- Home
- Entertainment
- Cine World
- ವಿಜಯ್ ದೇವರಕೊಂಡ 'ಕಿಂಗ್ಡಮ್'ನಲ್ಲಿ ಮಿಂಚಿದ ಭೂಮಿ ಶೆಟ್ಟಿ… ಸಂಭ್ರಮದಲ್ಲಿರುವ ನಟಿ ಹೇಳಿದ್ದೇನು?
ವಿಜಯ್ ದೇವರಕೊಂಡ 'ಕಿಂಗ್ಡಮ್'ನಲ್ಲಿ ಮಿಂಚಿದ ಭೂಮಿ ಶೆಟ್ಟಿ… ಸಂಭ್ರಮದಲ್ಲಿರುವ ನಟಿ ಹೇಳಿದ್ದೇನು?
ಕನ್ನಡ ಕಿರುತೆರೆ ನಟಿ ಭೂಮಿ ಶೆಟ್ಟಿ ತೆಲುಗಿನ 'ಕಿಂಗ್ಡಮ್'ನ ಸಿನಿಮಾದಲ್ಲಿ ನಟಿಸಿದ್ದು, ಬೆಳ್ಳಿ ಪರದೆ ಮೇಲೆ ತಮ್ಮನ್ನು ನೋಡಿ ಭೂಮಿ ಸಂಭ್ರಮಿಸಿದ್ದು. ಭಾವುಕ ಪತ್ರ ಬರೆದಿದ್ದಾರೆ ನಟಿ.
'ಕಿಂಗ್ಡಮ್' ಸಿನಿಮಾದಲ್ಲಿ ಭೂಮಿ ಶೆಟ್ಟಿ
'ಕಿಂಗ್ಡಮ್' ಸಿನಿಮಾ ಇತ್ತೀಚೆಗೆ ಬಿಡುಗಡೆಯಾಗಿ ಭಾರಿ ಸದ್ದು ಮಾಡುತ್ತಿದೆ. ವಿಜಯ್ ದೇವರಕೊಂಡ (VIjay Devarakonda) ನಟಿಸಿರುವ ಈ ಸಿನಿಮಾ ಬಿಡುಗಡೆಯಾದ ಮೊದಲ ದಿನವೇ ಸಖತ್ ಸೌಂಡು ಮಾಡಿತ್ತು, ಮೆಚ್ಚುಗೆ ಕೇಳಿ ಬರುತ್ತಿದೆ. ಈ ಸಿನಿಮಾದಲ್ಲಿ ಕನ್ನಡ ಕಿರುತೆರೆ ನಟಿ ಭೂಮಿ ಶೆಟ್ಟಿ ಕೂಡ ನಟಿಸಿದ್ದಾರೆ.
ದೊಡ್ಡ ಪರದೆಯ ಮೇಲೆ ನನ್ನನ್ನು ನೋಡಿ ಖುಷಿಯಾಯ್ತು
'ಕಿಂಗ್ಡಮ್' (Kingdom)ಸಿನಿಮಾದಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ನಟಿಸಿರುವ ಭೂಮಿ ಶೆಟ್ಟಿ (Bhoomi Shetty), ತಮ್ಮ ಪಾತ್ರದ ಕುರಿತು, ಸಿನಿಮಾ ಕುರಿತು ಸಂತೋಷವನ್ನು ಹಂಚಿಕೊಂಡಿದ್ದಾರೆ. ಈ ಕುರಿತು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಫೋಟೊ ಮತ್ತು ಭಾವುಕ ಪತ್ರ ಬರೆದಿರುವ ಭೂಮಿ "'ಕಿಂಗ್ಡಮ್' ಸಿನಿಮಾ ನಾನು ದೊಡ್ಡ ಪರದೆಯ ಮೇಲೆ ನನ್ನನ್ನು ನೋಡಿಕೊಂಡ ಮೊದಲ ಸಿನಿಮಾ.
ಕರ್ನಾಟಕದಲ್ಲಿ ನನಗೆ ಸ್ವಲ್ಪ ಮನ್ನಣೆ ಸಿಕ್ಕಿದೆ
ಒಬ್ಬ ನಟನಿಗೆ, ರಂಗಭೂಮಿಯಲ್ಲಿ, ಪ್ರೇಕ್ಷಕರ ನಡುವೆ, ಒಂದು ಕಥೆಯ ಭಾಗವಾಗಿ ನಿಮ್ಮನ್ನು ನೋಡುವ ಕನಸು ಯಾವಾಗಲೂ ಇರುತ್ತದೆ. ಕರ್ನಾಟಕದಲ್ಲಿ ನನಗೆ ಸ್ವಲ್ಪ ಮನ್ನಣೆ ಸಿಕ್ಕಿದ್ದರೂ, ಈ ಸಿನಿಮಾ ಪ್ರಸಿದ್ಧ ತಾರೆಯರು, ಅದ್ಭುತ ನಿರ್ದೇಶಕರು ಮತ್ತು ಅಸಾಧಾರಣ ಛಾಯಾಗ್ರಾಹಕರ ತಂಡದೊಂದಿಗೆ ದೊಡ್ಡ ಬ್ಯಾನರ್ ನ ನನ್ನ ಮೊದಲ ಹೆಜ್ಜೆಯಾಗಿತ್ತು.
ಸಂಭ್ರಮದಿಂದ ನಟಿ ಹೇಳಿದ್ದೇನು?
