ಕಮಲ್ ಹಾಸನ್ ಹೆಣ್ಮಕ್ಕಳ ಧ್ವನಿಯಲ್ಲಿ ಹಾಡಿ ಹಿಟ್ ಆದ ಹಾಡುಗಳು
ನಟ ಕಮಲ್ ಹಾಸನ್ ಲೇಡಿ ವಾಯ್ಸ್ನಲ್ಲಿ ಹಾಡಿದ ಹಾಡುಗಳು ಅಭಿಮಾನಿಗಳ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿವೆ. ಆ ಹಾಡುಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಕಮಲ್ ಹಾಸನ್ ಹೆಣ್ಣು ಧ್ವನಿಯ ಹಾಡುಗಳು
ಸಿನಿಮಾಕ್ಕಾಗಿಯೇ ತಮ್ಮನ್ನು ಅರ್ಪಿಸಿಕೊಂಡ ನಟ ಅಂದ್ರೆ ಅದು ಕಮಲ್ ಹಾಸನ್. ಅವರು ನಟನೆಯಲ್ಲಿ ಮಾತ್ರವಲ್ಲದೆ ನಿರ್ಮಾಪಕ, ನಿರ್ದೇಶಕ, ಗಾಯಕ, ಗೀತರಚನೆಕಾರ ಹೀಗೆ ಬಹುಮುಖ ಪ್ರತಿಭೆ ಹೊಂದಿದ್ದಾರೆ. ಚಿಕ್ಕ ವಯಸ್ಸಿನಿಂದಲೂ ನಟಿಸುತ್ತಿರುವ ಕಮಲ್, ತಮಿಳು ಚಿತ್ರರಂಗಕ್ಕೆ ಹಲವಾರು ತಂತ್ರಜ್ಞಾನಗಳನ್ನು ಪರಿಚಯಿಸಿದ್ದಾರೆ. ಇತ್ತೀಚೆಗೆ ಎಐ ತಂತ್ರಜ್ಞಾನದ ಬಗ್ಗೆ ಓದಲು ಅಮೆರಿಕಾಕ್ಕೆ ಹೋಗಿದ್ದರು. 70 ವರ್ಷ ಆದ್ರೂ ಅವರ ಕಲಾ ದಾಹ ಇನ್ನೂ ತೀರಲಿಲ್ಲ.
ಧ್ವನಿ ಬದಲಾಯಿಸಿ ಹಾಡಿದ ಕಮಲ್
ಸಿನಿಮಾದಲ್ಲಿ ವಿವಿಧ ಹೊಸತನಗಳನ್ನು ತರಲು ಕಮಲ್ ಸದಾ ಪ್ರಯತ್ನಿಸುತ್ತಿರುತ್ತಾರೆ. ಅವರಿಗೆ ನಟನೆಗೆ ಸಮನಾಗಿ ಸಂಗೀತದ ಮೇಲೂ ಆಸಕ್ತಿ ಹೆಚ್ಚು. ವಿಶೇಷವಾಗಿ ಇಳಯರಾಜ ಮತ್ತು ಕಮಲ್ ಹಾಸನ್ ಇಬ್ಬರೂ ಸೇರಿ ಸಂಗೀತದಲ್ಲಿ ಹಲವು ಸಾಧನೆಗಳನ್ನು ಮಾಡಿದ್ದಾರೆ. ಕಮಲ್ ಹಾಸನ್ ಧ್ವನಿಯಲ್ಲಿ ಬಿಡುಗಡೆಯಾದ ಹೆಚ್ಚಿನ ಹಾಡುಗಳು ಹಿಟ್ ಆಗಿವೆ. ಆ ರೀತಿಯಲ್ಲಿ ಕಮಲ್ ಹಾಸನ್ ತಮ್ಮ ಧ್ವನಿಯನ್ನು ಬದಲಾಯಿಸಿ... ಅಂದ್ರೆ ಹೆಣ್ಣು ಧ್ವನಿಯಲ್ಲಿ ಹಾಡಿ ಹಿಟ್ ಕೊಟ್ಟ ಕೆಲವು ಹಾಡುಗಳಿವೆ. ಅದರ ಬಗ್ಗೆ ನೋಡೋಣ
ಕಮಲ್ ಲೇಡಿ ವಾಯ್ಸ್ನಲ್ಲಿ ಹಾಡಿದ ಹಾಡು
ಧ್ವನಿ ಬದಲಾಯಿಸಿ ಹಾಡುವುದರಲ್ಲಿ ಕಿಲ್ಲಾಡಿಯಾಗಿದ್ದ ಕಮಲ್, ಮೊದಲ ಬಾರಿಗೆ ಹೆಣ್ಣು ಧ್ವನಿಯಲ್ಲಿ ಹಾಡಿದ್ದು ಅವ್ವೈ ಷಣ್ಮುಗಿ ಚಿತ್ರದಲ್ಲಿ. 1996ರಲ್ಲಿ ಬಿಡುಗಡೆಯಾದ ಆ ಚಿತ್ರಕ್ಕೆ ದೇವಾ ಸಂಗೀತ ನೀಡಿದ್ದರು. ಆ ಚಿತ್ರದಲ್ಲಿನ ಹಾಡುಗಳೆಲ್ಲವೂ ಹಿಟ್ ಆದವು, ಅದರಲ್ಲಿ ರುಕ್ಕು ರುಕ್ಕು ಹಾಡನ್ನು ಸುಜಾತಾ ಮೋಹನ್ ಜೊತೆ ಸೇರಿ ಹಾಡಿದ್ದರು ಕಮಲ್ ಹಾಸನ್.
