Spider Man No Way Home ಭಾರತದ ಬಾಕ್ಸ್ ಆಫೀಸ್‌ನಲ್ಲಿ 200 ಕೋಟಿ ಬಾಚಿದ ಹಾಲಿವುಡ್ ಸಿನಿಮಾ
ಮಾರ್ವೆಲ್ ಸ್ಟುಡಿಯೋಸ್ (Marvel Studio) ಸಿನಿಮಾಗಳಲ್ಲಿ ಒಂದಾದ ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ (Spider Man No Way Home) ಭಾರತದಲ್ಲಿ ಥಿಯೇಟರ್‌ಗಳನ್ನು ಸೂಪರ್‌ ಹಿಟ್ ಆಗುತ್ತಿದೆ. ಈ ಚಿತ್ರವು ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ 202.34 ಕೋಟಿ ಗಳಿಸಿದೆ. ಈ ಚಿತ್ರವು ಭಾರತದಲ್ಲಿ ಮೂರನೇ ಅತಿ ಹೆಚ್ಚು ಗಳಿಕೆ ಮಾಡಿದ ಹಾಲಿವುಡ್ ಚಿತ್ರ.
ಮಾರ್ವೆಲ್ ಸ್ಟುಡಿಯೋಸ್‌ನ ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ ಸಿನಿಮಾ ಭಾರತದಲ್ಲಿ ಥಿಯೇಟರ್‌ಗಳನ್ನು ಹಿಟ್ ಮಾಡುತ್ತಿದೆ. ಚಿತ್ರ ಬಿಡುಗಡೆಯಾದ ತಕ್ಷಣ ಬಾಕ್ಸ್ ಆಫೀಸ್‌ನಲ್ಲಿ ತಲ್ಲಣ ಮೂಡಿಸಿದೆ. ವ್ಯಾಪಾರ ವಿಶ್ಲೇಷಕ ತರಣ್ ಆದರ್ಶ್ ಅವರು ಈ ಚಿತ್ರವು ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ 202.34 ಕೋಟಿ ರೂಪಾಯಿ ಗಳಿಸಿದೆ ಎಂದು ಟ್ವೀಟ್ ಮಾಡಿದ್ದಾರೆ.
ಅಷ್ಟೇ ಅಲ್ಲ, ಈ ಚಿತ್ರವು ಭಾರತದಲ್ಲಿ ಮೂರನೇ ಅತಿ ಹೆಚ್ಚು ಗಳಿಕೆ ಮಾಡಿದ ಹಾಲಿವುಡ್ ಚಿತ್ರ ಎಂದು ಅವರು ಹೇಳಿದರು. ಈ ಹಿಂದೆ, ಅವೆಂಜರ್ಸ್ ಎಂಡ್ ಗೇಮ್ ಮತ್ತು ಅವೆಂಜರ್ಸ್ ಇನ್ಫಿನಿಟಿ ವಾರ್ ಅತಿ ಹೆಚ್ಚು ಗಳಿಸಿತ್ತು. ಅವೆಂಜರ್ಸ್ ಮತ್ತು ಗೇಮ್ ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ 367.43 ಕೋಟಿ ಗಳಿಸಿದೆ ಮತ್ತು ಅವೆಂಜರ್ಸ್ ಇನ್ಫಿನಿಟಿ ವಾರ್ 228.50 ಕೋಟಿ ಗಳಿಸಿದೆ.
spider man no way home india box office day 2
ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ ಚಲನಚಿತ್ರವು ವೀಕ್‌ ಡೇಸ್‌ನಲ್ಲಿ ಬಿಡುಗಡೆಯಾಯಿತು ಮತ್ತು ಆ ಸಮಯದಲ್ಲಿ ರಜೆ ಇರಲಿಲ್ಲ. ಇದರ ಹೊರತಾಗಿಯೂ ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಕೊರೋನಾ ನಂತರದ ಇಷ್ಟು ಗಳಿಸಿ ದಾಖಲೆ ನಿರ್ಮಿಸಿದ ಮೊದಲ ಚಿತ್ರ ಇದಾಗಿದೆ.
