Slap Therapy: ಮುಖಕ್ಕೆ ಹೊಡೆಯೋ ಮೂಲಕ ಸೌಂದರ್ಯ ಹೆಚ್ಚಿಸಿ

ಚರ್ಮಕ್ಕೆ ಹೊಳಪು ತರಲು ನೀವು ಏನೆಲ್ಲಾ ಥೆರಪಿ ಟ್ರೈ ಮಾಡಿರಬಹುದು ಅಲ್ವಾ? ಆದರೆ ಯಾವತ್ತಾದ್ರೂ ಸ್ಲ್ಯಾಪ್ ಥೆರಪಿ ಮಾಡ್ಸಿದ್ದೀರಾ? ನಿಮ್ಮ ಚರ್ಮಕ್ಕೆ, ವಿಶೇಷವಾಗಿ ಮುಖಕ್ಕೆ ಉತ್ತಮ ಹೊಳಪನ್ನು ತರುತ್ತದೆ, ಅದರ ಪ್ರಯೋಜನಗಳನ್ನು ತಿಳಿದುಕೊಳ್ಳಿ.

ಪ್ರತಿಯೊಬ್ಬರೂ ತಮ್ಮ ಚರ್ಮವು ಸುಂದರವಾಗಿ ಮತ್ತು ಹೊಳೆಯುವಂತೆ ಇರಬೇಕೆಂದು ಬಯಸುತ್ತಾರೆ. ಇದಕ್ಕಾಗಿ, ಮಹಿಳೆಯರು ಮತ್ತು ಪುರುಷರು ಇಬ್ಬರೂ ಅನೇಕ ಸೌಂದರ್ಯ ಉತ್ಪನ್ನಗಳನ್ನು ಬಳಸುತ್ತಾರೆ. ಯಂಗ್ ಆಗಿ ಕಾಣಲು ಅನೇಕ ಮುಖದ ಉತ್ಪನ್ನಗಳು ಮತ್ತು ಸೌಂದರ್ಯ ಚಿಕಿತ್ಸೆಗಳು ಮಾರುಕಟ್ಟೆಯಲ್ಲಿ ಲಭ್ಯವಿವೆ. ಆದರೆ ಅನೇಕ ಬಾರಿ ಈ ಉತ್ಪನ್ನಗಳು ಚರ್ಮಕ್ಕೆ ಹಾನಿ ಮಾಡುತ್ತವೆ. ಇತ್ತೀಚಿನ ದಿನಗಳಲ್ಲಿ ಕೆಲವು ದೇಶಗಳಲ್ಲಿ ಮಹಿಳೆಯರಲ್ಲಿ ಒಂದು ಬ್ಯೂಟಿ ಥೆರಪಿ ಟ್ರೆಂಡ್ ನಲ್ಲಿದೆ, ಇದನ್ನು ಸ್ಲ್ಯಾಪ್ ಥೆರಪಿ (slap therapy) ಎಂದು ಕರೆಯಲಾಗುತ್ತದೆ. ಈ ಚಿಕಿತ್ಸೆಯಲ್ಲಿ, ಹಗುರವಾದ ಕೈಗಳಿಂದ ಮುಖದ ಮೇಲೆ ಕಪಾಳಮೋಕ್ಷ ಮಾಡಲಾಗುತ್ತದೆ. ಏನಿದು ಸ್ಲ್ಯಾಪ್ ಥೆರಪಿ ಮತ್ತು ಅದರ ಪ್ರಯೋಜನಗಳು ಯಾವುವು ಎಂಬುದನ್ನು ತಿಳಿದುಕೊಳ್ಳೋಣ.

ಸ್ಲ್ಯಾಪ್ ಥೆರಪಿ ಎಂದರೇನು?: ಸ್ಲ್ಯಾಪ್ ಥೆರಪಿಯನ್ನು ಕೆನ್ನೆಗೆ ಹೊಡೆಸಿಕೊಳ್ಳುವ ಥೆರಪಿ ಎಂದು ಕರೆಯಬಹುದು. ಈ ಚಿಕಿತ್ಸೆಯಲ್ಲಿ, ಚರ್ಮವನ್ನು ಹಗುರವಾದ ಕೈಗಳಿಂದ ಹೊಡೆಯಲಾಗುತ್ತದೆ. ಚರ್ಮದ ಮೇಲೆ ಹೊಡೆಯುವುದು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಇದು ಚರ್ಮವನ್ನು ಯಂಗ್ ಮತ್ತು ಆರೋಗ್ಯಕರವಾಗಿಸುತ್ತದೆ (young and health skin). ಈ ಚಿಕಿತ್ಸೆಗಳನ್ನು ಹೆಚ್ಚಾಗಿ ಮಹಿಳೆಯರು ಅನುಸರಿಸುತ್ತಾರೆ. 

ಸ್ಲ್ಯಾಪ್ ಥೆರಪಿಯ ಪ್ರಯೋಜನಗಳೇನು?: ಹಗುರವಾದ ಕೈಯಿಂದ ಮುಖದ ಮೇಲೆ ಅಥವಾ ಕೆನ್ನೆ ಮೇಲೆ ಹೊಡೆಯುವುದರಿಂದ ಚರ್ಮ ಮೃದುವಾಗುತ್ತೆ.ದಪ್ಪ ಚರ್ಮದ ಮೇಲೆ ಸ್ಲ್ಯಾಪ್ ಥೆರಪಿಯನ್ನು ತೆಗೆದುಕೊಳ್ಳುವುದರಿಂದ ಚರ್ಮದ ಸಣ್ಣ ರಂಧ್ರಗಳನ್ನು ತೆರೆಯುತ್ತದೆ ಮತ್ತು ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ. 

