2024 ರಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ದಕ್ಷಿಣ ಭಾರತೀಯ ಟಾಪ್ 10 ತಾರೆಯರಲ್ಲಿ ಕನ್ನಡತಿಗೂ ಸ್ಥಾನ!

ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರು, ಅದರಲ್ಲಿಯೂ ದಕ್ಷಿಣ ಭಾರತದಲ್ಲಿ ಯಾರು ಹೆಚ್ಚು ಸಂಭಾವನೆ ಪಡೆಯುತ್ತಾರೆಂದು ನೋಡೋಣ. 

ಚಲನಚಿತ್ರೋದ್ಯಮದ ನಟ, ನಟಿಯರು ಗಣನೀಯ ಪ್ರಮಾಣದ ಹಣ ಸಂಪಾದಿಸಬಹುದು. ದಕ್ಷಿಣ ಭಾರತದಲ್ಲಿ ಟಾಪ್ ಹೀರೋಗಳು 100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದರೆ, ಪ್ರಮುಖ ನಟಿಯರು 12 ಕೋಟಿ ರೂ.ವರೆಗೆ ಗಳಿಸುತ್ತಾರೆ. ಇಲ್ಲಿ ನಾವು ಅತಿ ಹೆಚ್ಚು ಸಂಭಾವನೆ ಪಡೆಯುವ ಟಾಪ್ 10 ನಟಿಯರು ಮತ್ತು ಅವರ ಗಳಿಕೆ ಎಷ್ಟು ನೋಡೋಣ. 

ಸಾಯಿ ಪಲ್ಲವಿ

10. ಸಾಯಿ ಪಲ್ಲವಿ
ಅತಿ ಹೆಚ್ಚು ಸಂಭಾವನೆ ಪಡೆಯುವ ದಕ್ಷಿಣ ಭಾರತೀಯ ನಟಿಯರಲ್ಲಿ ಸಾಯಿ ಪಲ್ಲವಿ 10ನೇ ಸ್ಥಾನದಲ್ಲಿದ್ದಾರೆ, ಒಂದು ಚಿತ್ರಕ್ಕೆ 2 ಕೋಟಿ ರೂ. ಸಂಭಾವನೆ ಪಡೆಯುವ ಇವರು ಪ್ರಸ್ತುತ ತಮಿಳು ಚಿತ್ರ ಅಮರನ್ ಮತ್ತು ತೆಲುಗು ಚಿತ್ರ ಅಥಂಡೆಲ್ ನಲ್ಲಿ ನಟಿಸುತ್ತಿದ್ದಾರೆ. ಅಮರನ್ ನಲ್ಲಿ, ಅವರು ಶಿವಕಾರ್ತಿಕೇಯನ್ ಜೊತೆ ಜೋಡಿಯಾಗಿದ್ದಾರೆ. ಅಲ್ಲದೇ ಬಾಲಿವುಡ್‌ನಲ್ಲಿಯೂ ರಣಬೀರ್ ಕಪೂರ್ ಜೊತೆ ರಾಮಾಯಾಣದಲ್ಲಿ ನಟಿಸುತ್ತಿದ್ದು, ಇವರು ಸಿಂಪಲ್ ಬ್ಯೂಟಿಗೇ ಹೆಸರುವಾಸಿ. 

ಕೀರ್ತಿ ಸುರೇಶ್

9. ಕೀರ್ತಿ ಸುರೇಶ್
ಚಿತ್ರಕ್ಕೆ 3 ಕೋಟಿ ರೂ. ಸಂಭಾವನೆ ಪಡೆಯುವ ನಟಿ ಕೀರ್ತಿ ಸುರೇಶ್ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದ್ದಾರೆ. ಅವರು ಪ್ರಸ್ತುತ ಬೇಬಿ ಜಾನ್ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದು, ಬಾಲಿವುಡ್‌ಗೆ ಪ್ರಮುಖ ನಟಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ಈ ಚಿತ್ರದ ನಂತರ ಅವರ ಮಾರುಕಟ್ಟೆ ಮೌಲ್ಯ ಏರಿಕೆಯಾಗಬಹುದು. 

