Poonam Pandey Bold Look: ಮದುವೆ ಮುರಿದ ನಂತರ ಬೋಲ್ಡ್ ಆವತಾರದಲ್ಲಿ ಪೂನಂ ಪಾಂಡೆ !

ಕಳೆದ ವರ್ಷ ಸೆಪ್ಟೆಂಬರ್ 10 ರಂದು ಪೂನಂ ಪಾಂಡೆ ಗೆಳೆಯ ಸ್ಯಾಮ್ ಬಾಂಬೆಯನ್ನು ವಿವಾಹವಾದರು. ಆದರೆ ಮದುವೆಯಾದ ಒಂದು ವಾರದೊಳಗೆ ಪೂನಂ ತನ್ನ ಪತಿ ಸ್ಯಾಮ್ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿ ಪೊಲೀಸರಿಗೆ ದೂರು ನೀಡಿದ್ದರು. ಹಲ್ಲೆ ಪ್ರಕರಣದಲ್ಲಿ ಪೂನಂ ಪಾಂಡೆ ಪತಿಯನ್ನು ಬಂಧಿಸಲಾಗಿತ್ತು.

ಪೂನಂ ಸ್ಯಾಮ್ ವಿರುದ್ಧ ದೈಹಿಕ ಕಿರುಕುಳ, ಬೆದರಿಕೆ ಮತ್ತು ಹಲ್ಲೆ ಆರೋಪಗಳನ್ನು ಹೊರಿಸಿದ್ದರು.ಇಷ್ಟೇ ಅಲ್ಲ ಪೂನಂ ಮದುವೆಯನ್ನು ಮುರಿಯುವ ಬಗ್ಗೆ ಸಹ ಮಾತನಾಡಿದ್ದರು. ಈ ಬಾರಿ ಮತ್ತೆ ಅವರ ಬಳಿ ಹೋಗಲು ಮನಸ್ಸಿಲ್ಲ.ಯೋಚಿಸದೆ ಮೃಗದಂತೆ ಹೊಡೆದವರ ಬಳಿಗೆ ಹಿಂತಿರುಗುವುದು ಬುದ್ಧಿವಂತ ನಿರ್ಧಾರ ಎಂದು ನಾನು ಭಾವಿಸುವುದಿಲ್ಲ ಎಂದು ಹೇಳಿದ್ದರು. ಆದರೆ, ನಂತರ ಅವರು ರಾಜಿ ಮಾಡಿಕೊಂಡರು ಎಂದು ವರದಿಯಾಗಿದೆ.

ಈಗ ಪೂನಂ ಅವರು ತಮ್ಮ ಪತಿಯಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ ಮತ್ತು ವಿಚ್ಛೇದನದ ಪ್ರಶ್ನೆ ಉದ್ಭವಿಸುವುದಿಲ್ಲ ಏಕೆಂದರೆ ಅವರ ಮದುವೆ ಎಂದಿಗೂ ಕಾನೂನುಬದ್ಧವಾಗಿಲ್ಲ ಎಂದು  ಪ್ರಸಿದ್ಧ ವೆಬ್‌ಸೈಟ್‌ಗೆ ನೀಡಿದ ಸಂದರ್ಶನದಲ್ಲಿ ಪೂನಂ ಹೇಳಿದ್ದಾರೆ. ಅಲ್ಲದೆ, ಪೂನಂ ತನ್ನ ಮಕ್ಕಳೊಂದಿಗೆ (ಎರಡು ನಾಯಿಗಳು) ತುಂಬಾ ಸಂತೋಷದ ಜೀವನವನ್ನು ಆನಂದಿಸುತ್ತಿದ್ದೇನೆ ಎಂದು ಹೇಳಿದ್ದಾರೆ.

ಮದುವೆಯ ಅನುಭವ ತುಂಬಾ ನೋವಿನಿಂದ ಕೂಡಿದೆ ಎಂದು ವಿವರಿಸಿದ ಅವರು, ತಮ್ಮ ಮದುವೆಯನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನಿಸಿದರು. ಆದರೆ ಅದು ಸಾಧ್ಯವಾಗಲಿಲ್ಲ ಮತ್ತು ಪ್ರತ್ಯೇಕವಾಗಿ ಉಳಿಯುವುದು ಉತ್ತಮ ಎಂದು ಪೂನಂ ಪಾಂಡೆ ಹೇಳಿದ್ದಾರೆ.

ಅಂದಹಾಗೆ, ಪೂನಂ ಜೀವನದಲ್ಲಿ ಇದು ಮೊದಲ ವಿವಾದವಲ್ಲ. ಅವರ ಜೀವನವು ವಿವಾದಗಳಿಂದ ತುಂಬಿದೆ. ಕರೋನಾ ಲಾಕ್‌ಡೌನ್ ಸಮಯದಲ್ಲಿ ಮನೆ ಹೊರಗೆ ತಿರುಗಾಡುವಾಗ ಪೂನಂ ಅವರನ್ನು ಬಂಧಿಸಲಾಯಿತು. ಲಾಕ್‌ಡೌನ್ ಉಲ್ಲಂಘಿಸಿದ್ದಕ್ಕಾಗಿ ಮುಂಬೈ ಪೊಲೀಸರು ಅವರನ್ನು ಮತ್ತು ಅವರ ಭಾವೀ ಪತಿಯನ್ನು ಬಂಧಿಸಿದ್ದರು. 