ಕಪಾಳಮೋಕ್ಷವು ಅಥವಾ ಸ್ಲ್ಯಾಪ್ ಥೆರಪಿ ಮುಖದ ಸ್ನಾಯುಗಳನ್ನು ಸಕ್ರಿಯಗೊಳಿಸುತ್ತದೆ (active face muscles), ಮತ್ತು ರಕ್ತದ ಹರಿವನ್ನು ಹೆಚ್ಚಿಸುತ್ತದೆ. ಸ್ಲ್ಯಾಪ್ ಥೆರಪಿಯು ನಿಮ್ಮ ಚರ್ಮದ ಗುಣಮಟ್ಟವನ್ನು ಸುಧಾರಿಸುತ್ತದೆ ಮತ್ತು ಮುಖವನ್ನು ಹೆಚ್ಚು ಹೊಳೆಯುವಂತೆ ಮಾಡುತ್ತದೆ. 

ಸ್ಲ್ಯಾಪ್ ಥೆರಪಿಯು ಚರ್ಮಕ್ಕೆ ಹಚ್ಚಲಾದ ಕ್ರೀಮ್ ಗಳು, ಸೀರಮ್ ಗಳು ಅಥವಾ ಎಣ್ಣೆಗಳನ್ನು ಸುಲಭವಾಗಿ ಹೀರಿಕೊಳ್ಳುತ್ತದೆ.
ಮುಖದ ಮೇಲೆ ಹೊಡೆಯುವುದರಿಂದ ಚರ್ಮದ ವಿಷವು ಬಿಡುಗಡೆಯಾಗುತ್ತದೆ.ಹಗುರವಾದ ಕೈಗಳಿಂದ ಹೊಡೆಯುವುದು ಮೊಡವೆಗಳಂತಹ ಸಮಸ್ಯೆಗಳನ್ನು (pimple problem) ನಿವಾರಿಸುತ್ತದೆ. 

ಸ್ಲ್ಯಾಪ್ ಥೆರಪಿ ಮಾಡುವುದು ಹೇಗೆ?: ಈ ಥೆರಪಿಯನ್ನು ಮಾಡುವಾಗ ನೀವು ಒತ್ತಡದ ಬಗ್ಗೆ ಜಾಗರೂಕರಾಗಿರಬೇಕು. ಹಗುರವಾದ ಕೈಗಳಿಂದ ಮುಖದ ಮೇಲೆ 50 ಸಲ ಹೊಡೆಯಿರಿ. ಸೂಕ್ಷ್ಮ ಚರ್ಮ ಹೊಂದಿರುವ ಜನರು ಈ ಚಿಕಿತ್ಸೆಯನ್ನು ಮಾಡುವ ಮೊದಲು ವೈದ್ಯರನ್ನು ಸಂಪರ್ಕಿಸಬೇಕು. 

ನೀವು ಈ ಥೆರಪಿಯನ್ನು ಸ್ವತಃ ಮಾಡಬಹುದು ಅಥವಾ ಸಲೂನ್ ಅಥವಾ ಸ್ಪಾಗೆ ಹೋಗುವ ಮೂಲಕ ಅದನ್ನು ಮಾಡಬಹುದು. ಇದನ್ನು ಮಾಡುವ ಮೊದಲು, ಸಾದಾ ನೀರಿನಿಂದ ಮುಖವನ್ನು ಸ್ವಚ್ಛಗೊಳಿಸಿ, ನಂತರ ಹಗುರವಾದ ಕೈಗಳಿಂದ ಮುಖವನ್ನು ತಟ್ಟಿ. ಇದರಿಂದ ಮುಖ ರಿಲ್ಯಾಕ್ಸ್ ಆಗುತ್ತೆ.

ಸ್ಲ್ಯಾಪ್ ಥೆರಪಿ ಆರಂಭವಾದುದು ಎಲ್ಲಿ?:  ಅನೇಕ ವರ್ಷಗಳ ಹಿಂದೆ ಕೊರಿಯಾದಲ್ಲಿ ಸ್ಲ್ಯಾಪ್ ಥೆರಪಿ ಪ್ರಾರಂಭವಾಯಿತು. ಕೊರಿಯಾ ಮತ್ತು ಅಮೆರಿಕದ ಮಹಿಳೆಯರು ಸುಂದರವಾದ ಚರ್ಮವನ್ನು ಪಡೆಯಲು ಸ್ಲ್ಯಾಪ್ ಥೆರಪಿ ಮಾಡುತ್ತಿದ್ದರು ಎನ್ನಲಾಗಿದೆ.  ಕ್ರಮೇಣ, ಈ ಚಿಕಿತ್ಸೆಯು ಪ್ರಸಿದ್ಧವಾಗುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನ ಇದನ್ನ ಟ್ರೈ ಮಾಡ್ತಾರೆ.