ನಾನು... ಸಂತೋಷವಾಗಿದ್ದೆ. ನಿನ್ನೆ ಇಡೀ ದಿನ ನನ್ನ ಮುಖದಲ್ಲಿ ನಗು ತುಂಬಿತ್ತು.. ಸ್ಕ್ರೀನ್ ಟೈಮ್ ಅಥವಾ ನಾನು ತೆರೆ ಮೇಲೆ ಎಷ್ಟು ಸಮಯ ಇದ್ದೆ ಎಂಬುದರ ಬಗ್ಗೆ ಅಲ್ಲ; ಅದಕ್ಕಿಂತ ಹೆಚ್ಚಾಗಿ ಇಷ್ಟು ದೊಡ್ಡ ಪ್ರಾಜೆಕ್ಟ್ ನ ಭಾಗವಾಗಿರೋದಕ್ಕೆ ಖುಷಿ ತಂದಿದೆ,. ಮತ್ತು ನಾನು ಅಲ್ಲಿ ನನ್ನನ್ನು ನೋಡಿದಾಗ, ಆ ಕೆಲವು ಕ್ಷಣಗಳಿಗೂ ಸಹ, ನನಗೆ ಹೆಮ್ಮೆ ಅನಿಸಿತು. ಪ್ರಯಾಣ, ಕೆಲಸ, ಇಲ್ಲಿಗೆ ತಲುಪಲು ತೆಗೆದುಕೊಂಡ ಎಲ್ಲದರ ಬಗ್ಗೆ ಹೆಮ್ಮೆ ಇದೆ.
ಚಿತ್ರ ಏನೆಲ್ಲಾ ಕಲಿಸಿದೆ?
ಈ ಚಿತ್ರ ನನಗೆ ಬಹಳಷ್ಟು ಕಲಿಸಿತು. ದೊಡ್ಡ ಬಜೆಟ್ ಸಿನಿಮಾ ಹೇಗೆ ಕಾರ್ಯನಿರ್ವಹಿಸುತ್ತದೆ, ಶಿಸ್ತು, ಅಳತೆ, ಅದರಲ್ಲಿರುವ ಉತ್ಸಾಹವನ್ನು ಇದು ನನಗೆ ತೋರಿಸಿತು. ಎಲ್ಲಕ್ಕಿಂತ ಹೆಚ್ಚಾಗಿ, ಇದು ನನಗೆ ದೃಢನಿಶ್ಚಯ ಮತ್ತು ಕೃತಜ್ಞರಾಗಿರಲು ನೆನಪಿಸಿತು.
ನಿರ್ದೇಶಕರಿಗೆ ಧನ್ಯವಾದಗಳು
ನಾನು ಭಾವುಕಳಾಗಿದ್ದೇನೆ. ತುಂಬಾನೆ ಭಾವುಕಳಾಗಿದ್ದೇನೆ. ಅಂತಹ ಅದ್ಭುತ ತಂಡದೊಂದಿಗೆ ಕೆಲಸ ಮಾಡಿದ್ದಕ್ಕಾಗಿ ನಾನು ಕೃತಜ್ಞನಾಗಿದ್ದೇನೆ. ನಿಮ್ಮ ದೃಷ್ಟಿಕೋನಕ್ಕೆ ಜೀವ ತುಂಬಿದ ಬಣ್ಣಗಳಲ್ಲಿ ಒಂದಾದ ನಿಮ್ಮ ಕ್ಯಾನ್ವಾಸ್ನ ಭಾಗವಾಗಿರುವುದಕ್ಕೆ ಗೌತಮ್ ನಾಯ್ಡು ಅವರಿಗೆ ತುಂಬಾ ಥ್ಯಾಂಕ್ಸ್. . ಧನ್ಯವಾದಗಳು ನಿರ್ದೇಶಕರೇ.
ವಿಜಯ್ ದೇವರಕೊಂಡ ಕುರಿತು ನಟಿ ಹೇಳಿದ್ದೇನು?
ವಿಜಯ್ ದೇವರಕೊಂಡ ಸತ್ಯದೇವ್ ಅವರಂತಹ ದೊಡ್ಡ ನಟರು ದಯೆ ತೋರಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮಿಬ್ಬರಿಗೂ ಹೆಚ್ಚಿನ ಶಕ್ತಿ ನೀಡಲಿ. ಎಲ್ಲರಿಗೂ ಧನ್ಯವಾದಗಳು . ಈ ಅವಕಾಶಕ್ಕಾಗಿ ಧನ್ಯವಾದಗಳು ಯೂನಿವರ್ಸ್ ಎಂದು ಬರೆದುಕೊಂಡಿದ್ದಾರೆ ಭೂಮಿ ಶೆಟ್ಟಿ.
ಅಭಿನಂದಿಸಿದ ನಟರು
ಭೂಮಿ ಶೆಟ್ಟಿಯ ಪೋಸ್ಟ್ ನೋಡಿ, ಸಂಗೀತ ನಿರ್ದೇಶಕ ವಾಸುಕಿ ವೈಭವ್ (Vasuki Vaibhav), ನಟಿ ಚಂದನ ಅನಂತಕೃಷ್ಣ, ಚೈತ್ರಾ ವಾಸುದೇವನ್, ವೈನಿಧಿ, ರೋಶನಿ ಪ್ರಕಾಶ್, ಸೇರಿ ಹಲವು ನಟ ನಟಿಯರು ಶುಭ ಕೋರಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
