ಕೇವಲ ಒಂದು ಹಿಟ್ ಸಿನೆಮಾ, 24ವರ್ಷಗಳಿಂದ ದೊಡ್ಡ ಫ್ಲಾಪ್ ನಟ ಎನಿಸಿದ್ದರೂ ಐಷಾರಾಮಿ ಜೀವನ!
ವೃತ್ತಿ ಜೀವನದಲ್ಲಿ ಕೊಟ್ಟಿದ್ದು ಒಂದೇ ಒಂದು ಹಿಟ್ ಸಿನೆಮಾ. ಬಳಿಕ ನಟಿಸಿದ ಒಂದು ಸಿನೆಮಾ ಕೂಡ ಗೆಲುವು ತಂದು ಕೊಡದೆ ಇವರನ್ನು ಬಾಲಿವುಡ್‌ನ ಪ್ಲಾಪ್‌ ನಟ ಎಂದೇ ಕರೆಯುತ್ತಾರೆ. ಆದರೂ ಇವರ ಜೀವನ ಅದ್ಧೂರಿ. ದುಬಾರಿ ಕಾರುಗಳಲ್ಲಿ ಪ್ರಯಾಣ, ಅದ್ದೂರಿಯಾಗಿ ಬದುಕು. ಇವರು ಸೂಪರ್ಸ್ಟಾರ್ ಒಬ್ಬರ ಸಹೋದರ ಎಂದರೆ ನಂಬಲೇಬೇಕು. ಇಲ್ಲಿದೆ ಈ ನಟನ ಬಗೆಗಿನ ಮಾಹಿತಿ.
24 ವರ್ಷಗಳ ಹಿಂದೆ ಬಂದ ಆ ಸೂಪರ್‌ಹಿಟ್ ಚಿತ್ರವನ್ನು ಬೋನಿ ಕಪೂರ್ ನಿರ್ಮಿಸಿದ್ದರು ಮತ್ತು ಅಗಾಥಿಯನ್ ನಿರ್ದೇಶಿಸಿದ್ದರು. ಆ ಚಿತ್ರ ಇಂದಿಗೂ ಪ್ರೇಕ್ಷಕರ ಮೆಚ್ಚಿನ ಚಿತ್ರವಾಗಿದೆ. ಮಾತ್ರವಲ್ಲ ಚಿತ್ರದ ಹಾಡುಗಳು ಪ್ರತಿಯೊಬ್ಬರು ಬಾಯಲ್ಲಿ ಉಳಿಯುತ್ತವೆ. ಆದರೆ, ದುಃಖಕರವೆಂದರೆ, ಆ ಚಿತ್ರದ ತಾರೆಯರು ಈಗ ಬಾಲಿವುಡ್‌ನಲ್ಲಿ ತಮ್ಮ ಸ್ಥಾನವನ್ನು ಪಡೆಯಲು ಹೆಣಗಾಡುತ್ತಿದ್ದಾರೆ. ಆ ಚಿತ್ರ ಬಿಡುಗಡೆಗೂ ಮುನ್ನವೇ ಸಿನಿಮಾದ ನಾಯಕ ನಟ ವೃತ್ತಿಜೀವನದ ದೊಡ್ಡ ನಿರ್ಧಾರ ಕೈಗೊಂಡಿದ್ದರು.
ಬೋನಿ ಕಪೂರ್ ಅವರ ಒಂದು ಚಲನಚಿತ್ರವು 1999 ರಲ್ಲಿ ಬಿಡುಗಡೆಯಾಯಿತು ಮತ್ತು ಇದನ್ನು ಅಗಾಥಿಯನ್ ನಿರ್ದೇಶಿಸಿದರು. ಅವರ ಸಹೋದರ ಸಂಜಯ್ ಕಪೂರ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿದ್ದರು. ಸಂಜಯ್ ಕಪೂರ್ ಎದುರು ಪ್ರಿಯಾ ಗಿಲ್ ಮತ್ತು ಸುಶ್ಮಿತಾ ಸೇನ್ ನಟಿಸಿದ್ದರು. ಸಲ್ಮಾನ್ ಖಾನ್ ಮತ್ತು ಜಾಕಿ ಶ್ರಾಫ್ ಕೂಡ ಚಿತ್ರದಲ್ಲಿ ವಿಶೇಷ ಅತಿಥಿ ಪಾತ್ರ ಮಾಡಿದ್ದರು.
