ಸ್ಯಾಂಡಲ್‌ವುಡ್ ಡ್ರಗ್ಸ್ ಮತ್ತಷ್ಟು ಲಿಂಕ್ ಓಪನ್..ಬಿಗ್ ಬಾಸ್ ಮಾಜಿ ಸ್ಪರ್ಧಿ ಬಲೆಗೆ!
ಬೆಂಗಳೂರು(ಮಾ. 05) ಸ್ಯಾಂಡಲ್ ವುಡ್ ಡ್ರಗ್ ಡೀಲ್ ಪ್ರಕರಣಕ್ಕೆ ಮೇಜರ್ ಟ್ವಿಸ್ಟ್ ಸಿಕ್ಕಿದೆ. ಡ್ರಗ್ಸ್ ಪ್ರಕರಣದಲ್ಲಿ ಹೆಸರು ಕೇಳಿಬಂದಿದ್ದ ರಾಗಿಣಿ ಮತ್ತು ಸಂಜನಾ ಜೊತೆ ಗುರುತಿಸಿಕೊಂಡಿದ್ದ ಮಸ್ತಾನ್ ಚಂದ್ರನನ್ನು ಪೊಲೀಸರು ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ.
ಸಂಜನಾ ಟೀಂ ನಡೆಸುತ್ತಿದ್ದ ಪಾರ್ಟಿ ಗಳಿಗೆ ಮಸ್ತಾನ್ ಟೀಂ ಡ್ರಗ್ ಸಪ್ಲೈ ಮಾಡುತ್ತಿತ್ತು ಎಂಬ ಮಾಹಿತಿ ವಿದೇಶಿ ಪೆಡ್ಲರ್ ಗಳ ಮೂಲಕ ಬಹಿರಂಗವಾಗಿದೆ.
ಶಿವಪ್ರಕಾಶ್ ಚಿಪ್ಪಿ ಜೊತೆ ಪಾರ್ಟಿಗಳಲ್ಲಿ ಭಾಗಿಯಾಗುತ್ತಿದ್ದ. ಪಾರ್ಟಿ ಇವೆಂಟ್ ಮ್ಯಾನೇಜ್ಮೆಂಟ್ ನ್ನು ಮಸ್ತಾನ್ ನೋಡಿಕೊಳ್ಳುತ್ತಿದ್ದ. ನೈಜೀರಿಯನ್ ಪ್ರಜೆಗಳನ್ನು ಬಂಧಿಸಿ ಮೂರುವರೆ ಕೋಟಿ ರೂ ಮೌಲ್ಯದ ಡ್ರಗ್ಸ್ ವಶಕ್ಕೆ ಪಡೆದುಕೊಳ್ಳಲಾಗಿದೆ.
ಇನ್ಸ್ಪೆಕ್ಟರ್ ಪ್ರಕಾಶ್ ಹಾಗೂ ಸಂತೋಷ್ ನೇತೃತ್ವದಲ್ಲಿ ದಾಳಿ ನಡೆಸಿ ನೈಜೀರಿಯನ್ ಪ್ರಜೆಗಳಾದ ಜಾನ್ ಪೆಡ್ಲರ್ ಮತ್ತು ಅಗರಬಂತಿ ಹ್ಯಾರಿಸನ್ ನನ್ನು ಬಂಧಿಸಲಾಗಿದೆ.
ಮಸ್ತಾನ್ ಚಂದ್ರ ಸ್ಯಾಂಡಲ್ ವುಡ್ ನಲ್ಲಿ ನಿರ್ದೇಶಕ ಅಂತ ಗುರುತಿಸಿಕೊಂಡಿದ್ದಾನೆ.
ಬಿಗ್ ಬಾಸ್ ಸೀಜನ್ 4 ರಲ್ಲಿ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದುಕೊಂಡಿದ್ದ ಮಸ್ತಾನ್ ಚಂದ್ರ ಫ್ಯಾಷನ್ ಶೋ ರೀತಿಯ ದೊಡ್ಡ ದೊಡ್ಡ ಇವೆಂಟ್ ಗಳನ್ನು ಆಯೋಜನೆ ಮಾಡುತ್ತಿದ್ದ.
ಸ್ಯಾಂಡಲ್ ವುಡ್ ನ ಹಲವು ಸ್ಟಾರ್ ಗಳ ಜೊತೆ ಸಂಪರ್ಕ ಮಸ್ತಾನ್ ಸಂಪರ್ಕ ಹೊಂದಿದ್ದ ಎಂಬ ಮಾಹಿತಿಯೂ ಬಹಿರಂಗವಾಗಿದೆ.
