ಸಾವಿತ್ರಿ, ಸೂರ್ಯಕಾಂತಂ ನಂತರ ರಾಜಮೌಳಿಗೆ ಇಷ್ಟವಾದ ಈ ಪುಟ್ಟ ನಟಿ ಯಾರು ಗೊತ್ತಾ?

ನಟ-ನಟಿಯರಿಂದ ಹೇಗೆ ಉತ್ತಮ ಅಭಿನಯ ಹೊರತೆಗೆಯಬೇಕೆಂಬ ಕಲೆ ನಿರ್ದೇಶಕ ರಾಜಮೌಳಿಗೆ  ಗೊತ್ತು. ರಾಜಮೌಳಿ ಸಿನಿಮಾ ಅಂದ್ರೆ ಬಹುತೇಕ ಎಲ್ಲ ನಟರೂ ಚೆನ್ನಾಗಿ ನಟಿಸುತ್ತಾರೆ. ತಾನು ಯೋಚಿಸಿದ ಎಕ್ಸ್‌ಪ್ರೆಶನ್ ಬರುವವರೆಗೂ ರಾಜಮೌಳಿ ಬಿಡುವುದಿಲ್ಲ. ಸ್ಟೂಡೆಂಟ್ ನಂಬರ್ 1 ಚಿತ್ರದ ಮೂಲಕ ರಾಜಮೌಳಿ ನಿರ್ದೇಶಕರಾದರು. ರಾಜಮೌಳಿ ಬಹುತೇಕ ತಮ್ಮ ತಂದೆ ವಿಜಯೇಂದ್ರ ಪ್ರಸಾದ್ ಅವರ ಕಥೆಗಳನ್ನೇ ಸಿನಿಮಾ ಮಾಡುತ್ತಾರೆ.

ವಿಜಯೇಂದ್ರ ಪ್ರಸಾದ್ ರಾಜಮೌಳಿ ನಿರ್ದೇಶಕರಾಗುವ ಮುನ್ನವೇ ಪ್ರಸಿದ್ಧ ಲೇಖಕರಾಗಿದ್ದವರು. ವಿಜಯೇಂದ್ರ ಪ್ರಸಾದ್ ಕೂಡ ನಿರ್ದೇಶಕರಾಗಿ ಕೆಲವು ಪ್ರಯತ್ನಗಳನ್ನು ಮಾಡಿದ್ದಾರೆ. ರಾಜಮೌಳಿ ತಮಗೆ ಇಷ್ಟವಾದ ನಟ-ನಟಿಯರ ಬಗ್ಗೆ ಆಗಾಗ್ಗೆ ಮಾತನಾಡುತ್ತಾರೆ. ಸಹಜವಾಗಿ ನಟಿಸುವ ನಟ-ನಟಿಯರನ್ನು ರಾಜಮೌಳಿ ಇಷ್ಟಪಡುತ್ತಾರೆ. ಅಂತಹ ಸಹಜ ನಟಿಯರಲ್ಲಿ ರಾಜಮೌಳಿಗೆ ಇಷ್ಟವಾದವರು ಮಹಾನಟಿ ಸಾವಿತ್ರಿ, ದಿಗ್ಗಜ ನಟಿ ಸೂರ್ಯಕಾಂತಂ.

ಇವರ ನಂತರ ರಾಜಮೌಳಿಯನ್ನು ಮೆಚ್ಚಿಸಿದ ನಟಿ ಯಾರು ಎಂದು ತಿಳಿದರೆ ಆಶ್ಚರ್ಯವಾಗುತ್ತದೆ. ಹೌದು ಆ ನಟಿ ಯಾರು ಅಂತ ಕನಸಲ್ಲೂ ಊಹಿಸಲು ಸಾಧ್ಯವಿಲ್ಲ. ಸಾವಿತ್ರಿ, ಸೂರ್ಯಕಾಂತಂ ನಂತರ ರಾಜಮೌಳಿಯನ್ನು ಮೆಚ್ಚಿಸಿದ ನಟಿ ರಾಜಣ್ಣ ಚಿತ್ರದಲ್ಲಿ ಬಾಲನಟಿಯಾಗಿ ನಟಿಸಿದ ಬೇಬಿ ಅನಿ. ಆ ಪುಟ್ಟ ಹುಡುಗಿಯ ನಟನೆಗೆ ತಾನು ಮನಸೋತಿದ್ದಾಗಿ ರಾಜಮೌಳಿ ಹೇಳಿದ್ದಾರೆ. ತುಂಬಾ ಸಹಜವಾಗಿ ನಟಿಸಿದ್ದಾಳೆ. ಕೆಲವು ದೃಶ್ಯಗಳಲ್ಲಿ ಆಕೆಯ ನಟನೆ ಅದ್ಭುತ ಎಂದು ಪ್ರಶಂಸಿಸಿದ್ದಾರೆ.