ಈ ಚಿತ್ರವು 1996 ರಲ್ಲಿ ಬಿಡುಗಡೆಯಾದ ತಮಿಳಿನ ರೊಮ್ಯಾಂಟಿಕ್ ಚಿತ್ರ ಕಾದಲ್ ಕೊಟ್ಟೈನ ರೀಮೇಕ್ ಆಗಿತ್ತು. ಚಿತ್ರದ ಕಥೆಯ ಜೊತೆಗೆ, ಚಿತ್ರದ ಹಾಡುಗಳು ಇನ್ನೂ ಪ್ರೇಕ್ಷಕರಲ್ಲಿ ದೊಡ್ಡ ಕ್ರೇಜ್ ಹುಟ್ಟುಹಾಕಿತ್ತು. ಅದುವೆ ಸಿರ್ಫ್ ತುಮ್ ಚಿತ್ರ. ಅದು 1999 ಮ್ಯೂಸಿಕಲ್ ಲವ್ ಸ್ಟೋರಿ ಸಿನೆಮಾ. ಈ ಚಿತ್ರವನ್ನು ನೈನಿತಾಲ್, ಕೇರಳ ಮತ್ತು ಹೂಸ್ಟನ್‌ನಲ್ಲಿ ಚಿತ್ರೀಕರಿಸಲಾಗಿದೆ. 24 ವರ್ಷಗಳ ಹಿಂದೆ ಈ ಚಿತ್ರವು ರೇಟಿಂಗ್‌ನಲ್ಲಿ 5 ರಲ್ಲಿ 3 ಸ್ಟಾರ್‌ಗಳನ್ನು ಪಡೆದುಕೊಂಡಿತು ಮತ್ತು 80 ಸ್ಕ್ರೀನ್‌ಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಯಿತು.
ನರಸಿಂಹ ಎಂಟರ್‌ಪ್ರೈಸಸ್ ಮತ್ತು ಇರೋಸ್ ಇಂಟರ್‌ನ್ಯಾಶನಲ್ ಬ್ಯಾನರ್‌ನಲ್ಲಿ ತಯಾರಾದ ಈ ಚಿತ್ರದ ಬಂಡವಾಳ 3 ಕೋಟಿ ರೂ. ಮಾಧ್ಯಮಗಳ ವರದಿ ಪ್ರಕಾರ ಮೊದಲ ದಿನವೇ 20 ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿದ ಚಿತ್ರ, ಒಂದು ವಾರದ ಅಂತ್ಯಕ್ಕೆ 1.36 ಕೋಟಿ ಗಳಿಸಿತ್ತು. ಚಿತ್ರದ ಒಟ್ಟು ಗಳಿಕೆ 11.03 ಕೋಟಿ ರೂ. ಮೂಲಕ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಯಿತು.
ಈ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಹಿಟ್ ಆಗದಿದ್ದರೆ, ಚಿತ್ರದ ನಾಯಕ ನಟ ಸಂಜಯ್ ಕಪೂರ್ 24 ವರ್ಷಗಳ ಹಿಂದೆ ನಟನಾ ಜಗತ್ತನ್ನು ತ್ಯಜಿಸುತ್ತಿದ್ದರು. ಆದರೆ ಈ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಹಿಟ್ ಆದ ಬಳಿಕ ಸಂಜಯ್ ಕಪೂರ್ ಅವರ ವೃತ್ತಿಜೀವನಕ್ಕೆ ಹೊಸ ತಿರುವು ಸಿಕ್ಕಿತು. ಈ ಚಿತ್ರದಲ್ಲಿ ಅವರು ತಮ್ಮ ಅದ್ಭುತ ನಟನೆಯಿಂದ ಪ್ರೇಕ್ಷಕರ ಮನ ಗೆದ್ದಿದ್ದರು.
