Arjun Rampal Birthday: ಅರ್ಜುನ್ ರಾಂಪಾಲ್‌ಗೆ ಸಿನಿಮಾದಲ್ಲಿ ಅವಕಾಶ ಸಿಕ್ಕಿದ್ದು ಹೇಗೆ?
Arjun Rampal Birthday: ಬಾಲಿವುಡ್ ನಟ ಅರ್ಜುನ್ ರಾಂಪಾಲ್ (Arjun Rampal) ಇಂದು 50 ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. 26 ನವೆಂಬರ್ 1972 ರಂದು ಜಬಲ್ಪುರದಲ್ಲಿ ಜನಿಸಿದ ಅರ್ಜುನ್ ರಾಂಪಾಲ್ ಶಿಕ್ಷಣದ ನಂತರ ಮುಂಬೈನಲ್ಲಿ ಮಾಡೆಲ್ ಆಗಿ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಒಳ್ಳೆಯ ಹೈಟ್‌ , ಫಿಟ್‌ನೆಸ್‌ನಿಂದಾಗಿ ಅರ್ಜುನ್ ರಾಂಪಾಲ್ ಅವರ ಮಾಡೆಲಿಂಗ್ ವೃತ್ತಿಜೀವನವು ತುಂಬಾ ಚೆನ್ನಾಗಿತ್ತು, ಈ ಮಾಡೆಲಿಂಗ್‌ನಿಂದಾಗಿ, ಅವರಿಗೆ ಅವರ ಮೊದಲ ಚಲನಚಿತ್ರದ ಆಫರ್ ಬಂದಿತು. ಅರ್ಜುನ್ ರಾಂಪಾಲ್ ಅವರ ಧ್ವನಿಯೂ ತುಂಬಾ ಪವರ್ ಫುಲ್ ಆಗಿದೆ. ಇದೇ ಕಾರಣಕ್ಕೆ ಅವರ ಡೈಲಾಗ್ ಡೆಲಿವರಿ ಕೂಡ ಸಖತ್‌ ಫೇಮಸ್‌. ಅರ್ಜುನ್ ರಾಂಪಾಲ್ ಜೀವನಕ್ಕೆ ಸಂಬಂಧಿಸಿದ ಇಂಟರೆಸ್ಟಿಂಗ್‌ ವಿಷಯಗಳು ಇಲ್ಲಿವೆ.
ಅರ್ಜುನ್ ರಾಂಪಾಲ್ ಮಾಡೆಲ್ ಆಗಲು ಜಬಲ್ಪುರದಿಂದ ಮುಂಬೈಗೆ ಬಂದರು. ಮಾಡೆಲಿಂಗ್ ಕ್ಷೇತ್ರದಲ್ಲಿ ಯಶಸ್ವಿಯಾದ ಅವರು, ಹಲವು ಶೋಗಳ ಮೂಲಕ ತಮ್ಮ ಕೈಚಳಕ ತೋರಿಸಿದ್ದರು.
ಅರ್ಜುನ್ ರಾಂಪಾಲ್ ಅವರನ್ನು ಬಿ-ಟೌನ್‌ನಲ್ಲಿ ನಡೆದ ಪಾರ್ಟಿಯಲ್ಲಿ ಪ್ರಸಿದ್ಧ ಫ್ಯಾಷನ್ ಡಿಸೈನರ್ ರೋಹಿತ್ ಬಾಲ್ ಕಣ್ಣಿಗೆ ಬಿದ್ದರು. ಅವರ ಲುಕ್‌ ಮತ್ತು ನಿಲುವು ನೋಡಿ, ರೋಹಿತ್ ಬಾಲ್ ಅವರು ವೃತ್ತಿಜೀವನದಲ್ಲಿ ರಾಂಪಾಲ್ ಅವರಿಗೆ ಸಾಕಷ್ಟು ಸಹಾಯ ಮಾಡಿದರು.