2011ರ ವಿಶ್ವಕಪ್‌ನಲ್ಲಿ ಭಾರತ ಗೆದ್ದರೆ ಬಟ್ಟೆಯನ್ನೆಲ್ಲಾ ಕಳಚುತ್ತೇನೆ ಎಂದು ಹೇಳುವ ಮೂಲಕ ಪೂನಂ ಸಂಚಲನ ಮೂಡಿಸಿದ್ದರು. ಇದಾದ ಬಳಿಕ ಅವರು ಸಾಕಷ್ಟು ಟೀಕೆಗಳಿಗೂ ಗುರಿಯಾಗಿದ್ದರು. ಇದಾದ ಬಳಿಕ 2016ರಲ್ಲಿ ಭಾರತ ತಂಡ ಬಾಂಗ್ಲಾದೇಶ ವಿರುದ್ಧ ಗೆದ್ದಾಗ ಪೂನಂ ಪಾಂಡೆ ತಮ್ಮ ಅರೆ ನಗ್ನ ಫೋಟೋವನ್ನು ಶೇರ್ ಮಾಡಿದ್ದರು. ಅವರ ಈ ಫೋಟೋ ಸಾಕಷ್ಟು ವಿವಾದಕ್ಕೆ ಒಳಗಾಗಿತ್ತು.

ಇಷ್ಟೇ ಅಲ್ಲ ಪೂನಂ ಪಾಂಡೆ ತನ್ನ ಬಾತ್ ರೂಂ ಸೀಕ್ರೆಟ್ ಡ್ಯಾನ್ಸ್ ಅನ್ನು ಯೂಟ್ಯೂಬ್ ನಲ್ಲಿ ಬಿಡುಗಡೆ ಮಾಡಿದ್ದರು. ನಂತರ ವಿವಾದಗಳಿಂದಾಗಿ ಯೂಟ್ಯೂಬ್‌ನಿಂದ ಅದನ್ನು ನಿರ್ಬಂಧಿಸಲಾಯಿತು. ಪೂನಂ ಪಾಂಡೆ ಅಶ್ಲೀಲ ವಿಡಿಯೋ ಮಾಡಿ ವಿವಾದಕ್ಕೆ ಸಿಲುಕಿದ್ದರು. ಗೋವಾದಲ್ಲಿ ಅಶ್ಲೀಲ ವೀಡಿಯೊಗಳನ್ನು ಚಿತ್ರೀಕರಿಸಿದ ಆರೋಪ ಅವರ ಮೇಲಿತ್ತು.

ಪೂನಂ ಪಾಂಡೆ 2013 ರಲ್ಲಿ 'ನಶಾ' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಈ ವಯಸ್ಕ ಪ್ರಮಾಣಪತ್ರ ಚಿತ್ರದಲ್ಲಿ, ಪೂನಂ ತನ್ನ ವಿದ್ಯಾರ್ಥಿಯೊಂದಿಗೆ ಲೈಂಗಿಕ ಸಂಬಂಧ ಹೊಂದಿರುವ ಶಿಕ್ಷಕಿಯ ಪಾತ್ರವನ್ನು ನಿರ್ವಹಿಸಿದ್ದಾರೆ.

ಪೂನಂ ಪಾಂಡೆ ತಮ್ಮದೇ ಆದ ಆಂಡ್ರಾಯ್ಡ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದರು. ಆದರೆ ಅದನ್ನು ಗೂಗಲ್ ನಿಷೇಧಿಸಿತು. ಇದರ ನಂತರ ಪೂನಂ ಪಾಂಡೆ ತನ್ನ ವೆಬ್‌ಸೈಟ್ ಅನ್ನು ನಡೆಸುತ್ತಾರೆ ಮತ್ತು ಅವರು ಆಗಾಗ್ಗೆ ತನ್ನ ನಗ್ನ ವೀಡಿಯೊಗಳನ್ನು ಅದರಲ್ಲಿ ಪೋಸ್ಟ್ ಮಾಡುತ್ತಾರೆ. 

ಪೂನಂ ಪಾಂಡೆ ಅವರ ಆ್ಯಪ್ ಬ್ಯಾನ್ ಆಗಿದರೂ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಜನಪ್ರಿಯರಾಗಿದ್ದಾರೆ. ಪೂನಂ ಅವರು ಪ್ರಸ್ತುತ Instagram ನಲ್ಲಿ 186K ಗಿಂತ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ ಎಂಬ ಅಂಶದಿಂದ ಅವರ ಜನಪ್ರಿಯತೆಯನ್ನು ಅಳೆಯಬಹುದು.