ಸಂದರ್ಶನವೊಂದರಲ್ಲಿ ಒಂದು ವೇಳೆ ಚಿತ್ರ ಸೋತರೆ ಸಿನಿಮಾದಿಂದ ನಿವೃತ್ತಿಯಾಗುವುದಾಗಿ ಸಂಜಯ್ ಕಪೂರ್ ಹೇಳಿದ್ದರು. ಸಂಜಯ್ ಕಪೂರ್ ಸಿನಿಮಾದಿಂದ ನಿವೃತ್ತಿ ಆಗಿದ್ದರೆ ಸಿನಿಮಾ ನಿರ್ಮಾಣಕ್ಕೆ ಮುಂದಾಗುತ್ತಿದ್ದರು. ಅದಕ್ಕಾಗಿ ಸಲ್ಮಾನ್ ಖಾನ್ ಅವರ ಡೇಟ್ಸ್ ಕೂಡ ತೆಗೆದುಕೊಂಡಿದ್ದರು. ಸಂಜಯ್ ಕಪೂರ್ ನಂತರ ನಟಿಸಿದ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಹಿಟ್ ಆಗಲಿಲ್ಲ, ಆದರೆ ಸಂಜಯ್ ಕಪೂರ್ ಚುಪ್ಪಾ ರುಸ್ತಂನೊಂದಿಗೆ ಮತ್ತೊಂದು ಆಶ್ಚರ್ಯವನ್ನುಂಟು ಮಾಡಿದರು.
ಸಂಜಯ್ ಕಪೂರ್ ಬಾಲಿವುಡ್ ಸೂಪರ್ಸ್ಟಾರ್ ಅನಿಲ್ ಕಪೂರ್ ಅವರ ಕಿರಿಯ ಸಹೋದರ. ಬಾಲಿವುಡ್‌ನಲ್ಲಿ ಅಣ್ಣ ಅನಿಲ್ ಕಪೂರ್‌ನಷ್ಟು ಯಶಸ್ಸು ಗಳಿಸಲು ಸಾಧ್ಯವಾಗದಿದ್ದರೂ, ಈ ನಡುವೆಯೂ ಸಂಜಯ್ ಕೋಟ್ಯಂತರ ರೂಪಾಯಿ ಆಸ್ತಿಯ ಒಡೆಯ. ಅವರ ಕುಟುಂಬವು ಐಷಾರಾಮಿ ಜೀವನವನ್ನು ನಡೆಸುತ್ತದೆ, ದುಬಾರಿ ಕಾರುಗಳಲ್ಲಿ ಪ್ರಯಾಣಿಸುತ್ತದೆ ಮತ್ತು ಉದ್ಯಮಿಗಳೊಂದಿಗೆ ಉತ್ತಮ ಸ್ನೇಹಿತರಾಗಿದ್ದಾರೆ.
ಆದಾಗ್ಯೂ, ನಟನಾಗಿ, ಸಂಜಯ್ ಕಪೂರ್ ಬಾಲಿವುಡ್‌ನ ಫ್ಲಾಪ್ ನಟರಲ್ಲಿ ಎಣಿಸಲ್ಪಟ್ಟಿದ್ದಾರೆ. ಅವರು ಏಕವ್ಯಕ್ತಿ ಪ್ರಮುಖ ಪಾತ್ರವನ್ನು ನಿರ್ವಹಿಸುವುದಿಲ್ಲ. ವರದಿಗಳ ಪ್ರಕಾರ ಸಂಜಯ್ ಕಪೂರ್ ಅವರ ನಿವ್ವಳ ಮೌಲ್ಯ 70-75 ಕೋಟಿ ರೂ. ಅವರ ಬಳಿ ಪ್ರೊಡಕ್ಷನ್ ಹೌಸ್ ಕೂಡ ಇದೆ. ಅವರ ನಿರ್ಮಾಣ ಸಂಸ್ಥೆಯ ಹೆಸರು ಸಂಜಯ್ ಕಪೂರ್ ಎಂಟರ್‌ಟೈನ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್