8. ಅನುಷ್ಕಾ ಶೆಟ್ಟಿ
ಅನುಷ್ಕಾ ಶೆಟ್ಟಿ ಒಂದು ಕಾಲದಲ್ಲಿ ಕಾಲಿವುಡ್ ಮತ್ತು ಟಾಲಿವುಡ್ ಎ ಎರಡನ್ನೂ ಆಳಿದ್ದರು, ಆದರೆ ಅವರ ವಯಸ್ಸಾದಂತೆ, ಅವರ ಚಲನಚಿತ್ರ ಅವಕಾಶಗಳು ಕಡಿಮೆಯಾಗಿವೆ. ಪ್ರಸ್ತುತ, ಅವರು ಮಲಯಾಳಂ ಚಿತ್ರ 'ಕಥನಾರ್-ದಿ ವೈಲ್ಡ್ ಸೋರ್ಸೆರರ್' ನಲ್ಲಿ ಕೆಲಸ ಮಾಡುತ್ತಿದ್ದಾರೆ ಮತ್ತು ಒಂದು ಚಿತ್ರಕ್ಕೆ 4 ಕೋಟಿ ರೂ. ಸಂಭಾವನೆ ಪಡೆಯುತ್ತಿದ್ದಾರೆ.

7. ಸಮಂತಾ
ನಟಿ ಸಮಂತಾ ಈ ಹಿಂದೆ ಹಾಡೊಂದರಲ್ಲಿ ಹೆಜ್ಜೆ ಹಾಕಲು 5 ಕೋಟಿ ರೂ.ಪಡೆಯುತ್ತಿದ್ದರು. ಆದಾಗ್ಯೂ, ಮಯೋಸಿಟಿಸ್‌ನಿಂದ ಬಳಲುತ್ತಿರುವ ಅವರು ಒಂದು ವರ್ಷ ಚಿತ್ರರಂಗದಿಂದ ದೂರ ಉಳಿಯಬೇಕಾಯಿತು. ಅಂದಿನಿಂದ ಅವರು ತಮ್ಮ ಸಂಭಾವನೆಯನ್ನು ಕಡಿಮೆ ಮಾಡಿಕೊಂಡಿದ್ದಾರೆ. ಈಗ ಅವರು ಒಂದು ಚಿತ್ರಕ್ಕೆ 3 ರಿಂದ 5 ಕೋಟಿ ರೂ.ಪಡೆಯುತ್ತಾರೆ. 

6. ತಮನ್ನಾ
ತಮನ್ನಾ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬೆಳೆದ ದಕ್ಷಿಣ ಭಾರತೀಯ ನಟಿ. ಇತ್ತೀಚಿನ ತಮಿಳು ಚಿತ್ರ ಅರಣ್ಮನೈ 4 ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿ ರೂ. ಬಾಚಿಕೊಂಡಿದೆ. ಅವರು ಒಂದು ಚಿತ್ರಕ್ಕೆ 5 ಕೋಟಿ ರೂ.ಸಂಭಾವನೆ ಪಡೆಯುತ್ತಾರೆ. ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದ್ದಾರೆ.

5. ಪೂಜಾ ಹೆಗ್ಡೆ
ಪೂಜಾ ಹೆಗ್ಡೆ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ 5ನೇ ಸ್ಥಾನದಲ್ಲಿದ್ದಾರೆ ಮತ್ತು ಒಂದು ಚಿತ್ರಕ್ಕೆ 5 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ. ಅವರು ಪ್ರಸ್ತುತ ತಮಿಳು ಚಿತ್ರವಾದ ಸೂರ್ಯ 44ರಲ್ಲಿ ಕೆಲಸ ಮಾಡುತ್ತಿದ್ದಾರೆ, ಅಲ್ಲಿ ಅವರು ನಟ ಸೂರ್ಯ ಅವರೊಂದಿಗೆ ನಟಿಸುತ್ತಿದ್ದಾರೆ. ಇತ್ತೀಚಿನ ಅವರ ಹಲವು ಚಿತ್ರಗಳು ಫ್ಲಾಪ್ ಆಗಿದ್ದು, ಬೇಡಿಕೆ ತುಸು ಕಡಿಮೆಯಾದಂತೆ ಕಾಣಿಸುತ್ತಿದೆ. 

