ಬಾಲಿವುಡ್ ಸ್ಟಾರ್ಸ್ ಆಗೋ ಮುನ್ನ ಐಶ್ವರ್ಯಾ ರೈ, ಸಲ್ಮಾನ್ ಎಲ್ಲಾ ಹೇಗಿದ್ದರು?

1994ರಲ್ಲಿ ವಿಶ್ವ ಸುಂದರಿ ಪ್ರಶಸ್ತಿ ಗೆದ್ದ ಐಶ್ವರ್ಯಾ ರೈ ಅವರು  1997 ರಲ್ಲಿ ತಮ್ಮ ಮೊದಲ ಚಿತ್ರ ಇರುವರ್ (ತಮಿಳು) ಮೂಲಕ ಪಾದಾರ್ಪಣೆ ಮಾಡಿದರು. ಆದರೆ, 1999ರಲ್ಲಿ ತೆರೆಕಂಡ ‘ಹಮ್ ದಿಲ್ ದೇ ಚುಕೇ ಸನಮ್’ ಚಿತ್ರದಿಂದ ಅವರಿಗೆ ಮನ್ನಣೆ ಸಿಕ್ಕಿತು. ಐಶ್ವರ್ಯಾ ಅವರ ಹಿಂದಿನ ಚಿತ್ರ 'ಪೊನ್ನಿಯಿನ್ ಸೆಲ್ವನ್ 2' ಇತ್ತೀಚೆಗೆ ಬಿಡುಗಡೆಯಾಗಿದೆ.

ರಣಬೀರ್ ಕಪೂರ್ ಅವರ ಮೊದಲ ಚಿತ್ರ 2007 ರಲ್ಲಿ ಸಾವರಿಯಾ,  ಫ್ಲಾಪ್ ಆಗಿತ್ತು. ಆದರೆ, ಅದರಲ್ಲಿ ರಣಬೀರ್ ಕೆಲಸ  ಮೆಚ್ಚುಗೆ ಗಳಿಸಿತ್ತು. ಅವರು ಕೊನೆಯದಾಗಿ 'ತು ಜೂಥಿ ಮೈನ್ ಮಕ್ಕರ್' ನಲ್ಲಿ ಕಾಣಿಸಿಕೊಂಡರು ಮತ್ತು ಅವರ ಮುಂಬರುವ ಚಿತ್ರ  'ಅನಿಮಲ್'.

2010 ರಲ್ಲಿ ತಮ್ಮ ಮೊದಲ ಚಿತ್ರ 'ಬ್ಯಾಂಡ್ ಬಾಜಾ ಬಾರಾತ್' ಮೂಲಕ ಪಾದಾರ್ಪಣೆ ಮಾಡಿದ ರಣವೀರ್ ಸಿಂಗ್ ಅವರು ಕೊನೆಯದಾಗಿ ಫ್ಲಾಪ್ ಚಿತ್ರ 'ಸರ್ಕಸ್' ನಲ್ಲಿ ಕಾಣಿಸಿಕೊಂಡರು ಮತ್ತು ಅವರ ಮುಂಬರುವ ಚಿತ್ರ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಈ ವರ್ಷ ಬಿಡುಗಡೆಯಾಗಲಿದೆ.

2000ನೇ ಇಸವಿಯಲ್ಲಿ ವಿಶ್ವ ಸುಂದರಿ ಪಟ್ಟ ಗೆದ್ದ ಪ್ರಿಯಾಂಕಾ ಚೋಪ್ರಾ ಅವರ ಮೊದಲ ಚಿತ್ರ 'ತಮಿಝನ್' ತಮಿಳಿನಲ್ಲಿ ಬಂದಿತ್ತು. 'ದಿ ಹೀರೋ: ಲವ್ ಸ್ಟೋರಿ ಆಫ್ ಎ ಸ್ಪೈ' ಚಿತ್ರದ ಮೂಲಕ ಬಾಲಿವುಡ್‌ಗೆ ಅವರ ಪ್ರವೇಶವಾಯಿತು. ಆದರೆ ಅವರು 2003 ರಲ್ಲಿ 'ಅಂದಾಜ್' ನಿಂದ ಮನ್ನಣೆ ಪಡೆದರು. ಪ್ರಿಯಾಂಕಾ ಇತ್ತೀಚೆಗೆ 'ಸಿಟಾಡೆಲ್' ಸರಣಿಯಲ್ಲಿ ಕಾಣಿಸಿಕೊಂಡಿದ್ದರು. ಮೇ 5 ರಂದು ಅವರ 'ಲವ್ ಎಗೇನ್' ಚಿತ್ರವೂ ಬಿಡುಗಡೆಯಾಗಿದೆ. ಪ್ರಿಯಾಂಕಾ ಅವರ ಮುಂಬರುವ ಚಿತ್ರ 'ಜೀ ಲೇ ಜರಾ', ಇದು ಪ್ರಸ್ತುತ ನಿರ್ಮಾಣ ಹಂತದಲ್ಲಿದೆ.

