Eye Twitching: ಮಹಿಳೆಯರ ಯಾವ ಕಣ್ಣು ಪದೇ ಪದೇ ಹೊಡೆದುಕೊಳ್ಳೋದು ಶುಭ ಸೂಚನೆ?
ಸಮುದ್ರಿಕಾ ಶಾಸ್ತ್ರದಲ್ಲಿ ಕಣ್ಣು ಬಡಿದುಕೊಳ್ಳೊದರ ಬಗ್ಗೆ ಸಹ ಮಾಹಿತಿ ನೀಡಲಾಗಿದ್ದು, ಈ ಶಾಸ್ತ್ರದ ಅನುಸಾರ ಮಹಿಳೆಯರ ಎಡಗಣ್ಣು ಬಡೆಯೋದು ಶುಭ ಸೂಚನೆಯೇ? ಅಶುಭ ಸೂಚನೆಯೇ? ತಿಳಿಯೋಣ.
ಒಬ್ಬ ವ್ಯಕ್ತಿಯ ಜಾತಕ ಮತ್ತು ರೇಖೆಗಳನ್ನು ನೋಡಿ ಅವನ ವ್ಯಕ್ತಿತ್ವ ಮತ್ತು ಭವಿಷ್ಯವನ್ನು ನಿರ್ಣಯಿಸಬಹುದಾದಂತೆಯೇ, ಸಮುದ್ರಿಕಾ ಶಾಸ್ತ್ರದಲ್ಲಿ (Samudrika Shastra), ದೇಹದ ರಚನೆ ಮತ್ತು ಸನ್ನೆಗಳು ಸಹ ಅನೇಕ ಆಳವಾದ ರಹಸ್ಯಗಳನ್ನು ಬಹಿರಂಗಪಡಿಸುತ್ತವೆ. ಸಮುದ್ರಿಕಾ ಶಾಸ್ತ್ರದಲ್ಲಿ ಮಹಿಳೆಯರ ಎಡಗಣ್ಣು ಬಡಿಯೋದರ ಸೂಚನೆ ಏನು ಅನ್ನೋದನ್ನು ನೋಡೋಣ.
ಸಾಮಾನ್ಯವಾಗಿ ನಾವು ಕಣ್ಣು ಅದುರೋದು ಅಥವಾ ಬಡಿದುಕೊಳ್ಳುವುದನ್ನು ನಿರ್ಲಕ್ಷಿಸುತ್ತೇವೆ, ಆದರೆ ಮನೆಯ ಹಿರಿಯರು ಯಾವಾಗಲೂ ಕಣ್ಣು ಬಡಿದುಕೊಳ್ಳುತ್ತಿದ್ದರೆ, ಖಂಡಿತವಾಗಿಯೂ ಒಳ್ಳೆಯ ಅಥವಾ ಕೆಟ್ಟ ಸುದ್ದಿ ಬರುತ್ತದೆ ಎಂದು ಹೇಳೋದನ್ನು ಕೇಳಿದ್ದೇವೆ. ಆದರೆ, ಅದು ಯಾವ ಕಣ್ಣು ಬಡಿದುಕೊಳ್ಳುತ್ತೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಪುರುಷರು ಮತ್ತು ಮಹಿಳೆಯರಿಗೆ ಕಣ್ಣು ಬಡಿಯುವುದರ (eye twitching) ಅರ್ಥವು ತುಂಬಾ ಭಿನ್ನವಾಗಿರುತ್ತದೆ. ಮಹಿಳೆಯರ ಯಾವ ಕಣ್ಣು ಸೆಳೆಯುವುದು ಶುಭ ಎಂದು ನಮಗೆ ತಿಳಿಸೋಣವೇ?
ಮಹಿಳೆಯ ಎಡಗಣ್ಣು ಬಡಿದುಕೊಳ್ಳೊದರ ಅರ್ಥ ಏನು?
