ಮಲೆಯಾಳಂ ಜನಪ್ರಿಯ ನಟ ಜಯರಾಮ್ ಪುತ್ರ ಕಾಳಿದಾಸ್‌ ಮದುವೆಯ ಸುಂದರ ಫೋಟೋಗಳು

ನಟ ಜಯರಾಮ್ ಮತ್ತು ಪಾರ್ವತಿ ಅವರ ಪುತ್ರ ನಟ ಕಾಳಿದಾಸ್ ಜಯರಾಮ್, ತಮ್ಮ ಗೆಳತಿ ಮಾಡೆಲ್ ತಾರಿಣಿ ಕಾಳಿಂಗರಾಯರ್ ಅವರನ್ನು ಭಾನುವಾರ (ಡಿಸೆಂಬರ್ 8) ವಿವಾಹವಾದರು. ಕೇರಳದ ಗುರುವಾಯೂರ್ ದೇವಸ್ಥಾನದಲ್ಲಿ ಸಾಂಪ್ರದಾಯಿಕ ವಿಧಿವಿಧಾನಗಳೊಂದಿಗೆ ಈ ಮದುವೆ ನಡೆಯಿತು, ಮತ್ತು ದಂಪತಿಗಳು ನವದಂಪತಿಗಳಾಗಿ ತಮ್ಮ ಮೊದಲ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

ಫೋಟೋಗಳಲ್ಲಿ, ದಂಪತಿಗಳು ಕೆಂಪು ಮತ್ತು ಕಿತ್ತಳೆ ಬಣ್ಣದ ಉಡುಪುಗಳಲ್ಲಿ ಕಂಗೊಳಿಸುವುದನ್ನು ಕಾಣಬಹುದು. ತಾರಿಣಿ ಕೆಂಪು ಮತ್ತು ಚಿನ್ನದ ಬಣ್ಣದ ಅಂಚುಳ್ಳ ಕಿತ್ತಳೆ ಸೀರೆಯಲ್ಲಿ ಬೆರಗುಗೊಳಿಸುತ್ತಿದ್ದರೆ, ಕಾಳಿದಾಸ್ ಕೆಂಪು ಮತ್ತು ಚಿನ್ನದ ಅಂಚಿನ ಮುಂಡು (ವೇಸ್ಟಿ) ಧರಿಸಿದ್ದಾರೆ. 
 

ಕಾಳಿದಾಸ್ ಮತ್ತು ತಾರಿಣಿ ಅವರ ಮದುವೆಯಲ್ಲಿ ನಟ ಮತ್ತು ಸಂಸದ ಸುರೇಶ್ ಗೋಪಿ, ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಖಾತೆ ರಾಜ್ಯ ಸಚಿವ ಮತ್ತು ಲೋಕೋಪಯೋಗಿ ಮತ್ತು ಪ್ರವಾಸೋದ್ಯಮ ಸಚಿವ ಪಿ.ಎ. ಮೊಹಮ್ಮದ್ ರಿಯಾಸ್, ಅವರ ಪತ್ನಿ ವೀಣಾ, ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪುತ್ರಿ ಸೇರಿದಂತೆ ಹಲವಾರು ಗಣ್ಯರು ಭಾಗವಹಿಸಿದ್ದರು. ನಟ-ನಿರ್ದೇಶಕ ಮೇಜರ್ ರವಿ ಮತ್ತು ಇತರ ಗಣ್ಯ ಅತಿಥಿಗಳು ದಂಪತಿಗಳ ವಿಶೇಷ ದಿನದಲ್ಲಿ ಭಾಗವಹಿಸಿ ನವ ಜೋಡಿಗೆ ಶುಭ ಹಾರೈಸಿದರು. 
 

