ಇದ್ದಕ್ಕಿದ್ದಂತೆ ಸಣ್ಣಗಾದ ಜೂ.ಎನ್ಟಿಆರ್.. ಫ್ಯಾನ್ಸ್‌ಗೆ ಆತಂಕ: ಓಜೆಂಪಿಕ್‌ ಇಂಜೆಕ್ಷನ್ ತಗೊಂಡ್ರಾ?
ಜೂ.ಎನ್ಟಿಆರ್ ಅವರ ಹೊಸ ಲುಕ್‌ ಫ್ಯಾನ್ಸ್‌ಗಳಲ್ಲಿ ಆತಂಕ ಮೂಡಿಸಿದೆ. ಊಹಿಸಿರದ ರೀತಿಯಲ್ಲಿ ತೂಕ ಇಳಿಸಿಕೊಂಡಿದ್ದಾರೆ. ಮುಖದಲ್ಲೂ ಬದಲಾವಣೆಗಳು ಗೋಚರಿಸುತ್ತಿವೆ. ಜೂ.ಎನ್ಟಿಆರ್ ಹೀಗೇಕಾದ್ರು ಅಂತ ಫ್ಯಾನ್ಸ್‌ ಚಿಂತಿತರಾಗಿದ್ದಾರೆ. ಈ ನಡುವೆ 'ಓಜೆಂಪಿಕ್‌' ಔಷಧದ ಬಗ್ಗೆ ಚರ್ಚೆ ಶುರುವಾಗಿದೆ.
Follow Us
ಯಂಗ್‌ ಟೈಗರ್‌ ಜೂ.ಎನ್ಟಿಆರ್ ಬಾಲಿವುಡ್‌ನಲ್ಲಿ ಹೃತಿಕ್‌ ರೋಷನ್‌ ಜೊತೆ 'ವಾರ್‌ 2' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಆಗಸ್ಟ್‌ನಲ್ಲಿ 'ವಾರ್‌ 2' ಬಿಡುಗಡೆಯಾಗಲಿದೆ. ಪ್ರಶಾಂತ್‌ ನೀಲ್‌ ನಿರ್ದೇಶನದ 'ಡ್ರ್ಯಾಗನ್‌' ಚಿತ್ರಕ್ಕೂ ಸಜ್ಜಾಗುತ್ತಿದ್ದಾರೆ. ಇತ್ತೀಚೆಗೆ ಜೂ.ಎನ್ಟಿಆರ್ ದುಬೈಗೆ ತೆರಳಿದ್ದರು. ಅಲ್ಲಿ ಹೋಟೆಲ್‌ ಸಿಬ್ಬಂದಿ ಜೊತೆ ತೆಗೆಸಿಕೊಂಡ ಫೋಟೊ ವೈರಲ್‌ ಆಗಿದೆ.
ಜೂ.ಎನ್ಟಿಆರ್ ಹೊಸ ಲುಕ್‌ ಫ್ಯಾನ್ಸ್‌ಗಳಲ್ಲಿ ಆತಂಕ ಮೂಡಿಸಿದೆ. ತೂಕ ಇಳಿಸಿಕೊಂಡು, ಮುಖದಲ್ಲೂ ಬದಲಾವಣೆಗಳು ಗೋಚರಿಸುತ್ತಿವೆ. ತೂಕ ಇಳಿಸಿಕೊಳ್ಳಲು ಚಿಕಿತ್ಸೆ ಪಡೆಯುತ್ತಿದ್ದಾರಾ? ಔಷಧಿ ಸೇವಿಸುತ್ತಿದ್ದಾರಾ? ಎಂಬ ಚರ್ಚೆ ಶುರುವಾಗಿದೆ. 'ಓಜೆಂಪಿಕ್‌' ಔಷಧಿ ಸೇವಿಸುತ್ತಿದ್ದಾರೆ ಎಂಬ ವದಂತಿ ಹಬ್ಬಿದೆ. ಆದರೆ ಫ್ಯಾನ್ಸ್‌ ಇದನ್ನು ತಳ್ಳಿ ಹಾಕಿದ್ದಾರೆ. ಜೂ.ಎನ್ಟಿಆರ್ ತಂಡದಿಂದಲೂ ಸ್ಪಷ್ಟನೆ ಬಂದಿದೆ.
'ಓಜೆಂಪಿಕ್‌' ಟೈಪ್‌ 2 ಮಧುಮೇಹದ ಚಿಕಿತ್ಸೆಗೆ ಬಳಸುವ ಇಂಜೆಕ್ಷನ್. ಅಧಿಕ ತೂಕ ಇರುವವರು ಅಡ್ಡಪರಿಣಾಮಗಳಿಲ್ಲದೆ ತೂಕ ಇಳಿಸಿಕೊಳ್ಳಲು ಇದನ್ನು ಬಳಸುತ್ತಾರೆ ಎನ್ನಲಾಗಿದೆ. ಟೆಸ್ಲಾ ಮುಖ್ಯಸ್ಥ ಎಲಾನ್‌ ಮಸ್ಕ್‌ ಕೂಡ ಇದನ್ನು ಬಳಸುತ್ತಿದ್ದಾಗಿ ಹೇಳಿದ್ದರು. ಹಾಲಿವುಡ್‌ನಲ್ಲೂ ಇದರ ಬಳಕೆ ಜಾಸ್ತಿ ಎನ್ನಲಾಗಿದೆ.
ಜೂ.ಎನ್ಟಿಆರ್ ಕೂಡ 'ಓಜೆಂಪಿಕ್‌' ಬಳಸುತ್ತಿದ್ದಾರೆ ಎಂಬ ವದಂತಿ ಹಬ್ಬಿದೆ. ಆದರೆ ಅವರು ಯಾವುದೇ ಔಷಧಿ ಸೇವಿಸುತ್ತಿಲ್ಲ, ಆರೋಗ್ಯಕರ ಆಹಾರ ಪದ್ಧತಿ ಅನುಸರಿಸುತ್ತಿದ್ದಾರೆ ಎಂದು ಅವರ ತಂಡ ಸ್ಪಷ್ಟನೆ ನೀಡಿದೆ.
ಪ್ರಶಾಂತ್‌ ನೀಲ್‌ ನಿರ್ದೇಶನದ 'ಡ್ರ್ಯಾಗನ್‌' ಚಿತ್ರಕ್ಕಾಗಿ ಜೂ.ಎನ್ಟಿಆರ್ ಹೊಸ ಲುಕ್‌ಗೆ ಒಳಗಾಗಿದ್ದಾರೆ. ಆದರೆ ಈ ಲುಕ್‌ ಫ್ಯಾನ್ಸ್‌ಗೆ ಹಿಡಿಸಿಲ್ಲ. ಚಿತ್ರದಲ್ಲಿ ಅವರನ್ನು ಹೇಗೆ ತೋರಿಸಲಾಗುತ್ತದೆ ಎಂದು ಕಾದು ನೋಡಬೇಕು. ಇನ್ನು ಈ ಸಿನಿಮಾ ಬೆಂಗಾಲ್ ಬ್ಯಾಕ್‌ಡ್ರಾಪ್‌ನಲ್ಲಿ ನಡೆಯುತ್ತಂತೆ.
