83ನೇ ವಸಂತಕ್ಕೆ ಕಾಲಿಟ್ಟ ರೋಲ್ ಮಾಡೆಲ್, ಉದ್ಯಮಿ, ಸಹೃದಯಿ ರತನ್ ಟಾಟಾ!

ದಿಗ್ಗಜ ಉದ್ಯಮಿ, ಶ್ರೀಮಂತ ಕೈಗಾರಿಕೋದ್ಯಮಿ, ಟಾಟಾ ಗ್ರೂಪ್ ಮಾಜಿ ಅಧ್ಯಕ್ಷ ರತನ್ ಟಾಟಾ ಇಂದು 83ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ರತನ್ ಟಾಟಾ ಕೈಗಾರಿಕೆ, ಉದ್ಯಮ ಸಾಮ್ರಾಜ್ಯವನ್ನು ವಿಶ್ವಮಟ್ಟಕ್ಕೆ ಬೆಳೆಸಿದ ಚತುರ. ಎಲ್ಲರ ರೋಲ್ ಮಾಡೆಲ್ ಆಗಿರುವ ರತನ್ ಟಾಟಾ, ಭಾರತೀಯ ಕೈಕಾರಿಕೋದ್ಯಮಿಗಳ ಮಾರ್ಗದರ್ಶಿಯಾಗಿದ್ದಾರೆ. ಇದೆಲ್ಲವನ್ನೂ ಹೊರತು ಪಡಿಸಿದರೆ, ಸರಳ, ಸಜ್ಜನಿಕೆಯ ಸಹೃದಯಿ ರತನ್ ಟಾಟಾಗೆ ನಾಯಿಗಳೆಂದರೇ ಅಷ್ಟೇ ಪ್ರೀತಿ. 83ನೇ ಹುಟ್ಟು ಹಬ್ಬದ ಸಂಭ್ರಮದಲ್ಲಿ ರತನ್ ಟಾಟಾ ಕುರಿತು ರೋಚಕ ಮಾಹಿತಿ ಇಲ್ಲಿದೆ.

ಇಡೀ ವಿಶ್ವಕ್ಕೆ ಮಾದರಿಯಾಗಬಲ್ಲ ಟಾಟಾ ಸಮೂಹ ಸಂಸ್ಥೆ ಬೆಳೆಸಿದ ಕೀರ್ತಿ ರತನ್ ಟಾಟಾಗೆ ಸಲ್ಲುತ್ತದೆ. ವಿಶ್ವದಲ್ಲೇ ಅತೀ ಹೆಚ್ಚು ಗೌರವ ಸಂಪದಾಸಿರುವ, ಅತೀ ಹೆಚ್ಚು ಗೌರವಿಸಲ್ಪಟ್ಟ ಉದ್ಯಮಿ ರತನ್ ಟಾಟಾ.

1937ರ ಡಿಸೆಂಬರ್ 28ರಂದು ಹುಟ್ಟಿದ ರತನ್ ಟಾಟಾ, ಇಂದು 83ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. 1971ರಲ್ಲಿ ಟಾಟಾ ಸಮೂಹ ಸಂಸ್ಥೆಗಳ ಡೈರೆಕ್ಟರ್ ಇನ್ ಚಾರ್ಜ್ ಆಗಿ ಟಾಟಾದಲ್ಲಿ ಹೊಸ ಅಧ್ಯಾಯ ಆರಂಭಿಸಿದ ರತನ್ ಟಾಟಾ, ನಂತರ ಇತಿಹಾಸ ಸೃಷ್ಟಿಸಿದರು.

10ನೇ ವಯಸ್ಸಿಗೆ ರತನ್ ಟಾಟಾ ಪೋಷಕರು ಬೇರೆ ಬೇರೆಯಾಗಿದ್ದರು. ಹೀಗಾಗಿ ಅಜ್ಜಿಯ ಆರೈಕೆಯಲ್ಲಿ ಬೆಳೆದ ರತನ್ ಟಾಟಾ, ಮೊದಲು IBM ಕಂಪನಿಯಲ್ಲಿ ಕೆಲಸ ಆರಂಭಿಸಿದ್ದರು. 

ಬಿಲೇನಿಯರ್ ಆಗಿರುವ ರತನ್ ಟಾಟಾ ಅಷ್ಟೇ ಸರಳ ಸಜ್ಜನಿಕೆಯ ವ್ಯಕ್ತಿ. ಸಂಕಷ್ಟದಲ್ಲಿರುವವರಿಗೆ ನೆರವು ನೀಡುವ ಊದಾರತೆ, ಸಾಮಾಜಿಕ ಸೇವೆ ಮೂಲಕ ಇಡೀ ವಿಶ್ವವನ್ನೇ ಭಾರತದತ್ತ ತಿರುುಗುವಂತೆ ಮಾಡಿದ ಉದ್ಯಮಿ.

