35 ವರ್ಷಗಳಿಂದ ಬೇರೆ ಇರುವ ಅಪ್ಪ-ಅಮ್ಮನ ಬಗ್ಗೆ ಕರೀನಾ ಮಾತು

ಎರಡನೇ ಬಾರಿ ತಾಯಿಯಾಗಲಿರುವ ಬಾಲಿವುಡ್‌ ನಟಿ  ಕರೀನಾ ಕಪೂರ್  ತನ್ನ 7ನೇ ತಿಂಗಳ ಪ್ರೆಗ್ನೆಂಸಿಯಲ್ಲೂ  ಜಾಹೀರಾತು ಮತ್ತು ಚಾಟ್ ಶೋಗಳ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಮುಂಬಯಿಯ ಬೀದಿಗಳಲ್ಲಿ ಅಥವಾ ಸ್ಟುಡಿಯೋದಲ್ಲಿ  ನಟಿಯನ್ನು ಪ್ರತಿದಿನ ಕಾಣಬಹುದು. ಪ್ರೆಗ್ನೆಂಸಿ  ಮನೆಯಲ್ಲಿ ಕುಳಿತು ವಿಶ್ರಾಂತಿ ಪಡೆಯಬೇಕಾದ ರೋಗವಲ್ಲ ಎಂದು ಹೇಳಿದ್ದಾರೆ ಕರೀನಾ. ಈ ನಡುವೆ , ಚಾಟ್ ಶೋವೊಂದರಲ್ಲಿ, ಕರೀನಾ ತಂದೆ  ರಣಧೀರ್ ಕಪೂರ್ ಮತ್ತು ಮಮ್ಮಿ ಬಬಿತಾ ನಡುವಿನ   ಸಂಬಂಧದ ಬಗ್ಗೆ ಅನೇಕ ವಿಷಯಗಳನ್ನು ಬಹಿರಂಗಪಡಿಸಿದರು. ಈ ದಂಪತಿಗಳು 35 ವರ್ಷಗಳಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ ಎಂದು ನಿಮಗೆ ತಿಳಿದಿತ್ತಾ?

ಕರೀನಾ ಅನೇಕ ವರ್ಷಗಳ ಹಿಂದೆ ತನ್ನ ಹೆತ್ತವರು ಬೇರೆಯಾಗಿರುವುದನ್ನು ನೋಡಿದ್ದಾರೆ.  ಆದರೆ ಈಗ  ಈ ಸಂಬಂಧದ ಬಗ್ಗೆ ಸಾಕಷ್ಟು ಬಹಿರಂಗಪಡಿಸಿದ್ದಾರೆ.  

ಇತ್ತೀಚಿನ ಸಂದರ್ಶನವೊಂದರಲ್ಲಿ, ತಂದೆ ತಾಯಿ ಬೇರೆಯಾದ ನಂತರ ಬಬಿತಾ ಇಬ್ಬರೂ ಸಹೋದರಿಯರನ್ನು  ಸಿಂಗಲ್‌ ಮದರ್‌ ಆಗಿ  ಹೇಗೆ ಬೆಳೆಸಿದರು ಎಂದು ಹೇಳಿದರು ಬೇಬೊ.

'ಹೌದು,  ತಾಯಿ ನನ್ನ ಬೆಸ್ಟ್‌ ಫ್ರೆಂಡ್‌ ಎಂದು  ನಾನು ನಂಬಿದ್ದೇನೆ. ಆದರೆ ನಾನು ನನ್ನ ತಂದೆಯನ್ನು ತುಂಬಾ ಗೌರವಿಸುತ್ತೇನೆ ಮತ್ತು ಅವರನ್ನು ತುಂಬಾ ಪ್ರೀತಿಸುತ್ತೇನೆ' ಎಂದಿದ್ದಾರೆ ಕರೀನಾ. 

'ಅವರಿಬ್ಬರೂ ತಮ್ಮ ಭಾವನೆಗಳನ್ನು ಇತರರ ಮುಂದೆ ವ್ಯಕ್ತಪಡಿಸುವುದಿಲ್ಲ. ಅವರು ತಮ್ಮ ಜವಾಬ್ದಾರಿಯನ್ನು ಬಹಳ ಮೌನವಾಗಿ ಮುಂದುವರಿಸುತ್ತಾರೆ. ಅವರು ಯಾವಾಗಲೂ ನಮ್ಮ ಹಿಂದೆ ನಿಲ್ಲುತ್ತಾರೆ. ಅವರು ಯಾರ ಗಮನವನ್ನು ಬಯಸುವುದಿಲ್ಲ'  ಎಂದು ಕರೀನಾ ಕಪೂರ್‌ ಹೇಳಿದ್ದಾರೆ.

