ಪರಿಣಿತಿ ಚೋಪ್ರಾ ವಿವಾಹಕ್ಕೆ ಸಿದ್ಧತೆ, ಸಹೋದರಿ ಮದುವೆಗೆ ಬಾರದ ನಟಿ ಪ್ರಿಯಾಂಕ
ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮತ್ತು ರಾಜಕೀಯ ನಾಯಕ ರಾಘವ್ ಚಡ್ಡಾ ಸೆಪ್ಟೆಂಬರ್ 24 ರಂದು ಉದಯಪುರದಲ್ಲಿ ವಿವಾಹವಾಗಲಿದ್ದಾರೆ. ಉದಯಪುರದ ತಾಜ್ ಪ್ಯಾಲೇಸ್‌ನಲ್ಲಿ ನಡೆಯುವ ಆತ್ಮೀಯ ಸಮಾರಂಭದಲ್ಲಿ ಕುಟುಂಬ ಮತ್ತು ಆಪ್ತರು, ಸ್ನೇಹಿತರು ಮಾತ್ರ ಭಾಗವಹಿಸಲಿದ್ದಾರೆ ಎಂದು ವರದಿಯಾಗಿದೆ.
ಉದಯಪುರದ ತಾಜ್ ಪ್ಯಾಲೇಸ್‌ನಲ್ಲಿ ನಡೆಯುವ ಮದುವೆಗೆ ಕಟ್ಟು ನಿಟ್ಟಿನ ಭಿಗಿ ಭದ್ರತೆ ಮಾಡಲಾಗಿದೆ. ವಿವಾಹ ಸಮಾರಂಭವು ಅತ್ಯಂತ ಖಾಸಗಿ ಮತ್ತು ಗೌಪ್ಯವಾಗಿರುತ್ತದೆ ಎಂದು ಮೂಲಗಳು ಖಚಿತಪಡಿಸಿವೆ.
ಬಾಲಿವುಡ್-ಹಾಲಿವುಡ್‌ ನಟಿ ಪ್ರಿಯಾಂಕಾ ಚೋಪ್ರಾ ಕೂಡ ತನ್ನ ಮಗಳು ಮಾಲ್ತಿ ಮೇರಿಯೊಂದಿಗೆ ಮದುವೆಗೆ ಹಾಜರಾಗಲಿದ್ದಾರೆ. ಆದರೆ ಸಹೋದರ ಸಂಬಂಧಿಯಾಗಿರುವ ಪರಿಣಿತಾ (ಪ್ರಿಯಾಂಕ ಸಹೋದರಿ) ಮದುವೆಗೆ ಪ್ರಿಯಾಂಕಾ ಬಂದಿಲ್ಲ.
ಜೋನಾಸ್ ಬ್ರದರ್ಸ್ ಸಂಗೀತ ಕಚೇರಿಯಿಂದಾಗಿ ಮದುವೆಯನ್ನು ಮಿಸ್ ಮಾಡುತ್ತಾರೆ ಎಂದು ವರದಿಯಾಗಿತ್ತು ಆದರೆ ಪಿಗ್ಗಿ ಸ್ನೇಹಿತರ ಜೊತೆ ಇರುವ ಫೋಟೋ ವೈರಲ್ ಆಗಿದೆ.
ಸ್ನೇಹಿತೆಯ ಸೀಮಂತ ಶಾಸ್ತ್ರದಲ್ಲಿ ನಟಿ ಪ್ರಿಯಾಂಕಾ ಭಾಗಿಯಾಗಿದ್ದು, ಸಹೋದರಿ ಪರಿಣಿತಾ ಮದುವೆಯಿಂದ ತಪ್ಪಿಸಿಕೊಂಡಿದ್ದಾರೆ.
ಪರಿಣಿತಿ ಚೋಪ್ರಾ ಚಲನಚಿತ್ರ ಹಿನ್ನೆಲೆಗೆ ಸೇರಿದವರಾಗಿದ್ದರೆ, ರಾಘವ್ ಚಡ್ಡಾ ರಾಜಕಾರಣಿ ಮತ್ತು ಆಮ್ ಆದ್ಮಿ ಪಕ್ಷದ ಸದಸ್ಯರಾಗಿದ್ದಾರೆ. ಪರಿಣಿತಿ ಚೋಪ್ರಾ ಪ್ರಸ್ತುತ ತನ್ನ ಮುಂಬರುವ ಚಲನಚಿತ್ರ ಮಿಷನ್ ರಾಣಿಗಂಜ್ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಚಿತ್ರದಲ್ಲಿ ಕುಮುದ್ ಮಿಶ್ರಾ, ರವಿ ಕಿಶನ್, ಅಕ್ಷಯ್ ಕುಮಾರ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಟಿನು ಸುರೇಶ್ ದೇಸಾಯಿ ನಿರ್ದೇಶನದ ಈ ಚಿತ್ರವು ಕಲ್ಲಿದ್ದಲು ಗದ್ದೆಗಳಲ್ಲಿ ಸಿಲುಕಿದ್ದ ಹಲವಾರು ಗಣಿಗಾರರನ್ನು ರಕ್ಷಿಸಿದ ನಿಜ ಜೀವನದ ನಾಯಕ ಶ್ರೀ ಜಸ್ವಂತ್ ಸಿಂಗ್ ಗಿಲ್ ಅವರ ಜೀವನವನ್ನು ಆಧರಿಸಿದೆ. ಚಿತ್ರವು ಅಕ್ಟೋಬರ್ 6 ರಂದು ಥಿಯೇಟರ್‌ಗಳಿಗೆ ಬರಲಿದೆ.
