ಮತ್ತೆ ಆಲಿಯಾ ಭಟ್ ವಿರುದ್ಧ ಕಿಡಿ ಕಾರಿದ ಕಂಗನಾ ರಣಾವತ್!
ಬಾಲಿವುಡ್ ನಟಿ ಕಂಗನಾ ರಣಾವತ್ ಆಲಿಯಾ ಭಟ್ ಅವರ ಕನ್ಯಾದಾನ್‌ ಜಾಹೀರಾತಿನ ಬಗ್ಗೆ ಕೋಪಗೊಂಡಿದ್ದಾರೆ. ಅಲಿಯಾರ ಮೇಲಿನ ಅಸಮಾಧಾನದಿಂದ ಕಂಗನಾ ಸುದೀರ್ಘವಾದ ಪೋಸ್ಟ್ ಹಂಚಿಕೊಂಡಿದ್ದಾರೆ. ಕಂಗನಾ ಕೋಪಗೊಳ್ಳುವಂತಹ ವಿಷಯ ಏನಿದೆ ಆ ಜಾಹೀರಾತಿನಲ್ಲಿ? ಇಲ್ಲಿದೆ ವಿವರ.
ಆಲಿಯಾ ಭಟ್ ಇತ್ತೀಚಿನ ದಿನಗಳಲ್ಲಿ ಜಾಹೀರಾತಿನ ಕಾರಣದಿಂದ ಮುಖ್ಯಾಂಶದಲ್ಲಿದ್ದಾರೆ. ಬಟ್ಟೆ ಬ್ರಾಂಡ್ ಮಾನ್ಯವರ್ ಮೊಹೆಯ ಜಾಹೀರಾತಿನಿಂದಾಗಿ, ಜನರು ಆಲಿಯಾವನ್ನು ತೀವ್ರವಾಗಿ ಟ್ರೋಲ್ (Troll) ಮಾಡುತ್ತಿದ್ದಾರೆ. ಈಗ ಕಂಗನಾ ರಣಾವತ್ ಸಹ ಆಲಿಯಾರ ಈ ಜಾಹೀರಾತಿಗೆ ಪ್ರತಿಕ್ರಿಯಿಸಿದ್ದಾರೆ.
ಆಲಿಯಾರ ಬಗ್ಗೆ ಅಸಮಾಧಾನಗೊಂಡಿರುವ ಕಂಗನಾ ಸಾಮಾಜಿಕ ಮಾಧ್ಯಮದಲ್ಲಿ ದೀರ್ಘವಾದ ಪೋಸ್ಟ್ ಅನ್ನು ಹಂಚಿಕೊಳ್ಳುವ ಮೂಲಕ ತನ್ನ ಕೋಪವನ್ನು ವ್ಯಕ್ತಪಡಿಸಿದ್ದಾರೆ. ಕಂಗನಾರ ಈ ಪೋಸ್ಟ್‌ಗೆ ಜನರು ಹೊಗಳುತ್ತಿದ್ದಾರೆ. 'ದೃಡವಾಗಿ ನಿಲುವು ತೆಗೆದುಕೊಳ್ಳುವ ಏಕೈಕ ನಟಿ ನೀವು' ಎಂದು ಒಬ್ಬ ವ್ಯಕ್ತಿ ಹೇಳಿದ್ದಾರೆ.
ಈ ಜಾಹೀರಾತಿನಲ್ಲಿ ಆಲಿಯಾ ಭಟ್ ತಮ್ಮ ಸ್ವಂತ ಮದುವೆಯಲ್ಲಿ ವಧುವಾಗಿ 'ಕನ್ಯಾದಾನ' ಸಂಪ್ರದಾಯದಿಂದ ಸಂತೋಷವಾಗಿಲ್ಲ ಎಂದು ಕಂಡು ಬರುತ್ತದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಕಂಗನಾ ದೀರ್ಘವಾದ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರು ಜಾಹೀರಾತನ್ನು ಪ್ರಶ್ನಿಸಿ ಆಲಿಯಾರನ್ನು ಟ್ಯಾಗ್ ಮಾಡಿದ್ದಾರೆ.
