T20 World Cup 2022 ಇಂಡೋ-ಪಾಕ್ ಫೈಟ್; ಈ ಸ್ಟಾರ್ ಆಟಗಾರರ ಪೈಪೋಟಿ ನೋಡಲು ಮಿಸ್ ಮಾಡ್ಕೊಬೇಡಿ..!
ಮೆಲ್ಬರ್ನ್(ಅ.23): ಭಾರತ ಹಾಗೂ ಪಾಕಿಸ್ತಾನ ತಂಡಗಳ ನಡುವಿನ ಹೈವೋಲ್ಟೇಜ್ ಪಂದ್ಯಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಬದ್ದವೈರಿಗಳ ಕಾದಾಟಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಭಾರತ-ಪಾಕಿಸ್ತಾನ ಪಂದ್ಯ ಅಂದಾಗ ಅಲ್ಲಿ ತಾರಾ ಆಟಗಾರರ ನಡುವಿನ ಪೈಪೋಟಿ ಇದ್ದೇ ಇರಲಿದೆ. ಭಾನುವಾರದ ಪಂದ್ಯದಲ್ಲಿ ಈ ಆಟಗಾರರ ನಡುವಿನ ಸ್ಪರ್ಧೆ ಎಲ್ಲರ ಕುತೂಹಲ ಕೆರಳಿಸಿದೆ. ಅದರ ಒಂದು ಝಲಕ್ ಇಲ್ಲಿದೆ ನೋಡಿ
ಶಾಹೀನ್ vs ರೋಹಿತ್, ರಾಹುಲ್
ಕಳೆದ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಭಾರತದ ಆರಂಭಿಕರನ್ನು ಪಾಕ್ ವೇಗಿ ಶಾಹೀನ್ ಆಫ್ರಿದಿ ಇನ್ನಿಲ್ಲದಂತೆ ಕಾಡಿದ್ದರು. ಆಕರ್ಷಕ ಯಾರ್ಕರ್ಗಳ ಮೂಲಕ ಶಾಹೀನ್ ಮತ್ತೊಂದು ಕದನಕ್ಕೆ ರೆಡಿಯಾಗಿದ್ದರೆ, ರೋಹಿತ್, ರಾಹುಲ್ ಸಮರ್ಥವಾಗಿ ಎದುರಿಸಲು ಸಜ್ಜಾಗಿದ್ದಾರೆ.
ಭಾರತದ ಡೆತ್ ಬೌಲರ್ಸ್ vs ಆಸಿಫ್ ಅಲಿ
ಇತ್ತೀಚಿನ ದಿನಗಳಲ್ಲಿ ಪಾಕ್ ತಂಡದ ಫಿನಿಶರ್ ಆಗಿ ಗುರುತಿಸಿಕೊಂಡಿರುವ ಆಸಿಫ್ ಅಲಿಯನ್ನು ತಡೆಯುವುದು ಭಾರತದ ಡೆತ್ ಓವರ್ ಬೌಲರ್ಗಳ ಮುಂದಿರುವ ಗುರಿ. ಬುಮ್ರಾ ಅನುಪಸ್ಥಿತಿಯಲ್ಲಿ ಆರ್ಶದೀಪ್ ಮೇಲೆ ಹೆಚ್ಚು ನಿರೀಕ್ಷೆ ಇದೆ.
ಸೂರ್ಯಕುಮಾರ್ vs ಶದಾಬ್ ಖಾನ್
ವಿಶ್ವಕಪ್ನಲ್ಲಿ ಭಾರತದ ಟ್ರಂಪ್ಕಾರ್ಡ್ ಎನಿಸಿರುವ ಸೂರ್ಯಕುಮಾರ್ ಯಾವುದೇ ಬೌಲರ್ಗಳಿಗೆ ನಡುಕ ಹುಟ್ಟಿಸಬಲ್ಲರು. ಮೈದಾನದ ಎಲ್ಲಾ ಭಾಗಗಳಿಗೂ ಚೆಂಡನ್ನು ಅಟ್ಟುವ ಸೂರ್ಯ ಅವರನ್ನು ಕಟ್ಟಿಹಾಕಲು ಪಾಕಿಸ್ತಾನ ತನ್ನ ಪ್ರಮುಖ ಸ್ಪಿನ್ ಅಸ್ತ್ರ ಶದಾಬ್ರನ್ನು ಬಳಸಬಹುದು.
ಬಾಬರ್, ರಿಜ್ವಾನ್ vs ಭುವನೇಶ್ವರ್
ಬಾಬರ್ ಹಾಗೂ ರಿಜ್ವಾನ್ ಪಾಕಿಸ್ತಾನದ ಬ್ಯಾಟಿಂಗ್ ಆಧಾರಸ್ತಂಭ. ಕಳೆದ 2 ವರ್ಷದಲ್ಲಿ ಇಬ್ಬರೂ ಹಲವು ದಾಖಲೆಗಳನ್ನು ಬರೆದಿದ್ದಾರೆ. ಈ ಜೋಡಿಯನ್ನು ಪವರ್-ಪ್ಲೇನಲ್ಲೇ ಪೆವಿಲಿಯನ್ಗಟ್ಟುವ ಹೊಣೆಗಾರಿಕೆ ವೇಗಿ ಭುವನೇಶ್ವರ್ ಮೇಲಿದೆ. ಈ ಇಬ್ಬರನ್ನೂ ಕಟ್ಟಿಹಾಕಿದರೆ ಭಾರತ ಅರ್ಧ ಗೆದ್ದಂತೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.