ಮುಂಬೈ (Mumbai), ದೆಹಲಿ (Delhi) ಮತ್ತು ಉತ್ತರ ಪ್ರದೇಶ (Uttara Pradesh) ಸೇರಿದಂತೆ ಪ್ರಮುಖ ನಗರಗಳು ಸೇರಿ ದೇಶಾದ್ಯಂತ ಸಿನಿಮಾ ಸಖತ್‌ ರೆಸ್ಪಾನ್ಸ್ ಪಡೆಯಿತು. ಸಿನಿಮಾದಲ್ಲಿ ಟಾಮ್ ಹಾಲೆಂಡ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಮೊದಲ ದಿನವೇ ಕೋಟಿ ಕೋಟಿ ಗಳಿಸಿದೆ
ಈ ಸಿನಿಮಾ ಮೊದಲ ದಿನವೇ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ತಲ್ಲಣ ಸೃಷ್ಟಿಸಿ ಸುಮಾರು 35 ಕೋಟಿ ಬ್ಯುಸಿನೆಸ್ ಮಾಡಿದೆ. ಆದರೂ ಇದು ಅವೆಂಜರ್ಸ್: ಎಂಡ್‌ಗೇಮ್‌ನ ದಾಖಲೆಯನ್ನು ಮುರಿಯುವಲ್ಲಿ ಯಶಸ್ವಿಯಾಗಲಿಲ್ಲ. ಈ ಚಿತ್ರ ಮೊದಲ ದಿನವೇ 53.10 ಕೋಟಿ ಕಲೆಕ್ಷನ್ ಮಾಡಿತ್ತು, ಇದುವರೆಗೂ ಯಾವುದೇ ಸಿನಿಮಾ ಮುರಿಯಲು ಸಾಧ್ಯವಾಗದ ದಾಖಲೆ ಬರೆದಿದೆ.
ಅಂದಹಾಗೆ, ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ ಬಿಡುಗಡೆಗೆ ಮುಂಚೆಯೇ ಪ್ರೇಕ್ಷಕರಲ್ಲಿ ಸಾಕಷ್ಟು ಕ್ರೇಜ್ ಇತ್ತು. ಅಷ್ಟೇ ಅಲ್ಲ ಈ ಚಿತ್ರದ ಪ್ರೀ ಬುಕ್ಕಿಂಗ್ 16ರಿಂದ 17 ಕೋಟಿ ರೂ ಎಂದು ಹೇಳಲಾಗುತ್ತದೆ. ಈ ಸಿನಿಮಾ ಭಾರತದಲ್ಲಿ 3264 ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯಾಗಿದೆ.
ಭಾರತದಲ್ಲಿ ಇಷ್ಟೊಂದು ಸ್ಕ್ರೀನ್ಸ್ ಪಡೆದ ಮೊದಲ ಹಾಲಿವುಡ್ ಚಿತ್ರವಿದು. ಈ ಹಿಂದೆ, 2019 ರಲ್ಲಿ ಬಿಡುಗಡೆಯಾದ ಅವೆಂಜರ್ಸ್ ಎಂಡ್‌ಗೇಮ್ 2845 ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯಾಗಿತ್ತು. ಚಿತ್ರಕ್ಕೆ ಶೇಕಡಾ 60 ರಿಂದ 70 ರಷ್ಟು ಓಪನಿಂಗ್ ಸಿಕ್ಕಿದೆ.
ಸೋನಿ ಪಿಕ್ಚರ್ಸ್ ಎಂಟರ್‌ಟೈನ್‌ಮೆಂಟ್‌ನ ಚಲನಚಿತ್ರ ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ ಇಂಗ್ಲಿಷ್, ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. ಈ ಸಿನಿಮಾದಲ್ಲಿ ಎಲ್ಲಾ ಹಳೆಯ ಖಳನಾಯಕರು ಮರಳಿದ್ದಾರೆ. ಹೀಗಿರುವಾಗ ಈ ಬಗ್ಗೆ ಪ್ರೇಕ್ಷಕರಲ್ಲಿ ಕ್ರೇಜ್ ಜಾಸ್ತಿ ಇತ್ತು.
ಟಾಮ್ ಹಾಲೆಂಡ್ ಅವರ ಈ ಸಿನಿಮಾದಲ್ಲಿ ಬೆನೆಡಿಕ್ಟ್ ಕಂಬರ್ಬ್ಯಾಚ್ ಕೂಡ ಕಾಣಿಸಿಕೊಂಡಿದ್ದಾರೆ. ಸ್ಪೈಡರ್ ಮ್ಯಾನ್ ಪಾತ್ರದಲ್ಲಿ ಪೀಟರ್ ಪಾರ್ಕರ್ ಪಾತ್ರದಲ್ಲಿ ಟಾಮ್ ಹಾಲೆಂಡ್ ನಟಿಸಿದ್ದರೆ, ಬೆನೆಡಿಕ್ಟ್, ಡಾ.ಸ್ಟ್ರೇಂಜ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ.
