ತಮಿಳಿನ ಈ ಸಿನಿಮಾ ರೀಮೇಕ್ ಮಾಡಿ ಸೂಪರ್ ಹಿಟ್ ಮಾಡಿದ ಯಶ್!

ಕನ್ನಡ ಚಿತ್ರರಂಗದ ದಿಕ್ಕನ್ನೇ ಬದಲಿಸಿದ ಸಿನಿಮಾ ಅಂದ್ರೆ ಅದು ಕೆಜಿಎಫ್. ಬೇರೆ ಭಾಷೆಗಳ ಸಿನಿಮಾಗಳನ್ನು ರೀಮೇಕ್ ಮಾಡ್ತಿದ್ದ ಕನ್ನಡ ಚಿತ್ರರಂಗ, ಕೆಜಿಎಫ್ ಮೂಲಕ ವಿಶ್ವದ ಗಮನ ಸೆಳೆಯಿತು. ಪ್ರಶಾಂತ್ ನೀಲ್ ನಿರ್ದೇಶನದ ಈ ಚಿತ್ರದಲ್ಲಿ ಯಶ್, ರಾಕಿ ಭಾಯ್ ಎಂಬ ಗ್ಯಾಂಗ್‌ಸ್ಟರ್ ಆಗಿ ಮಿಂಚಿದ್ರು. ಈ ಚಿತ್ರ ಪ್ಯಾನ್ ಇಂಡಿಯಾದಲ್ಲಿ ಸೂಪರ್ ಹಿಟ್ ಆದ ನಂತರ, ಎರಡನೇ ಭಾಗವನ್ನೂ ನಿರ್ಮಿಸಲಾಯಿತು.

ಸಾಮಾನ್ಯವಾಗಿ ಎರಡನೇ ಭಾಗದ ಚಿತ್ರಗಳು ಸೋಲುತ್ತವೆ ಎಂಬ ಭಾವ ಇತ್ತು. ಆದರೆ, 2022 ರಲ್ಲಿ ಬಿಡುಗಡೆಯಾದ ಕೆಜಿಎಫ್ 2 ಈ ಎಲ್ಲಾ ನಿರೀಕ್ಷೆಗಳನ್ನು ಮೀರಿ ಸೂಪರ್ ಡೂಪರ್ ಹಿಟ್ ಆಯಿತು . ಮೊದಲ ಭಾಗಕ್ಕಿಂತಲೂ ಎರಡನೇ ಭಾಗ ದೊಡ್ಡ ಗೆಲುವು ಸಾಧಿಸಿತು. ಕೆಜಿಎಫ್ 2 ಬರೋಬ್ಬರಿ 1200 ಕೋಟಿ ರೂಪಾಯಿಗೂ ಹೆಚ್ಚು ಗಳಿಕೆ ಕಂಡಿತು. ತಮಿಳುನಾಡಿನಲ್ಲಿ ವಿಜಯ್ ಅವರ ಬೀಸ್ಟ್ ಚಿತ್ರಕ್ಕೆ ಪೈಪೋಟಿಯಾಗಿ ಬಿಡುಗಡೆಯಾಗಿ, ಗಳಿಕೆಯಲ್ಲಿ ಅದನ್ನೂ ಮೀರಿಸಿತು.

ಕೆಜಿಎಫ್ 2ರ ಯಶಸ್ಸಿನ ನಂತರ, ಎರಡು ವರ್ಷಗಳ ಕಾಲ ತಮ್ಮ ಮುಂದಿನ ಚಿತ್ರದ ಬಗ್ಗೆ ಯಾವುದೇ ಮಾಹಿತಿ ನೀಡದ ಯಶ್, ಇತ್ತೀಚೆಗೆ ತಮ್ಮ ಹೊಸ ಚಿತ್ರದ ಚಿತ್ರೀಕರಣವನ್ನು ಆರಂಭಿಸಿದ್ದಾರೆ. ಟಾಕ್ಸಿಕ್ ಎಂಬ ಚಿತ್ರದಲ್ಲಿ ಯಶ್ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಕೀರ್ತಿ ಮೋಹನ್ ದಾಸ್ ನಿರ್ದೇಶಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ನಟಿ ನಯನತಾರಾ, ಯಶ್ ಅವರ ಅಕ್ಕನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಟಾಕ್ಸಿಕ್ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಇದು ಪ್ಯಾನ್ ವರ್ಲ್ಡ್ ಸಿನಿಮವಾಗಿ ನಿರ್ಮಾಣವಾಗುತ್ತಿದೆ.

ಕನ್ನಡ ಚಿತ್ರರಂಗದಲ್ಲಿ ಭಾರಿ ಯಶಸ್ಸು ಗಳಿಸಿ, ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೊರಹೊಮ್ಮಿರುವ ಯಶ್, ಕೆಜಿಎಫ್‌ಗೂ ಮುನ್ನ 20ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವುಗಳಲ್ಲಿ ಹೆಚ್ಚಿನವು ರೀಮೇಕ್ ಚಿತ್ರಗಳು. ಅದರಲ್ಲಿ ಒಂದು, ತಮಿಳಿನಲ್ಲಿ ವಿಮಲ್ ಮತ್ತು ಓವಿಯಾ ನಟಿಸಿದ್ದ ಬ್ಲಾಕ್‌ಬಸ್ಟರ್ ಹಿಟ್ ಚಿತ್ರ ಕಲಾವನಿ. ಈ ಚಿತ್ರದ ಕನ್ನಡ ರೀಮೇಕ್‌ನಲ್ಲಿ ಯಶ್ ನಾಯಕನಾಗಿ ನಟಿಸಿದ್ದರು. ಕನ್ನಡದ ಮೂಲ ಸಿನಿಮಾ ಕಿರಾತಕವೂ ಸೂಪರ್ ಹಿಟ್ ಆಗಿತ್ತು.

ಕೆಜಿಎಫ್‌ನಂತಹ ಬೃಹತ್ ಸಿನಿಮಾದಲ್ಲಿ ನಟಿಸಿ ಖ್ಯಾತಿ ಗಳಿಸಿದ ಯಶ್, ಕಲಾವನಿಯಂತಹ ಸಣ್ಣ ಬಜೆಟ್‌ನ ಚಿತ್ರದಲ್ಲೂ ನಟಿಸಿರುವುದು ಕನ್ನಡೇತರ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ. ಕಲಾವನಿ ಚಿತ್ರವನ್ನು 2011 ರಲ್ಲಿ ಕನ್ನಡದಲ್ಲಿ ಕಿರಾತಕ ಎಂಬ ಹೆಸರಿನಲ್ಲಿ ರೀಮೇಕ್ ಮಾಡಲಾಗಿತ್ತು. ಕಿರಾತಕ ಸಿನಿಮಾದಲ್ಲೂ ಓವಿಯಾ ಅವರೇ ನಾಯಕಿಯಾಗಿದ್ದರು. ಈ ಚಿತ್ರ ಕೂಡ ಬ್ಲಾಕ್‌ಬಸ್ಟರ್ ಹಿಟ್ ಆಗಿತ್ತು. ಕಲಾವನಿ ರೀಮೇಕ್ ಕಿರಾತಕದಲ್ಲಿ ಯಶ್ ನಟಿಸಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಇದನ್ನು ನೋಡಿದ ನೆಟ್ಟಿಗರು, ಇಷ್ಟು ದಿನ ಇದು ಗೊತ್ತಿರಲಿಲ್ಲವಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.