2022 ರಲ್ಲಿ ಭಾರತದಲ್ಲಿ ಹೆಚ್ಚು ಗೂಗಲ್ ಮಾಡಿದ ಟಾಪ್ 10 ಲಿಸ್ಟ್‌ನಲ್ಲಿ ಸುಶ್ಮಿತಾ ಸೇನ್, ಲಲಿತ್ ಮೋದಿ!

ಸರ್ಚ್ ಇಂಜಿನ್ ಗೂಗಲ್ ತನ್ನ 'ಇಯರ್ ಇನ್ ಸರ್ಚ್ 2022' ಅನ್ನು(Year In Search 2022)  ಅನಾವರಣಗೊಳಿಸಿದೆ, 2022 ರ ಕಳೆದ 11+ ತಿಂಗಳುಗಳಲ್ಲಿ ಗೂಗಲ್‌ನಿಂದ ಹೆಚ್ಚು ಹುಡುಕಿದ ಟಾಪ್ 10 ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಸರ್ಚ್‌ ಎಂಜಿನ್ ತನ್ನ ಟಾಪ್ 10 ಸರ್ಚ್‌ಗಳನ್ನು ವಿವಿಧ ವರ್ಗಗಳ ಅಡಿಯಲ್ಲಿ ಬಹಿರಂಗಪಡಿಸಿದೆ.  ಕಳೆದ ಒಂದು ವರ್ಷದಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಟಾಪ್ 10 ಜನರ ಪಟ್ಟಿಯಲ್ಲಿ, ನಾಲ್ವರು ಮನರಂಜನಾ ಉದ್ಯಮದಿಂದ ಬಂದವರು.

ಈ ಪಟ್ಟಿಯಲ್ಲಿ ಬಿಜೆಪಿ ನಾಯಕ ನೂಪುರ್ ಶರ್ಮಾ ಮೊದಲ ಸ್ಥಾನದಲ್ಲಿದ್ದಾರೆ, ರಾಷ್ಟ್ರಪತಿ ದ್ರೌಪದಿ ಮುರ್ಮು ಎರಡನೇ ಸ್ಥಾನದಲ್ಲಿದ್ದಾರೆ ಮತ್ತು ಹೊಸ ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಮೂರನೇ ಸ್ಥಾನದಲ್ಲಿದ್ದಾರೆ.

ಇದರಲ್ಲಿ ಲಲಿತ್ ಮೋದಿ ಮತ್ತು ಸುಶ್ಮಿತಾ ಸೇನ್ ಅವರನ್ನು ಕ್ರಮವಾಗಿ 4 ಮತ್ತು 5 ನೇ ಸ್ಥಾನದಲ್ಲಿದ್ದಾರೆ. ಸುಶ್ಮಿತಾ ಅವರೊಂದಿಗಿನ ಸಂಬಂಧವನ್ನು ಬಹಿರಂಗಪಡಿಸಿದ ನಂತರ, ಲಲಿತ್ ಮೋದಿಯನ್ನು ಗೂಗಲ್‌ನಲ್ಲಿ ಸಾಕಷ್ಟು ಹುಡುಕಲಾಗಿದೆ. ಈ ಪಟ್ಟಿಯಲ್ಲಿ ಐಪಿಎಲ್‌ನ ಮಾಜಿ ಅಧ್ಯಕ್ಷರು ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಈ ವರ್ಷದ ಆರಂಭದಲ್ಲಿ ಲಲಿತ್ ಮೋದಿ ಅವರು ಸುಶ್ಮಿತಾ ಸೇನ್ ಅವರೊಂದಿಗಿನ ಸಂಬಂಧವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಸಾರ್ವಜನಿಕವಾಗಿ ಪ್ರಕಟಿಸಿದ್ದರು. ಆದರೆ, ಸುಶ್ಮಿತಾ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಲಲಿತ್ ಬಗ್ಗೆ ಏನನ್ನೂ ಪೋಸ್ಟ್ ಮಾಡಿಲ್ಲ. 

ಲಲಿತ್ ಮೋದಿ ಕೂಡ ಸಂಬಂಧವನ್ನು ಅಧಿಕೃತಗೊಳಿಸುವ ಬಗ್ಗೆ ಹೇಳಿದ್ದರು, ನಂತರ ಇಬ್ಬರ ಬಗ್ಗೆ ಜನರಲ್ಲಿ ಕುತೂಹಲ ಹೆಚ್ಚಾಗಿದೆ. ಮತ್ತು ಅತಿ ಹೆಚ್ಚು ಗೂಗಲ್‌ ಸರ್ಚ್‌ ಮಾಡಿರುವ ಪಟ್ಟಿಯಲ್ಲಿ  ಸುಶ್ಮಿತಾ ಸೇನ್ 5 ನೇ ಸ್ಥಾನದಲ್ಲಿದ್ದಾರೆ

ಎರಡು ರಿಯಾಲಿಟಿ ಶೋಗಳ ಸ್ಪರ್ಧಿಗಳು ಈ ಪಟ್ಟಿಯಲ್ಲಿ ಸೇರಿದ್ದಾರೆ, ಲಾಕ್ ಅಪ್‌ನ ಅಂಜಲಿ ಅರೋರಾ ಮತ್ತು ಬಿಗ್ ಬಾಸ್ 16 ರ ಅಬ್ದು ರೋಜಿಕ್ 6 ಮತ್ತು 7 ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. 

