Navratri 2022: ಮಾತೆ ದುರ್ಗೆ ಕನಸಲ್ಲಿ ಕಂಡರೆ ಏನದರ ಸೂಚನೆ?

ಶಾರದೀಯ ನವರಾತ್ರಿಯನ್ನು ಈ ವರ್ಷ 26 ಸೆಪ್ಟೆಂಬರ್‌ನಿಂದ ಅಕ್ಟೋಬರ್ 5ರವರೆಗೆ ಆಚರಿಸಲಾಗುತ್ತದೆ.ಈ ಸಮಯದಲ್ಲಿ ಭಕ್ತರು ದುರ್ಗಾ ಮಾತೆಯ 9 ರೂಪಗಳನ್ನು ಪೂಜಿಸುತ್ತಾರೆ. ಅಂದ ಹಾಗೆ ದುರ್ಗೆಯನ್ನು ಕನಸಿನಲ್ಲಿ ಕಂಡರೆ ಏನರ್ಥ ಗೊತ್ತಾ?

ಕನಸುಗಳನ್ನು ಸಾಮಾನ್ಯವಾಗಿ ಪ್ರತಿಯೊಬ್ಬ ಮನುಷ್ಯನು ನೋಡುತ್ತಾನೆ. ಕೆಲವು ಕನಸುಗಳು ನಮಗೆ ಸಂತೋಷವನ್ನು ನೀಡುತ್ತವೆ ಮತ್ತು ಕೆಲವು ಕನಸುಗಳು ನಮಗೆ ಭಯವನ್ನು ಉಂಟು ಮಾಡುತ್ತವೆ. ಮತ್ತೊಂದೆಡೆ, ಕನಸಿನ ಗ್ರಂಥಗಳ ಪ್ರಕಾರ, ಕೆಲ ವಿಶೇಷ ಕನಸುಗಳು ನಮಗೆ ಭವಿಷ್ಯದ ಘಟನೆಗಳ ಸೂಚನೆಗಳನ್ನು ನೀಡುತ್ತವೆ. ಅದೇ ಸಮಯದಲ್ಲಿ, ನಾವು ಅನೇಕ ಬಾರಿ ನಮ್ಮ ಕನಸಿನಲ್ಲಿ ದೇವತೆಗಳು ಮತ್ತು ದೇವಾಲಯಗಳನ್ನು ನೋಡುತ್ತೇವೆ. ಅವು ಶುಭ ಸೂಚನೆಯೇ ಇರಬೇಕು ಎಂದು ಸಂತಸ ಪಡುತ್ತೇವೆ. ನವರಾತ್ರಿಯ ಈ ಸಮಯ ದುರ್ಗಾ ಮಾತೆ(Maa Durga)ಯ ಆರಾಧನೆಗೆ ಹೆಸರಾಗಿದೆ. ನಿಮ್ಮ ಕನಸಿನಲ್ಲೇನಾದರೂ ದುರ್ಗಾ ಮಾತೆ ಬಂದರೆ ಏನರ್ಥ ಎಂದು ತಿಳಿಯೋಣ. 

ಕೆಂಪು ಸೀರೆ ಉಟ್ಟ ದುರ್ಗಮ್ಮ
ಕನಸಿನ ಗ್ರಂಥಗಳ ಪ್ರಕಾರ, ನಿಮ್ಮ ಕನಸಿನಲ್ಲಿ ದುರ್ಗಾ ಮಾತೆಯು  ಕೆಂಪು ಸೀರೆ(red saree)ಯುಟ್ಟು ನಗುತ್ತಿರುವುದನ್ನು ನೀವು ನೋಡಿದರೆ, ಅದು ಮಂಗಳಕರ(auspecious) ಸಂಕೇತವಾಗಿದೆ. ನಿಮ್ಮ ಜೀವನದಲ್ಲಿ ಬರುವ ಎಲ್ಲಾ ತೊಂದರೆಗಳು ಶೀಘ್ರದಲ್ಲೇ ಕೊನೆಗೊಳ್ಳಲಿವೆ ಎಂದರ್ಥ. ನೀವು ದುಃಖಗಳಿಂದ ಮುಕ್ತಿ ಪಡೆಯಲಿದ್ದೀರಿ. ನೀವು ವೃತ್ತಿ ಮತ್ತು ವ್ಯವಹಾರದಲ್ಲಿ ಯಶಸ್ಸನ್ನು ಪಡೆಯಬಹುದು. 