ದೀಪಿಕಾ ಪಡುಕೋಣೆ 2006 ರಲ್ಲಿ ಕನ್ನಡದ 'ಐಶ್ವರ್ಯ' ಚಿತ್ರದ ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದರು. ಆದರೆ, 2007ರಲ್ಲಿ ತೆರೆಕಂಡ ‘ಓಂ ಶಾಂತಿ ಓಂ’ ಹಿಂದಿ ಚಿತ್ರದಿಂದ ಅವರಿಗೆ ಮನ್ನಣೆ ಸಿಕ್ಕಿತು. ದೀಪಿಕಾ ಕೊನೆಯ ಬಾರಿಗೆ 'ಪಠಾಣ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಅವರ ಮುಂಬರುವ ಚಿತ್ರಗಳಲ್ಲಿ 'ಜವಾನ್', 'ಪ್ರಾಜೆಕ್ಟ್ ಕೆ' ಮತ್ತು 'ಫೈಟರ್' ಸೇರಿವೆ.

1999 ರಲ್ಲಿ ಬಾಲ ಕಲಾವಿದೆಯಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಆಲಿಯಾ ಭಟ್, 2012 ರಲ್ಲಿ ಸ್ಟೂಡೆಂಟ್ ಆಫ್ ದಿ ಇಯರ್ ಚಿತ್ರದ ಮೂಲಕ ನಾಯಕ ನಟಿಯಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಅವರು ಕೊನೆಯ ಬಾರಿಗೆ 'ಬ್ರಹ್ಮಾಸ್ತ್ರ ಭಾಗ ಒಂದು: ಶಿವ' ಚಿತ್ರದಲ್ಲಿ ಕಾಣಿಸಿಕೊಂಡರು. ಅವರ ಮುಂಬರುವ ಚಿತ್ರಗಳಲ್ಲಿ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಮತ್ತು 'ಹಾರ್ಟ್ ಆಫ್ ಸ್ಟೋನ್' ಸೇರಿವೆ.

2003 ರಲ್ಲಿ 'ಬೂಮ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಕತ್ರಿನಾ ಕೈಫ್, 2005 ರಲ್ಲಿ 'ಮೈನೆ ಪ್ಯಾರ್ ಕ್ಯೂನ್ ಕಿಯಾ' ಚಿತ್ರದ ಮೂಲಕ ಗುರುತಿಸಿಕೊಂಡರು. ಅವರು ಕೊನೆಯ ಬಾರಿಗೆ 'ಫೋನ್ ಭೂತ್' ನಲ್ಲಿ ಕಾಣಿಸಿಕೊಂಡರು ಮತ್ತು ಅವರ ಮುಂಬರುವ ಚಿತ್ರಗಳಲ್ಲಿ 'ಮೆರ್ರಿ ಕ್ರಿಸ್ಮಸ್' ಮತ್ತು 'ಟೈಗರ್ 3' ಸೇರಿವೆ.

ಶಾರುಖ್ ಖಾನ್ ಮೊದಲು ದೊಡ್ಡ ಪರದೆಯ ಮೇಲೆ ಕಾಣಿಸಿಕೊಂಡಿದ್ದು 1992 ರಲ್ಲಿ ಬಿಡುಗಡೆಯಾದ 'ದೀವಾನಾ' ಚಿತ್ರದಲ್ಲಿ. ಆದರೆ, ಅವರ ವೃತ್ತಿಜೀವನವನ್ನು 'ಡರ್' ಮತ್ತು 'ಬಾಜಿಗರ್' ಚಿತ್ರಗಳು ಸ್ಥಾಪಿಸಿದವು.  ಶಾರುಖ್ ಅವರ ಕೊನೆಯ ಚಿತ್ರ 'ಪಠಾಣ್' ಮತ್ತು ಅವರ ಮುಂಬರುವ ಚಿತ್ರಗಳಲ್ಲಿ 'ಜವಾನ್' ಮತ್ತು 'ಡಾಂಕಿ' ಸೇರಿವೆ.

ಕೊನೆಯದಾಗಿ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ನಲ್ಲಿ ಕಾಣಿಸಿಕೊಂಡ ಸಲ್ಮಾನ್ ಖಾನ್ 1998 ರ 'ಬಿವಿ ಹೋ ತೋ ಐಸಿ' ಚಿತ್ರದಲ್ಲಿ ಪಾದಾರ್ಪಣೆ ಮಾಡಿದರು. 1989 ರ ಚಲನಚಿತ್ರ ಮೈನೆ ಪ್ಯಾರ್ ಕಿಯಾ ಅವರನ್ನು ರಾತ್ರೋರಾತ್ರಿ ಸ್ಟಾರ್ ಮಾಡಿತು. ಸಲ್ಮಾನ್ ಅವರ ಮುಂಬರುವ ಚಿತ್ರ 'ಟೈಗರ್ 3 ಈ ವರ್ಷ ಬಿಡುಗಡೆಯಾಗಲಿದೆ.