ಚಿಯಾನ್ ವಿಕ್ರಂ ಹುಟ್ಟುಹಬ್ಬ; ನಟನ ನೋಡಲೇಬೇಕಾದ 5 ಅದ್ಭುತ ಚಿತ್ರಗಳು

ಚಿಯಾನ್ ವಿಕ್ರಂ ದೇಶದ ಉತ್ತಮ ನಟರಲ್ಲೊಬ್ಬರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 58ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ನಟನ 5 ಅತ್ಯುತ್ತಮ ಚಿತ್ರಗಳ ಪಟ್ಟಿ ಇಲ್ಲಿದೆ..

ದಕ್ಷಿಣದ ಸೂಪರ್‌ಸ್ಟಾರ್ ವಿಕ್ರಮ್ ಕಾಲಿವುಡ್‌ನ ಅತ್ಯಂತ ಪ್ರತಿಭಾವಂತ ಮತ್ತು ಹೆಚ್ಚು ರಿಸ್ಕ್ ತೆಗೆದುಕೊಳ್ಳುವ ನಟರಲ್ಲಿ ಒಬ್ಬರು. ಅವರನ್ನು ದೇಶದ ಅತ್ಯುತ್ತನ ನಟರ ಅಡಿಯಲ್ಲಿ ವರ್ಗೀಕರಿಸಬಹುದು. ಇಂದು ಅವರ 58 ನೇ ಹುಟ್ಟುಹಬ್ಬದಂದು, ಅವರ ಐದು ಅತ್ಯುತ್ತಮ ಚಿತ್ರಗಳ ಬಗ್ಗೆ ತಿಳಿಯೋಣ.

1. 'ಸೇತು'
1999ರಲ್ಲಿ ಬಿಡುಗಡೆಯಾದ ಈ ಚಿತ್ರವು ನಟ ವಿಕ್ರಮ್ ಅವರ ಅಭಿನಯಕ್ಕೆ ಅತ್ಯುತ್ತಮ ಉದಾಹರಣೆಯಾಗಿದೆ. ಚಿತ್ರದಲ್ಲಿನ ಸೇತು ಪಾತ್ರವು ತುಂಬಾ ಹೃದಯಸ್ಪರ್ಶಿಯಾಗಿತ್ತು ಮತ್ತು ವಿಕ್ರಮ್ ಹೊರತುಪಡಿಸಿ ಬೇರೆ ಯಾರೂ ಆ ಪಾತ್ರವನ್ನು ನಿಭಾಯಿಸಲು ಸಾಧ್ಯವಿಲ್ಲ ಎಂದು ಸಾಬೀತುಪಡಿಸಿದರು.

2. 'ಪಿತಾಮಗನ್'
ನಿರ್ದೇಶಕ ಬಾಲ ನಿರ್ದೇಶನದಲ್ಲಿ 2003 ರಲ್ಲಿ ಬಿಡುಗಡೆಯಾದ ಈ ಚಿತ್ರವು ವಿಕ್ರಮ್ ಅವರ ಸಂಪೂರ್ಣ ದೈಹಿಕ ಮತ್ತು ಮಾತುರಹಿತ ಅಭಿನಯವನ್ನು ನೀಡುತ್ತದೆ. 'ಪಿತಾಮಗನ್' ಚಿತ್ರದಲ್ಲಿ ಚಿತ್ತನ್ ಪಾತ್ರದಲ್ಲಿ ವಿಕ್ರಮ್ ಅಭಿನಯವು ಅವರ ವೃತ್ತಿಜೀವನದಲ್ಲಿ ಗಮನಾರ್ಹವಾಗಿದೆ.

3. 'ಅನಿಯನ್'
ಈ ಚಿತ್ರದಲ್ಲಿ ವಿಕ್ರಮ್ ಅವರ ಪ್ರಯತ್ನದ ಮಟ್ಟ ಮತ್ತು ಶಕ್ತಿಗೆ ಸರಿ ಹೊಂದುವ ಪಾತ್ರ ಪ್ರದರ್ಶನವಾಗಿದೆ. 2005ರಲ್ಲಿ ಬಿಡುಗಡೆಯಾದ ಈ ಚಿತ್ರದ ಕಥೆ ಬಿಗಿಯಾಗಿ ಮತ್ತು ಸಂತೃಪ್ತವಾಗಿತ್ತು ಮತ್ತು ಈ ಚಿತ್ರದಲ್ಲಿನ ಫೈಟ್‌ಗಳು ಅತ್ಯುತ್ತಮವೆಂದು ಹೇಳಬಹುದು.

4. 'ರಾವಣನ್'
2010 ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ನಿರ್ದೇಶಕ ಮಣಿರತ್ನಂ ಅವರ ರತ್ನಗಳಲ್ಲಿ ಒಂದು ಎಂದು ಕರೆಯಬಹುದು. ವೀರಯ್ಯನ ಪಾತ್ರದಲ್ಲಿ ವಿಕ್ರಮ್ ಅವರ ಅಭಿನಯವು ಜನಮನ ಗೆದ್ದಿದೆ. ಅಧಿಕಾರಿಗಳು ಮತ್ತು ಸಾಮಾನ್ಯ ಜನರ ದಬ್ಬಾಳಿಕೆಯಿಂದ ತನ್ನ ಬುಡಕಟ್ಟು ಗುಂಪಿನ ಜೀವನವನ್ನು ಮೇಲಕ್ಕೆತ್ತಲು ಪ್ರಯತ್ನಿಸುವ ನಕ್ಸಲೈಟ್ ಪಾತ್ರ ನಟನದ್ದು.

5. 'ದೈವ ತಿರುಮಗಳ್'
2011 ರಲ್ಲಿ ಬಿಡುಗಡೆಯಾದ ಈ ಚಿತ್ರದಲ್ಲಿ ವಿಕ್ರಮ್ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ತನ್ನ ಏಳು ವರ್ಷದ ಮಗಳಿಗಾಗಿ ಹೋರಾಡುವ ವಿಕಲಚೇತನ ಪ್ರೀತಿಯ ತಂದೆಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಬಿಡುಗಡೆಯ ಸಂದರ್ಭದಲ್ಲಿ ವಿಕ್ರಮ್ ಅಭಿನಯವು ಎಲ್ಲರೂ ಅವರ ನಟನಾ ಚತುರತೆ ಬಗ್ಗೆ ಮಾತಾಡುವಂತೆ ಮಾಡಿತ್ತು.