ವರ್ಷಾಂತ್ಯಕ್ಕೆ ಕಿಯಾರಾ ಅಡ್ವಾಣಿ, ಸಿದ್ಧಾರ್ಥ್ ಮಲ್ಹೋತ್ರಾ ವಿವಾಹ ; ಸುಳಿವು ನೀಡಿದ ಶಾಹಿದ್!

ಬಾಲಿವುಡ್‌ನ ಕಪಲ್‌ ಕಿಯಾರಾ ಅಡ್ವಾಣಿ (Kiara Advani) ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ (Sidharth Malhotra) ಇತ್ತೀಚಿನ ದಿನಗಳಲ್ಲಿ ಸಖತ್‌ ಸುದ್ದಿಯಲ್ಲಿದ್ದಾರೆ ಈ ಜೋಡಿ ತಮಮ್ ರಿಲೆಷನ್‌ಶಿಪ್‌ ಕಾರಣ  ಪ್ರತಿದಿನ ಮುಖ್ಯಾಂಶಗಳನ್ನು ಮಾಡುತ್ತಿದ್ದಾರೆ   ಸಿದ್ಧಾರ್ಥ್ ಮಲ್ಹೋತ್ರಾ ಇತ್ತೀಚೆಗೆ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಅವರ ಸೆಲೆಬ್ರಿಟಿ ಚಾಟ್ ಶೋ 'ಕಾಫಿ ವಿತ್ ಕರಣ್' ನಲ್ಲಿ ನಟ ವಿಕ್ಕಿ ಕೌಶಲ್ ಅವರೊಂದಿಗೆ ಕಾಣಿಸಿಕೊಂಡಾಗ ಅವರ ಮದುವೆಯ ಬಗ್ಗೆ ವದಂತಿಗಳು ಹರಡಲು ಪ್ರಾರಂಭಿಸಿದವು. ಆದರೆ,'ಕಾಫಿ ವಿತ್ ಕರಣ್' ನ ಇತ್ತೀಚಿನ ಎಪಿಸೋಡ್ ಟೀಸರ್‌ನಲ್ಲಿ, ಶಾಹಿದ್   ವರ್ಷದ ಅಂತ್ಯದ ವೇಳೆಗೆ ಈ ಜೋಡಿ ತಮ್ಮ ಮದುವೆಯನ್ನು ಘೋಷಿಸಬಹುದು ಎಂಬ ಹಿಂಟ್‌ ನೀಡಿದ್ದಾರೆ.

ಕಾರ್ಯಕ್ರಮದ ಸಮಯದಲ್ಲಿ, ಅವರ ಮದುವೆಯ ಯೋಜನೆಗಳು ಸೇರಿದಂತೆ ಕಿಯಾರಾ ಅಡ್ವಾಣಿ ಅವರೊಂದಿಗಿನ ವದಂತಿಯ ಸಂಬಂಧದ ಬಗ್ಗೆ ಸಿದ್ಧಾರ್ಥ್ ಅವರನ್ನು ಹಲವಾರು  ಬಾರಿ ಕೇಳಲಾಯಿತು. ಆದರೆ ಸಿದ್ಧಾರ್ಥ್ ಪ್ರಶ್ನೆಗೆ ಉತ್ತರಿಸದೆ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ಆದರೆ, ಈ ವರ್ಷದ ಅಂತ್ಯದ ವೇಳೆಗೆ ದಂಪತಿಗಳು ಶೀಘ್ರದಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡುವ ಸಾಧ್ಯತೆಯಿದೆ. ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಅವರ ವಿವಾಹದ ಬಗ್ಗೆ ಪ್ರಮುಖ ಸುಳಿವನ್ನು ಕಿಯಾರಾರ ಕಬೀರ್ ಸಿಂಗ್'ಸಹ ನಟ ಶಾಹಿದ್ ಕಪೂರ್ ನೀಡಿದ್ದಾರೆ.

ಮುಂದಿನ ಸಂಚಿಕೆಯಲ್ಲಿ ಕರಣ್ ಜೋಹರ್ ಅವರ 'ಕಾಫಿ ವಿತ್ ಕರಣ್' ಶೋಗೆ  ಕಿಯಾರಾ ಅಡ್ವಾಣಿ ಮತ್ತು ಶಾಹಿದ್ ಕಪೂರ್ ಜೊತೆಯಾಗಿ ಆಗಮಿಸಿದ್ದರು ಎಪಿಸೋಡ್ ಗುರುವಾರ OTT ಪ್ಲಾಟ್‌ಫಾರ್ಮ್ ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರವಾಗಲಿದೆ. ಈ ಎಪಿಸೋಡ್‌ನ ಟೀಸರ್ ಅನ್ನು ಕರಣ್ ತಮ್ಮ ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಕಿಯಾರಾ ಅಡ್ವಾಣಿ ಮತ್ತು ಶಾಹಿದ್ ಕಪೂರ್ ಒಳಗೊಂಡ ಸಂಚಿಕೆಯ ಪ್ರೋಮೋ ಟೀಸರ್‌ನಲ್ಲಿ, ಕರಣ್ ಕಿಯಾರಾ ಅವರನ್ನು ಸಿದ್ಧಾರ್ಥ್ ಮಲ್ಹೋತ್ರಾ ಅವರೊಂದಿಗಿನ ಸಂಬಂಧದ ಸ್ಥಿತಿಯ ಬಗ್ಗೆ ಕೇಳಿದರು. ಅದಕ್ಕೆ ಉತ್ತರಿಸುವಾಗ ಕಿಯಾರಾ ನಾಚುತ್ತಾ, ಇಬ್ಬರೂ ಆಪ್ತ ಸ್ನೇಹಿತರಿಗಿಂತ ಹೆಚ್ಚು  ಎಂದು ಹೇಳುತ್ತಾರೆ. ಅವರು ತನ್ನ ಸಂಬಂಧವನ್ನು ಒಪ್ಪಿಕೊಳ್ಳುವುದಿಲ್ಲ ಅಥವಾ ನಿರಾಕರಿಸುವುದಿಲ್ಲ ಎಂದೂ ಹೇಳುತ್ತಾರೆ

ಕಿಯಾರಾ ಅಡ್ವಾಣಿ ಅವರು ಸಿದ್ಧಾರ್ಥ್ ಮಲ್ಹೋತ್ರಾ ಜೊತೆ  ವದಂತಿಯ ಸಂಬಂಧದ ಬಗ್ಗೆ ಮೌನವಾಗಿರಲು ಆಯ್ಕೆ ಮಾಡಿಕೊಂಡಿರಬಹುದು. ಆದರೆ  ಶಾಹಿದ್ ಕಪೂರ್ ಅವರ ಮದುವೆಯ ಬಗ್ಗೆ ಪ್ರಮುಖ ಸುಳಿವುಗಳನ್ನು ಕೈಬಿಟ್ಟರು.

''ಈ ವರ್ಷದ ಅಂತ್ಯದ ವೇಳೆಗೆ ದೊಡ್ಡ ಘೋಷಣೆಗೆ ಸಿದ್ಧರಾಗಿರಿ ಮತ್ತು ಇದು ಚಲನಚಿತ್ರವಲ್ಲ' ಎಂದು ಶಾಹಿದ್ ಅವರು ತಮ್ಮ ಮದುವೆಯ ಬಗ್ಗೆ ದಂಪತಿಗಳು ಮಾಡಬಹುದಾದ ಸಂಭವನೀಯ ಘೋಷಣೆಯ ಬಗ್ಗೆ  ಶಾಹಿದ್ ಸುಳಿವು ನೀಡುತ್ತಾರೆ.