ತಾಯಿ ಕಪ್ಪು ಬಟ್ಟೆಯಲ್ಲಿ ಕಾಣಿಸಿಕೊಂಡರೆ

ತಾಯಿ ಕಪ್ಪು ಬಟ್ಟೆಯಲ್ಲಿ ಕಾಣಿಸಿಕೊಂಡರೆ ಮಾತ್ರ ಅದು ಅಶುಭ ಸಂಕೇತ. ಆಕೆ ನಿಮಗೆ ಏನೋ ಎಚ್ಚರಿಕೆ ಕೊಡುತ್ತಿರಬಹುದು. ಅಥವಾ ಮುಂದಾಗುವ ಅಶುಭವನ್ನು ಸೂಟಿಸುತ್ತಿರಬಹುದು.

ತಾಯಿ ಕೋಪಗೊಂಡುದನ್ನು ನೋಡಿದರೆ
ಕನಸಿನ ಗ್ರಂಥಗಳ ಪ್ರಕಾರ, ನಿಮ್ಮ ಕನಸಿನಲ್ಲಿ ಮಾ ದುರ್ಗೆಯನ್ನು ಕೋಪಗೊಂಡ ರೂಪದಲ್ಲಿ ನೋಡಿದರೆ, ಅದು ಅಶುಭ ಸಂಕೇತವಾಗಿದೆ. ಇದರರ್ಥ ನೀವು ತಪ್ಪು ಕೆಲಸ ಮಾಡುತ್ತಿದ್ದೀರಿ ಮತ್ತು ತಾಯಿ ನಿಮಗೆ ಕನಸಿನಲ್ಲಿ ಸುಳಿವು ನೀಡುತ್ತಿದ್ದಾಳೆ ಎಂದು. ಇದರರ್ಥ ನೀವು ಸ್ವಲ್ಪ ದೈಹಿಕ ನೋವನ್ನು ಅನುಭವಿಸಬೇಕಾಗಬಹುದು.

ನಿಮ್ಮ ಕನಸಿನಲ್ಲಿ ದುರ್ಗೆಯ ವಿಗ್ರಹವನ್ನು ನೋಡಿದರೆ
ಇದು ನಿಮಗೆ ಒಳ್ಳೆಯ ಸಂಕೇತವಾಗಿದೆ. ದೀರ್ಘ ಕಾಲದವರೆಗೆ ಮಕ್ಕಳನ್ನು ಪಡೆಯದ ದಂಪತಿಯು ತಮ್ಮ ಕನಸಿನಲ್ಲಿ ಮಾ ದುರ್ಗೆಯನ್ನು ನೋಡಿದರೆ ಆಗ ಇದು ತುಂಬಾ ಶುಭ ಸಂಕೇತವಾಗಿದೆ. ಶೀಘ್ರದಲ್ಲೇ ಅವರು ಮಕ್ಕಳನ್ನು ಪಡೆಯುತ್ತಾರೆ ಎಂದರ್ಥ.

ತಾಯಿ ಸಿಂಹದ ಮೇಲೆ ಸವಾರಿ ಮಾಡುತ್ತಿರುವುದನ್ನು ನೋಡಿದರೆ
ಒಬ್ಬ ವ್ಯಕ್ತಿಯು ಸಿಂಹ(lion)ದ ಮೇಲೆ ದುರ್ಗೆಯ ಮೇಲೆ ಸವಾರಿ ಮಾಡುತ್ತಿರುವುದನ್ನು ಕನಸಿನಲ್ಲಿ ನೋಡಿದರೆ, ಅದು ತುಂಬಾ ಮಂಗಳಕರ ಸಂಕೇತವಾಗಿದೆ. ನಿಮ್ಮ ಜೀವನದ ಎಲ್ಲಾ ಸಮಸ್ಯೆಗಳು ಕೊನೆಗೊಳ್ಳಲಿವೆ ಎಂದರ್ಥ. ನೀವು ಕೆಲವು ಒಳ್ಳೆಯ ಸುದ್ದಿಗಳನ್ನು ಸಹ ಪಡೆಯಬಹುದು. ಮಾ ದುರ್ಗೆಯ ಸಿಂಹ ಘರ್ಜನೆಯನ್ನು ನೀವು ನೋಡಿದರೆ, ಅದು ಅಶುಭ ಸಂಕೇತವಾಗಿದೆ. ನೀವು ಕೆಲವು ಸಮಸ್ಯೆಗಳನ್ನು ಎದುರಿಸಬಹುದು ಎಂದರ್ಥ.