'ನನ್ನ ಹೆತ್ತವರು ಬಹಳ ಸುಂದರವಾದ ಸಂಬಂಧವನ್ನು ಹೊಂದಿದ್ದಾರೆ. ಕೆಲವೊಮ್ಮೆ ಇಬ್ಬರು ಒಟ್ಟಿಗೆ ತಮ್ಮ ಜೀವನವು ಇರಬೇಕಾಗಿಲ್ಲ ಎಂದು ಭಾವಿಸಿದ್ದಾರೆ. ಆದ್ದರಿಂದ ಅವರು ಒಟ್ಟಿಗೆ ಬದುಕದಿರಲು ನಿರ್ಧರಿಸಿದ್ದಾರೆ' ಆದರೆ ಇನ್ನೂ ಪರಸ್ಪರ ಸ್ನೇಹಿತರಾಗಿ ಉಳಿದಿದ್ದಾರೆ. 35 ವರ್ಷಗಳಿಂದ ಇಬ್ಬರೂ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ ' ಎಂದು ಕರೀನಾ ತಮ್ಮ ಪೋಷಕರ ಸಂಬಂಧದ ಬಗ್ಗೆ ರಿವೀಲ್‌ ಮಾಡಿದರು..

ಕರೀನಾರ ತಂದೆ ಫ್ಯಾಮಿಲಿ ಜೊತೆ ಜಗಳವಾಡಿ 1971 ರಲ್ಲಿ ಬಬಿತಾರನ್ನು ವಿವಾಹವಾದರು. ಆದರೆ ಯಾವುದಕ್ಕಾಗಿ ಅವರು ಕುಟುಂಬದೊಂದಿಗೆ ಜಗಳವಾಡಿದರೋ ಆ ಬಬಿತಾ ಈಗ ಅವರ ಜೊತೆಗೆ ಇಲ್ಲ. 

ರಣಧೀರ್ ಪಂಜಾಬಿ ಮತ್ತು ಬಬಿತಾ ಸಿಂಧಿ ಕುಟುಂಬಕ್ಕೆ ಸೇರಿದವರು. ಇಬ್ಬರೂ ತಮ್ಮ ಮದುವೆಗಾಗಿ ಕುಟುಂಬದಲ್ಲಿ ಮಾತನಾಡಿದಾಗ, ಎಲ್ಲರೂ ಅವರ ವಿರುದ್ಧ ನಿಂತರು.

ರಣಧೀರ್ ಮತ್ತು ಬಬಿತಾ ಮದುವೆಯಲ್ಲಿ ಕುಟುಂಬ ಮತ್ತು ಆಪ್ತರು ಮಾತ್ರ ಭಾಗವಹಿಸಿದ್ದರು. ಮದುವೆಯ ನಂತರ, ಈ ಕಪಲ್‌  ಪ್ರತ್ಯೇಕ ಫ್ಲ್ಯಾಟ್‌ನಲ್ಲಿ ವಾಸಿಸಲು ಪ್ರಾರಂಭಿಸಿದರು. .

ಕರಿಷ್ಮಾ 1974 ರಲ್ಲಿ ಮತ್ತು ಕರೀನಾ 1980 ರಲ್ಲಿ ಜನಿಸಿದರು. ಚಲನಚಿತ್ರ ವೃತ್ತಿಜೀವನವನ್ನು ತ್ಯಜಿಸಿದ ಬಬಿತಾ ತಮ್ಮ ಹೆಣ್ಣುಮಕ್ಕಳನ್ನು ನಟಿಯನ್ನಾಗಿ ಮಾಡಲು ಬಯಸಿದ್ದರು.

ಮದುವೆಯಾದ ಸ್ವಲ್ಪ ಸಮಯದ ನಂತರ, ಬಬಿತಾ ರಣಧೀರ್ ನಡುವಿನ ಸಂಬಂಧ ಹಾಳಾಗಲು ಫ್ರಾರಂಭವಾಯಿತು. ರಣಧೀರ್ ಏನೂ ಮಾಡದಿರುವ ಬಗ್ಗೆ ಬಬಿತಾ ಅಸಮಾಧಾನಗೊಂಡಿದ್ದರು. ನಂತರ ಬಬಿತಾ ಕಪೂರ್ ಕುಟುಂಬವನ್ನು ತೊರೆದು ಪ್ರತ್ಯೇಕವಾಗಿ ವಾಸಿಸಲು  ಪ್ರಾರಂಭಿಸಿದರು. 

ಬಬಿತಾ ತನ್ನ ಹೆಣ್ಣುಮಕ್ಕಳಾದ ಕರಿಷ್ಮಾ ಮತ್ತು ಕರೀನಾ ಅವರ ವೃತ್ತಿಜೀವನದತ್ತ ಗಮನ ಹರಿಸಿದರು. ಕಪೂರ್ ಕುಟುಂಬದ ವಿರೋಧದ ನಂತರವೂ ಇಬ್ಬರೂ ಸಿನಿಮಾರಂಗದಲ್ಲಿ ತಮ್ಮ ಕೆರಿಯರ್‌ ರೂಪಿಸಿಕೊಂದಿದ್ದಾರೆ ಹಾಗೂ ಸಖತ್‌ ಫೇಮಸ್‌ ಸಹ ಆಗಿದ್ದಾರೆ.