ಆ ಹಾಡಿನಲ್ಲಿ ಅವ್ವೈ ಷಣ್ಮುಗಿ ಪಾತ್ರ ಹಾಡುವಂತೆ ಕೆಲವು ಸಾಲುಗಳಿರುತ್ತವೆ. ಅದಕ್ಕಾಗಿ ತಮ್ಮ ಧ್ವನಿಯನ್ನು ಬದಲಾಯಿಸಿ ಲೇಡಿ ವಾಯ್ಸ್ನಲ್ಲಿ ಹಾಡಿ ಅಚ್ಚರಿ ಮೂಡಿಸಿದ್ದರು ಕಮಲ್. ಅದರಲ್ಲಿ ಆಶ್ಚರ್ಯ ಏನಂದ್ರೆ ಧ್ವನಿ ಬದಲಾಯಿಸಿದ್ರೂ ಶೃತಿ ತಪ್ಪದಂತೆ ಹಾಡಿದ್ದಾರೆ.
ಮುದುಕಿಯ ಧ್ವನಿಯಲ್ಲಿ ಹಾಡಿದ ಕಮಲ್
ಅದೇ ರೀತಿ ಕಮಲ್ ಹಾಸನ್ ಹೆಣ್ಣು ಧ್ವನಿಯಲ್ಲಿ ಹಾಡಿದ ಮತ್ತೊಂದು ಹಾಡು ದಶಾವತಾರಂ ಚಿತ್ರದಲ್ಲಿತ್ತು. ಈ ಚಿತ್ರದಲ್ಲಿ 10 ಬೇರೆ ಬೇರೆ ಪಾತ್ರಗಳಲ್ಲಿ ನಟಿಸಿದ್ದ ಕಮಲ್ ಹಾಸನ್, ಹಿಮೇಶ್ ರೇಷ್ಮಿಯಾ ಸಂಗೀತದಲ್ಲಿ ಮುಕುಂದಾ ಮುಕುಂದಾ ಹಾಡನ್ನು ಹಾಡಿದ್ದರು. ಸಾಧನಾ ಸರ್ಗಮ್ ಜೊತೆ ಅವರು ಸೇರಿ ಹಾಡಿದ ಈ ಹಾಡಿನಲ್ಲಿ ಮುದುಕಿಯ ಗೆಟ್-ಅಪ್ನಲ್ಲಿ ಬರುವ ಕಮಲ್ ಹಾಸನ್ ಹಾಡುವಂತೆ ಕೆಲವು ಸಾಲುಗಳಿರುತ್ತವೆ. ಆ
ಸಾಲುಗಳನ್ನು ಒಬ್ಬ ಮುದುಕಿ ಹಾಡಿದರೆ ಹೇಗಿರುತ್ತದೋ ಅದೇ ರೀತಿ ತದ್ರೂಪವಾಗಿ ಹಾಡಿ ಎಲ್ಲರನ್ನೂ ಬೆರಗಾಗಿಸಿದ್ದರು ಕಮಲ್ ಹಾಸನ್. ಈ ಎರಡು ಹಾಡುಗಳಿಗೂ ಇರುವ ಸಾಮ್ಯತೆ ಏನಂದ್ರೆ, ಈ ಎರಡು ಚಿತ್ರಗಳನ್ನೂ ಕೆ.ಎಸ್.ರವಿಕುಮಾರ್ ಅವರೇ ನಿರ್ದೇಶಿಸಿದ್ದರು ಅನ್ನೋದು ವಿಶೇಷ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.