೀತ ಶಾಖ, ಶೀತ ಮತ್ತು ಮಳೆ ವಿಷ್ಣು ಪುರಾಣದಲ್ಲಿ ಕಲಿಯುಗದ ಪರಾಕಾಷ್ಠೆಯನ್ನು ಸೂಚಿಸುತ್ತದೆ
ವಿಷ್ಣು ಪುರಾಣದ ಪ್ರಕಾರ, ಚಾತುರ್ಯುಗ ಮುಗಿದ ನಂತರ ಭೂಮಿಯು ದಣಿದಾಗ, ಬರಗಾಲವು 100 ವರ್ಷಗಳವರೆಗೆ ಇರುತ್ತದೆ. ಇದು ಇಡೀ ಪ್ರಪಂಚದ ಮೇಲೆ ಪರಿಣಾಮ ಬೀರುತ್ತದೆ. ಭೂಮಿಯ ಫಲವತ್ತತೆ ಬರಿದಾಗುತ್ತದೆ, ಇದರಿಂದಾಗಿ ಬೆಳೆಗಳು ನಾಶವಾಗಲು ಪ್ರಾರಂಭಿಸುತ್ತವೆ. ಪ್ರಾಣಿಗಳು ಜೀವಂತವಾಗಿದ್ದಾಗಲೂ ನಿರ್ಜೀವವಾಗುತ್ತವೆ. ಅವರ ದೈಹಿಕ ಶಕ್ತಿ (physical power) ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಸುಡುವ ಶಾಖದಿಂದಾಗಿ, ಸುತ್ತಲೂ ಬರ ಮಾತ್ರ ಹೆಚ್ಚುತ್ತದೆ. ನೀರಿನ ಕೊರತೆ ಹೆಚ್ಚುತ್ತದೆ ಮತ್ತು ಚರ್ಮವೂ ಒಣಗುತ್ತದೆ ಎನ್ನುವ ವಿಷ್ಯವನ್ನು ವಿಷ್ಣು ಪುರಾಣದಲ್ಲಿ ತಿಳಿಸಿದೆ. 

ಭಗವಾನ್ ವಿಷ್ಣು ಸೂರ್ಯನ ಏಳು ಕಿರಣಗಳಲ್ಲಿ ನೆಲೆಸುತ್ತಾನೆ
ವಿಷ್ಣು ಪುರಾಣದ ಪ್ರಕಾರ, ಭೂಮಿಯು ಯಾವಾಗ ಸುಡುವ ಬಿಸಿಲಿನಿಂದ ನರಳುತ್ತದೆಯೋ, ಅದು ವಿನಾಶದ ಅಥವಾ ಪ್ರಳಯದ ಸಂಕೇತವಾಗಿದೆ. ಈ ಸಂದರ್ಭದಲ್ಲಿ ವಿಷ್ಣುವು ಸೂರ್ಯನ ಏಳು ಕಿರಣಗಳಲ್ಲಿ ನೆಲೆಸಿ ಸಂಪೂರ್ಣ ನೀರನ್ನು ತನ್ನಲ್ಲಿ ಹೀರಿಕೊಳ್ಳುತ್ತಾನೆ ಮತ್ತು ಸಮುದ್ರ, ನದಿಗಳು, ಪರ್ವತ ಪ್ರದೇಶಗಳಿಂದ ತೇವಾಂಶ ಮತ್ತು ನೀರನ್ನು ಸಂಪೂರ್ಣವಾಗಿ ಹೀರಿಕೊಳ್ಳುತ್ತಾನೆ. ಎಲ್ಲಾ ನೀರನ್ನು ಹೀರಿದ ಬಳಿಕ ದೇವರ ಶಕ್ತಿಯಿಂದಾಗಿ ಏಳು ಸೂರ್ಯ ಕಿರಣಗಳು ಏಳು ಸೂರ್ಯರಾಗಿ(Seven Sun) ಬದಲಾಗುತ್ತಾರೆ. 

ಈ ರೀತಿಯಾಗಿ, ಭೂಮಿಯು ವಿನಾಶದತ್ತ ಸಾಗುತ್ತದೆ
ಭೂಮಿಯ ಮೇಲಿನ ವಿಪರೀತ ಶಾಖ ಜೀವನದ ಅಂತ್ಯವನ್ನು ಸಹ ಸೂಚಿಸುತ್ತದೆ. ಆ ಸಮಯದಲ್ಲಿ, ಎಲ್ಲೆಡೆ ಮೇಲೆ ಮತ್ತು ಕೆಳಗೆ ಪ್ರಕಾಶಮಾನವಾದ ಬೆಳಕು ಇರುತ್ತದೆ ಏಕೆಂದರೆ ಏಳು ಸೂರ್ಯನ ಕಿರಣಗಳು ಇಡೀ ತ್ರಿಲೋಕವನ್ನು ಭೂಮಿಯಿಂದ ಪಾತಾಳಲೋಕದವರೆಗೂ ಆವರಿಸುತ್ತದೆ. ಇಡೀ ಜಗತ್ತು, ನದಿಗಳು, ಪರ್ವತಗಳು, ಕಾಡುಗಳು ಎಲ್ಲವೂ ಸಮತಟ್ಟಾಗುತ್ತವೆ ಮತ್ತು ಕೊನೆಗೊಳ್ಳುತ್ತವೆ. ಭೂಮಿಯು ಆಮೆಯ ಬೆನ್ನಿನಂತೆ ಗಟ್ಟಿಯಾಗುತ್ತದೆ. ಈ ರೀತಿಯಾಗಿ, ವಿಪರೀತ ಶಾಖವು ಭೂಮಿಯ ಅಂತ್ಯದ ಸಂಕೇತವಾಗಿದೆ. ವಿಷ್ಣು ಪುರಾಣದ ಪ್ರಕಾರ, ಶಾಖ ಮತ್ತು ನಂತರ ಬರಗಾಲದ ಪರಿಸ್ಥಿತಿಯೊಂದಿಗೆ ಹೋರಾಡುವಾಗ ಭೂಮಿಯು ವಿನಾಶದತ್ತ ಸಾಗುತ್ತಿದೆ.