ಮಹಿಳೆಯ ಎಡಗಣ್ಣು ಪದೇ ಪದೇ ಬಡಿದುಕೊಳ್ಳುತ್ತಿದ್ದರೆ ಅದು ಶುಭ ಸಂಕೇತ (good luck). ಇದರರ್ಥ ನೀವು ಶೀಘ್ರದಲ್ಲೇ ಕೆಲವು ಒಳ್ಳೆಯ ಸುದ್ದಿಗಳನ್ನು ಪಡೆಯಲಿದ್ದೀರಿ ಎಂದರ್ಥ. ಮಹಿಳೆಯರ ಎಡಗಣ್ಣು ಬಡಿಯೋದು ಮುಂಬರುವ ದಿನಗಳಲ್ಲಿ ಅದೃಷ್ಟ ಬದಲಾಗಲಿದೆ ಎಂಬುದರ ಸೂಚನೆ ಕೂಡ ಆಗಿದೆ.
ಮಹಿಳೆಯ ಬಲಗಣ್ಣು ಬಡಿಯೋದರ ಅರ್ಥ ಏನು?
ಮಹಿಳೆಯ ಬಲಗಣ್ಣು ಹೊಡೆಯುತ್ತಿದ್ದರೆ ಅದನ್ನು ಅಶುಭ ಚಿಹ್ನೆ (bad sign) ಎಂದು ಪರಿಗಣಿಸಲಾಗುತ್ತೆ. ಅಂತಹ ಪರಿಸ್ಥಿತಿಯಲ್ಲಿ, ಜಾಗರೂಕರಾಗಿರಬೇಕು. ಇದರರ್ಥ ನಿಮ್ಮ ಸುತ್ತಲೂ ಕೆಲವು ಅಹಿತಕರ ಘಟನೆಗಳು ಸಂಭವಿಸಲಿವೆ, ಇದರಿಂದಾಗಿ ನೀವು ದುಃಖಿತರಾಗಬಹುದು.
ಎರಡೂ ಕಣ್ಣುಗಳು ಒಟ್ಟಿಗೆ ಹೊಡೆದುಕೊಳ್ಳುತ್ತಿದ್ದರೆ?
ಕೆಲವೊಮ್ಮೆ ಎರಡೂ ಕಣ್ಣುಗಳು ಒಟ್ಟಿಗೆ ಹೊಡೆದುಕೊಳ್ಳಲು ಪ್ರಾರಂಭಿಸುತ್ತವೆ, ಅದು ಒಳ್ಳೆಯ ಚಿಹ್ನೆಯೋ ಅಥವಾ ಕೆಟ್ಟ ಚಿಹ್ನೆಯೋ ಎಂದು ಯೋಚಿಸುವಂತೆ ಮಾಡುತ್ತದೆ. ಒಬ್ಬ ಮಹಿಳೆಯ ಎರಡೂ ಕಣ್ಣುಗಳು ಒಟ್ಟಿಗೆ ಸೆಳೆತಕ್ಕೆ ಒಳಗಾಗಿದ್ದರೆ, ನೀವು ಹಳೆಯ ಅಥವಾ ಕಳೆದುಹೋದ ಸ್ನೇಹಿತನನ್ನು ಭೇಟಿಯಾಗಲಿದ್ದೀರಿ ಅನ್ನೋದನ್ನು ಇದು ಸೂಚಿಸುತ್ತೆ.
ಪರಿಹಾರ ಏನು?
ನಿಮ್ಮ ಕಣ್ಣುಗಳು ಪದೇ ಪದೇ ಬಡಿದುಕೊಳ್ಳುತ್ತಿದ್ದರೆ, ಮನೆಯಲ್ಲಿಯೇ ದೇವರ ಮುಂದೆ ದೇಸಿ ತುಪ್ಪದ ದೀಪವನ್ನು (ghee lamp)ಬೆಳಗಿಸಿ, ಲಕ್ಷ್ಮಿ ದೇವಿಗೆ ಖೀರು ಅರ್ಪಿಸಿ. ಮಹಿಳೆಯ ಬಲಗಣ್ಣು ಬಡಿದಾಗಲೆಲ್ಲಾ,,ನೀವು ಕಣ್ಣಿಗೆ ಗಂಗಾಜಲವನ್ನು ಹಾಕಿಕೊಂಡು ಹನುಮಾನ್ ಚಾಲೀಸಾವನ್ನು ಪಠಿಸಬೇಕು. ಇದರಿಂದ ಯಾವುದೇ ಕೆಟ್ಟದ್ದು ನಡೆಯೋದಿಲ್ಲ.