'ನಾವು ಟಿವಿಯಲ್ಲಿ ತ್ಯಾಗ ಮಾಡುವ ತಂದೆಯನ್ನು ಹೆಚ್ಚಾಗಿ ನೋಡುತ್ತೇವೆ, ಗಡಿಯಲ್ಲಿ ಮಗನನ್ನು ಕಳೆದುಕೊಂಡಾಗ, ಆಗಲೂ ಅವರು ಹೇಳುತ್ತಾರೆ. ನನಗೆ ಇನ್ನೊಬ್ಬ ಮಗನಿದ್ದಾನೆ, ಅದನ್ನೂ ನಾನು ಮಾತೃ ಭೂಮಿಗೆ ದಾನ ಮಾಡುತ್ತೇನೆ. ಅವರು ಯಾವಾಗಲೂ ಕನ್ಯಾದಾನದ ಕಲ್ಪನೆಯನ್ನು ಕೀಳಾಗಿಸಲು ಪ್ರಾರಂಭಿಸುತ್ತಾರೆ. ಆಗ ರಾಮ ರಾಜ್ಯವನ್ನು ಸ್ಥಾಪಿಸುವ ಸಮಯ ಬಂದಿದೆ ಎಂದು ನಿಮಗೆ ಅರ್ಥವಾಗುತ್ತದೆ. ಕೇವಲ ತಪಸ್ವಿಗಳ ಜೀವನವನ್ನು ನಡೆಸಲು ರಾಜ ಎಲ್ಲವನ್ನೂ ತ್ಯಜಿಸಿದನು. ದಯವಿಟ್ಟು, ಹಿಂದೂಗಳನ್ನು ಮತ್ತು ಅವರ ಪದ್ಧತಿಗಳನ್ನು ಗೇಲಿ ಮಾಡುವುದನ್ನು ನಿಲ್ಲಿಸಿ. ಭೂಮಿ ಮತ್ತು ಮಹಿಳೆ ಇಬ್ಬರನ್ನೂ ಧರ್ಮಗ್ರಂಥಗಳಲ್ಲಿ ತಾಯಿ ಎಂದು ವಿವರಿಸಲಾಗಿದೆ, ಆಕೆಯನ್ನು ಫಲವತ್ತತೆಯ ದೇವತೆ ಎಂದು ಪೂಜಿಸಲಾಗುತ್ತದೆ' ಎಂದು ಕಂಗನಾ ಬರೆದಿದ್ದಾರೆ.
'ಹಿಂದೂ ಧರ್ಮವು ಬಹಳ ಸೂಕ್ಷ್ಮ ಮತ್ತು ವೈಜ್ಞಾನಿಕವಾಗಿದೆ. ಮದುವೆಯ ಸಮಯದಲ್ಲಿ ಮಹಿಳೆ ತನ್ನ ಗೋತ್ರ ಬಿಟ್ಟು ಇನ್ನೊಂದು ಗೋತ್ರವನ್ನು ಪ್ರವೇಶಿಸುತ್ತಾಳೆ. ಇದಕ್ಕಾಗಿ ಅವನು ತನ್ನ ತಂದೆಯಿಂದ ಮಾತ್ರವಲ್ಲದೆ ಪೂರ್ವಜರಿಂದಲೂ ಅನುಮತಿ ಪಡೆಯಬೇಕು. ಈ ಬದಲಾವಣೆಗೆ ತಂದೆ ಮಗಳಿಗೆ ಅನುಮತಿಯನ್ನು ನೀಡುತ್ತಾನೆ ಮತ್ತು ಆತನ ಗೋತ್ರದಿಂದ ಅವಳನ್ನು ಮುಕ್ತಗೊಳಿಸುತ್ತಾನೆ. ಆದರೆ ಹಿಂದುಳಿದ ಜನರಿಗೆ ಈ ಸಂಕೀರ್ಣ ವಿಜ್ಞಾನ ಅರ್ಥವಾಗುವುದಿಲ್ಲ. ಅಂತಹ ಜಾಹೀರಾತುಗಳನ್ನು ನಿಷೇಧಿಸುವುದು ಉತ್ತಮ,' ಎಂದು ಇನ್ನೊಂದು ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.
ಬಹಳಷ್ಟು ಸಾರಿ ಈ ಬಾಲಿವುಡ್ ಕ್ವೀನ್ ಕಂಗನಾ ಸುಮ್ ಸುಮ್ನೆ ಎಲ್ಲವಕ್ಕೂ ಮೂಗು ತೂರಿಸಿಕೊಂಡು ಹೋಗುತ್ತಾರೆ ಎಂದೆನಿಸುವುದಿದೆ. ಆದರೆ, ಅವರ ನಿಲುವು ಮಾತ್ರ ಯಾವಾಗಲು ಸ್ಪಷ್ಟವಾಗಿರುತ್ತದೆ.
ಈ ಜಾಹೀರಾತಿನಲ್ಲಿ ಏನಿದೆ? ಈ ಜಾಹೀರಾತಿನಲ್ಲಿ ಆಲಿಯಾ ವಧುವಿನಂತೆ ಕಾಣಿಸಿಕೊಂಡಿದ್ದಾರೆ. ಆಲಿಯಾ ತನ್ನ ಗಂಡನ ಹಿಂದೆ ಮದುವೆ ಮಂಟಪದಲ್ಲಿ ಕುಳಿತಿದ್ದಾರೆ. ನಾನು ದಾನ ಮಾಡುವ ವಸ್ತುವಾ? ಕನ್ಯಾದಾನ ಮಾತ್ರ ಏಕೆ? ಎಂದು ಜಾಹೀರಾತಿನಲ್ಲಿ ಆಲಿಯಾ ಹೇಳುತ್ತಾರೆ.
