ಮದುವೆಯಾಗಿ 12 ವರ್ಷಗಳ ಬಳಿಕ ಮೊದಲ ಮಗು ಸ್ವಾಗತಿಸಿದ ನಟಿ ರಾಧಿಕಾ ಆಪ್ಟೆ

ಬಾಲಿವುಡ್ ನಟಿ ರಾಧಿಕಾ ಆಪ್ಟೆ, 2012 ರಲ್ಲಿ ಪ್ರಕಾಶ್ ರಾಜ್ ನಿರ್ದೇಶನದ ಧೋನಿ ಚಿತ್ರದ ಮೂಲಕ ತಮಿಳು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ ಕಾರ್ತಿ ಜೊತೆ ಆಲ್ ಇನ್ ಆಲ್ ಅಳಗುರಾಜ ಚಿತ್ರದಲ್ಲಿ ನಟಿಸಿದರು. ರಜನಿಕಾಂತ್ ಜೊತೆ ಕಬಾಲಿ ಚಿತ್ರದಲ್ಲಿ ನಟಿಸಿದ್ದರು. ಬಳಿಕ ಹಿಂದಿಯಲ್ಲಿ ಬ್ಯುಸಿಯಾದ ಕಾರಣ ತಮಿಳು ಸಿನಿಮಾ ಕಡೆ ಮುಖ ಮಾಡಲಿಲ್ಲ.

ನಟಿ ರಾಧಿಕಾ ಆಪ್ಟೆ 2011 ರಲ್ಲಿ ಬೆನೆಡಿಕ್ಟ್ ಟೇಲರ್ ಅವರನ್ನು ಪ್ರೀತಿಸಿದರು. ಒಂದು ವರ್ಷ ಲಿವಿಂಗ್ ಟುಗೆದರ್ ನಲ್ಲಿ ಇದ್ದ ಈ ಜೋಡಿ 2012 ರಲ್ಲಿ ಮದುವೆಯಾಯಿತು. ಮದುವೆ ನಂತರ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದರಿಂದ, ರಾಧಿಕಾ ಆಪ್ಟೆ - ಬೆನೆಡಿಕ್ಟ್ ಟೇಲರ್ ಜೋಡಿ ಮಕ್ಕಳನ್ನು ಪಡೆಯಲಿಲ್ಲ. ಮೀಟೂ ಬಗ್ಗೆ ಮಾತನಾಡಿ ತೆಲುಗು ಚಿತ್ರರಂಗವನ್ನು ಬೆಚ್ಚಿ ಬೀಳಿಸಿದರು.

ತೆಲುಗು ಚಿತ್ರರಂಗದಲ್ಲಿ ಒಬ್ಬ ನಾಯಕ ತನ್ನೊಂದಿಗೆ ದುರ್ವರ್ತನೆ ಮಾಡಲು ಪ್ರಯತ್ನಿಸಿದಾಗ ಎಲ್ಲರ ಮುಂದೆ ಬೈದು ಎಚ್ಚರಿಕೆ ನೀಡಿದ್ದಾಗಿ ಸಂದರ್ಶನವೊಂದರಲ್ಲಿ ಹೇಳಿದ್ದರು. ರಜನಿಕಾಂತ್ ಅವರೇ ತಾನು ಕೆಲಸ ಮಾಡಿದ ಅತ್ಯುತ್ತಮ ನಟ ಎಂದೂ ಹೇಳಿದ್ದರು. ಈಗ ತನಗೆ ಮಗು ಹುಟ್ಟಿದೆ ಎಂದು ಅಧಿಕೃತವಾಗಿ ಘೋಷಿಸಿದ್ದಾರೆ.

ಮಗುವಿಗೆ ಹಾಲುಣಿಸುತ್ತಿರುವ ಫೋಟೋವನ್ನು ಬಿಡುಗಡೆ ಮಾಡಿರುವ ರಾಧಿಕಾ, ತನಗೆ ಮಗು ಹುಟ್ಟಿ ಒಂದು ವಾರ ಆಗಿದೆ ಎಂದು ಹೇಳಿದ್ದಾರೆ. ಆದರೆ ಮಗು ಗಂಡೋ ಹೆಣ್ಣೋ ಎಂಬ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ. 12 ವರ್ಷಗಳ ನಂತರ ಮಗುವಿಗೆ ಜನ್ಮ ನೀಡಿರುವ ನಟಿ ರಾಧಿಕಾ ಆಪ್ಟೆ - ಬೆನೆಡಿಕ್ಟ್ ಟೇಲರ್ ಜೋಡಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ.