IMDb ಪಟ್ಟಿಯಲ್ಲಿ ಮೊದಲಿರುವ 2023ರ ಅತ್ಯಂತ ಜನಪ್ರಿಯ ಭಾರತೀಯ ವೆಬ್ ಸರಣಿಗಳಿವು!

ಫರ್ಜಿ:
ಫರ್ಜಿ ಮೂಲಕ ಶಾಹಿದ್ ಕಪೂರ್ ಅವರು ಡಿಜಿಟಲ್ ಚೊಚ್ಚಲ ಪ್ರವೇಶವನ್ನು ಗುರುತಿಸಿದರು ಮತ್ತು  ಇದರಲ್ಲಿ ವಿಜಯ್ ಸೇತುಪತಿ ಕೂಡ ನಟಿಸಿದ್ದಾರೆ. IMDb ಪ್ರಕಾರ, ರಾಜ್ ಮತ್ತು ಡಿಕೆ ಅವರ ಪ್ರದರ್ಶನಗಳು ಫರ್ಜಿ ಮತ್ತು ಗನ್ಸ್ ಆಂಡ್‌ ಗುಲಾಬ್ಸ್ 2023 ರ ಎರಡು ಅತ್ಯಂತ ಜನಪ್ರಿಯ ಸ್ಟ್ರೀಮಿಂಗ್ ಶೋಗಳಾಗಿ ಹೊರಹೊಮ್ಮಿವೆ.
  

ಗನ್ಸ್ ಆಂಡ್‌  ಗುಲಾಬ್ಸ್:
ನೆಟ್‌ಫ್ಲಿಕ್ಸ್‌ನ ಗನ್ಸ್ ಆಂಡ್‌ ಗುಲಾಬ್ಸ್ 2023 ರ ಎರಡನೇ ಅತ್ಯಂತ ಜನಪ್ರಿಯ ಸ್ಟ್ರೀಮಿಂಗ್ ಶೋ ಆಗಿ ಹೊರಹೊಮ್ಮಿದೆ.ರಾಜ್‌ಕುಮಾರ್ ರಾವ್ ಮತ್ತು ದುಲ್ಕರ್ ಸಲ್ಮಾನ್ ಈ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.  

ದಿ ನೈಟ್ ಮ್ಯಾನೇಜರ್:
ಮೂರನೇ ಸ್ಥಾನವನ್ನು ಆದಿತ್ಯ ರಾಯ್ ಕಪೂರ್ ಮತ್ತು ಅನಿಲ್ ಕಪೂರ್-ನಟಿಸಿದ ದಿ ನೈಟ್ ಮ್ಯಾನೇಜರ್ ಗಳಿಸಿದೆ. ಅದೇ ಹೆಸರಿನ ಬ್ರಿಟಿಷ್ ಸರಣಿಯ ರೂಪಾಂತರವಾಗಿದೆ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಎರಡು ಭಾಗಗಳಲ್ಲಿ ಬಿಡುಗಡೆಯಾಯಿತು. 

ಕೊಹ್ರಾ:
ನಾಲ್ಕನೇ ಸ್ಥಾನವನ್ನು ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ನೆಟ್‌ಫ್ಲಿಕ್ಸ್ ಸರಣಿ ಕೊಹ್ರಾ ಪಡೆದುಕೊಂಡಿದೆ, ಇದರಲ್ಲಿ ಸುವಿಂದರ್ ವಿಕ್ಕಿ ಮತ್ತು ಬರುನ್ ಸೋಬ್ತಿ ನಟಿಸಿದ್ದಾರೆ.

ಅಸೂರ್ 2:
2023 ರ ಅತ್ಯಂತ ಜನಪ್ರಿಯ ಭಾರತೀಯ ವೆಬ್ ಸರಣಿಗಳಲ್ಲಿ ಐದನೇ ಸ್ಥಾನವನ್ನು ವೂಟ್‌ನಲ್ಲಿ ಪ್ರಸಾರವಾಗುತ್ತಿರುವ ಅಸೂರ್ 2  ಪಡೆದಿದೆ. 

ರಾಣಾ ನಾಯ್ಡು:
ನಂತರದ ಸ್ಥಾನದಲ್ಲಿ ನೆಟ್‌ಫ್ಲಿಕ್ಸ್ ಪ್ರಸಾರದ ರಾಣಾ ನಾಯ್ಡು ಪಡೆದುಕೊಂಡಿದೆ. ರಾಣಾ ದಗ್ಗುಬಾಟಿ ಮತ್ತು ವೆಂಕಟೇಶ್ ಅಭಿನಯದ ಶೋ ಈಗ ಎರಡನೇ ಸೀಸನ್ ಮಾಡುವ ಪ್ರಕ್ರಿಯೆಯಲ್ಲಿದೆ. 

ದಹಾದ್:
ಸೋನಾಕ್ಷಿ ಸಿನ್ಹಾ ಮತ್ತು ವಿಜಯ್ ವರ್ಮಾ ಅಭಿನಯದ ದಹಾದ್ ಏಳನೇ ಸ್ಥಾನವನ್ನು ಪಡೆದುಕೊಂಡಿದೆ. ನಟ ವಿಜಯ್‌ ವರ್ಮಾ ಓಟಿಟಿ ವೇದಿಕೆಯಲ್ಲಿ ಸಾಕಷಷ್ಟು ಹವಾ ಸೃಷ್ಟಿಸಿದ್ದಾರೆ

ಸಾಸ್ ಬಹು ಔರ್ ಫ್ಲೆಮಿಂಗೊ:
ಡಿಂಪಲ್ ಕಪಾಡಿಯಾ ನೇತೃತ್ವದ ಸಾಸ್ ಬಹು ಔರ್ ಫ್ಲೆಮಿಂಗೊ ವೆಬ್‌ಸರಣಿಯು ಜನಪ್ರಿಯ ಪಟ್ಟಿಯಲ್ಲಿ ನಂತರದ ಸ್ಥಾನ ಪಡೆದುಕೊಂಡಿದೆ.

ಈ ಪಟ್ಟಿಯಲ್ಲಿ ಕೊನೆಯ ಎರಡು ಸ್ಥಾನಗಳನ್ನುಹಂಸಲ್ ಮೆಹ್ತಾ ಅವರ ಸ್ಕೂಪ್ ಮತ್ತು ವಿಕ್ರಮಾದಿತ್ಯ ಮೋಟ್ವಾನೆ ಅವರ ಜುಬಿಲಿ ಗಳಿಸಿದೆ