4. ರಶ್ಮಿಕಾ ಮಂದಣ್ಣ
ರಾಷ್ಟ್ರೀಯ ಕ್ರಶ್ ಎಂದು ಅಭಿಮಾನಿಗಳಿಂದ ಕರೆಯಲ್ಪಡುವ ರಶ್ಮಿಕಾ ಮಂದಣ್ಣ, ತಮಿಳು, ತೆಲುಗು ಮತ್ತು ಹಿಂದಿ ಚಲನಚಿತ್ರಗಳಲ್ಲಿ ಸಕ್ರಿಯವಾಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಒಂದು ಚಿತ್ರಕ್ಕೆ 5 ಕೋಟಿ ರೂ.ಸಂಭಾವನೆ ಪಡೆಯುತ್ತಾರೆ. ಅವರು ಪ್ರಸ್ತುತ ತೆಲುಗಿನಲ್ಲಿ ಪುಷ್ಪ 2ರ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ.

3. ಶ್ರೀನಿಧಿ ಶೆಟ್ಟಿ
ಶ್ರೀನಿಧಿ ಶೆಟ್ಟಿ ಕೆಜಿಎಫ್ ನಲ್ಲಿನ ಪಾತ್ರದ ಮೂಲಕ ದೇಶಾದ್ಯಂತ ಪ್ರಖ್ಯಾತಿ ಪಡೆದರು. ಅವರು ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ 3ನೇ ಸ್ಥಾನದಲ್ಲಿದ್ದು, ಚಿತ್ರವೊಂದಕ್ಕೆ 7 ಕೋಟಿ ರೂ. ಪಡೆಯುತ್ತಾರೆ. ಅವರು ತಮಿಳು ಚಿತ್ರ ಕೋಬ್ರಾದಲ್ಲಿ ವಿಕ್ರಮ್ ಅವರೊಂದಿಗೆ ಕಾಣಿಸಿಕೊಂಡರು.

2. ನಯನತಾರಾ
ಲೇಡಿ ಸೂಪರ್‌ಸ್ಟಾರ್ ನಯನತಾರಾ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ, ಚಿತ್ರವೊಂದಕ್ಕೆ 10 ಕೋಟಿ ರೂ.ಗಳವರೆಗೆ ಸಂಭಾವನೆ ಪಡೆಯುತ್ತಾರೆ. ಅವರು ಪ್ರಸ್ತುತ ತಮಿಳು ಚಿತ್ರ ಮನ್ನಂಗಟ್ಟಿ ಸಿನ್ಸ್ 1960 ರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಕವಿನ್ ಅವರೊಂದಿಗೆ ಮತ್ತೊಂದು ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

1. ತ್ರಿಷಾ
40 ವರ್ಷ ದಾಟಿದರೂ ಅವಿವಾಹಿತರಾಗಿರುವ ನಟಿ ತ್ರಿಷಾ ಪಟ್ಟಿಯಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ. ಅವರು ಒಂದು ಚಿತ್ರಕ್ಕೆ 12 ಕೋಟಿ ರೂ.ಗಳವರೆಗೆ ಸಂಭಾವನೆ ಪಡೆಯುತ್ತಾರೆ. ಪ್ರಸ್ತುತ, ಅವರು ಅಜಿತ್ ಅವರೊಂದಿಗೆ ವಿದಾಮುಯಾರ್ಚಿ ಮತ್ತು ಕಮಲ್ ಹಾಸನ್ ಅವರೊಂದಿಗೆ ತಗ್ ಲೈಫ್ ನಂತಹ ಯೋಜನೆಗಳನ್ನು ಹೊಂದಿದ್ದಾರೆ. ತಮಿಳು ನಟನೊಂದಿಗೆ ಡೇಟಿಂಗ್ ಮಾಡುತ್ತಿರುವ ರೂಮರ್‌ನಿಂದಲು ಇತ್ತೀಚೆಗೆ ತ್ರಿಷಾ ಹೆಡ್ಲೈನ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.