ಬಾಂಗ್ಲಾದ ಮ್ಯಾಚ್ ಸ್ಥಳಾಂತರ ಬೇಡಿಕೆ ವಿರುದ್ಧ 14 ದೇಶಗಳಿಂದ ಮತ; ಆದ್ರೆ ಅದೊಂದು ದೇಶ ಮಾತ್ರ ಬಾಂಗ್ಲಾ ಪರ ಮತ!

ದುಬೈ: ಫೆಬ್ರವರಿ 07ರಿಂದ ಆರಂಭವಾಗಬೇಕಿರುವ ಐಸಿಸಿ ಟಿ20 ವಿಶ್ವಕಪ್ ಬಗ್ಗೆ ವಿವಾದ ಮುಂದುವರೆದಿದ್ದು, ಬಾಂಗ್ಲಾದೇಶ ಪಟ್ಟು ಸಡಿಲಿಸಿಲ್ಲ. ಆದರೆ ಇದೀಗ ಬಾಂಗ್ಲಾದೇಶ ಮ್ಯಾಚ್ ಬೇರೆಡೆಗೆ ಶಿಫ್ಟ್ ಮಾಡಬೇಕೇ-ಬೇಡವೇ ಎನ್ನುವ ಬಗ್ಗೆ ನಡೆಸಿದ ಮತ ಚಲಾವಣೆಯಲ್ಲಿ ಬಾಂಗ್ಲಾದೇಶಕ್ಕೆ ಮುಖಭಂಗವಾಗಿದೆ. 

Image Credit : Getty

ಮೊಂಡುವಾದ ಮುಂದುವರೆಸಿದ ಬಾಂಗ್ಲಾದೇಶ

ಟಿ20 ವಿಶ್ವಕಪ್‌ ಪಂದ್ಯಗಳನ್ನು ಭಾರತದಲ್ಲೇ ಆಡಲು ಬಾಂಗ್ಲಾದೇಶಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌(ಐಸಿಸಿ) ನಿರ್ದೇಶಿಸಿದೆ. ಹೀಗಿದ್ದು ಬಾಂಗ್ಲಾದೇಶ ತಾನು ಭಾರತಕ್ಕೆ ಬರಲ್ಲ ಎಂದು ಮೊಂಡುವಾದ ಮುಂದುವರೆಸಿದೆ.

Image Credit : Getty

ತೀರ್ಮಾನಕ್ಕಾಗಿ ಮತ ಚಲಾವಣೆ ಮೊರೆಹೋದ ಐಸಿಸಿ

ಇದರ ಬಗ್ಗೆ ಐಸಿಸಿ ತನ್ನ ಸದಸ್ಯ ದೇಶಗಳಿಂದ ಮತದಾನ ನಡೆಸಿದ್ದು, 16ರ ಪೈಕಿ 14 ಸದಸ್ಯ ದೇಶಗಳು ಬಾಂಗ್ಲಾ ಕೋರಿಕೆ ವಿರುದ್ಧ ಮತ ಚಲಾಯಿಸಿದೆ.

Image Credit : PCB\Twitter

ಬಾಂಗ್ಲಾದೇಶ ಪರ ಮತ ಚಲಾಯಿಸಿದ ಪಾಕಿಸ್ತಾನ

ಬಾಂಗ್ಲಾ ಪರವಾಗಿ ಭಾರತದ ಬದ್ದ ಎದುರಾಳಿ ಪಾಕಿಸ್ತಾನ ಮಾತ್ರ ಮತ ಚಲಾಯಿಸಿದೆ ಎಂದು ಐಸಿಸಿ ಮೂಲಗಳು ತಿಳಿಸಿದ್ದಾಗಿ ವರದಿಯಾಗಿದೆ.

Image Credit : Getty

ಭದ್ರತೆ ನೆಪವೊಡ್ಡಿ ಮ್ಯಾಚ್ ಶಿಫ್ಟ್ ಬೇಡಿಕೆಯಿಟ್ಟಿರುವ ಪಾಕ್

ಭದ್ರತೆ ಸಮಸ್ಯೆ ಕಾರಣ ಹೇಳಿ ಭಾರತದಿಂದ ತನ್ನ ಪಂದ್ಯಗಳನ್ನು ಬೇರೆಡೆ ಸ್ಥಳಾಂತರಿಸಲು ಬಾಂಗ್ಲಾ ಬೇಡಿಕೆ ಇಟ್ಟಿದೆ. ಆದರೆ ಐಸಿಸಿ ತನ್ನ ನಿರ್ಧಾರದಿಂದ ಹಿಂದೆ ಸರಿಯುತ್ತಿಲ್ಲ.

Image Credit : Bangladesh\Twitter

ಬಾಂಗ್ಲಾದೇಶಕ್ಕೆ ಡೆಡ್‌ಲೈನ್ ಒಂದು ದಿನ ವಿಸ್ತರಣೆ

ಭಾರತದಲ್ಲೇ ಆಡಲು ನಿರ್ದೇಶಿಸಿದೆ. ಇದರ ಬಗ್ಗೆ ಅಂತಿಮ ನಿರ್ಧಾರ ತಿಳಿಸಲು ಬುಧವಾರ ಕೊನೆ ದಿನವಾಗಿತ್ತು. ಆದರೆ ಗಡುವು ಒಂದು ದಿನ ವಿಸ್ತರಿಸಲಾಗಿದ್ದು, ಗುರುವಾರ ಬಾಂಗ್ಲಾ ನಿರ್ಧಾರ ತಿಳಿಸಲಿದೆ.

Image Credit : Getty

ಬಾಂಗ್ಲಾದೇಶ ಬದಲಿಗೆ ಸ್ಕಾಟ್ಲೆಂಡ್‌ಗೆ ಚಾನ್ಸ್?

ಒಂದು ವೇಳೆ ಇಂದು ಕೂಡಾ ಬಾಂಗ್ಲಾದೇಶ ಅದೇ ಪಟ್ಟು ಹಿಡಿದರೇ, ಬಾಂಗ್ಲಾದೇಶವನ್ನು ಟಿ20 ವಿಶ್ವಕಪ್ ಟೂರ್ನಿಯಿಂದ ಹೊರಗಿಟ್ಟು ಸ್ಕಾಟ್ಲೆಂಡ್ ತಂಡಕ್ಕೆ ಅವಕಾಶ ನೀಡುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ.