ಮದುವೆಯಾಗದೇ ಗರ್ಭಿಣಿಯಾದ ದಿ ವಿಲನ್ ನಟಿಗೆ 2ನೇ ಮಗು: ಖುಷಿ ವಿಚಾರ ಹಂಚಿಕೊಂಡ ಆಮಿ ಜಾಕ್ಸನ್‌

 ಶಿವರಾಜ್‌ ಕುಮಾರ್ ಹಾಗೂ ಕಿಚ್ಚ ಸುದೀಪ್ ಜೊತೆಯಾಗಿ ನಟಿಸಿದ ದಿ ವಿಲನ್ ಸಿನಿಮಾದ ನಟಿ ಆಮಿ ಜಾಕ್ಸನ್ ಎರಡನೇ ಬಾರಿಗೆ ಗರ್ಭಿಣಿಯಾಗಿದ್ದು, ಈಗ ಗಂಡು ಮಗುವಿಗೆ ತಾಯಿಯಾದ ವಿಷಯವನ್ನು ಫೋಟೋ ಸಮೇತ ಹಂಚಿಕೊಂಡಿದ್ದಾರೆ.

ಲಂಡನ್ ಮೂಲದ ನಟಿ ಆಮಿ ಜಾಕ್ಸನ್. ಚಿಕ್ಕ ವಯಸ್ಸಿನಲ್ಲೇ ಮಾಡೆಲ್ ಆಗಿ ವೃತ್ತಿ ಜೀವನ ಆರಂಭಿಸಿದ್ದರು. ನಿರ್ದೇಶಕ ಎ.ಎಲ್.ವಿಜಯ್ ನಿರ್ದೇಶನದ 'ಮದರಾಸಪಟ್ಟಣಂ' ಚಿತ್ರದ ಮೂಲಕ ತಮಿಳಿನಲ್ಲಿ ನಟಿಯಾಗಿ ಪರಿಚಿತರಾದವರು ಆಮಿ ಜಾಕ್ಸನ್‌. ಹಳೆಯ ಚೆನ್ನೈ ಮತ್ತು ಬ್ರಿಟಿಷರ ಆಳ್ವಿಕೆಯನ್ನು ಆಧರಿಸಿದ ಈ ಚಿತ್ರದಲ್ಲಿ, ಆಮಿ ಜಾಕ್ಸನ್ 'ದುರೈಅಮ್ಮ'ನಾಗಿ ಅಭಿಮಾನಿಗಳ ಮನ ಗೆದ್ದರು. ಅವರ ಪಾತ್ರ ಮತ್ತು ಸೌಂದರ್ಯ ತಮಿಳಿನಲ್ಲಿ ಅವರಿಗೆ ಸಾಕಷ್ಟು ಅಭಿಮಾನಿಗಳನ್ನು ಸೃಷ್ಟಿಸಿತು.

ಮದರಾಸಪಟ್ಟಣಂನಿಂದ ಆಮಿಗೆ ಒಳ್ಳೆ ಹೆಸರು

'ಮದರಾಸಪಟ್ಟಣಂ' ಚಿತ್ರದ ಯಶಸ್ಸಿನ ನಂತರ, ಅವರಿಗೆ ಇತರ ದಕ್ಷಿಣ ಭಾರತೀಯ ಭಾಷೆಗಳಲ್ಲಿಯೂ ನಟಿಸಲು ಉತ್ತಮ ಅವಕಾಶಗಳು ಬಂದವು. ಅದರಂತೆ ಹಿಂದಿ, ತೆಲುಗು, ಕನ್ನಡ ಮುಂತಾದ ಭಾಷೆಗಳಲ್ಲಿ ಬ್ಯುಸಿಯಾದ ಆಮಿ ಜಾಕ್ಸನ್, ತಮಿಳಿನಲ್ಲಿ ದೊಡ್ಡ ನಟರೊಂದಿಗೆ ಸತತವಾಗಿ ನಟಿಸಿದರು. ವಿಶೇಷವಾಗಿ ತಮಿಳಿನಲ್ಲಿ ಅವರು ನಟಿಸಿದ ತಂದವಂ, 2.0, ತೆರಿ, ವೇಲೈ ಇಲ್ಲಾ ಪಟ್ಟದಾರಿ ಮುಂತಾದ ಚಿತ್ರಗಳಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿ ಸೂಪರ್ ಹಿಟ್ ಆಗಿವೆ. ಕನ್ನಡದಲ್ಲಿ ಇವರು ಶಿವರಾಜ್‌ ಕುಮಾರ್ ಹಾಗೂ ಕಿಚ್ಚ ಸುದೀಪ್ ನಟನೆಯ ದಿ ವಿಲ್ಲನ್ ಸಿನಿಮಾದಲ್ಲಿ ನಟಿಸಿದ್ದಾರೆ. 

ಮಿಷನ್ ಚಾಪ್ಟರ್ 1

ಇವರು ಕೊನೆಯದಾಗಿ ನಟಿಸಿದ ಚಿತ್ರವೆಂದರೆ ನಟ ಅರುಣ್ ವಿಜಯ್ ನಾಯಕನಾಗಿ ನಟಿಸಿ, ಎ.ಎಲ್.ವಿಜಯ್ ನಿರ್ದೇಶಿಸಿದ 'ಮಿಷನ್ ಚಾಪ್ಟರ್ 1'. ಇದರಲ್ಲಿ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದರು. ನಟನೆಯಲ್ಲಿ ಮಾತ್ರವಲ್ಲದೆ ಆಕ್ಷನ್‌ನಲ್ಲೂ ಮಿಂಚಿದ್ದರು. ತಮಿಳಿನಲ್ಲಿ ಅವಕಾಶಗಳು ಸಿಕ್ಕರೂ ಹಾಲಿವುಡ್ ವೆಬ್ ಸರಣಿಯಲ್ಲಿ ನಟಿಸುವ ಅವಕಾಶ ಸಿಕ್ಕಿದ್ದರಿಂದ, ದಕ್ಷಿಣ ಭಾರತದ ಭಾಷೆಗಳ ಚಿತ್ರಗಳಿಂದ ದೂರ ಸರಿದು ಹಾಲಿವುಡ್‌ನತ್ತ ಗಮನ ಹರಿಸಲು ಪ್ರಾರಂಭಿಸಿದರು.

2021 ರಲ್ಲಿ ಜಾರ್ಜ್ ಜೊತೆ ಬ್ರೇಕಪ್

2015 ರಿಂದ ಜಾರ್ಜ್ ಎಂಬುವವರನ್ನು ಪ್ರೀತಿಸುತ್ತಿದ್ದ ಆಮಿ ಜಾಕ್ಸನ್, ಅವರ ಮೂಲಕ ಗಂಡು ಮಗುವನ್ನು ಪಡೆದ ನಂತರ, ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. 2021 ರಲ್ಲಿ ಇಬ್ಬರೂ ಮದುವೆಯಾಗಲಿದ್ದಾರೆ ಎಂದು ಹೇಳಲಾಗಿತ್ತು, ಆದರೆ ಮದುವೆಗೂ ಮುನ್ನ ಭಿನ್ನಾಭಿಪ್ರಾಯದಿಂದ ಬೇರೆಯಾದರು. ಪ್ರಸ್ತುತ ಎಮಿ ಜಾಕ್ಸನ್ ಅವರ ಮೊದಲ ಗಂಡನ ಮಗನೂ ಕೂಡ ಎಮಿ ಜಾಕ್ಸನ್ ಜೊತೆಯಲ್ಲಿದೆ.

ಕಳೆದ ವರ್ಷ ಎಮಿ ಟಿವಿ ನಟ ಎಡ್ ವೆಸ್ಟ್ವಿಕ್ ಮದುವೆಯಾಗಿದ್ದ ಆಮಿ

ಇದಾದ ನಂತರ ಕಳೆದ ಕೆಲವು ವರ್ಷಗಳಿಂದ ಎಮಿ ಜಾಕ್ಸನ್ ಎಡ್ ವೆಸ್ಟ್ವಿಕ್ ಎಂಬ ಹಾಲಿವುಡ್ ಟಿವಿ ನಟನೊಂದಿಗೆ ಡೇಟಿಂಗ್ ಮಾಡುತ್ತಿದ್ದರು. ಅವರೊಂದಿಗೆ ತೆಗೆದ ಫೋಟೋಗಳನ್ನು ಆಗಾಗ ಹಂಚಿಕೊಳ್ಳುತ್ತಿದ್ದರು. ನಂತರ ಎಮಿ ಜಾಕ್ಸನ್ ಮತ್ತು ಎಡ್ ವೆಸ್ಟ್ವಿಕ್ ಕಳೆದ ವರ್ಷ ಆಗಸ್ಟ್‌ನಲ್ಲಿ ಮದುವೆಯಾದರು ಮತ್ತು ತಾನು ಗರ್ಭಿಣಿಯಾಗಿರುವ ವಿಷಯವನ್ನು ಘೋಷಿಸಿದರು. ಎಮಿ ಮದುವೆಗೂ ಮುನ್ನ ಎಡ್ ವೆಸ್ಟ್ವಿಕ್ ಮೂಲಕ ಗರ್ಭಿಣಿಯಾಗಿದ್ದರು, ನಂತರ ಈ ವಿಚಾರವನ್ನು ಘೋಷಿಸಿದ್ದರು.

ಮಗುವಿಗೆ ವಿಭಿನ್ನ ಹೆಸರಿಟ್ಟ ಎಮಿ ಜಾಕ್ಸನ್

ಇದಾದ ನಂತರ ಎಮಿ ಜಾಕ್ಸನ್ ಈಗ ತನ್ನ ಎರಡನೇ ಮಗುವಿಗೆ ಜನ್ಮ ನೀಡಿದ್ದು  ಎರಡನೇ ಗಂಡು ಮಗುವಿಗೆ ತಾಯಿಯಾಗಿದ್ದೇನೆ ಎಂದು ಘೋಷಿಸಿದ್ದಾರೆ ಮಗುವಿಗೆ ಆಸ್ಕರ್ ಅಲೆಕ್ಸಾಂಡರ್ ವೆಸ್ಟ್ವಿಕ್ ಎಂದು ಹೆಸರಿಟ್ಟಿದ್ದಾಳೆ. ಗಂಡ ಮತ್ತು ಮಗುವಿನೊಂದಿಗೆ ಎಮಿ ಜಾಕ್ಸನ್ ಹಂಚಿಕೊಂಡಿರುವ ಫೋಟೋಗಳು ಸದ್ಯ ವೈರಲ್ ಆಗಿವೆ (Amy Jackson and Ed Westwick blessed with a baby boy). ಅಭಿಮಾನಿಗಳು ಎಮಿ ಜಾಕ್ಸನ್‌ಗೆ ಶುಭ ಹಾರೈಸುತ್ತಿದ್ದಾರೆ.