ಬಿಗ್ ಬಾಸ್ ಮನೆಯಲ್ಲಿ ಮೈಸೂರು ಹುಡುಗನ್ನ ಮದ್ವೆ ಆಗ್ಬೇಕಂತೆ ರಾಖಿ ಸಾವಂತ್
ಡ್ರಾಮಾ ಕ್ವೀನ್ ರಾಖಿ ಸಾವಂತ್ (Rakhi Sawant) ಯಾವಾಗಲೂ ವಿಚಿತ್ರವಾದ ಲುಕ್, ತನ್ನ ವಿಭಿನ್ನ ಮತ್ತು ಕಾಮಿಕ್ ಶೈಲಿಗೆ ಹೆಸರುವಾಸಿಯಾಗಿದ್ದಾರೆ. ರಾಖಿ ಸಾವಂತ್ ತಮ್ಮ ಫನ್ನಿ ನಡವಳಿಕೆಯಿಂದ ಅಭಿಮಾನಿಗಳನ್ನು ರಂಜಿಸುತ್ತಲೇ ಇರುತ್ತಾರೆ. ಈ ಹಿಂದೆ ರಾಖಿ ಸಾವಂತ್ ಅವರು ಮೂರು ಸೀಸನ್‌ಗಳಲ್ಲಿ ಬಿಗ್ ಬಾಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಈಗ ಅವರು ಮತ್ತೆ ಬಿಗ್ ಬಾಸ್ 16 ರಲ್ಲಿ ಗೆಳೆಯ ಆದಿಲ್ ಖಾನ್ ದುರಾನಿ ಅವರೊಂದಿಗೆ ಭಾಗವಾಗಲು ಬಯಸುತ್ತಾರೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ, ರಾಖಿ ಅವರು ಬಿಗ್ ಬಾಸ್‌ನಲ್ಲಿ ಭಾಗವಹಿಸಲು ಮಾತ್ರವಲ್ಲದೆ ಶೋನಲ್ಲಿ ಆದಿಲ್ ಅವರನ್ನು ಮದುವೆಯಾಗಲು ಬಯಸುತ್ತಾರೆ ಎಂದು ಹೇಳಿದರು.
Followಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಬಾಯ್ ಫ್ರೆಂಡ್ ಆದಿಲ್ ಖಾನ್ ದುರಾನಿ ಜೊತೆ ಬಿಗ್ ಬಾಸ್ 16 ರಲ್ಲಿ ಭಾಗವಹಿಸಲು ಮತ್ತು ಶೋನಲ್ಲಿ ಮದುವೆಯಾಗಲು ಬಯಸುತ್ತೇನೆ ಎಂದು ಹೇಳಿದ್ದಾರೆ.
ರಾಖಿ ಸಾವಂತ್ ಬಿಗ್ ಬಾಸ್ ಮನೆಯಲ್ಲಿ ವಧು ಆಗಲು ಮತ್ತು ಆದಿಲ್ ಖಾನ್ ಜೊತೆ ಮದುವೆಯಾಗಲು ಬಯಸಿದ್ದಾರೆ. ರಾಖಿ ಸಾವಂತ್ ಬಿಗ್ ಬಾಸ್ 16 ರಲ್ಲಿ ತನ್ನನ್ನು ಮತ್ತು ಬಾಯ್ ಫ್ರೆಂಡ್ ಅದಿಲ್‌ ಖಾನ್ ಅವರನ್ನು ಸೇರಿಸಿಕೊಳ್ಳುವಂತೆ ನಟಿ ನಿರ್ಮಾಪಕರಿಗೆ ಮನವಿ ಮಾಡಿದ್ದಾರೆ.