ಗುರುವಾಯೂರ್ ದೇವಸ್ಥಾನದಲ್ಲಿ ಕಾಳಿದಾಸ್ ಅವರ ಮದುವೆ ಕುಟುಂಬದ ಸಂಪ್ರದಾಯದ ಭಾಗವಾಗಿದೆ. ಅವರ ಪೋಷಕರಾದ ಜಯರಾಮ್ ಮತ್ತು ಪಾರ್ವತಿ ಅವರು ಕೂಡ 1992 ರಲ್ಲಿ ತಮ್ಮ ಚಲನಚಿತ್ರ ವೃತ್ತಿಜೀವನದ ಉತ್ತುಂಗದಲ್ಲಿ ಇದ್ದಾಗಲೇಅಲ್ಲಿ ವಿವಾಹವಾದರು. ಈ ವರ್ಷದ ಆರಂಭದಲ್ಲಿ, ಕಾಳಿದಾಸ್ ಅವರ ಸಹೋದರಿ ಮಾಳವಿಕಾ ಜಯರಾಮ್ ಅವರು ಅದೇ ದೇವಸ್ಥಾನದಲ್ಲಿ ನವನೀತ್ ಗಿರೀಶ್ ಅವರನ್ನು ವಿವಾಹವಾದರು.
 

ಮಲಯಾಳಿ ಪ್ರೇಕ್ಷಕರಿಗೆ ತಮ್ಮ ನಟನೆಯಿಂದಾಗಿ ಬಾಲ್ಯದಿಂದಲೇ ಪರಿಚಿತರಾಗಿರುವ  ಕಾಳಿದಾಸ್ ಜಯರಾಮ್, ಪ್ರಸಿದ್ಧ ನಟರಾದ ಜಯರಾಮ್ ಮತ್ತು ಪಾರ್ವತಿ ಅವರ ಹಿರಿಯ ಪುತ್ರ. ಅವರು ಕೊಚು ಕೊಚು ಸಂತೋಷಗಳು ಮತ್ತು ಎಂಟೆ ವೀಡು ಅಪ್ಪುವಿನೆಯಮ್ ಮುಂತಾದ ಜನಪ್ರಿಯ ಮಲಯಾಳಂ ಚಲನಚಿತ್ರಗಳಲ್ಲಿ ಬಾಲ ಕಲಾವಿದರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಇಂದು, ಕಾಳಿದಾಸ್ ಮಲಯಾಳಂ ಸಿನಿಮಾದಲ್ಲಿ ಮಾತ್ರವಲ್ಲದೆ ಇತರ ಪ್ರಾದೇಶಿಕ ಮತ್ತು ರಾಷ್ಟ್ರೀಯ ಚಲನಚಿತ್ರೋದ್ಯಮಗಳಲ್ಲಿಯೂ ಪ್ರಮುಖ ವ್ಯಕ್ತಿಯಾಗಿದ್ದಾರೆ. 
 

ಇತ್ತ ಕಾಳಿದಾಸ್ ಅವರನ್ನು ಕೈ ಹಿಡಿದಿರುವ  ತಾರಿಣಿ ಕಾಳಿಂಗರಾಯರ್,ಮಿಸ್ ಯೂನಿವರ್ಸ್ ಇಂಡಿಯಾ 2021 ರಲ್ಲಿ ಮೂರನೇ ರನ್ನರ್-ಅಪ್ ಆಗಿ ಗುರುತಿಸಿಕೊಂಡವರು. ವಿಷುಯಲ್ ಕಮ್ಯುನಿಕೇಷನ್ ಪದವೀಧರೆ ಆಗಿರುವ ಅವರು ಮಾಡೆಲಿಂಗ್‌ನಲ್ಲಿ ವೃತ್ತಿಜೀವನವ ಮುಂದುವರಿಸಿದ್ದಾರೆ., ಹಲವಾರು ಪ್ರಮುಖ ಬ್ರ್ಯಾಂಡ್‌ಗಳಿಗೆ ರಾಯಭಾರಿಯಾಗಿದ್ದಾರೆ.