ರಾಜಣ್ಣ ಚಿತ್ರ ರಾಜಮೌಳಿ ತಂದೆ ವಿಜಯೇಂದ್ರ ಪ್ರಸಾದ್ ನಿರ್ದೇಶನದಲ್ಲಿ ಮೂಡಿಬಂದಿದೆ. ಕಮರ್ಷಿಯಲ್ ಚಿತ್ರವಾಗಿರುವ ಇದು ಸಾಧಾರಣ ಯಶಸ್ಸು ಕಂಡರೂ ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಯಿತು. ಒಂದು ದೃಶ್ಯ ತುಂಬ ಉದ್ದವಾಗಿರುತ್ತದೆ. ಅಷ್ಟು ಉದ್ದದ ದೃಶ್ಯದಲ್ಲಿ ಕಣ್ಣುರೆಪ್ಪೆಗಳ ಮೂಲಕ ಭಾವನೆ ವ್ಯಕ್ತಪಡಿಸುವಂತೆ  ನಟಿಸುವುದು ಯಾರಿಂದಲೂ ಸಾಧ್ಯವಿಲ್ಲ. ಆದರೆ ಆ ಹುಡುಗಿ ಕಣ್ಣುಗಳಿಂದಲೇ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾಳೆ ಎಂದು ರಾಜಮೌಳಿ ಹೇಳಿದ್ದಾರೆ. ಆ ಹುಡುಗಿ ಅಷ್ಟು ಚೆನ್ನಾಗಿ ನಟಿಸಿದ್ದಕ್ಕೆ ನಿಮಗೆ ಅಸೂಯೆ ಆಯ್ತಾ ಅಂತ ರಾಜಮೌಳಿ ನಾಗಾರ್ಜುನ ಅವರನ್ನು ಕೇಳಿದ್ದಾರೆ.

ಅದಕ್ಕೆ ನಾಗಾರ್ಜುನ ತಮಾಷೆಯಾಗಿ ಉತ್ತರಿಸಿದ್ದಾರೆ. ಅನಿ ನನ್ನ ವಯಸ್ಸಿನವಳಾಗಿದ್ದರೆ ಖಂಡಿತ ಅಸೂಯೆ ಪಡುತ್ತಿದ್ದೆ ಎಂದಿದ್ದಾರೆ. ರಾಜಣ್ಣ ಚಿತ್ರ ಬಿಡುಗಡೆಯಾದಾಗ ಅನಿ ವಯಸ್ಸು 10 ವರ್ಷ. ಅಷ್ಟು ಚಿಕ್ಕ ವಯಸ್ಸಿನಲ್ಲಿ ಕಥೆಯನ್ನು ಹೇಗೆ ಅರ್ಥಮಾಡಿಕೊಂಡಳು ಎಂದು ನನಗೆ ಈಗಲೂ ಅರ್ಥವಾಗುತ್ತಿಲ್ಲ. ಅವಳು ನಟಿಸುವುದನ್ನು ನೋಡಿ ನನಗೆ ಆಶ್ಚರ್ಯವಾಯಿತು, ಅನಿ ನಿಜವಾಗಲೂ 10 ವರ್ಷದವಳೇನಾ ಅಂತ ಮತ್ತೊಮ್ಮೆ ಕೇಳಿದೆ ಎಂದು ನಾಗಾರ್ಜುನ ತಮಾಷೆಯಾಗಿ ಹೇಳಿದ್ದಾರೆ. ಈಗ ಅನಿ ದೊಡ್ಡ ಹುಡುಗಿಯಾಗಿದ್ದಾಳೆ. ಆಕೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. 2011 ರಲ್ಲಿ ರಾಜಣ್ಣ ಚಿತ್ರ ಬಿಡುಗಡೆಯಾಗಿತ್ತು.