ಬಿಡುವಿನ ವೇಳೆ ರತನ್ ಟಾಟಾ ಫೆರಾರಿ ಕಾರು ಡ್ರೈವ್ ಮಾಡಲು ಹೆಚ್ಚು ಇಷ್ಟಪಡುತ್ತಾರೆ. ರತನ್ ಟಾಟಾ ಬಳಿ ಹಲವು ಲಕ್ಸುರಿ ಕಾರುಗಳಿವೆ. ಲ್ಯಾಂಡ್ ರೋವರ್ ಫ್ರೀಲ್ಯಾಂಡರ್. ಕ್ರಿಸ್ಲರ್ ಸಬ್ರಿಂಗ್, ಮೆಸರಾತಿ, ಮರ್ಸಡೀಸ್ ಬೆಂಝ್, ಜಾಗ್ವಾರ್ ಸೇರಿದಂತೆ ಹಲವು ಕಾರುಗಲಿವೆ.

ರತನ್ ಟಾಟಾಗೆ ನಾಯಿಗಳೆಂದರೆ ತುಂಬಾ ಪ್ರೀತಿ, ಇವರ ಮುಂಬೈ ಮನೆಯಲ್ಲಿ ಹಲವು ನಾಯಿಗಳನ್ನು ಮುದ್ದಿನಿಂದ ಸಾಕಿದ್ದಾರೆ. ಇನ್ನು ಹಲವು ನಾಯಿ ಆರೈಕೆ ಮಾಡುವ ಸಂಘ ಸಂಸ್ಥೆಗಳಿಗೆ ನೆರವು ನೀಡಿದ್ದಾರೆ.

ಪದ್ಮವಿಭೂಷಣ, ಪದ್ಮಭೂಷಣ ಪ್ರಶಸ್ತಿಗೆ ಭಾಜನರಾಗಿರುವ ರತನ್ ಟಾಟಾ, ಬ್ರಿಟೀಷ್ ಎಂಪೈರ್ ನೀಡುವ ನೈಟ್ ಗ್ರ್ಯಾಂಡ್ ಕ್ರಾಸ್ ಪ್ರಶಸ್ತಿಗೂ ಭಾಜನರಾಗಿದ್ದಾರೆ.

ರತನ್ ಟಾಟಾ ಪೈಲೆಟ್ ಲೆಲೆನ್ಸ್ ಕೂಡ ಹೊಂದಿದ್ದಾರೆ. 17ನೇ ವಯಸ್ಸಿಗೆ ರತನ್ ಟಾಟಾ ಮೊದಲ ಬಾರಿಗೆ ವಿಮಾನ ಹಾರಿಸಿದ್ದರು. ಇದೀಗ ರತನ್ ಟಾಟಾ ಬಳಿಕ ಖಾಸಗಿ ವಿಮಾನವಿದೆ. ಏರ್ ಶೋನಲ್ಲಿ F-16 ಫೈಟರ್ ಜೆಟ್ ಹಾರಿಸಿದ ಮೊದಲ ಭಾರತೀಯ ಅನ್ನೋ ಹೆಗ್ಗಳಿಗೆ ರತನ್ ಟಾಟಾ ಪಾತ್ರರಾಗಿದ್ದಾರೆ.

ರತನ್ ಟಾಟಾ, ವಿಶ್ವದ ಹಲವು ಐಕಾನ್ ಬ್ರ್ಯಾಂಡ್ ಆಟೋ ಕಂಪನಿಗಳನ್ನು ಖರೀದಿಸಿದ್ದಾರೆ. ಇದರಲ್ಲಿ ಜಾಗ್ವಾರ್, ಲ್ಯಾಂಡ್ ರೋವರ್,  ಕೊರಸ್ ಹಾಗೂ ಟೆಟ್ಲಿ ಕಂಪನಿ ಖರೀದಿಸಿದ್ದಾರೆ. ಇದೀಗ ಈ ಕಂಪನಿಗಳು ಟಾಟಾ ಒಡೆತನದಲ್ಲಿವೆ

ಮಿಟ್ಸುಬಿಶಿ ಕಾರ್ಪೋರೇಶನ್, ಬೂಝ್ ಅಲೆನ್ ಹ್ಯಾಮಿಲ್ಟನ್, AIG ಹಾಗೂ ಜೆಪಿ ಮಾರ್ಗನ್ ಚೇಸ್ ಕಂಪನಿಯ ಸಲಹಗಾರರಾಗಿದ್ದಾರೆ. ಇನ್ನು ಬಡವರಿಗೆ, ಕಷ್ಟದಲ್ಲಿರುವವರಿಗೆ ನೆರವಾಗುವ ಅತ್ಯಂತ ಶ್ರೇಷ್ಠ ವ್ಯಕ್ತಿ ರತನ್ ಟಾಟಾ.