ರೋಹಿತ್ ಬಾಲ್ ಅವರು ಅರ್ಜುನ್ ರಾಂಪಾಲ್ ಅವರನ್ನು ಮಾಡೆಲಿಂಗ್ ಉದ್ಯಮಕ್ಕೆ ಮತ್ತು ಮನರಂಜನೆಯ ಜಗತ್ತಿಗೆ ಪರಿಚಯಿಸಿದರು. ಇನ್ನೊಂದೆಡೆ ಅರ್ಜುನ್ ಚಿತ್ರರಂಗದಲ್ಲಿ ಸಿಕ್ಕ ಅವಕಾಶಗಳನ್ನೇ ಬಂಡವಾಳ ಮಾಡಿಕೊಂಡರು.
ಅರ್ಜುನ್ ರಾಂಪಾಲ್ ಅವರು 2001 ರಲ್ಲಿ 'ಪ್ಯಾರ್ ಇಷ್ಕ್ ಔರ್ ಮೊಹಬ್ಬತ್' ನಲ್ಲಿ ಚೊಚ್ಚಲ ಅವಕಾಶವನ್ನು ಪಡೆದರು, ಅವರು ಮೊದಲ ಚಲನಚಿತ್ರದಲ್ಲಿನ ಅತ್ಯುತ್ತಮ ನಟನೆಗೆ ಆ ವರ್ಷದ ಅನೇಕ ಚೊಚ್ಚಲ ಪ್ರಶಸ್ತಿಗಳನ್ನು ಪಡೆದರು.
ನಂತರ ಅರ್ಜುನ್ ರಾಂಪಾಲ್ ಮೋಕ್ಷ ಮತ್ತು ದೀವಾನಪನ್ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಅವರು ಅಮಿತಾಬ್ ಬಚ್ಚನ್ ಮತ್ತು ಅಕ್ಷಯ್ ಕುಮಾರ್ ಅವರೊಂದಿಗೆ 'ಆಂಖೇನ್' ಚಿತ್ರದಲ್ಲಿ ಕಾಣಿಸಿಕೊಂಡರು.
ಅರ್ಜುನ್ ರಾಂಪಾಲ್ ಬಾಲಿವುಡ್ ಪ್ರವೇಶಿಸುವ ಮೊದಲೇ ಮಾಡೆಲ್ ಮೆಹರ್ ಜೆಸಿಯಾ ಅವರನ್ನು 1998ರಲ್ಲಿ ವಿವಾಹವಾದರು. ಮೆಹರ್ ಮಿಸ್ ಇಂಡಿಯಾ ಕೂಡ ಆಗಿದ್ದರು. ಸುಮಾರು 20 ವರ್ಷಗಳ ನಂತರ ಮೆಹರ್ ಮತ್ತು ಅರ್ಜುನ್ ವಿಚ್ಛೇದನ ಪಡೆದರು.
ಇದಾದ ನಂತರ ಅರ್ಜುನ್ ರಾಮ್‌ಪಾಲ್ ದಕ್ಷಿಣ ಆಫ್ರಿಕಾದ ಮಾಡೆಲ್ ಗೇಬ್ರಿಯೆಲಾ ಡಿಮೆಟ್ರಿಡೆಸ್ ಅವರ ಸಂಪರ್ಕಕ್ಕೆ ಬಂದರು, ಇಬ್ಬರೂ ಒಟ್ಟಿಗೆ ವಾಸಿಸಲು ನಿರ್ಧರಿಸಿದರು, ಈ ಸಮಯದಲ್ಲಿ ಗೇಬ್ರಿಯೆಲಾ ಅರ್ಜುನ್‌ನ ಮಗು ಎರಿಕ್‌ಗೆ ಜನ್ಮ ನೀಡಿದರು.ಹೀಗಾಗಿ ರಾಂಪಾಲ್ ಮದುವೆಯಾಗದೆ ಮಗುವನ್ನು ಹೊಂದಿದ್ದರು.