ವಿವಾಹದ ಪೂರ್ವ ತಯಾರಿಯಾಗಿ ಬುಧವಾರ ರಾಘವ್ ಅವರ ನಿವಾಸದಲ್ಲಿ ಸೂಫಿ ನೈಟ್ ಆಯೋಜಿಸಲಾಗಿತ್ತು. ವಿವಾಹ ಪೂರ್ವ ಸಂಭ್ರಮದಲ್ಲಿ ಪರಿಣಿತಿ ಅವರ ದೊಡ್ಡಮ್ಮ, ಪ್ರಿಯಾಂಕಾ ಚೋಪ್ರಾ ಅವರ ತಾಯಿ ಮಧು ಚೋಪ್ರಾ ಮತ್ತು ಸಹೋದರ ಸಿದ್ಧಾರ್ಥ್ ಚೋಪ್ರಾ ಭಾಗವಹಿಸಿದ್ದರು. ಹರ್ಭಜನ್ ಸಿಂಗ್, ರಾಘವ್ ಅವರ ಡಿಸೈನರ್ ಚಿಕ್ಕಪ್ಪ, ಪವನ್ ಸಚ್‌ದೇವ ಮತ್ತು ಎಫ್‌ಡಿಸಿಐ ಅಧ್ಯಕ್ಷ ಸುನಿಲ್ ಸೇಥಿ ಸೇರಿದಂತೆ ಇತರ ಅತಿಥಿಗಳು ಆಚರಣೆಯಲ್ಲಿ ಪಾಲ್ಗೊಂಡಿದ್ದರು.
ಸೂಫಿ ನೈಟ್‌ನಲ್ಲಿ, ಲೈವ್ ಬ್ಯಾಂಡ್‌ ಜತೆಗೆ ಹಲವಾರು ಬಾಲಿವುಡ್ ಹಾಡುಗಳನ್ನು ನುಡಿಸಲಾಯಿತು. ಸಮಾರಂಭದಲ್ಲಿ ನುಡಿಸಲಾದ ಕೆಲವು ಹಾಡುಗಳು ತುಮ್ಹೆ ದಿಲಗಿ ಭೂಲ್ ಜಾನಿ ಪಡೆಗಿ ಮತ್ತು ಜಟ್ ಯಮ್ಲಾ ಪಾಗ್ಲಾ ದೀವಾನಾ.
ಮಂಗಳವಾರ, ಪರಿಣಿತಿ ಚೋಪ್ರಾ-ರಾಘವ್ ಚಡ್ಡಾ ಅವರು ದೆಹಲಿ ಗುರುದ್ವಾರದಲ್ಲಿ ಆಶೀರ್ವಾದ ಪಡೆದರು. ಭಾವಿ ದಂಪತಿಗಳು ಕೀರ್ತನ್ ಮತ್ತು ಅರ್ದಾಸ್ ಹಾಜರಿದ್ದರು.
ಅದ್ಧೂರಿ ವಿವಾಹಕ್ಕೆ ಸಿದ್ಧತೆಗಳು ಭರದಿಂದ ಸಾಗಿವೆ. ಭಾವೀ ದಂಪತಿಗಳು ಇಂದು ಬೆಳಿಗ್ಗೆ ಉದಯಪುರಕ್ಕೆ ಆಗಮಿಸಿದರು ವರದಿಗಳ ಪ್ರಕಾರ, ಪರಿಣಿತಿ ಅವರ ಮದುವೆಯ ಬಟ್ಟೆಯ ವಿನ್ಯಾಸವನ್ನು ವಸ್ತ್ರ ವಿನ್ಯಾಸಕ ಮನೀಶ್ ಮಲ್ಹೋತ್ರಾ ತಯಾರು ಮಾಡಿದ್ದಾರೆ.
ಮೇ ತಿಂಗಳಲ್ಲಿ ರಾಜಕಾರಣಿಯೊಂದಿಗೆ ತನ್ನ ನಿಶ್ಚಿತಾರ್ಥ ಮಾಡಿಕೊಂಡಾಗ ಕೂಡ ಪರಿಣಿತಾ, ಮಲ್ಹೋತ್ರಾ ಅವರ ಸೊಗಸಾದ ವಸ್ತ್ರವಿನ್ಯಾಸವನ್ನು ಧರಿಸಿದ್ದರು. ಆ ಸಮಯದಲ್ಲಿ, ಅವರು ಕಾಶ್ಮೀರಿ ಥ್ರೆಡ್ ವರ್ಕ್ ದುಪಟ್ಟಾದೊಂದಿಗೆ ಜೋಡಿಸಲಾದ ಮೃದು-ಗುಲಾಬಿ ಟಿಶ್ಯೂ ಸಿಲ್ಕ್ ಕುರ್ತಾ ಸೆಟ್ ಅನ್ನು ಆಯ್ಕೆ ಮಾಡಿಕೊಂಡರು, ಟೋನ್-ಆನ್-ಟೋನ್ ಕಸೂತಿ ಮತ್ತು ಮುತ್ತಿನ ಅಲಂಕಾರಗಳು ಒಳಗೊಂಡಿತ್ತು. ಡಿಸೈನರ್‌ನ ಆಭರಣ ಲೇಬಲ್‌ನಿಂದ ಬೆರಗುಗೊಳಿಸುವ ಜದೌ ಮತ್ತು ಫ್ಲಾಟ್-ಕಟ್ ಪೋಲಿ ಆಭರಣಗಳೊಂದಿಗೆ ಮಿಂಚಿದರು.