ಸೋಷಿಯಲ್ ಮೀಡಿಯಾ ಸೆನ್ಸೇಷನ್ ಅಂಜಲಿ ಕಂಗನಾ ರಣಾವತ್ ನಡೆಸಿಕೊಡುತ್ತಿದ್ದ ಲಾಕಪ್ ಆಧಾರಿತ ಕಾರ್ಯಕ್ರಮದ ಸ್ಪರ್ಧಿಯಾಗಿದ್ದರು. ಈ ಹಿಂದೆ, ನಗ್ನ ಕ್ಲಿಪ್‌ನಲ್ಲಿ ಆಕೆಯ ಉಪಸ್ಥಿತಿಯ ಕಾರಣಕ್ಕಾಗಿ ಆಕೆಯನ್ನು ತೀವ್ರವಾಗಿ ಸರ್ಚ್‌ ಮಾಡಲಾಗಿತ್ತು 

ವ್ಲಾಗರ್ ಮತ್ತು ಸಾಮಾಜಿಕ ಮಾಧ್ಯಮದ ಸೆಲೆಬ್ರಿಟಿಯಾಗಿ ಬದಲಾಗಿರುವ ಅಬ್ದು  ರೋಝಿಕ್ ರಿಯಾಲಿಟಿ ಬಿಗ್ ಬಾಸ್‌ನಲ್ಲಿ ಭಾಗವಹಿಸಿದ ನಂತರ ಭಾರತದ ಪ್ರತಿಯೊಂದು ಮನೆಯಲ್ಲೂ ಜನಪ್ರಿಯವಾಗಿದ್ದಾರೆ ಮತ್ತು ಈ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದ್ದಾರೆ.

ಈ ಪಟ್ಟಿಯಲ್ಲಿ ಮಾಜಿ ಕ್ರಿಕೆಟಿಗ ಪ್ರವೀಣ್ ತಾಂಬೆ 9ನೇ ಸ್ಥಾನದಲ್ಲಿದ್ದಾರೆ. ವಿರಾಟ್ ಕೊಹ್ಲಿಯಂತಹ ಕ್ರಿಕೆಟಿಗನಿಗಿಂತ ಅವರು ಆದ್ಯತೆ ನೀಡಲು ಕಾರಣ ಅವರ ಬಯೋಪಿಕ್ ಸಿನಿಮಾ. ವಾಸ್ತವವಾಗಿ ಪ್ರವೀಣ್ ತಾಂಬೆ ಅವರ ಜೀವನಚರಿತ್ರೆ, ಏಪ್ರಿಲ್‌ನಲ್ಲಿ ಡಿಸ್ನಿ+ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಯಿತು. ಪ್ರವೀಣ್ ಪಾತ್ರದಲ್ಲಿ ಶ್ರೇಯಸ್ ತಲ್ಪಾಡೆ ನಟಿಸಿರುವ ಈ ಚಿತ್ರವು ಆನ್‌ಲೈನ್‌ನಲ್ಲಿ ಸಾಕಷ್ಟು ಹವಾ ಸೃಷ್ಟಿಸಿದೆ.

ಹಾಲಿವುಡ್ ತಾರೆ ಅಂಬರ್ ಹರ್ಡ್ ಪಟ್ಟಿಯಲ್ಲಿ 10 ನೇ ಸ್ಥಾನದಲ್ಲಿದ್ದಾರೆ. ಈ ವರ್ಷ, ಜಾನಿ ಡೆಪ್ ಅವರ ಮಾಜಿ ಪತಿ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡಲಾಯಿತು. ಇದರಿಂದಾಗಿ ಅವರು ಸುದ್ದಿಯಲ್ಲಿದ್ದರು. ಗೂಗಲ್ ಸರ್ಚ್ ಇಂಜಿನ್ ಅಂಕಿಅಂಶಗಳ ಪ್ರಕಾರ, ಅಂಬರ್ ಈ ವರ್ಷ ವಿಶ್ವದ ಮೂರನೇ ಅತಿ ಹೆಚ್ಚು ಗೂಗಲ್ ಹುಡುಕಾಟದ ವ್ಯಕ್ತಿಯಾಗಿದ್ದಾರೆ.

ಕಳೆದ ಒಂದು ವರ್ಷದಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ  ಟಾಪ್ 10  ಸಂಪೂರ್ಣ ಪಟ್ಟಿಯನ್ನು ನೋಡಿ:

1) ನೂಪುರ್ ಶರ್ಮಾ
2) ದ್ರೌಪದಿ ಮುರ್ಮು
3) ರಿಷಿ ಸುನಕ್
4) ಲಲಿತ್ ಮೋದಿ
5) ಸುಶ್ಮಿತಾ ಸೇನ್
6) ಅಂಜಲಿ ಅರೋರಾ
7) ಅಬ್ದು ರೋಝಿಕ್
8) ಏಕನಾಥ್ ಶಿಂಧೆ
9) ಪ್ರವೀಣ್ ತಾಂಬೆ
10) ಅಂಬರ್ ಹರ್ಡ್