ನಾವು ಬಿಗ್ ಬಾಸ್ ಮನೆಯಲ್ಲಿದ್ದರೆ, ಬಿಗ್ ಬಾಸ್ ಅವರೇ ನಮ್ಮ ಮದುವೆ ಮಾಡುತ್ತಾರೆ. ಬಾಸ್ ಮನೆಯಲ್ಲಿಯೇ ಆದಿಲ್ ಜೊತೆ ನನ್ನ ಮದುವೆ ಮಾಡಿ ಎಂದು ಬಿಗ್ ಬಾಸ್‌ಗೆ ನಾನು ಹೇಳುತ್ತೇನೆ, ಆದಿಲ್ ಜೊತೆ ಬಿಗ್ ಬಾಸ್‌ನಲ್ಲಿ ಮದುವೆಯಾಗಲು ನಾನು ಸಿದ್ಧನಿದ್ದೇನೆ ಎಂದು ರಾಖಿ ಹೇಳಿದ್ದಾರೆ
ಸಾವಂತ್ ಅವರು ಮೂರು ಬಾರಿ ಬಿಗ್ ಬಾಸ್ ಶೋನ ಭಾಗವಾಗಿದ್ದಾರೆ. 2006-2007 ರಲ್ಲಿ ಸೀಸನ್ 1 ರಲ್ಲಿ ಅವರು ಮೊದಲ ಬಾರಿಗೆ ಈ ಕಂಟ್ರವರ್ಷಿಯಲ್‌ ಶೋನಲ್ಲಿ ಭಾಗವಹಿಸಿದರು, ಇದರಲ್ಲಿ ಅವರು 84 ನೇ ದಿನದಂದು ಮನೆಯಿಂದ ಹೊರಹಾಕಲ್ಪಟ್ಟರು. ನಂತರ ಸೀಸನ್ 14 ರಲ್ಲಿ ಕಾಣಿಸಿಕೊಂಡರು ಮತ್ತು ನಾಲ್ಕನೇ ರನ್ನರ್ ಅಪ್ ಆಗಿ ತಮ್ಮ ಪ್ರಯಾಣವನ್ನು ಕೊನೆಗೊಳಿಸಿದರು.
ಅದೇ ಸಮಯದಲ್ಲಿ, ಮೂರನೇ ಬಾರಿಗೆ, ಅವರು 56 ನೇ ದಿನದಂದು ವೈಲ್ಡ್ ಕಾರ್ಡ್ ಆಗಿ ಸೀಸನ್ ಬಿಗ್ ಬಾಸ್ 15 ಅನ್ನು ಪ್ರವೇಶಿಸಿದರು. ನಂತರ 117 ನೇ ದಿನದಂದು 7 ನೇ ಸ್ಥಾನದಲ್ಲಿದ್ದಾಗ ಅವರು ಹೊರಬಿದ್ದರು.
ಇನ್ನೂ ಬಿಗ್ ಬಾಸ್ 16 ರ ರ ಬಗ್ಗೆ ಹೇಳುವುದಾದರೆ, ಲೀಕ್‌ ಆಗಿರುವ ಫೋಟೋಗಳ ಪ್ರಕಾರ, ಈ ಬಾರಿ ಮನೆಯನ್ನು ಆಕ್ವಾ ಥೀಮ್ ಮಾದರಿಯಲ್ಲಿ ಅಲಂಕರಿಸಲಾಗಿದೆ. ಈ ಸೀಸನ್ ಕೂಡ ಸಲ್ಮಾನ್ ಖಾನ್ ಅವರೇ ಹೋಸ್ಟ್ ಮಾಡಲಿದ್ದಾರೆ.
ಈ ನಡುವೆ ಜನಪ್ರಿಯ ಟಿವಿ ನಟರಾದ ದಿವ್ಯಾಂಕಾ ತ್ರಿಪಾಠಿ, ಅರ್ಜುನ್ ಬಿಜ್ಲಾನಿ, ಟೀನಾ ದತ್ತಾ, ಸುರಭಿ ಜ್ಯೋತಿ, ಮುನವ್ವರ್ ಫಾರೂಕಿ, ಪೂನಂ ಪಾಂಡೆ, ಅಜಮ್ ಫಲಾ ಮತ್ತು ಅಂಜಲಿ ಅರೋರಾ ಅವರನ್ನು ಕಾರ್ಯಕ್ರಮಕ್ಕಾಗಿ ಸಂಪರ್ಕಿಸಲಾಗಿದೆ ಎಂಬ ಊಹಾಪೋಹಗಳು ಹರಡಿವೆ, ಆದರೆ ಇನ್ನೂ ದೃಢೀಕರಣವಿಲ್ಲ.
